教育王國
標題: 第一次英文小測....派咗卷... [打印本頁]
作者: celiamum 時間: 12-10-12 13:57 標題: 第一次英文小測....派咗卷...
昨天剛巧有飯局，唔係屋企....個女放學返到屋企..whatsapp 我...話每個人都有機會犯錯...請我原諒佢....見到呢段MSG..但未及有反應...佢就打電話比我....自動報案....
原本係...昨日派咗兩份英文小測....每份總分25分...佢話一份係13/25， 咁我就答佢...唔緊要啦...最緊要知自己邊方面唔係幾得..再下一下苦功啦.....仲有進步空間......跟著...佢再講第二份卷係21/25....咁我又話...幾好呀...繼續努力..
直到今早...佢自己再提到有關的英文小測...全班有25/36 fail... 自己係中間位置.....唔係最叻..又唔係最差.....感覺幾好 ^^
最後...我提醒佢.....不要有太大壓力....唔好諗住要考到點好點好.....只記著要認真努力...便可以了...
作者: hw1115 時間: 12-10-12 14:18
我地班都有22人/36 唔合格. 最高分都係29/40.
作者: like_travel 時間: 12-10-13 10:01
本帖最後由 like_travel 於 12-10-13 10:03 編輯
我女只係話比我聽佢全班第二高分, 老師唔講有幾多人唔合格, 只係講最叻三位同學係邊幾個, 仲有小禮物比呢3位同學. 我女簡左一支好LADY 既女仔原子筆....我就奇怪佢地學校仲係好似小學咁既獎勵模式....
請問你地小朋友係咪都係咁既獎勵模式 ?
作者: Meikin 時間: 12-10-13 12:25
本帖最後由 Meikin 於 12-10-13 12:26 編輯
回復 like_travel 的帖子
我個仔間中學(男校), 中文默書100分, 在默書簿面會有貼紙, 重係好cute嗰種, 有時有閃色, 有幾次重有會動的眼仔貼仔, 中一時我見到已經看傻了眼, 今年中二另一位老師的s做法也是如此, 只能說這是年青新一代的老師的style.
作者: 杰杰媽媽 時間: 12-10-13 19:00 標題: 回覆：第一次英文小測....派咗卷...
我仔學校仲好似小學咁默書岩晒儲貼紙，我見我仔幾本簿貼左好多貼紙，佢話儲黎換野。我先知佢地老師仲攪呢科
作者: 杰杰媽媽 時間: 12-10-13 19:03 標題: 回覆：第一次英文小測....派咗卷...
仲要係幾科都係（中,英，IS) 我仲講笑咁同我仔講，你地 D 老師咪要買好多貼紙先得。
作者: Meikin 時間: 12-10-13 20:41
曾經有位老師親戚同我講, 同以前我們那代相比較, 而家D小學生是幼稚園化, 中學生是小學化, 大學生是中學生化.....
而家做老師上堂都要攪吓氣氛, 學生成績好送吓貼紙/小禮物氹吓佢哋, 唔嚴D學生又唔聽話, 太嚴D學生又唔like, 都唔易做.
作者: hw1115 時間: 12-10-13 21:40 標題: 回覆：Meikin 的帖子
係呀!我啲老師親戚又係經常一大袋咁買返來架!仲要專登揾啲學生仲意既小禮物添。
作者: 杰杰媽媽 時間: 12-10-13 22:48
冇計啦.年代唔同,宜家既父母都唔可以只做父母既角色,仲要做埋朋友既角色,咁又點少得老師呢?
作者: like_travel 時間: 12-10-13 23:50
本帖最後由 like_travel 於 12-10-13 23:56 編輯
like_travel 發表於 12-10-13 10:01 
我女只係話比我聽佢全班第二高分, 老師唔講有幾多人唔合格, 只係講最叻三位同學係邊幾個, 仲有小禮物比呢3 ...
