教育王國
標題: 小狀x教室的惡行 [打印本頁]
作者: chuchu99 時間: 12-10-12 10:57 標題: 小狀x教室的惡行
本人是為昨晚小狀x的槍手開左個post讚Amy and fion 老師令他仔仔有英華second interview，又話家長屈佢地打小朋友 ,然後給很多受害過的家長出來話她們說謊，但她們今日見很多家長數教室的惡行，竟然delete 左個post,相信她們是怕很多家長知道她們的惡行，本人小孩也是其教室的學生，實在太看不過眼，要出聲！
初上佢地小一面試班都覺得幾好，小孩放學後都覺得佢學到野，只係2位老師會間中比說話d家長聽，但去到暑假，一班由6人變到12人，有時更多，試過一班有16人，小孩告訴我上堂有時只坐係到，無野做！暑假佢地一定要家長一次過交學費到十月才可繼續上堂，暑假係準備面試的最後沖次，所以很多家長都會交，包括本人在內，但交完全部學費後，Amy and fion既態度180度大轉，常常罵家長，每班人數激增，問佢地孩子的情況，有咩要改善，通通都答廢話，問多2句就話佢地有好多學生等緊上堂，唔可以講！Amy and fion 成日都好怕家長拿了她們的教材，所以上堂沒有notes,功課做完不會派番，但又叫家長回家溫習，咩都無，點溫，我見過有家長抄等內容，比佢地當眾話！其實每位家長都係緊張自己小朋友的面試，為何要罵人！
我朋友的小孩早2日被她們mum耳朵，耳朵紅曬，小孩回家時哭，朋友細問之下，先知個仔比fion 打，雖然朋友的兒子有錯，但也不可以打別人的兒子，打電話跟她理論，fion話自己個一刻太緊張，話退回10月份學費作此罷了，太過份！本人需已交了學費，但已經很久沒去上堂，因小孩告訴我不喜歡個教室及Amy and fion!
其實本人在bk從來只是觀看post,很小留言，今次真的很替受害家長抱不平！
如果她們不是咁衰今朝delete左個post,我也沒有打算再開post話佢地，佢地實在太過份！
如打算找面試班或報此教室的家長，自己想清楚先！
如有受害家長，請發言，不要讓這些無良教室繼續搵我地班家長錢！
補充：昨晚有位家長話佢地唔比孩子去厠所，所以孩子在課室瀨尿，我今朝問我孩子，孩子說Amy And fion話小課時不可以去厠所，我孩子也見過有同學仔瀨尿！太過份的教室！
作者: Hk168 時間: 12-10-12 11:15 標題: 回覆：chuchu99 的帖子
此等教室真狗流，我曾經都險些被它的槍手推薦入讀，不知所謂，多謝妳嘅正義
作者: kimWan 時間: 12-10-12 11:29
多謝你的信息，我剛打算報讀，真好彩看到這留言！
作者: 悠揚 時間: 12-10-12 11:32
可能呢個post 好快會被河蟹, 快d clip 起佢先.
作者: JoJo 時間: 12-10-12 11:51
本帖最後由 JoJo 於 12-10-12 11:56 編輯
chuchu99 發表於 12-10-12 10:57 
本人是為昨晚小狀x的槍手開左個post讚Amy and fion 老師令他仔仔有英華second interview，又話家長屈佢地打 ...
你好.
有關你提及的 topic. 因有宣傳成份, 已給版主移走, 同時該名會員已收了警告牌
謝謝你的分享
作者: JoJo 時間: 12-10-12 11:55
本帖最後由 JoJo 於 12-10-12 11:56 編輯
悠揚 發表於 12-10-12 11:32
可能呢個post 好快會被河蟹, 快d clip 起佢先.
相信家長眼睛是說亮的. 何以說會被河蟹?
