教育王國
標題: 有冇過來人可幫幫我這個初為小一生的家長? [打印本頁]
作者: Kingkong6 時間: 12-10-10 12:15 標題: 有冇過來人可幫幫我這個初為小一生的家長?
本帖最後由 Kingkong6 於 12-10-10 12:17 編輯
我個小朋友以前讀好hea既幼稚園, 冇默書測驗, 依家番左小學一個多月, 係我做阿媽既仲未習慣.
我要番全職, 佢放學後回家只肯做好簡單既功課, 家中下午只有工人, 幫唔到d乜, 小朋友少少睇唔明條題目, 佢不會嘗試去答, 全部等我放工回家後教佢.... 10月開始多功課了, 我每晚要用差不多1個半至2小時跟功課, 仲未溫默書. 叫了他好多次趁我未回家自己串下寫下d英文詞語, 佢彩我都傻, 要我同佢一齊溫. 晚上時間又唔夠用, 佢9點後又開始眼瞓, 咩都記唔入腦, 唔合作發脾氣.
咁既生活真係好苦悶 
係咪小一係佢地適應期先係咁咋, 有冇過來人可以俾d意見我呀? 可以點幫佢令佢唔好咁依賴我呀?
作者: AgnesMok 時間: 12-10-10 12:39
莫講話佢幼稚園時連書都未默過,要佢自動波好難,一般小一既小朋友要佢自己攪掂真係有d難度
我都係全職媽咪,阿仔又係小一,佢d功課都係要有人睇住先攪得掂,我媽媽湊佢既,佢都係唔聽婆婆話做功課,而且婆婆亦唔係太識教佢,好彩我妹妹係返下午工,佢會教左我仔功課先返工
至於默書我就會係星期六日同佢溫熟晒!所以暫時應付到.
作者: 豬仔肥媽咪 時間: 12-10-10 13:22 標題: 引用：莫講話佢幼稚園時連書都未默過,要佢自動波
原帖由 AgnesMok 於 12-10-10 發表
莫講話佢幼稚園時連書都未默過,要佢自動波好難,一般小一既小朋友要佢自己攪掂真係有d難度
我都係全職媽咪, ...
作者: albb 時間: 12-10-10 13:34
如果真係有難處, 何不試下屋企附近的補習社, 睇下有無改善, 星期五就唔洗補啦, 一星期2~3日, 最好揀默書測驗日的前一日補習, 因為仲要溫書, 默書同測驗, 長此落去, 大人小朋友都會唔開心
作者: albb 時間: 12-10-10 13:35
有時佢地唔識做, 都可能係拖慢黎做既原因之一
作者: Meikin 時間: 12-10-10 13:41
你一定要訓練佢自己放學在家完成大部份功課+自己温默書, 你可以用不時打電話回家追蹤佢架進度, 佢有什麼不明可以在電話問你, 另外可以叫中工人督住佢, 未做好功課前唔好俾佢hea或玩玩具/看電視, 如果簡單英文/數學工人教到就最好, 否則等你放工晚上才教也未遲.
我兩個仔都是由一間好free架幼稚園升讀小學的, 我要返工, 家中有工人姐姐照顧. 我都是用以上方法訓練阿仔多年, 每日"追魂call", 加上工人姐姐在家配合, 放工7:30回家吃飯, 8:00開工同佢吔睇功課及默書, 10:00正熄燈上床, 非常緊湊, 而家大仔中二, 細仔小六才漸見成效.
訓練小朋友自動自覺做事是長久戰, 令他一生受用, 否則越大越難攪, 到升中時你想管也管不了.
作者: tjbb168 時間: 12-10-10 13:43
學校有無課扥? 找個補習老師跟或去補習社幫手, 如果唔係, 放工回家見到什麼都無做,
好勞氣, 罵又影響親子關係. 去補習社至少做完功課回來, 幫手望吓, 默吓書就可以, 輕鬆一點.
作者: fungangel 時間: 12-10-10 14:08
Meikin 發表於 12-10-10 13:41 
你一定要訓練佢自己放學在家完成大部份功課+自己温默書, 你可以用不時打電話回家追蹤佢架進度, 佢有什麼不 ...
