教育王國
標題: 兼收位老師的態度原來可以相差咁大 [打印本頁]
作者: BKVIP 時間: 12-10-8 15:12 標題: 兼收位老師的態度原來可以相差咁大
打左3間兼收位問3T時間分配等資料，3間態度都唔同，真係要親自接觸先好選校呀，真係唔係間間好，我終於明白點解有人話小朋友讀左一年浪費晒D時間。
第一間我估係文員接電話，我問︰唔該我想搵I位老師傾下。
文員︰你邊位搵？
我︰我係家長。
文員︰你小朋友係咪呢度讀？
我︰未係。
文員︰你小朋友要係呢度讀我地先會安排見兼收位老師架。
我︰下？我係咪要問左關於兼收既資料先決定小朋友係咪係呢度讀呢？
文員︰你等等....
文員︰你留底電話我叫兼收位老師覆你。
我︰兼收位老師几時返？
文員︰佢聽日返。
我︰老師唔係日日係學校？
文員︰係呀。
===================================================
第二間搵到個兼收位老師，又係問長問短先肯俾佢聽電話。但呢個老師答得好求其，我問佢3T時間，佢只係話係社署巡迴咁教，我問咁OT PT 即係几耐一次？
佢答︰唔一定 
我︰咁ST呢？
佢答︰1個月2次左右。
我又問︰有無個別PST每日俾小朋友
佢答︰無特定時間俾個別，要跟小朋友需要，有需要先有個別，通常老師會入班睇住個小朋友上堂 
(即係無PST啦..........)
呢間俾我既感覺係，你問一句，佢答一句，唔會主動同你傾小朋友D嘢 
======================================================
第三間係最好既一間，一打去好快就叫兼收位老師黎聽，無問長問短。
老師一開始已好主動問小朋友情況，又講 I 位來年學額，仲俾意見我叫我追下CAC評估，未有服務考慮私人。仲好詳細講晒3T 時間，仲有家居訓練會俾小朋友，學校仲要家長陪同上ST堂 
又話學校會評估小朋友讀咩級別，希望佢可追得上.... 仲叫我唔駛担心，小朋友學嘢可以好快…
呢間學校其實我一點都不陌生，因為個時大仔返N班就係呢度返，個時仲係老師叫我搵CAC做評估，因為發覺佢有D唔同。突然間有左希望 
作者: cat1028 時間: 12-10-8 15:18
第三間是否你囝現在讀緊那間學校呀？
作者: BKVIP 時間: 12-10-8 15:38
回復 cat1028 的帖子
唔係呀，n 班讀左几個月勁病退左學。雖然係屋村學校，但個時我都覺得呢間學校D行政做得唔錯，老師都好有愛心，個時無去了解呢間既I 位。但呢間學校都辦好多活動俾小朋友的。之後校長轉左我無再去留意間學校。
依家讀緊S位2個月，老師叫我考慮返I 位，所以我先打聽下I 位邊間好。其實我依家S位同呢間 I 位個別訓練係差無几，係PT OT 密少少一個月一次，其他時間我諗最大分別在於小班同大班教學，但其實我仔最需要的係ST 同社交，既然S同I 的ST 係一樣，我知點解S位老師叫我轉。
作者: cat1028 時間: 12-10-8 15:59
我囝巳完成評估，兒科醫生建議讀i位，囝只係言語，社交弱，大小肌正常，讀緊i位學校（活動教學及所有老師都知評估結果），但不是政府派（冇任何服務）。
我建議你搵校長傾下，今年仲有冇位？
明年會否申請入讀(依家係交申請表時段）？
搵多幾間，有位即走，排政府i位寫埋邨校？
作者: BKVIP 時間: 12-10-8 16:34
cat1028 發表於 12-10-8 15:59 
我囝巳完成評估，兒科醫生建議讀i位，囝只係言語，社交弱，大小肌正常，讀緊i位學校（活動教學及所有老師都 ...