作者: clara1477 時間: 12-10-12 11:58 標題: 回覆：小狀x教室的惡行
呢間咁既無良教室，希望各位家長報名時小心D。多D了解咋小朋友上課後的情況。我估多數所謂面試班老師真係只係為$，而並非有愛心教小朋友。比$比人'蝦' 自己小朋友，多心痛。
其實我都有比小朋友讀過呢D所謂既小一面試班，吾夠三個月就冇讀。因我吾覺得佢地教到D乜野，後來返而我認為(禮貌，舉止，行為，常識）係應該由家長佩合學校而慢慢養成或累積而獲得。身教就好像播種一樣，絕不能一星期一次就得。經驗老師，小一面試時一睇，一問就知。
作者: cookiegg 時間: 12-10-12 12:18
好在未幫亞女報
作者: JoJo 時間: 12-10-12 12:21
本帖最後由 JoJo 於 12-10-12 12:23 編輯
回復 悠揚 的帖子
悠揚 不是說家長呀, 即是話可能好快ek 會收信話有人毀謗, 要delete 個post 呀
嗯. 這個說得對. 
作者: polarbearlee 時間: 12-10-12 12:27
作者: Babemama 時間: 12-10-12 12:46
其實佢地咁對小朋友太過分，可以報警嗎？
作者: helenli 時間: 12-10-12 12:59 標題: 回覆：Babemama 的帖子
打小朋友，不論什麼原因，大力細力，有無傷痕，都足以構成傷人罪，對方更承認曾打小朋友的耳朵，警方一定受理，應當報警！
作者: helenli 時間: 12-10-12 13:02 標題: 回覆：helenli 的帖子
佢退還學費想息事寧人，樓主其實不應接受，應先報警，如警方建議和解，你應要求她們書面道歉，咁就有證有據證明佢做過！
作者: luilui007 時間: 12-10-12 13:06 標題: 回覆：Babemama 的帖子
我女兒之前都有讀個上年年尾，報左兩至三個月的小一面試班，我之後停哂因為我覺得這些都是靠父母平日教好比一星期一堂，但她們兩位老師我也認為ok! 此校亦是我同事介紹，我同事話面臨面試日期，人也很多，這方面我認為要改善一下! 另外，學費果度，我同事知道她們要比哂先同埋面試月都要比埋學費，不過我認為冇問題，因為大家一早已知，願買願賣冇問題的，如不願意一早可表態唔join。
再者，我有小女我也不會比佢去面試班，都係那句，靠平日父母教多個面試班教好，我有朋友小女讀一線幼稚園有參加面試班，報左好多間只有一間二線收，有朋友讀一線尾幼稚園，不過好多一缐收佢，所以不能作準。
本人冇意對此面試班有任何意見，只是我對有関面試班的感覺
作者: matchy 時間: 12-10-12 13:18 標題: 回覆：小狀x教室的惡行
這間學校最不合理的地方就是要求家長繳交九月及十月的學費，這全是為了錢不是為了小朋友的！
作者: chunyatmama 時間: 12-10-12 13:18
本帖最後由 chunyatmama 於 12-10-12 13:20 編輯
I know the subject kid and I believe his parents as well. All the stories mentioned above are true. So, parents shall consider seriously before enrolling their course.
Again, if you kid is fine and with disclipine, any learning centre will be good. Yet, if you kid need special care and cannot follow rules, this centre may not be a suitable one for your kid.
作者: BB成長期 時間: 12-10-12 13:22
提示: 作者被禁止或刪除 內容自動屏蔽
作者: sze8 時間: 12-10-12 14:18
請問在那裏?是否九龍同天后都有centre個間?
Thx
作者: matchy 時間: 12-10-12 14:20 標題: 回覆：小狀x教室的惡行
MK, only one centre!
作者: 霖霖B媽咪 時間: 12-10-12 14:25
本帖最後由 霖霖B媽咪 於 12-10-12 14:28 編輯
睇到個topic 好surprise !!! 我自己小朋友係度讀了四年多. 而長女都有年多時間跟佢地上堂, 佢地要求係每次交10堂學費, 大約2.5個月. 由於細仔由細到大都係跟佢地, 除左成績中規中舉之外, 兩位老師都好樂意分享育兒心德同小朋友既學習情況.
至於你地所講既上堂人數, 及唔派反工作紙, 我本人唔覺太大問題, 因為亞仔話上堂老師會講返錯左d乜. 佢地唔派既原因, 我估計係版權問題卦.. (我不太了解).