我想請教你放工後睇兩個小朋友功課點安排時間?
如果有測驗考試時間更加緊迫. 可否分享心得?
作者: AgnesMok 時間: 12-10-10 14:17
albb 發表於 12-10-10 13:35
有時佢地唔識做, 都可能係拖慢黎做既原因之一
我都覺得係,因為一有唔識做嗰d佢地就覺得係好深既野,我個仔都係咁,不過一教左佢就會做得好快
作者: Kingkong6 時間: 12-10-10 14:42 標題: 引用：你一定要訓練佢自己放學在家完成大部份功課
原帖由 Meikin 於 12-10-10 發表
你一定要訓練佢自己放學在家完成大部份功課+自己温默書, 你可以用不時打電話回家追蹤佢架進度, 佢有什麼不 ...
作者: snail 時間: 12-10-10 15:02
回復 Kingkong6 的帖子
my case as same you exactly. i also try to tune how to make things done asap with my kids everyday.
actually, after done the homework,we have no time to revision. the exam will be come at the end of this month. i think i can only study with her at weekend.
作者: Haz-mama 時間: 12-10-10 17:16
Kingkong6 發表於 12-10-10 14:42
我個仔好硬頸，唔聽工人話，仲駡番佢轉頭。我打電話番去，佢有時知我叫佢做功課，唔肯聽我電話添，好難搞:s ...
我係working mum,囡囡之前都係咁, 但依家每日成5-6樣功課, 如果佢每日做得2-3樣, 其他要等我放工返嚟做的話, 每日就會做到好夜, 根本冇辦法同佢溫書, 最後, 我唯有找補習社, 希望佢每日返到屋企做晒功課, 我淨係同佢check, 佢有冇做錯或執返正 d字...
作者: wootaitai 時間: 12-10-10 17:29
提示: 作者被禁止或刪除 內容自動屏蔽
作者: ahjoechan 時間: 12-10-10 18:54 標題: 回覆：有冇過來人可幫幫我這個初為小一生的家長
kingkong6
我有一個同你一樣甘硬頸的仔。打電話回去叫他試下自己做功課，他說會乱做！！！
作者: lovelytwins 時間: 12-10-10 21:41 標題: 回覆：有冇過來人可幫幫我這個初為小一生的家長?
咁樣小朋友好快會變得唔鍾意讀書。
試下比多點鼓勵同獎勵，設定大、中、小獎（我用小食），越早做完功課獎越大，大獎一定要是佢平日好少食又好想食的食物（我瑞士蓮朱古力波），過左某一時間先做完就冇（這裏要好嚴，過左就一定冇）。做完仲要講好多讚佢既說話，拍哂手掌咁。
我由幼稚園用到而家，都好得。讓佢習慣左在家做功課讀書是這模式，佢漸漸就會唔記得左獎勵小食，而家都唔會日日問我攞，我又唔記得。
作者: momama 時間: 12-10-10 22:36 標題: 回覆：albb 的帖子
小一初期，細路六點開飯，我放工約七點返到屋企，一邊食一邊搞掂未做完嘅功課，到上咗軌道，可以自己·基本上做哂功課，先改返一齊食飯。
作者: momama 時間: 12-10-10 22:38 標題: 引用：Quote:原帖由+Meikin+於+12-10-10+發表你一
原帖由 Kingkong6 於 12-10-10 發表
我個仔好硬頸，唔聽工人話，仲駡番佢轉頭。我打電話番去，佢有時知我叫佢做功課，唔肯聽我電話添，好難搞:s ...
