教育王國

標題: 教局不查自行首名5分! 不誠實家長容易增加入讀機會! [打印本頁]

作者: gigi1227 時間: 12-10-8 13:58 標題: 教局不查自行首名5分! 不誠實家長容易增加入讀機會!

本帖最後由 gigi1227 於 12-10-18 08:22 編輯

等左幾日, 終等到回覆, 無言!!!!

就近年內地婦女在港所生兒童(包括跨境學童)來港就讀的需要，我們理解本地家長對子女申請小一入學的心情和關注。就閣下的意見，我們有以下的補充：

來函提及的「雙非兒童」，相信是指在香港出生(但父母都不是香港永久居民)的兒童。現時，兒童只要符合參加「小一入學統籌辦法」的資格，便可透過既定的派位機制獲分配小一學位，至於申請人父母的居民身份，並不影響申請人按相同的派位機制獲派學位。

閣下提及「雙非家長兄/姊非本港就讀或畢業」的申請人，相信是指家有年長子女在大陸讀書和生活的家庭，但安排幼子跨境來港報讀小學

。這些同時兼顧子女分別在兩地讀書的家庭，情況並不普遍。按目前的計分辦法，若有小一申請人的兄/姊不是在本港就讀或畢業，「計分辦法準則」第2、4項並不適用，這些兒童不會在 1-5項中獲得分數。

至於閣下懷疑有家庭為年幼子女報讀香港小學

時虛報「計分辦法準則」第5項以獲取分數，我們必會提高警覺，若有證據顯示有上述虛報的情況，我們定會加以調查和改善，務求公允。本局一向以來清楚提醒家長，假如虛報資料，一經證實，申請人獲派的學位會被取消。

我們再次多謝你寶貴的意見。

有關你九月二十七日的電郵經已收悉，現謹覆如下：

在小一入學的「自行分配學位」階段，有兄/姊的申請人，一般都會採用(甲)部 (即向兄/姊就讀的學校申請，便必獲取錄)，或揀選「計分辦法準則」下的第2、4項(第1至5項中只可揀選一項)，以增加獲取錄的機會，這亦有助家庭成員照顧就學的幼童。因此，閣下提出的情況，即有兄/姊的申請人仍揀選最少分數的第5項，可能性不大。

所有申請小一入學統籌辦法的家長，均須在申請表上作出聲明，確認表格內的資料全屬正確無訛。教育局會在有需要時採取適當的行動，查核小一入學申請表(包括本地及跨境學童)內所提供的資料的真確性。倘若有虛報資料而查明屬實，其申請將會作廢，而申請人獲派的學位亦會被取消。若閣下遇有懷疑的個案，可向我們舉報（熱線電話2832 7700），我們定會跟進調查。

現時，兒童只要符合參加「小一入學統籌辦法」的資格，便可透過既定的派位機制獲分配小一學位，至於申請人父母的居民身份，並不影響申請人按相同的派位機制獲派學位

我是針對雙非父母港生兒童非首名子女去信教育局的, 回覆就係以上呢D野.....

之前報名時了解到計分制度, 因為確實影響到我去爭取學位, 所以很不安
1) 我得15分, 如果雙非申報首名, 我就要同佢地抽獎爭呢少量計分學位!
2) 雙非會報兄/姊學校嗎, 返大陸讀呀???
3) 舉報? 我們有可能知道佢申報D資料嗎???
4)有需要時採取適當的行動? 教育局有咩權利查人地國內戶口???

今年已過了, 雖然再影響唔到我呢個小朋友, 但下年要報名的家長, 希望你們多了解
有三思過應唔應該公開去講, 我再公開講係覺得, 呢個漏洞己打開, 你唔講只有博人地唔知,
始終都有人會見到呢個漏洞!

計分下, 唯一首名子女呢5分係無需任何証明, 填表聲明便可以, 雙非港生兒童假申報, 政府無解決方法, 只相信家長誠實申報! 就算查, 教育局都無權查

註: 我個人立場班雙非係非首名子女, 唔信佢地會誠實申報!
我有去信報紙, 議員, 教育局, 最後只收到呢一封教育局垃圾回覆!
此文主要針對雙非父母申報問題, 但其他人(包括港人在內)一樣有人假申報

JASONBABA

作者: easybring 時間: 12-10-8 15:34

其實, 果5分當時唔知點樣決定出黎? 兄姐讀私校/直資, 又或者和弟妹性別不同而兄姐讀男校或女校. 那位弟妹一樣enjoy唔到果5分. 總之, 咩制度都會有人唔著數, 又有d人著數左. 自求多福!