至於上堂中途去洗手間問題, 亞仔話老師要求上堂前去洗手間, 避免影響上堂秩序同埋有d小朋友係人去佢去, 個個去去下就上堂15分鐘就冇左. 佢地教室不大, 如果遇上奀皮既同學,都有d難攪.
至於面試班, 我大女同細仔都有上過. 個人覺得係比個 tips 家長同小朋友去practices, 冇必勝把握, 因為面試既野, 真係有好多因素會影響. 單靠面試班, 我相信不能成事.
我沒機會睇到昨日既post, 不過我只係講返我自己小朋友係度讀左四年多既所見所聞. 我本身就由於家庭安排問題, 八月開始至暫停左.
anyway, 希望我既分享, 比多一個角度去比大家分析依個post !
作者: yester_red 時間: 12-10-12 14:51
我小朋友都上過佢嘅面試班,完全無料到,嘥錢嘥時間.....................
作者: myfanwy 時間: 12-10-12 15:23 標題: 回覆：小狀x教室的惡行
Do you refer the one at Mongkok?
作者: matchy 時間: 12-10-12 15:26 標題: 回覆：小狀x教室的惡行
同埋一班太多學生，老師冇時間分配比每一位小朋友。你哋有冇發現每一次係d名校面試門口佢哋都會派傳單招生呢？佢地一班已經很多學生，點解仲繼續招生呢？
作者: mimics218 時間: 12-10-12 15:26
提示: 作者被禁止或刪除 內容自動屏蔽
作者: matchy 時間: 12-10-12 15:33 標題: 回覆：小狀x教室的惡行
其實我覺得錢都唔係最大問題，最緊要係有耐心教啲小朋友。佢地係暑假又特別攪一d專班為名校面試，超貴！真係有啲為左賺錢成份！
作者: SY_Joanne 時間: 12-10-12 16:31 標題: 回覆：小狀x教室的惡行
之前都有唸住報佢哋啲課程，好在冇報到! 宜家揀課程真係要有口俾先得!
作者: Irismammy 時間: 12-10-12 16:46 標題: 引用：本人是為昨晚小狀x的槍手開左個post讚Amy+a
原帖由 chuchu99 於 12-10-12 發表
本人是為昨晚小狀x的槍手開左個post讚Amy and fion 老師令他仔仔有英華second interview，又話家長屈佢地打 ...
作者: chuchu99 時間: 12-10-12 17:12 標題: 回覆：Irismammy 的帖子
昨日的post我不是樓主，我只是見到個post而又見有很多家長反映自己也有bad ecoeriemce在這間教室，而今天個個post被版主cancel,因版主己解釋佢地有賣廣告成分，所以已刪除，如果昨日的post不是小x元教室的槍手，係大家家長在平台分享心聲，又怎會被版主delete!
我發言只希望家長們不要被這倆位老師呃！其實很多家長都願意付出金錢和時間給小朋友上面試班，因為大家都希望對孩子面試有幫助！但佢地給予這些服務真的很差！
作者: chuchu99 時間: 12-10-12 17:14 標題: 回覆：chuchu99 的帖子
上段打錯字
Bad experience
作者: 喵媽 時間: 12-10-12 17:22
個人覺得, d課程要一次過交好多堂/月既, 一定唔係太好...好既班, 排住隊讀, 駛咩要人一次過比咁多驚死人唔讀呀...
作者: kc_united 時間: 12-10-12 18:51 標題: 回覆：小狀x教室的惡行
好彩當時我無報。
作者: bbforever 時間: 12-10-12 21:01
我問返小兒去廁所的事，他說可以去但要 one by one 咁去。
至於人數方面邁向暑假真的很多人，超過十人，學唔學到野，我想都有D既，但要付$2XX一堂，未免太過
所以中途我都唔讀嗱！現在有人問我面試班，我都說有無需要呢？
作者: cysw312 時間: 12-10-12 21:58
回復 chuchu99 的帖子
忍唔位要發表吥，真的後悔報咗，一班超多人，初頭問老師小朋友表現如何？佢每次幾乎答案一樣，〇K十唔錯。我開始懷疑佢有冇留意我小朋友的表現，太多人佢未必記得邊個打邊個。我小朋友話佢哋上堂成日講電話根本學唔嘢。真係浪費我們金錢及寶貴的時間。大果個之前在維X上面試班感覺麻麻，不過起碼態度友善。小狀X態度差問多句都趕你走，跟住，又一大堆小朋友接住上學，後期冇心機上堂及問佢嘢。
作者: chrischeung 時間: 12-10-12 22:47
可以PM我個地址嗎??以後見到都走
吾好比佢坤
作者: c4ceci 時間: 12-10-12 23:39 標題: 回覆：chuchu99 的帖子
你個post好呀!