作者: lyl 時間: 12-10-10 23:11
同意以上網友所提議！
我會叫我個女係食晚飯前，約630之前一定要做完功課，越早做完就越早睇電視，打機，上學習網！佢都要休息，玩！夜晚幫佢檢查下同溫下書！你冇獎賞俾佢，佢唔會有動力！
如果佢習慣係屋企等你番黎先教佢，佢會好依賴你！(其實即係你做）長久落去佢祇不過係寫功課機器，到考試唔識解題(慣咗呀媽解)成績唔會好！
你可以試下eg., 做齊功課獎5分鐘玩電腦，如果每樣功課都做岩多過一半，再獎1,2分鐘，如此類推，小朋友要有好明顯既獎賞佢先有動力去做、最多唔多過30分鐘！
你試下得唔得！你首要既係等佢做齊先啦，遇到唔識既題目請佢讀多幾次，撞下，唔好俾佢漏空！佢做到既當然讚佢，嘩，咁叻仔，唔使教自己都識做既！準確性係等佢做齊之後再要求啦~
同埋要佢知道做功課，讀書係佢既責任，唔係阿媽既責任，佢唔肯做既，係會有後果 （老師會鬧，之後補做就累積好多功課，冇得小息等)...如果佢咁硬頸，我會由得佢自討苦吃！:;pppp:如果你仲緊張過佢，佢會覺得係你迫佢，知道你都會幫佢包底!
作者: siutingto 時間: 12-10-11 08:54 標題: 回覆：有冇過來人可幫幫我這個初為小一生的家長?
提示: 作者被禁止或刪除 內容自動屏蔽
作者: chanwendy 時間: 12-10-11 11:44
我女好啲, 自 k2 開始做功課以來, 我就灌輸佢做功課係佢的責任, 而唔係我的責任. 所以一直以來佢都可以在我收工返屋企前做好晒, 我只係要佢改寫得唔靚的字啫. 所以小一 so far 都 handle 得幾好. 我叫亞女每日清學過的野, 佢初時唔睬我, 我就一次星期六日示範佢睇, 每日溫書係點樣做法, 之後我發現佢每星期都有一兩日會溫書的. 默書通常都早通知的, 我就星期六日同佢溫, 其實我都只係叫佢自己溫熟, 將要默的生字自己背晒, 然後自己默返出嚟. 我講到明我下學期唔理佢的, 所以我而家要 train 到佢可以自行搞掂.
樓主返工方便講電話嗎? 如果 ok 就可以叫小朋友唔識解題或唔試做就打比你, 你解佢聽, 咁佢咪識做囉. 我女初時唔識解英文題目, 都會打比我問咗我先, 就唔洗留到我放工.
作者: Meikin 時間: 12-10-11 15:17
回復 fungangel 的帖子
不要說請教, 言重了, 這是我的case 給你參考:
我6點左右放工, 返到屋企7:30pm立刻開飯, 盡量8:00食完飯開工檢查佢哋D功課, 如果佢哋有D功課未做完或唔識做, 就即時問, 一般9:30可以攪掂晒, 之後沖涼, 10:00熄燈瞓. 星期一至五也是如此. 總之盡量weekdays或星期六上午做晒/做多D功課, 留番星期六下午打波 及星期日family day去吓沙灘/郊外.
做功課或温書時, 細仔在客廳, 大仔在自己房間, 一定要分格開, 否則會談天說地. 佢哋多數星期二及三默英文及中文, 默書內容多數星期四/五才有, 我就利用星期六/日叫佢哋逐D背默或讀默, 咁到默書前嗰晚就係咁二再同佢默多次.
但大前題一定要阿仔佢哋放學後在家自己做功課 或 温書, 功課唔識可以打電話來問我, 答到就答, 答不到的才留待晚上處理; 且我要定時打電話回家一方面親子, 一方面督促佢哋進度. 佢哋要做晒功課, 練埋violin才可以玩, 多數看不到卡通片/電視, 後來我買了錄影機, 佢哋晚上預錄訂之後幾日的卡通片, 星期六/日早上一邊吃早餐一邊睇. Weekdays基本上家中是不開電視的, 我自己都是等佢哋上床後, 才開電視睇.
作者: Meikin 時間: 12-10-11 15:25
回復 Kingkong6 的帖子
咁你要慢慢教番阿仔要聽工人姐姐話.
我由Day 1開始已話俾阿仔聽父母不在家要聽工人話, 如佢哋唔合作或在家打交, 工人攪唔掂會打電話俾我, 我會通過電話調停, 回家了解事情後再教訓.