作者: sheffield 時間: 12-10-8 15:46

勞氣黎都冇用，平心靜氣幫小朋友預備下考其他學校同叩門啦！要改變制度不是一時或三刻能做到的，教育局的人就是櫈我地一班香港家長無奈，他們也不能做什麼，所以也只會給你一些行貨回覆。

作者: h0393179 時間: 12-10-8 16:19

REALLY APPRECIATE YOUR EFFORTS OF RASING THIS PROBLEM TO THE GOVERNMENT AND I FULLY AGREE A FAIR ANSWER AND FOLLOW UP ACTION FROM GOVERNMENT SHOULD BE PROPOSED. THIS IS REALLY UNFAIR TO ALL THE HONG KONG PARENTS.

作者: gigi1227 時間: 12-10-8 16:25

easybring 發表於 12-10-8 15:34
其實, 果5分當時唔知點樣決定出黎? 兄姐讀私校/直資, 又或者和弟妹性別不同而兄姐讀男校或女校. 那位弟妹 ...

我所指係自行分配下, 如果佢地假申報首名子女, 同一制度下的不公平, 而政府是沒任何方法去處理同無心去處理

我今年報完都已過左呢關, 但都唔想教育制度對我們本地的不公(註: 當然只是代表我自己一個人的立場)

作者: gigi1227 時間: 12-10-8 16:28

sheffield 發表於 12-10-8 15:46
勞氣黎都冇用，平心靜氣幫小朋友預備下考其他學校同叩門啦！要改變制度不是一時或三刻能做到的，教育局的人 ...

小一問題我當然會係現行制度下去處理

我明白我們能力有限, 所以只想將我的個人意見分享出黎, 同自行向不同途徑找回覆或幫忙...明白結果係點, 最起碼自己出個一份力....希望日後的家長順順利利!!

作者: gigi1227 時間: 12-10-8 16:31

h0393179 發表於 12-10-8 16:19
REALLY APPRECIATE YOUR EFFORTS OF RASING THIS PROBLEM TO THE GOVERNMENT AND I FULLY AGREE A FAIR ANS ...

明白最終都未必有結果, 只係唔想做沉默的一個人!
先有付出, 才有機會有結果, 唔做就係絕對零!!!

作者: sheffield 時間: 12-10-8 16:34

回復 gigi1227 的帖子

這個很難說，基本上，在一國兩制而言，香港的孩子就是香港的孩子，國內的就是國內的。那些家庭確實是在香港只有一個孩子…我當然不是支持他們來搶我們學位，但，如要處理這個教育問題，就會牽涉到其他法律問題…大家不會想將香港的教育体系跟國內的扯上關系吧…如要扯上，就會將香港政府和中國政府的施政拉得更近…

作者: gigi1227 時間: 12-10-8 16:52

sheffield 發表於 12-10-8 16:34
回復 gigi1227 的帖子

這個很難說，基本上，在一國兩制而言，香港的孩子就是香港的孩子，國內的就是國內的 ...

我估我無分佢地國內同香港孩子問題

事實佢地係永久居民, 我認同佢地有權利係度讀書, 係第一個POST我針對係佢地呃首名子女5分, 教育局會點做?有咩方法處理??

原先佢地只得10分適齡, 15分的家長便會優先少少! 如假申報埋首名子女, 佢地一樣有15分....呢個係我指的不公, 佢地假設大家都誠實填報

如果唔防止呢樣, 我覺得應增加父/母永久居民的加分

作者: msbeauty 時間: 12-10-8 16:55

gigi1227 發表於 12-10-8 13:58
有關你九月二十七日的電郵經已收悉，現謹覆如下：
在小一入學的「自行分配學位」階段，有兄/姊的申請人， ...

我跟你一樣, 覺得非常氣憤, 感到教育處好像沒有做事, 其實無論是港人或雙非, 教育處都應有責任去作抽樣調查. 看看那些人是虛報, 所以我亦致電教育處詢問和投訴, 我只想她們作抽樣調查之類但她們只是回答一些官腔說話....

故我亦去信給報館, 希望他們能夠反映現在的漏洞, 但好像沒有消息...!!!

作者: steven819 時間: 12-10-8 17:03

回復 msbeauty 的帖子

Yes, I agree that no system is perfect. As you said, at least they should 抽樣調查. Of course, even this cannot solve the problem but now it appears that the government does not want to face the problem and does nothing!!

作者: gigi1227 時間: 12-10-8 17:07

msbeauty 發表於 12-10-8 16:55
我跟你一樣, 覺得非常氣憤, 感到教育處好像沒有做事, 其實無論是港人或雙非, 教育處都應有責任去作抽樣調 ...

我去信APPLE同東方, 議員, 教育局

起初係教育局查詢個EMAIL, 無覆過, 再轉發去投訴個EMAIL

而家先得一個回覆, 就係樓上的垃圾回覆

抽查本地的, 入境處/稅局/學資處都可能查得到, 少家長假申報
但雙非父母呢, 有咩權利查人地國內戶口...呢個都係我第一個POST針對的問題

教育局由得你死....唔做唔錯.....