好開心向EK 有咁多家長同我分享 
, 我真係小毛見大毛, 仲以為我女學校用呢D方法獎勵有問題, 原來咁多間中學都係用類似既型式.... 真係世界唔同嘞 ! 以前我地既年代讀書叻係應份既, 唔合格既同學會被老師眼厲厲 (惡個D會用惡毒既眼神厲住您), 讀得叻最多讚兩句, 有鬼禮物送比您..... 而家呢個年代又獎學金, 又書劵, 又小禮物....中學都好似小學甚至幼稚園咁treat 您.......又唔怪得80後出來社會做事一年....儲唔夠錢買樓要投訴政府囉 (此乃2年前既社評真實個案).
我眼見公司d 香港80後好多都係自我中軸為主, 咩都係要世界圍住自己轉.... 
今晚講多左....如有得罪請多多包涵 
作者: lauerica 時間: 12-10-14 00:14
like_travel 發表於 12-10-13 10:01
我女只係話比我聽佢全班第二高分, 老師唔講有幾多人唔合格, 只係講最叻三位同學係邊幾個, 仲有小禮物比呢3 ...
作者: like_travel 時間: 12-10-14 00:29
本帖最後由 like_travel 於 12-10-14 00:32 編輯
回復 lauerica 的帖子
叻咩鬼, 你個間都唔收佢....... 
..... 我女呢間不過是同學水平參次而已.....
ops:" />ops:" />
人家發力好快又追上來.....好似當年小一小二.....
作者: 瑄婷 時間: 12-10-14 08:16 標題: 引用：+本帖最後由+like_travel+於+12-10-13+10:0
原帖由 like_travel 於 12-10-13 發表
本帖最後由 like_travel 於 12-10-13 10:03 編輯
我女只係話比我聽佢全班第二高分, 老師唔講有幾多人唔 ...
作者: Meikin 時間: 12-10-14 13:50
回復 瑄婷 的帖子
這一代孩子都在温室長大, 所以好多一出來社會做事, 好多份工都做唔長, 嫌辛苦, 嫌福利唔好/人工唔多唔夠自己洗, 但又唔睇吓自己付出幾多. 公司人事部近幾年都好難請人, 佢哋話好難選得落手, 到請到比較好的人, 那人又可能做唔長.
作者: like_travel 時間: 12-10-14 15:36
本帖最後由 like_travel 於 12-10-14 15:41 編輯
杰杰媽媽 , 你咁早有個升中既仔, 好後生就可以享福了, 恭喜恭喜 ~
當然不是每個80後都係咁. 只不過有一小部份係......
在此借小小位分享吓我公司一位80後表表者, 呢位小姐畢業後做左一年supporting 文職, 之後出國work life去左全職摘生果一年, 回港就入來我公司做番supporting 文職, 5個月後開始投訴,1年後投訴話自己under pay 要升職及加人工...話自己對公司點付出云云..... 呢位真係表表者...
作者: 杰杰媽媽 時間: 12-10-14 19:53
哦,佢可能用左外國個套黎睇佢份工,我出返黎做野5年,都仲係得幾千蚊人工,咪唯有繼續努力lor, 鬼叫自己冇degree咩.
宜家個社會係最少有個degree+年資+勤力先會有高D人工,好正常
作者: Meikin 時間: 12-10-15 09:04
回復 杰杰媽媽 的帖子
杰杰媽媽, 我都覺得你好叻, 咁後生個仔已經升中, 讀書重自動自覺, 按此進度, 最多過多十年, 等杰杰讀完大學, 做阿媽架都可以修成正果, 享受吓人生了.
在我批同學中, 我讀完大學兩年就結婚生仔, 都算早嗰一批, 眼見有些同齡同學而家才生又或仔女才升小學, 佢哋個階段我已經捱完, 而家大仔升中後, 好多野自己pickup, 我晚上只用應付細仔, 真的鬆咗好多, 我都好憧憬3-5年後的日子, 可以重拾自己的興趣.
