教育王國

標題: York K1 有幾多班? [打印本頁]

作者: muffy 時間: 12-10-12 13:13 標題: York K1 有幾多班?

一直都知佢有國際斑同local班, 但係今年見到有人收左叫"monterssori部雙語班", 其實佢有幾多班?

作者: 阿早! 時間: 12-10-12 15:29

據聞國際收左15班，中英13班。
MONTERSSORI雙語班由N班升上，上次BRIEFING係咁講。

作者: muffy 時間: 12-10-12 16:07

聽人鍾意York都係因為佢英文好, 但如果係中英文班, 一日得25MINS英文, 咁仲有咩好處令大家去讀呢?

作者: 阿早! 時間: 12-10-12 20:15

本帖最後由阿早! 於 12-10-12 20:16 編輯

有D家長喜歡YORK安排好課外活動，考國際英文普通話試，幫助考小一，唔駛佢地四圍搵。但羊毛出自羊身上，所有活動考試另計

純個人感覺，好多人都話YORK英文好，但上次BRIEFING佢地學生考劍橋平均都係得11.x盾（滿分15盾），又唔覺真係好標青。我朋友個仔無上呢D COURSE，學校中數為主，佢去考都有14盾（考完出來立即講埋比佢亞媽知串錯一個字）。當然可能佢叻仔好好彩，但亦都可以反思唔一定讀呢間英文先好，又或者讀呢間英文唔係人人都叻。

作者: yslgirl 時間: 12-10-13 12:30

11個盾的確成績好一般, 不過唔知你比較緊是否同一個level及差不多年紀去考呢? 我個囡今年讀york n1, 明顯講多了英文句子, 不過佢不嬲在家也和姐姐用英語溝通

作者: 阿早! 時間: 12-10-15 00:04

yslgirl 發表於 12-10-13 12:30
11個盾的確成績好一般, 不過唔知你比較緊是否同一個level及差不多年紀去考呢? 我個囡今年讀york n1, 明顯 ...

都是K2去考STARTER。我不是說YORK英文不好，只是覺得有點被人神化了，認為入了YORK英文一定會好好，感覺就好像好多家長以為入了ST CAT就會派到名小一樣。

作者: XYZABC 時間: 12-10-15 13:00

學校係唔係要帶D學生去深圳考, 之前有新聞話學校租船出公海洗禮係咪真呀?

歡迎光臨教育王國 (/)