作者: gigi1227 時間: 12-10-8 17:08

steven819 發表於 12-10-8 17:03
回復 msbeauty 的帖子

Yes, I agree that no system is perfect. As you said, at least they should 抽樣 ...

問題而係度, 佢地真係唔願去改善的, 點解官迫民反.....

作者: steven819 時間: 12-10-8 17:39

Yes. I am a '順民.', Like most of HK citizen,we try to endure whatever problem there is and follow whatever the government told us. That's what we were trained at school. However, I am really fed up by the government recently. See their answer!. Are they really answering the question!

作者: gigi1227 時間: 12-10-8 17:39 標題: 回覆：初報小一得15分, 存漏洞或有不公, 垃圾教育局

以前無\少雙非，而家咁多，呃你個時咪又係咩都做唔到:;pppp:

作者: gigi1227 時間: 12-10-8 17:44 標題: 回覆：初報小一得15分, 存漏洞或有不公, 垃圾教育局

可能真係針咭唔到唔識痛！

作者: sadsam 時間: 12-10-8 17:51

應該再加:

父母是本港永久居民，加30分; 一父/一母是永久居民，加15分; 父母都不是永久居民，0 分~

作者: miutang 時間: 12-10-8 18:15 標題: 引用：應該再加:父母是本港永久居民，加30分;+一

原帖由 sadsam 於 12-10-08 發表
應該再加:

父母是本港永久居民，加30分; 一父/一母是永久居民，加15分; 父母都不是永久居民，0 分~ ...

Agreeeeeee!

It is too difficult to check whether it's first one or not. The another way is to add marks to those with Hk parents! The govt should discourage b6 parents to leave their children in Hk alone!

作者: steven819 時間: 12-10-8 18:31

回復 gigi1227 的帖子

Actually this issue does not bothering me at all. I've 上咗岸. I just sympathize with the parents who need to face more problem this year,

作者: onepiece 時間: 12-10-8 19:24 標題: 回覆：初報小一得15分, 存漏洞或有不公, 垃圾教育局

睇完呢個post，真係覺得好激氣，政府再唔做野，只會激化香港和內地人矛盾！

作者: darkbson 時間: 12-10-8 19:39 標題: 引用：睇完呢個post，真係覺得好激氣，政府再唔做

原帖由 onepiece 於 12-10-08 發表
睇完呢個post，真係覺得好激氣，政府再唔做野，只會激化香港和內地人矛盾！

...

聽說雙非兒沒有在港居住，所以報邊區大抽獎都得！

是否正確啊？

作者: gret 時間: 12-10-8 21:01

回復 darkbson 的帖子

No.

如他們沒有香港的地址, 只可選 70, 71, 72, 74, 80, 81, 83 或 84 校網.

作者: gigi1227 時間: 12-10-8 21:37

miutang 發表於 12-10-8 18:15
Agreeeeeee!

It is too difficult to check whether it's first one or not. The another way is to add ...

Agree!!!!!

作者: gigi1227 時間: 12-10-8 21:38

steven819 發表於 12-10-8 18:31
回復 gigi1227 的帖子

Actually this issue does not bothering me at all. I've 上咗岸. I just sympathi ...

下年面對更多雙非

作者: gigi1227 時間: 12-10-8 21:39

darkbson 發表於 12-10-8 19:39
聽說雙非兒沒有在港居住，所以報邊區大抽獎都得！

是否正確啊？

自行分配先係全港任何一間

作者: eyschoi 時間: 12-10-9 08:49

That is our government, a totally malfunction government. Education is one of worst led by Ng.

作者: ac917 時間: 12-10-9 09:11 標題: 回覆：初報小一得15分, 存漏洞或有不公, 垃圾教育局

多謝樓主raise呢個問題及認真去信教育局作follow up，佢地個答案簡直垃圾，而且呢個漏洞相信已經唔係今時今日發生，係我地香港人一向守法盡責先咁遲諗到佢地會用呢類賤招，我提議去揾傳媒跟進，唔鬧大件事，呢個咁既政府唔會睇得起你一人力量，只會繼續少做少錯，唔做錯唔錯，我小朋友而家正面對考小一階段，痛唔吉到肉唔知痛，而且你所做既亦可為以後真正守法既港人護航，我支持！

作者: gigi1227 時間: 12-10-9 09:13

其實有無邊位議員/機構係支持本地優先入讀/關注小一入學問題???

作者: SAGO 時間: 12-10-9 09:35

support u.......!!!!

作者: frankieor 時間: 12-10-9 11:32

下...咁都得?!