作者: siemens 時間: 12-10-14 23:09 標題: 回覆：小狀x教室的惡行
絕對同意樓主說小x元的惡行。我個囡上完堂回家講話：裏面好似遊樂場咁亂。Fion £ Amy 老師好惡鬧人
有次，上課前我囡囡好驚咁話帶左我去廁所先，佢話老師唔俾小朋友去廁所，見過有位同學在課室賴尿。當時我跟Fion老師求証，Fion 老師否認。我心唸無理由我個囡識作野作得咁有羅巡！唔俾小朋友去廁所怕麻煩，不夠人手，好小事啫，我會理解。但為人師表，在學生面前，公言說謊！就好大問題了。我仲俾個囡你教？？？讀了三個月我便退學了
作者: irischowys 時間: 12-10-14 23:48 標題: 回覆：小狀x教室的惡行
我女上年由五月至十月都在那裡上面試班，我預了給$，所以沒計較一次過比的問題。每次課後Amy也有講下，我很用心聽及返家也抄下資料，真的積極溫習，因為比我預計的還要深和難。當然真正面試時沒出最深的思維題目，多讀了沒蝕底。暑期的確人多，當然不是每條問題個個有份答，但我女每次滙報情況，所以重點我很清楚，下課後我會問多一兩句，他們也OK。我女沒提及不能上厠所，有人瀨尿，但見過Amy瞓著，暑期裡面仲有D廿幾歲姐姐幫手。平時態度Ok，未見過罵家長。點解一年後變成咁?
作者: siemens 時間: 12-10-15 00:33 標題: 回覆：yester_red 的帖子
深深感受：貼錢買難受！
面試班，都是捉家長怕執輸的心態。經過一大輪面試后，多是考小孩反應•學術。上面試班d野咁深，未必有用。不如用面試班的時間 ，多親子，身教還要好。仲話個仔俾老師打？？完全係「貼錢買難受」
個人的看法。不喜勿插
作者: JoJo 時間: 12-10-15 09:42
回復 JoJo 的帖子
該移走的帖 (題目為: 英華. 2nd interview), 第一身開的樓主是作宣傳, 所以整個帖移往待查, 發帖人收了警告牌. 觀看該帖並沒有人在內裡回覆投訴
剛巧樓主發這帖, 我已作解釋了.
作者: 無知-少婦 時間: 12-10-15 09:56 標題: 回覆：siemens 的帖子
我都覺得係貼錢買難受。
聽有媽咪介紹報左8堂暑假班，
本來佢要我一次報16堂，但我堅持報左8堂試下先，A老師的態度好差，問佢嘢答你一兩句耍你走，地方細人又多，起碼10人一班。阿仔每次上完堂都唔開心，報左之後自己都好慚愧，老師態度咁差，怎樣期望她教自己個仔禮貌呢？上左6堂後就放棄了，真係浪費左錢，重搞到自己同個仔難受
作者: bbiloveu 時間: 12-10-15 10:22
其實兩年前我仔仔都上過, 可能當時無現在那麼多學生, 我覺得小朋友都學到野,家長亦可了解到interview既形色, 但學費真係貴, 我地上了兩個course無再上
作者: basic 時間: 12-10-15 10:49 標題: 回覆：無知-少婦 的帖子
地方細，透明度低。小孩在封閉的房間，教乜無人知？等F&A 講哂！採到d 細路一文不值，話d細路好多野唔識，家長要多加留意！嚇怕d家長，報埋專班；F&A 咪收成正果$$$囉！
作者: Q7Max 時間: 12-10-15 11:28
basic 發表於 12-10-15 10:49
地方細，透明度低。小孩在封閉的房間，教乜無人知？等F&A 講哂！採到d 細路一文不值，話d細路好多野唔識， ...