作者: fungangel 時間: 12-10-12 11:01
Meikin, 多謝分享. 我很認同學業之餘要有玩同family time.
另外我想問你會點準備考試, 以及分配時間?
作者: Meikin 時間: 12-10-12 12:09
本帖最後由 Meikin 於 12-10-12 13:21 編輯
我個仔小學一年考4次試, 數學測驗2次. 平日只應付功課默書, 不會特別抽時間温書.
我多數是考試前一個weekend(星期六/日)同阿仔温書, 主要温常識, 佢温完一課我就問佢答兼要佢寫答案出來, 雖然考試卷大部份是選擇題, 唔洗寫咁多字, 但每次温書用以方法, 日積月累就會識寫多些中文字. 至於英文及中文, 我都是同佢讀默番之前默書默過的字詞, 數學佢哋OK就更不用理.
當然, 考試前一天, 我會叫佢自己温番各科的worksheet/功課. 而我在考試前會因應佢哋教的課文, 出三份卷(中文科, 英文科及常識科), 考試前俾佢哋在屋企自己做, 而我回家晚上同佢哋對.
不過有一點要注意, 小孩子的集中力不持久, 温習多數由早上開始至下午3-4時就收檔, 晚上可以relax看吓卡通或打吓機, 因為越夜佢哋越沒energy, 温極都唔入腦, 事倍功半.
我同佢哋温習每一課都設時限, 例如常識會先同佢謞一次課文的重點, 邊D要記要寫, 然後由佢自己温, 講明10鍾後來問佢; 細佬温緊時, 我就去問大仔(佢10分鐘之前開始温), 到在房問完大仔, 就出客廳問細仔, 如此類推. 平日温默書也設時限, 有時俾太多時間佢哋, 佢哋只會hea唔集中, 越拖越耐只會令佢哋疲累, 更加温得唔好, 另外, 我也希望藉此可以養成佢哋盡快做完正經事才玩樂的習慣.
當然温習的方法和處理的態度也要因孩子的性格而略有所異. 大仔, 我可以好惡地鬧, 且對佢要求嚴些也OK; 但細仔, 我要用吓軟功, 可以容許佢在sofa錄錄吓温書. 但無論甚麼方法, 我都明確俾佢知道我的底線 -- 公還公, 私還私, 做正經事要認真, 温完唔識答會俾我鬧; 温完書我同佢哋玩得幾顛幾低B也無所謂.
作者: fungangel 時間: 12-10-13 10:48
Meikin感激你的分享. 我會好好參考. thx!
作者: girl_girl_email 時間: 12-10-13 12:01
提示: 作者被禁止或刪除 內容自動屏蔽
作者: 火柴人媽媽 時間: 12-10-13 12:19 標題: 回覆：Meikin 的帖子
小一需吾需要出去再學英文？
作者: JJDBB 時間: 12-10-14 20:00
讚成，至於獎勵是落楼下踩单車，打球，勁的可以約小朋友去玩，例如BBQ
唱K,游泳，参觀，不過要做好自己的本份！
作者: Meikin 時間: 12-10-15 09:20
回復 火柴人媽媽 的帖子
沒有出去補習. 其實小學只要留心上課, 課餘多看書, 英文不難跟上.
與其花時間外出補習, 我寧可讓他們在家玩玩具, 看看書 或外出打吓波.
作者: 長生不老 時間: 12-10-15 12:04
提示: 作者被禁止或刪除 內容自動屏蔽
作者: Meikin 時間: 12-10-15 12:30
本帖最後由 Meikin 於 12-10-15 12:37 編輯
回復 長生不老 的帖子
成績尚可以, 一般都有A/B, 全級150人, 考1x-3x都試過, 一年四次試, 上落如股票市場.
其實名次只是比較而已, 只要佢哋在有盡力, 我就算了.
我相信若佢哋放多些時間在學科上, 成績會更好, 但沒有必要這樣做, 除非是佢哋好想.
但我覺得概然小朋友(尤其是男仔)想玩, 咁就應該俾佢哋應付到功課之餘玩佢哋意的東西 (打機除外), 即使是兩兄弟玩玩具也好, 這樣做人身心才可以更平衡.