作者: msbeauty 時間: 12-10-9 14:21

ac917 發表於 12-10-9 09:11
多謝樓主raise呢個問題及認真去信教育局作follow up，佢地個答案簡直垃圾，而且呢個漏洞相信已經唔係今時今 ...

是的, 我也認為去找傳媒跟進, 讓他們廣泛報導, 才能使政府或議員做事... 但我已經去信傳媒, 都沒有回音...

對呀, 我亦建議, 若教育局難以調查雙非父母, 倒不如, 本地居民有額外十分, 雙非就沒有分, 這也不錯!!!

作者: bbtammy 時間: 12-10-9 15:43

父母都不是永久居民應該扣20分

作者: Harebellv 時間: 12-10-9 17:34

本帖最後由 Harebellv 於 14-8-4 12:34 編輯

...

作者: moonieku 時間: 12-10-9 21:29 標題: 引用：父母都不是永久居民應該扣20分

原帖由 bbtammy 於 12-10-09 發表
父母都不是永久居民應該扣20分

作者: darkbson 時間: 12-10-9 22:24 標題: 回覆：Harebellv 的帖子

我哋有香港地址想去隔離網都要填甲部啦!

因為雙非是自由行囉！吹脹！

作者: puibb 時間: 12-10-9 23:27 標題: 回覆：darkbson 的帖子

I hate Hk government ! 所有國家都會保障當地居民仔女入本土學校！香港偏偏死都吾敢得罪中國！根本就係想無左香港,將香港變為中國,吾係店解又搞東北發展,又比雙非仔女不停來港讀書兼加快起公屋等佢地滆入HK?

作者: rrgg 時間: 12-10-10 00:28 標題: 回覆：初報小一得15分, 存漏洞或有不公, 雙非特別容易騙5分, 垃圾

多謝樓主提出，燒到埋身絕對不可坐視不瑆！

作者: puibb 時間: 12-10-10 08:12 標題: 回覆：rrgg 的帖子

Support ! 遊行我一定去！

作者: gret 時間: 12-10-10 08:53

Harebellv 發表於 12-10-9 17:34
如他們沒有香港的地址, 只可選 70, 71, 72, 74, 80, 81, 83 或 84 校網 ---> 這個應只限填甲部嗎?
我哋有 ...

當然這是乙部啦, 我都想過海抽港島D學校.....

作者: lestat 時間: 12-10-10 08:55

sadsam 發表於 12-10-8 17:51
應該再加:

父母是本港永久居民，加30分; 一父/一母是永久居民，加15分; 父母都不是永久居民，0 分~ ...

AREED, 扣佢哋5分對本地學童都冇乜大作用.
大抽獎部份要仲加多一校網"雙非網", 其他校網派淨學位先可以抽

作者: darkbson 時間: 12-10-10 09:00 標題: 引用：Support+!+遊行我一定去！ +

原帖由 puibb 於 12-10-10 發表
Support ! 遊行我一定去！

香港人真可憐！移民要做二等公民，現在住在自己出生的地方(香港)，也要做二等公民，強烈要求光復香港！

作者: gigi1227 時間: 12-10-10 10:00

本帖最後由 gigi1227 於 12-10-10 10:01 編輯

rrgg 發表於 12-10-10 00:28
多謝樓主提出，燒到埋身絕對不可坐視不瑆！

要跟遊戲玩都知, 但遊戲每個計分都要証明文件, 偏偏呢樣首名子女無! 申報就當你真架啦!
就算假算我真係無知啦, 我真係唔覺有咩方法你地可以拿到佢地大陸的戶口,
全國政府會俾你查佢地家宅??

所以好似之前POST咁講, 反正你查又查唔到, 查左又唔知真定假, 你加多項

永久居民加分啦, 又唔算叫你大改小一入學申請啦, 呢項好易姐...提供証明又容易, 身份證副本便OK
本地"正常" 一定唔會反對你呢項措施!!!

正正因為今年第一次初報小一, 我係認我對佢地雙非有不好感覺, 我報學校都要睇下有幾多人爭啦,
無宗教又唔敢報宗教學校, 報無宗教的咪除左父母/兄姐個D類別, 正常咪同D15分的爭個小量學位
但跟住自動諗到呢個首名, 班雙非假申報咪做左我地個對手囉, 雖然我知道本地一樣有人假申報(地址/首名)
但首名對於雙非黎講會不會係一舊肥肉(註: 我係用偏見去諗佢地的)

作者: gigi1227 時間: 12-10-10 10:14

我們政府好大責任....門常開.....