1) 一班可能有十幾二十人，一定唔係A和F老師教，有三個不同女仔輪流教，當小朋友入去時已經有十個小朋友上堂，接著十個小朋友上上吓先走。
2) 家長發現A老師話今天教了什麼什麼，當家長回家問孩子時，孩子說並沒有學，返問父母是什麼？
3) 他們怎知道面試題目，是叫一位小朋友入房，(chock/搖)到個小朋友一定要講出題目，所以佢哋好多資訊都是N年前
作者: Q7Max 時間: 12-10-15 11:42
上年我都上過佢哋温習班一個月，後來想參加面試班，問A&F老師面試班一班多少人?佢哋覆我一個老師教8-10個學生，如果有學生補課可能會多d。我再問一班會唔會超過十人?佢話會有Assistant幫手，總之一位老師教8-10個學生；我望住A&F講:「我想揾你哋教，唔係你Assistant教」，A&F答:「男拔interview都咁多人」
所以最後我無報讀。
作者: helenli 時間: 12-10-15 13:38 標題: 回覆：Q7Max 的帖子
劣評如潮，學唔到嘢，又打人寶貝仔，點解仲咁多人中個頭埋去？ 準備面試非要去呢啲學店嗎？呢個post沉左落去，過一段時間淡忘左，嗰兩個女人又會若無事地揾銀，望子成龍嘅父母每年繼續盲目進貢，佢根本唔怕你喺網上寫臭佢。
作者: giannapoon 時間: 12-10-15 16:42
呢間教室係邊區呀請問？
作者: Q7Max 時間: 12-10-15 17:27
本帖最後由 Q7Max 於 12-10-15 17:28 編輯
helenli 發表於 12-10-15 13:38
劣評如潮，學唔到嘢，又打人寶貝仔，點解仲咁多人中個頭埋去？ 準備面試非要去呢啲學店嗎？呢個post沉左落 ...
我認識班朋友幾年前上過呢間學店，當時學生人數少老師還可以應付。07年之後出生率高，所以上年兩老A&F用最少資源，要有最高成本效益，唯有咁做。其實，無人想寫臭佢。只係想佢兩老引以為鑒，唔好再傷害小朋友。用愛心、耐心、誠實地教導小朋友。
作者: Grace1010 時間: 12-10-16 00:14
一班真係越嚟越多人，我讀咗接近6個月，次次讀完都有briefing，由最初嘅6-7個到依家10幾人，其實真係唔知佢地學到幾多.................
作者: cysw312 時間: 12-10-16 09:20
回復 helenli 的帖子
浪費金錢唔抵，但最重要小朋友同大人浪費時間，留番D時間學其它仲實際。
作者: joyce919 時間: 12-10-16 10:55
irischowys 發表於 12-10-14 23:48
我女上年由五月至十月都在那裡上面試班，我預了給$，所以沒計較一次過比的問題。每次課後Amy也有講下，我很 ...
話上堂有工作紙做，可以去廁所，估唔到今年會....
作者: joyhk 時間: 12-10-16 12:15 標題: 回覆：chuchu99 的帖子
小狀x 的老師行為真是令人憤怒，小孛真是很難考，她令用我們家長求助無援的心態來搵錢，其實家長都知這種課程對考到小學的成功率也有疑問，但我們都希望有一些微幫助也會去做，天下父母心，這是不變的定率，但現時坊間有些補習社，藉著這樣欺騙學生金錢和時間，請問教學的宗旨及熱誠在那裹？今次這間還mum 耳仔，傷害小朋友心靈，真可恥！
還有如果有補習學校要預交多期學費，我就不會報，因為我也是受害者
作者: easybring 時間: 12-10-16 12:22
我覺得入到名校, 小朋友本身, 家庭背景影響較大. 如果基本條件有齊, 小朋友聰明靈活, 只欠應對技巧和禮貌細節或interview心理準備, 呢d班係有幫助的. 如果小朋友本身少說話, 上呢d班一年也未必有用.