但S位姑娘話轉I位其間我唔可以停服務，是否可以早上讀S位，下午讀I位的普通位？ 以我所知S位只可以俾3個月我咁玩… 所以都唔知點好。
作者: BKVIP 時間: 12-10-8 16:36
cat1028 發表於 12-10-8 15:59
作者: Capricorn2521 時間: 12-10-8 16:55
本帖最後由 Capricorn2521 於 12-10-8 16:58 編輯
回復 BKVIP 的帖子
話就話要CAC醫生評估完先可以安排轉位，但醫生一般都信S位報告。如S位幫你交報告，會有一份S位中心寫嘅建議書，建議小朋友轉I位，咁醫生就吾會再同你做評估，看過報告，就pass比社工直接幫你轉位。
如果S位中心吾建議小朋友轉位，而家長堅持要轉I位，可以自己去搵CAC社工，社工會安排做一次評估，合格先幫你轉。
如果S位中心吾建議小朋友轉位，而家長又找到主流幼稚園讀，家長可以叫社工同佢排E位。
作者: BKVIP 時間: 12-10-8 17:07 標題: 引用：+本帖最後由+Capricorn2521+於+12-10-8+16:
原帖由 Capricorn2521 於 12-10-08 發表
本帖最後由 Capricorn2521 於 12-10-8 16:58 編輯
回復 BKVIP 的帖子
即係就算轉位都要等下年先去到i位，點都要讀一年s。
作者: Capricorn2521 時間: 12-10-8 17:39
回復 BKVIP 的帖子
以往2年，我見D家長在9-10月覺得小朋友ready出主流，可能吾想浪費時間，佢地都係自己搵主流幼稚園，再轉E位。
作者: methy 時間: 12-10-8 17:54 標題: 回覆：BKVIP 的帖子
我接觸有兼收既幼兒園，唔可以以＂品牌＂去一相情願地諗會做得好，一定要去參觀下，同相關既人了解，阿仔讀i位既普通位，行政亂、但老師超有愛心&包容，真係有實質既安排，等小朋友可以融入。另外有間出名既，好有制度，但老師愛理不理，機械式回答，我已經知道由E位轉返I位要做功課，免得浪費黃金時間。
作者: cat1028 時間: 12-10-9 00:32
Bkvip： 我冇政府s位的經驗，轉位問題幫唔到你。
我之前的建議假設你讀緊私人s位，可以考慮先成為i位學校普通學生，再俾私人訓練，比較私人訓練費用 vs 私人s位費用，除了多咗社交，其他訓練次數有否下降，衡量下。
作者: annaanna 時間: 12-10-9 12:21
我仔之前讀O既I位，都係我自己打電話問長問短先揀到﹗樓主講I位真係相差好遠，我好信﹗
作者: BKVIP 時間: 12-10-9 13:15
Capricorn2521 發表於 12-10-8 17:39
回復 BKVIP 的帖子
以往2年，我見D家長在9-10月覺得小朋友ready出主流，可能吾想浪費時間，佢地都係自己搵 ...
我都有諗過主流+E，但要返工真係平日無可能陪個仔上堂。所以先退而求其次搵I。
作者: BKVIP 時間: 12-10-9 13:16
回復 annaanna 的帖子
你仔仔依家讀書讀成點啊？ 適應晒未？
作者: BKVIP 時間: 12-10-9 13:18
回復 methy 的帖子
請問你仔仔報普通位時有無同學校講佢係有特殊需要的小朋友？ 咁佢地係咪都唔抗拒收左？
我諗緊好唔好直接同學校講小朋友問題，讀住普通位等佢地I 位。
作者: Capricorn2521 時間: 12-10-9 16:03
回復 BKVIP 的帖子
可以試吓你亞仔N班果間，你覺得佢地好，佢地又對你個仔有一定認識。
作者: BKVIP 時間: 12-10-9 16:58
回復 Capricorn2521 的帖子