作者: miutang 時間: 12-10-10 13:15 標題: 回覆：初報小一得15分, 存漏洞或有不公, 雙非特別容易騙5分, 垃圾

樓主，會否你再覆信比教育局建議增設父母永久居民分？你可另開post收集家長簽名，我第一個支持，雖然我都上左岸，但唔想香港人受不公對待！

作者: sadsam 時間: 12-10-10 13:20

miutang 發表於 12-10-10 13:15
樓主，會否你再覆信比教育局建議增設父母永久居民分？你可另開post收集家長簽名，我第一個支持，雖然我都上 ...

support x 2

作者: gigi1227 時間: 12-10-10 13:43

miutang 發表於 12-10-10 13:15
樓主，會否你再覆信比教育局建議增設父母永久居民分？你可另開post收集家長簽名，我第一個支持，雖然我都上 ...

我沒有這個能力去做, 所以我不會收集簽名了, 但希望大家如果認為有問題, 幫手主動找有效的方法, 自行去信教育局/其他途徑, 希望有機會改變! 我都會繼續留意仲有咩可行方法!

我之後都有繼續回覆給教育局, 8號回覆左, 到呢刻都無任何回覆了, 而其他傳媒同議員, 無任何回覆

我之前就係EMAIL去呢個教育局電郵

[email protected]
[email protected]

THANKS!!!

作者: Harebellv 時間: 12-10-10 14:20

本帖最後由 Harebellv 於 14-8-4 12:33 編輯

...

作者: msbeauty 時間: 12-10-10 15:15

同意, 我亦去信給教育局, 傳媒, 要為自己的子女去爭取!!

作者: vykee 時間: 12-10-10 18:47 標題: 回覆：msbeauty 的帖子

同意。建議政府開辨專收雙非小學，唔好搞本地小學啦!

作者: gigi1227 時間: 12-10-12 10:02

本帖最後由 gigi1227 於 12-10-12 10:08 編輯

等左幾日, 終等到回覆, 無言!!!!

就近年內地婦女在港所生兒童(包括跨境學童)來港就讀的需要，我們理解本地家長對子女申請小一入學的心情和關注。就閣下的意見，我們有以下的補充：

來函提及的「雙非兒童」，相信是指在香港出生(但父母都不是香港永久居民)的兒童。現時，兒童只要符合參加「小一入學統籌辦法」的資格，便可透過既定的派位機制獲分配小一學位，至於申請人父母的居民身份，並不影響申請人按相同的派位機制獲派學位。

閣下提及「雙非家長兄/姊非本港就讀或畢業」的申請人，相信是指家有年長子女在大陸讀書和生活的家庭，但安排幼子跨境來港報讀小學。這些同時兼顧子女分別在兩地讀書的家庭，情況並不普遍。按目前的計分辦法，若有小一申請人的兄/姊不是在本港就讀或畢業，「計分辦法準則」第2、4項並不適用，這些兒童不會在1-5項中獲得分數。

至於閣下懷疑有家庭為年幼子女報讀香港小學時虛報「計分辦法準則」第5項以獲取分數，我們必會提高警覺，若有證據顯示有上述虛報的情況，我們定會加以調查和改善，務求公允。本局一向以來清楚提醒家長，假如虛報資料，一經證實，申請人獲派的學位會被取消。

我們再次多謝你寶貴的意見。

作者: HelicopterDad 時間: 12-10-12 10:50 標題: 回覆：gigi1227 的帖子

咁有D香港人大嗰個在外國出世，細嗰個咁報又點計？政府做野要考慮既野有好多。同埋你點嬲爸媽都好，關個細路乜事？

伸報，我家庭百分百香港原創，我個仔都係努力考校中。不過我唔同意呢種保護主義心態。

作者: gigi1227 時間: 12-10-12 11:02

本帖最後由 gigi1227 於 12-10-12 11:05 編輯

HelicopterDad 發表於 12-10-12 10:50
咁有D香港人大嗰個在外國出世，細嗰個咁報又點計？政府做野要考慮既野有好多。同埋你點嬲爸媽都好，關個細 ...

細嗰個咁報又點計？適齡 10分, 首名沒有分!

關個細路乜事?? 對不起, 不太明白, 他們港生兒童係符合小一入學申請的!

保護主義心態? 不明白, 可以講多D邊方面嗎？保護父/母永久居民優先入讀?? 他們港生兒童政府保護左佢地入讀機會?

作者: HelicopterDad 時間: 12-10-12 11:16 標題: 引用：+本帖最後由+gigi1227+於+12-10-12+11:05+

原帖由 gigi1227 於 12-10-12 發表
本帖最後由 gigi1227 於 12-10-12 11:05 編輯

我惗你唔明或誤解我意思。睇返original post講緊話有人明明唔係第一個又報第一bla bla bla.(即如果我講個case人地報佢係大既你又會唔會趕佢走？唔只雙非父母走精面既！呢條水有人又話點樣點樣做得唔好。我只想說做嗰個要考慮既野會多好多。你只插你見到浮冰上見到既野，人地要考慮成座冰山。再伸報我家冇公務員。廢事比人扣帽子。

作者: gigi1227 時間: 12-10-12 11:23

HelicopterDad 發表於 12-10-12 11:16
我惗你唔明或誤解我意思。睇返original post講緊話有人明明唔係第一個又報第一bla bla bla.(即如果我講個ca ...