作者: SII 時間: 12-11-8 11:05
今日蘋果有相關報導
http://hk.apple.nextmedia.com/news/art/20121108/18060783?ref=fb
作者: kkhon 時間: 12-11-8 13:37
之前呀仔都喺度讀左半年，好彩冇甘情況只係越收越多小朋友成十幾廿人一堂，估吾到依家會變成甘。
作者: rai_fc 時間: 12-11-8 14:48
Well, I can only share my own experience. My son has studied the K1 interview class there and then their K1 tutor class. I think Ms Amy (most of the time, she has been the one talk to me) is a very experienced teacher, she can point out my son strength and the part that need to improve and where I need to pay attention. My son also enjoys going to the class. My son has stopped going since early this month because they can’t offer K2 tutor class on Sat any more. If I am able to reschedule my son timetable later, I will still consider to sign up the K2 tutor class on weekdays. (I need to admit that the place is small and not very transparent as you can’t see the classroom inside).
作者: trus 時間: 12-11-9 01:30 標題: 回覆：rai_fc 的帖子
之前都有個朋友叫我報呢間面試班，話教得好好。好彩我考慮完之後無報到啫，如果唔係就慘啦，我女本身都已經唔夠自信心，如果比佢咁教法，肯定連嗰少少自信都無埋，其實我識好多媽咪都有報啲好貴嘅面試班，一交就成萬蚊，但係咪讀完真係好有用，我又唔覺得真係咁有用，我見無讀嘅，DGS/DBS都有2nd in，反而有讀嘅，唔係個個有2nd in，所以我覺得其實面試班唔需要讀咁耐，報1期比佢知道咩叫面試就好足夠，讀得耐可能會有反效果
作者: elok2009 時間: 12-11-9 02:27
之前已經聽朋友講過
估唔到原來咁多家長都「中招」...
但有個問題想問清楚:
據說教育機構係唔可以「收多於一個月既學費」, 否則違法?
佢地可以收2.5月學費?
作者: firepig 時間: 12-11-9 06:20
但我個小朋友每次上完堂都好開心，而兩老師都好肯同我地分享意見。而佢地可以幫助到我們平時忽略咗之事件，我就覺得幾好喎。但呢個純屬個人意見，給其他人作參考
作者: irischowys 時間: 12-11-9 08:10 標題: 回覆：小狀x教室的惡行
我小女上年也曾參加小一面試班，昨晚也有問她情況，只見過有小朋友被罰自己mun耳仔企埋一邊，其他的沒見過。人數的確多，尤其七，八月，但老師真的有經驗，也肯解答我的疑問。其實有冇用都係睇人，我女只欠奌技巧及經驗，所以上完堂後發揮明顯好了。當然本身吸收力低的不會有突變，家長要眀白。
作者: tomeilam 時間: 12-11-9 12:13
小女也是參加了此面試班, 我也問過小女, 除了罰企專區 (我小女說只會罰大約5分鐘), 其他的事情就没有發生過. 我覺得Amy老師和Fion老師都是一個有經驗的老師, Amy老師是嚴謹一些, 但都是為小朋友出發 ,坦白說有些是工人姐姐或老人家接送就會錯過了她們講解課堂上的內容和小朋友的表現, 所以每次我會親身接送, 瞭解課堂上小女的強和弱, 回家再作練習. 我自己覺得面試班只是給予小朋友一個印象, 其實主要是課後家長得知面試技巧和注意點而作出練習. 如認為可在一個多小時令小朋友可掌握技巧, 未免太高估了面試班和小朋友了. 再者從報導中說那家長報讀了兩個專班, 試想想一星期有兩日都上了面試班, 其實連埋有一個是恒常班, 即是一星期三日都上面試班, 如還有其他興趣班和每日都要返學, 你想想這小朋友是否忙過奧巴馬?其實要視乎小朋友的能力, 不要給予小朋友過高期望, 再者不是上了便一定考到啊!重要是家長給予多少時間和心血和小朋友相處! 還有報導指出小朋友有失禁情況, 其實這是壓力引致的心理反射,其實那家長都應自我檢討, 不應將責任歸究於他人, 這麼多的堂要上, 大人也應付不來! 坦白說, 上堂不可如厠, 其實家長和工人姐姐應在上課前著小朋友先如厠才上堂, 這樣小朋友可上得專心, 又不會影響他人,這就是責任吧! 其實點解我在此寫咁多嘢, 不是幫誰, 只是想各家長要評估自己小朋友的能力, 如不恰當只會弄巧反拙, 做一個負責任的家長. 還有本人親眼看到一名家長因時間調動不到, 大發雷霆,當時我在門口等小女放學, 而那家長很大力開門, 大聲說一些粗話, 揚言會大爆穫和在綱上寫衰佢等語句, 這事已發生在一個多月前, 不久便在babykingdom就說此中心的不是, 直至昨天的報導, 請家長自行分辨吧~!祝大家可以考到心儀的學校!