作者: Meikin 時間: 12-10-15 09:15
我而家都開始要求阿仔即使在家, 若做功課/温習/問父母功課時要態度認真, 唔好戴著耳機聽音樂, 一邊攤在椅上, 一邊做功課/温書, 父母教佢/問佢時最少要坐好, 及俾D反應, 起碼show some repsect, 唔好什麼都以為冇所謂.........我怕佢哋在家已養成這個"自我"style, 第時出社會做事就碰壁了.
作者: like_travel 時間: 12-10-15 13:19
Meikin 發表於 12-10-15 09:15
我而家都開始要求阿仔即使在家, 若做功課/温習/問父母功課時要態度認真, 唔好戴著耳機聽音樂, 一邊攤在椅上 ...
作者: celiamum 時間: 12-10-15 13:53
回復 celiamum 的帖子
昨日... 比咗份小測卷個補習姐姐睇下....等佢知道個女今次測成點...同埋有咩地方可以改善或加強....
誰不知...個姐姐一睇份卷......就話份卷都幾深 (大小姐分數: 13/25)...果D野...係佢以前S.2 / S. 3 先學嘅....另一份 (大小姐分數: 21/25)..當中有D生字...係姐姐S.5 先學嘅....例如: optimistic (樂觀) pessimistic(悲觀)
個女學校教D野真的是比較深嗎?
作者: Meikin 時間: 12-10-15 13:54
回復 like_travel 的帖子
我都係近一年開始要理吓佢哋在家的做事態度, 畢竟已是初中生, 唔再是小學BB了.
最初阿仔都是愛理不理的態度, 但當佢發覺阿媽是堅持佢要咁做, 我鬧/講/勸一次唔得, 就會有二次三次......一年兩年三年......直至佢做到為止, 佢就慢慢開始就範少少了. 當然我話佢之餘亦俾佢清楚知道背後的原因和道理, 否則佢只會當阿媽心情唔好揾野嚟鬧而已.
你不妨也堅持吓, 又或平日閒談時提吓佢要咁做, 相信日久會漸見成果, 話晒女仔聽教入心D. (我都好恨有個女!)
作者: Meikin 時間: 12-10-15 13:59
本帖最後由 Meikin 於 12-10-15 14:04 編輯
回復 celiamum 的帖子
如果測驗前D生字俾咗佢, 佢有得温, 咁都唔算深.
但如果事前沒有俾, 而測驗要寫的, 那就真係唔係人人識啦.
但實際好難單以識串哪些英文字來作比較. 上咗中學, 基本上好多科, 如science, history, geography, religious studies全部是英文, 温書不單要明, 重要記好多英文生字, 否則點答試卷內的short questions / long questions呀, 答啱晒但串錯字/寫錯字都沒分呢.
作者: celiamum 時間: 12-10-15 14:09
回復 Meikin 的帖子
應該係無範圍可以溫嘅....第一份卷...係poem.....睇完...答有關問題咁啦.... 另一份...好似字語運用咁啦.... 有一堆生字...但好多都好相似咁...有D可能都未見過tim...
作者: Meikin 時間: 12-10-15 14:55
本帖最後由 Meikin 於 12-10-15 14:59 編輯
回復 celiamum 的帖子
你個女算叻. smart girl 
嗰兩個英文字阿仔雖然小六都有學過, 但而家在冇得温的情況下, 叫佢串出來一定串錯.
作者: celiamum 時間: 12-10-17 17:15
剛收到小姐whatsapp...今日派咗IH (Integrated Humanities) 小測卷...26/52 (24分合格)...言詞間.. Feel 到佢唔開心同擔心下星期的正式測驗....
其實我真係唔太在意佢有咩分數...
我只擔心佢太大壓力....
我回佢whatsapp...唔緊要...知道有咩問題...有咩唔明...仲有時間呀...可以再問下同學或老師啦....再唔係...今次都係升中第一次測驗...唔使緊張...慢慢來...今次掌握唔到...未繼續努力...為下次作好準備 lor....事情總會過的...
support u
love u
| 歡迎光臨 教育王國 (/) |
Powered by Discuz! X1.5 |