OIC, 咁我註明返, 香港本地人一樣有呢類人! 假地址, 假申報首名!

咁我見佢浮左上水面, 我出聲要求佢核實首名子女申報都唔覺有咩問題吧!

我都想知多D下面的問題, 浮佢上水面!等佢地可以改善!

作者: gigi1227 時間: 12-10-12 11:40

其實係咪只係我自己將呢個問題放大左黎睇? 我的想法係因為我今年報小一, 只有15分, 我覺得任何人假申報首名, 便會不公平跟我同分爭自行階段的學位, 特別針對雙非係因為唔信佢地誠實同你要查佢地戶口應該不可能! 而事實咁多項計分都要提交証明文件, 只有首名不用!

還是小問題, 不影響太多學位, 所以無需介意??

歡迎任何意見給我, 謝謝!

作者: Lovely_BB 時間: 12-10-12 15:01

提示: 作者被禁止或刪除內容自動屏蔽

作者: methy 時間: 12-10-12 15:10

辛苦樓主了．唉．．政策既野好複雜，不過再唔改．香港自己又多左小朋友出世，加埋雙非．大家既不滿情緒只有加深。

作者: Lovely_BB 時間: 12-10-12 15:33

提示: 作者被禁止或刪除內容自動屏蔽

作者: TY33819 時間: 12-10-12 16:28

多謝你既提醒, 我剛才 send 了個 email 問教局, 任何國家都應該先保障本地人的福利, 何以教育局都目前為止都沒有特別加分給父母皆是本地人? 再問了一D自已關心的問題, 希望佢地有回覆啦..

作者: gigi1227 時間: 12-10-12 17:23

TY33819 發表於 12-10-12 16:28
多謝你既提醒, 我剛才 send 了個 email 問教局, 任何國家都應該先保障本地人的福利, 何以教育局都目前為止 ...

個回覆可能是:

現時，兒童只要符合參加「小一入學統籌辦法」的資格，便可透過既定的派位機制獲分配小一學位，至於申請人父母的居民身份，並不影響申請人按相同的派位機制獲派學位。

作者: gigi1227 時間: 12-10-12 17:26

個遊戲本身都有加分條件架啦, 加多個父/母永久居民一項??
我真係好想知, 你如果做反對者會用咩道理去反對??

作者: gigi1227 時間: 12-10-12 17:31

gigi1227 發表於 12-10-12 17:23
個回覆可能是:

現時，兒童只要符合參加「小一入學統籌辦法」的資格，便可透過既定的派位機制獲分配小一 ...

父母兄姐的身份都影響緊個學位優先次序啦, 不是嗎?

咪點解有個D畢業/就讀/教職員可以優先呀!

申請人父母的居民身份，並不影響申請人的申請資格吧!!
派位次序一向都有條件/有分別/有優先架啦!!

作者: gigi1227 時間: 12-10-12 17:32

總有一天會爆, 政府唔爆唔做野, 只會扮訓覺!

中港矛盾總有一天會大爆發!

祝大家身體健康!

作者: HelicopterDad 時間: 12-10-12 18:45 標題: 引用：多謝你既提醒,+我剛才+send+了個+email+問

原帖由 TY33819 於 12-10-12 發表
多謝你既提醒, 我剛才 send 了個 email 問教局, 任何國家都應該先保障本地人的福利, 何以教育局都目前為止 ...

永遠都唔完。當你成功後住喺名校附近既家長又會complain變解佢住隔離都比D外區生佔哂D位。又嘥學生時間又唔環保(長時間校車)。又對佢地唔公平。跟住又上街又議員。唉，我地香港人......

作者: Ryan_baba 時間: 12-10-12 19:07

首名子女呢5分，亦存在另一個不公平嘅情況。
一個家庭，兩個小朋友唔同性別，如果哥哥大抽獎時被派到男校，阿妹又冇首名子女果5分，又冇得利用世襲制，得10分，根本上冇得玩自行，只有等大抽獎。

作者: gigi1227 時間: 12-10-12 19:12

HelicopterDad 發表於 12-10-12 18:45
永遠都唔完。當你成功後住喺名校附近既家長又會complain變解佢住隔離都比D外區生佔哂D位。又嘥學生時間又唔 ...

名校附近既家長又會complain變解佢住隔離都比D外區生佔哂D位 <-會係少數吧

咁樣同本地人福利比較, 會不會不合適?