要做到10點瞓的背後是大人的堅持和sacrifice, 我和老公都要很自律, 早睡早起, 不能每晚看電視.
作者: 姬原巧合B 時間: 12-10-16 12:23 標題: 回覆：有冇過來人可幫幫我這個初為小一生的家長
咁我死梗，我仔出年黎緊小一啦，佢又係好hea，而家一星期做幾頁珠心算功課都要分開幾日做，學校又係無功課做既，上到小學真係唔敢諗。而家已經成日同佢講越做得快就越多時間玩，佢話明，但轉個頭又係係度hea，真係比佢激死。
作者: HaYi 時間: 12-10-16 19:45
試左2個月, 覺得下個月都要安排去補習社先在我回家前做完功課, 希望晚上我8點多回家食飯用10分鐘, 之後覆琴等, 再看下書好過.. ,
作者: atirw 時間: 12-10-16 22:49 標題: 回覆：有冇過來人可幫幫我這個初為小一生的家長?
我個仔k3每天只小一板中文一板英文詞語，有時加買1-4張工作紙，weekend試過七張加閱書報告。開學時功課突然增加我同呀仔都適應很難，真係頭都大。看了本書得了啟發，同他講媽咪回家前如能做好抄寫的功課就即刻有獎，比幾樣佢揀（當然要益智健康）好有效，有陣時做不能就真的不要給他選擇了的獎，千其不要心軟，最多獎樣小的和次選的，那次他哭了，這樣才有較訓，兩星期後每日都能自己做好識做的。當然叫姐姐提佢去開始做啦
作者: atirw 時間: 12-10-16 22:58 標題: 回覆：有冇過來人可幫幫我這個初為小一生的家長?
漸漸我回來他也忘記向我要獎，但每日都完成功課。
不過不要長期用獎勵去叫他做功課和溫習，否則會漸失學習動機。每次他做完功課，要讚他努力，勤力，用心，有耐性，等等，不過不要讚他叻，咁佢慢慢便會比心機做好功課和溫書，另一招，得閒抱注佢做功課溫書，他會好比心機。
作者: hksandy_ma 時間: 12-10-18 17:15
我個仔都係hea 精一名, 我唔要求佢自己溫書, 我只要求佢自己做好d 功課，好在學校有一節課堂係可以在學校做功課，所以暫時都ok。我地不段同佢講, 你要記住老師要求你做咩帶咩, 如你有任何錯漏老師都只係罰你而唔係罰daddy mami. 我想要比佢地錯一次比老師罰下先知驚。
作者: josewing 時間: 12-10-19 09:02
Meikin 發表於 12-10-15 09:20
回復 火柴人媽媽 的帖子
沒有出去補習. 其實小學只要留心上課, 課餘多看書, 英文不難跟上.
同意呀, 小朋友返全日後仲出去補習好辛苦啊. 自己教會好d
作者: luwan 時間: 12-10-20 21:52
請個補習老師跟, 但同小朋友講明, 老師係教佢功課, 唔係幫佢做, 同埋老師係幫媽媽睇住佢有冇做好自己功課同努力溫書, 令小朋友唔可以依賴。慢慢訓練, 小朋友就會自律去做, 唔識有老師幫, 唔洗咁徬徨。
:) 媽媽可以要求老師做協助角色, 話比老師知想訓練小朋友自律。
補習社唔建議的原因亦在於此。補習社不是教, 80% 都是有人睇住小朋友做功課, 但小朋友唔識的話就講答案, 小朋友學唔到野, 久而久之, 會令佢地覺得為交功課而做功課, 唔係從中溫習同學新知識。
作者: belau8009 時間: 12-10-23 09:24 標題: 回覆：有冇過來人可幫幫我這個初為小一生的家長
不如試下早上早十零分鐘起身，溫十零分鐘書，反正會早七至八日知道默書範圍讀熟佐再背最後先默，但夜晚要早D訓夠精神先有效果。
| 歡迎光臨 教育王國 (/) |
Powered by Discuz! X1.5 |