無晒普通位，等I 位都要1年啊… 真係2頭唔到岸！
依家試其他普通位，因PST 老師話阿仔普通位都得，連I 位都可以唔駛，都唔知真唔真 -_-"
搵到一間有上午班，但好趕，12點放學趕S位都12點半，連飯同覺得無得訓。
作者: annaanna 時間: 12-10-9 17:48
回復 BKVIP 的帖子
我仔二年級了﹗
作者: huangwanru 時間: 12-10-10 09:31
第3間系邊間學校啊？我想知啊~~
作者: methy 時間: 12-10-10 09:55
回復 BKVIP 的帖子
我報每一間都係老師面試完,即講哂阿仔問題..阿仔讀緊呢間(A校)既主任好明白,因為佢原來自己亦做過兼收(i位)老師，好熟悉 特殊教育既野。
學校原來有一半老師係受過特殊教育訓練,,唔係只係 1 位老師讀過(通常得1位)，我最欣賞係讀過書既老師每3年輪流做一次兼收(i位)老師,d老師亦做左好多年,經驗好夠，當時我同老公都喜出望外。
除了呢一間,我地都另外報左4-5間,.亦係一開始講哂阿仔情況:
有主任(B校)明明唔熟悉阿仔情況,都照收，問佢點
安排課室流程,令我阿仔融入課堂,,講唔到,但又收我阿仔喎(因為智力無問題)。但我地唔打算讀，因為
我唔覺得佢識照顧,亦比唔到信心我。
C校-主任見阿仔未行到,都照面試.但講哂學校既困難,同佢地既擔心.無令我地有唔開心感覺。
D,E校:-係電話到已經講明照顧唔到我阿仔，面試既機會都無。
以上學校:A ,D 本身係有I位; B,C,E都無I位的。
總結: 唔講,好大機會照面試.面試唔講,有經驗既老師/主任點會唔識睇，過到關入學,原來間學校係無能力照顧小朋友，無意思,亦浪費時間。
講, 就好似我遇到情況,,會有學校唔收,面試都無，不過都好,比我知邊間有愛心及能力，不過真係要報多幾間。
作者: BKVIP 時間: 12-10-10 10:38
本帖最後由 BKVIP 於 12-10-10 10:40 編輯
回復 methy 的帖子
METHY 請問你係咪都係俾你仔暫託在I位先？ 你間I位學校有几多暫託名額？
暫託都要INTERVIEW嗎？仲有你係搵校長傾定主任傾？
你講個位係咪黃主任？
作者: BKVIP 時間: 12-10-10 10:45
琴日第一間暫託老師回覆我電話，感覺都好HELPFUL，同接電話個文員好明顯唔同。但可惜學校的支援不足。原來呢間I 位的3T 唔係社署派，同其他 I 位不同，因為佢地話佢地機構同其他機構合作，由其他服務機構派3T黎學校。
但係所講既同其他I 位一樣，ST 每月2次、OT/PT 每3-4個月一次，PST 又係無。仲有一樣係.... 兼收位老師係放平日 
所以平日一係放假、一係去TRAINING，留在學校時間可想而知。
所以結論係.... 一定要親自問清楚每間 I 位的服務情況，感受下老師對教學有無熱誠。
作者: 雲上太陽 時間: 12-10-10 11:07 標題: 回覆：BKVIP 的帖子
係架，我之前都有咁嘅遭遇,不過而家好好彩，去到間都ok,希望你可以好似我咁好運!
作者: methy 時間: 12-10-10 12:12
本帖最後由 methy 於 12-10-10 12:25 編輯
回復 BKVIP 的帖子
過程係..我地當搵普通幼兒園,報左好多間,間間都見哂,,係得呢間無電話喎.,而我又知道呢間好包容( 賣衫sales 姐姐話我知XD)..正想打去問問幾時面試，幼兒園就打黎話要面見(最後一間面見),接見既係主任，我地一如以往一五一十講哂阿仔情況,我當時聽完主任講完野,好想佢收阿仔9月讀,佢亦有意思比機會阿仔,最後安排先暫託(普通位)..9月就正式入學(都係普通位)喇..
well..校長....未接觸過,no comment!