作者: sharon26788 時間: 12-11-9 12:27
有時D嘢，清者自清；更何況生果報有幾成真，一慣以來大家都知，其中刪除咗邊D真相無報導出來大家又知唔知呢？
作者: wykamy 時間: 12-11-9 12:45
tomeilam: 真的很認同你的講法. 我女兒沒有上過任何面試班. 但我女兒的朋友有去這間上. 她媽媽說都有用. 暑假前跟她談時說很好, 老師很用心, 每堂後老師都會講解小朋友情況. 但她說暑假來了一批很頑皮的學生..... 不知有沒有關係啦! 我覺得任何報導都不可以全信. 清者自清......
作者: Freeb 時間: 12-11-9 14:25 標題: 回覆：wykamy 的帖子
我看完這篇報道, 只知一樣嘢"老師體罰學生"是犯法的! 報道所指那小孩只有五歲人仔, 就算報警拉老師, 沒有真憑實據, 警察都唔會做嘢啦, 作為大人如在街上被打都會立即報警驗傷啦, 但這兩位老師就用這個漏洞"𨶹門上堂做乜都無人知而五歲人仔又唔會立即報警驗傷"去體罰小人兒.
小孩是需要父母保護，所以大家選擇補習社或訓練班時, 真的要企喺小朋友立場去作出適當選擇, 以免小朋友產生童年暗影呀! 亦都好多謝這篇報道, 使我們警剔。
各位如對報道有懷疑, 我念就算唔幫仔仔報這間, 亦都有其它學社有面試班呀, 真喺寧可信其有，以免對唔住自己個仔女呀!
作者: helenli 時間: 12-11-9 15:03
回復 Freeb 的帖子
你講得啱, 我都建議當事人第一時間去報警, 就算有無表面傷痕, 都可交由警方調查.
作者: longlokma 時間: 12-11-9 16:20 標題: 回覆：Freeb 的帖子
私人補習社，如有個別學生表現不理想而影響其他同學仔學習，教室應告訴其父母，再勸無效便應退還學費交回不合作的小孩予其父母自行管教以免影響其他學生進度及學習情緒
作者: elok2009 時間: 12-11-9 23:16
空穴來風...
再加上網上咁多媽媽都有「類似經驗分享」
好難唔令人懷疑... 
作者: DwarfMaMa 時間: 12-11-10 14:56 標題: 回覆：elok2009 的帖子
對，若果唔係真，仲唔出律師信！
仲解釋...... 
作者: pjbb 時間: 12-11-13 19:13
我個仔啱啱上左二堂，問過佢有冇小朋友被罰佢話冇！我自己會密切留意下，有時有d野好難講，我唔係當時人真係唔知實情係點，所以不評論！不過阿仔已經差不多五歲，若真係被罰佢都自己識講，我諗老師又唔會冇拿拿罰佢嘛
作者: helenli 時間: 12-11-14 07:25 標題: 回覆：pjbb 的帖子
上晒報級仲邊敢亂嚟呀。
作者: pjbb 時間: 12-11-14 08:23
唔敢亂嚟咁ok囉
| 歡迎光臨 教育王國 (/) |
Powered by Discuz! X1.5 |