如何做香港人? 不滿政府的問題, 唔上街唔搵議員可以點? 做個沉默的人嗎？

作者: gigi1227 時間: 12-10-12 19:29

本帖最後由 gigi1227 於 12-10-12 19:32 編輯

Ryan_baba 發表於 12-10-12 19:07
首名子女呢5分，亦存在另一個不公平嘅情況。
一個家庭，兩個小朋友唔同性別，如果哥哥大抽獎時被派到男校， ...

妹妹係呢個計分制度下, 有無不公平出現我未有意見

但呢個家庭唔係首名, 無5分我認為無首名子女5分係正常!
我針對雙非係因為佢地照報首名, 教育局可以查到真假嗎? 但本地去報隨時入境處有晒紀綠(如哥哥姐姐都是本港出世!)

世襲制我對係教職員/兄姐就讀都無意見必收, 但兄姐畢業都無咩意見, 但父母畢業都有分加真係....都起碼讀完十幾年前的事吧!!!!

表達有時不好, 請見諒! 善意討論! 謝謝

作者: HelicopterDad 時間: 12-10-13 00:39 標題: 引用：Quote:HelicopterDad+發表於+12-10-12+18:4

原帖由 gigi1227 於 12-10-12 發表
名校附近既家長又會complain變解佢住隔離都比D外區生佔哂D位

你可以做D有建設性既野，譬如真係認真諗諗整盤計畫點做並不斷push比政府。不過我相信你唔會做。一因我地(yes,including me)只會吹水插嘴唔夾隊；二係當你真正認真惗時，你就會見個中N個combinations同you can never please everybody.睇睇淨係呢條水已經有唔同situations identified 左出來。我地( 同D議員)可以好容易插呢到yell at 嗰度，不過搵過令全世界拍掌既方案出來係mission impossible㗎。try not to think only ourselves, then you can appreciate more and 都快樂同感恩多D。我今日講得太多未必容易入耳既說話，受插是必然的。唔緊要，飲過夜tea食過包，又過一天，明天同個仔又要in。:;pppp:

作者: gigi1227 時間: 12-10-13 10:12

作者: gigi1227 時間: 12-10-13 17:34

政府出的野唔會有錯? 一定已考慮得好好, not perfect but the best???
我想我不適合做一個順民

我還會堅持呢個想法是對的, 現有遊戲規則下, 未能完全防止人出千(特別針對雙非假申報)! 對堅持如實申報的人存在不公! 呢個係政府的責任!!

對政府不滿, 應該繼續表達, 不應作沉默的人! 但小心俾政棍騎劫!!

各位家長加油!

作者: HelicopterDad 時間: 12-10-13 17:44 標題: 引用：政府出的野唔會有錯?+一定已考慮得好好,+no

原帖由 gigi1227 於 12-10-13 發表
政府出的野唔會有錯? 一定已考慮得好好, not perfect but the best???
我想我不適合做一個順民

呢個我1000%同意！佢做得邊到唔好應該比佢知。不過我覺得有D人心態上唔好野野插左先講。唔做順民亦唔代表需要下下惡死對抗吖。好似而家理性討論幾好呀

作者: michelletang11 時間: 12-10-13 23:46

回復 Harebellv 的帖子

同意根据给香港作贡献的多少给孩子加分，比如每年缴税到十万以上的家庭，多加10分，五万以上，加5分。如何？

作者: HelicopterDad 時間: 12-10-13 23:50 標題: 回覆：michelletang11 的帖子

做乜扯到咁遠？不過你講嗰D應該喺國際學校，私校同直資競爭緊。完全唔同玩法。

作者: Harebellv 時間: 12-10-14 01:28

本帖最後由 Harebellv 於 12-10-14 01:41 編輯

回復 michelletang11 的帖子

不要扭曲意思，貢獻不只限於交税的，就算工資少至不用交税，都对生產力有所貢獻，就算有投票的選民，有份參與社會事務，也对社會有貢獻。不是只講錢的。

作者: michelletang11 時間: 12-10-14 09:42

我不想讲钱，只是有人提议，永久居民应多加20分，那我们是非永久居民，我们也对生产力有贡献，参与社会事务，那么请问用什么衡量对社会的贡献，我们虽然居住的时间没有永久居民长，但缴的税能让政府养3，4位领钱的人，就因为我不是永久居民，我的孩子就要被降级对待？你觉得这公平吗？

作者: gigi1227 時間: 12-10-14 16:59

michelletang11 發表於 12-10-14 09:42
我不想讲钱，只是有人提议，永久居民应多加20分，那我们是非永久居民，我们也对生产力有贡献，参与社会事务 ...