暫託名額印象好似1-2個位..唔太sure。
我係地區版chat.知道有媽媽 10月先入我阿仔間幼兒園.不如你打去問下...一係要求暫託全日...不過就可能要放棄 s位了。不過聽落我阿仔間學校 st 訓練 及社交訓練對你阿仔已經好有幫助。
我阿仔真係適應得好好,未行得穩都肯照顧,亦照顧得好...相信你小朋友都一樣。
作者: BKVIP 時間: 12-10-10 13:32
回復 methy 的帖子
多謝分享。
請問暫託有無課程或跟班上堂？定或是只係痴下嘢玩架喳？
以前我仔讀呢間時校長好好人，係校長接見我同阿仔，仲係校長親自聽電話架，校長好有愛心。退左學後知道換左校長，唔知間學校變成點。 感覺上管理好左，但校長遙遠左，接電話都已經係老師了。
作者: methy 時間: 12-10-10 13:53
回復 BKVIP 的帖子
暫託兩小時，入N班．跟大隊上堂．如廁訓練．係唔使買書．．
而家個校長．我覺得係做行政野，似識走動既statue,未開聲同我打過招呼。
主任就非常好，親力親為，我係自己個ｐｏｓｔ 到分享過暫託第一日情況．再ｐｏｓｔ多次：
發表於 12-5-21 19:11
阿仔返左第1日正常幼兒園
暫託,好順利。2小時暫託,我就心情緊張得好緊要,怕佢唔適應,怕佢見到人地個個識行,佢唔識,佢會唔開心,發脾四。
接佢時,佢好開心.主任話:
1)我地離開後.佢喊左1分鐘就無喊
2)主任同佢每間房都坐下(等佢認識下間學校)參與下,轉課室時會喊一喊
3)最鐘意睇人跳舞、唱歌
4)主任放低佢比其他老師
睇一陣,佢又無咩,好乖好留心老師講課,好反應
5)主任話佢發過d脾氣,抓佢,不過佢撥開佢幾次,佢就get到唔可以咁,就無再做。
6)主任拖阿仔係大廳行,佢自己扶住上sir滑梯,不過唔肯sir落黎,之後抱佢入課室玩。
7)因為第1日,佢未適應.無比佢跟程序飲水食水果,下次會嘗試。
8)阿仔好social.個個老師都打招呼。
夠鐘接阿仔時,佢笑哂口,問佢開唔開心,笑容燦爛地講:開心。其實我以為主任只係將阿仔放入其中一組,間中跟進下,我對主任既細心安排,感到非常感動。
作者: Ryanma925 時間: 12-10-11 00:08
請問I位e位s位是什麼?
我仔在排期做評估
作者: methy 時間: 12-10-11 00:12 標題: 引用：請問I位e位s位是什麼?我仔在排期做評估
原帖由 Ryanma925 於 12-10-11 發表
請問I位e位s位是什麼?
我仔在排期做評估
每年也有不少幼童，因為有不同的特殊學習需要、在衛生署的兒童體能智力測驗中心接受評估後，需要轉介作學前的訓練。
現今，香港主要有三種為學前兒童(即6歲或以下)而設的教育及訓練中心，相信每位有需要的學童家長當知道孩子需要轉介入讀時，除會感到失落之餘，亦會在選擇服務時感到困惑。希望能於今次的文章，就着多年的工作所見，介紹一下各服務的特點、所提供的服務，協助家長作出明智的選擇。
兼收位幼兒中心 ICCC (Integrated child care centre, 即I位)：
其實是一間一般的幼兒中心，但當中有1-2組有特殊學習需要的幼童 (每組6位)，這些幼童大部分時間與其他同學一起上課 (每班約15-20人，1-2位老師)，但一部分時間則會由I位老師 (即特殊幼兒導師SCCW, special child care worker) 進行加強輔導及訓練。另外，地區言語治療服務的言語治療師會每月兩次到校為幼童進行語言治療，職業治療師及物理治療師亦會隔一段時間(如三個月) 到校為幼童給予訓練建議。
早期教育及訓練中心 EETC (Early education & training centre, 即E位)：
這不是一間幼稚園/ 幼兒中心，而是一間訓練中心，為0至6歲、在主流幼稚園/ 幼兒中心就讀的幼童提供服務，家長需要按導師的安排帶孩子到中心進行訓練。
中心的服務包括：學前教育導師 (preschool teacher)、言語治療師 (ST, speech therapist)、職業治療師 (OT, occupational therapist)及物理治療師 (PT, physiotherapist)。經各導師專業評估後，會安排幼童進行小組或個別訓練，因每位幼童的需要不同，所以訓練的次數及安排亦有所不同。
特殊幼兒中心 SCCC (Special child care child, 即S位)：
這是一所為有特殊學習需要的兒童而設的全日制幼兒中心，中心有不同的專業人員，包括特殊幼兒導師 (即老師)、言語治療師、職業治療師、物理治療師、社工及護士等。約6個學生一組、由一位導師帶領，導師及各治療師亦會按每位幼童的能力，為幼童進行小組及/ 或個別訓練，同時邀請家長出席、學習相關的訓練技巧。有少部分的中心更為有需要兒童提供宿位。
相信不少家長都會為如何選擇感到困擾，怕選擇錯誤會影響孩子的學習。下次再讓我說一說選擇時要注意的地方吧。
Link:http://blog.yahoo.com/_D5POOAYXQCS3Z7PEI7QVZBOO4M/articles/128249
作者: Ryanma925 時間: 12-10-11 23:30
謝謝，我現在真的一頭霧水
想知評估後，是否政府決定派咩位？本身在䜖2歲班，學校也有i位，我可以直接升k1,原校讀i位嗎？
那是否評估後，因程度而轉介去I E S位？
請指教
作者: methy 時間: 12-10-19 09:55
回復 Ryanma925 的帖子
CAC醫生評估係,認為係需要 S/E/I位.就會安排你比醫務社工跟進.排服務。
如果醫生認為你小朋友需要既係 I 位服務,而你又覺得而家讀緊間幼稚園既 i位服務適合，你就將佢排係第一位，未派到i位前,繼續原校讀書升班.直至派到個 i位比佢。
比左個i位你.小朋友都可能係stay係自己一班.額外比服務你..e.g.隔個星期有言語治療到校比訓練等。
作者: McDonna 時間: 12-10-19 20:34
BKVIP 發表於 12-10-8 15:12 
打左3間兼收位問3T時間分配等資料，3間態度都唔同，真係要親自接觸先好選校呀，真係唔係間間好，我終於明白 ...
兼收位係無3T, 只有ST有定期訓練.
個別導師課亦未必每日
你要求嘅service似乎响S位先達你要求喎!
作者: BKVIP 時間: 12-10-20 18:16 標題: 回覆：兼收位老師的態度原來可以相差咁大
I位係有3T，只係提供服務的頻密程度與E同S不同，所以選i位前一定要去你想選的學校了解左先，在傾談中i位老師俾你嘅感覺都好重要。
PST 唔係間間i位有，問左3間只有一間有。但3T全部都有，ST 甚至同我仔讀嘅E同S都一樣次數，只係PT OT 少d，可能你小朋友讀緊嘅無3T,但唔係全部i位無.請你了解左先，唔係會誤導左其他人。
作者: methy 時間: 12-10-20 23:16 標題: 回覆：McDonna 的帖子
想知邊間I位咁小服務，定係你小朋友只需ST一樣，而唔需要3T?
作者: csy1977 時間: 13-1-2 14:39
回復 methy 的帖子
可否将A校是哪一间PM给我？多谢！
作者: BKVIP 時間: 13-1-7 17:23 標題: 引用：想知邊間I位咁小服務，定係你小朋友只需ST
原帖由 methy 於 12-10-20 發表
想知邊間I位咁小服務，定係你小朋友只需ST一樣，而唔需要3T?
作者: BKVIP 時間: 13-1-7 17:24 標題: 引用：想知邊間I位咁小服務，定係你小朋友只需ST
原帖由 methy 於 12-10-20 發表
想知邊間I位咁小服務，定係你小朋友只需ST一樣，而唔需要3T?
作者: opuyo_kannus 時間: 13-4-19 08:27 標題: 引用：打左3間兼收位問3T時間分配等資料，3間態度
原帖由 BKVIP 於 12-10-08 發表
打左3間兼收位問3T時間分配等資料，3間態度都唔同，真係要親自接觸先好選校呀，真係唔係間間好，我終於明白 ...
| 歡迎光臨 教育王國 (/) |
Powered by Discuz! X1.5 |