我想應該個目的係保障以香港為居住地(應包括香港(永久)居民父母)的港學童吧!
係呢個POST我想我一直都係表達對港童的雙非父母的想法吧!

但你呢句說話 "但缴的税能让政府养3，4位领钱的人" , 你用這樣的想法我個人非常不認同!

香港稅收應該支付不同的政府運作開支, 让政府养3，4位领钱的人? 你交的稅不會全用在同一人身上吧!

(我表達力不太好, 希望唔好誤會我的意思, 唔明可以慢慢攪清楚)

作者: carriebaby111 時間: 12-10-14 18:23 標題: 回覆：雙非特別容易騙多自行分配5分, 又收到12/10教育局垃圾郵件

本身這個計分制的出發點是好，目的家長可選自己心意的學校。在政府立場沒有名校與否，他的立場是提供九年免費教育，人人有書讀，最緊要方便大家！！他的立場有沒有錯？？我想應該不會錯吧！那為什麼小一派位每年都如殺戮戰場呢？？是否我們家長做成呢？？呢間個校舍唔夠大，唔讀！！那間功課太多，唔讀！！總之有十萬個“個人理由”唔鐘意，唔讀……其實，想一想，我先不說什麼全世界有幾多人無書讀的大題目先，看看香港的教育和學生在全世界排名都唔差了，還想怎樣呢？！講返計分制，如你有基本的十分，再加上一些“特別分”，如兄姊同校(目的是方面便照顧)，或在該校就職的父母，或因為父母是該校的畢業生等等……除了那基本的十分是大家有分外，大家不覺得這些分數就已經和“公平”扯不上關係嗎？？？有些獨生子女可能覺得，真不公平，為什麼有兄姊就是必收生？？有些沒有宗教背景的人又會說不公平……但“分數”是“分數”，不管你平民百姓還是達官貴人，一樣是這樣計，你有的分越高代表越有機會入讀此校！ ……可笑的是，這是某程度的“公平”呀！！就算大家認為“香港永久居民”加分，都是沒有絕對公平！另外，計分制都是第一階段適用，到第二階段就大家都冇用！咁基於今年的情況，就算你手握二十分都好冇把握，而雙非比佢呃埋個5分都是15分……所以基本上是和15分的朋友一決高下，但問題是20分都唔夠抽，15分的又何來有機會呢？

作者: steven819 時間: 12-10-14 18:40

回復 gigi1227 的帖子

Yes, that's the point. We understand no system is perfect and there is always someone who try to cheat in the system. The point is now there is a group of people who cheat openly in the system and the government do nothing.

作者: gigi1227 時間: 12-10-14 21:49

carriebaby111 發表於 12-10-14 18:23
本身這個計分制的出發點是好，目的家長可選自己心意的學校。在政府立場沒有名校與否，他的立場是提供九年免 ...

兄弟父母個D都唔計算了, 我的想法15分係報無宗教的學校, 15分齊齊爭, 但佢假申報就有份一齊爭... 20分應該係宗教背景學校了....是嗎？

作者: gigi1227 時間: 12-10-14 21:58

本帖最後由 gigi1227 於 12-10-14 22:00 編輯

steven819 發表於 12-10-14 18:40
回復 gigi1227 的帖子

Yes, that's the point. We understand no system is perfect and there is always ...

YES, 我重點就係想講呢一點!!! 佢地可能唔會出千, 但開放左係度, 佢地出千政府無得查!我地都舉報唔到!

我只想係呢個公平/不公平的計分制度下, 可以在遊戲內公平咁去取分姐! 而政府唔去防止人地出千, 或無能力防止人出千....

e.g 咁啱得1個位剩, 如果咁啱又原本輪到15分唯一的我, 正常大家真誠報, 可能係我取得, 但佢地假申報, 咁呢一個大位便要同佢地抽籤, 明明佢地無資格同我爭, 只係因為騙左呢5分, 我只想講呢個公平問題姐...

作者: gigi1227 時間: 12-10-14 22:02

steven819 發表於 12-10-14 18:40
回復 gigi1227 的帖子

Yes, that's the point. We understand no system is perfect and there is always ...

好開心, 可以幫忙寫出我想講的問題, 所以我表達力唔太好, 太長篇了...

作者: carriebaby111 時間: 12-10-14 22:34

其實講到尾, 政府如果唔俾出世紙佢地就唔駛咁頭痕啦!

作者: michelletang11 時間: 12-10-15 12:39

回復 gigi1227 的帖子

楼主请不要用这种不可能的假设，20分都进不了心水小学，就别用那15分开玩笑了。

作者: gigi1227 時間: 12-10-15 13:53

michelletang11 發表於 12-10-15 12:39
回復 gigi1227 的帖子

楼主请不要用这种不可能的假设，20分都进不了心水小学，就别用那15分开玩笑了。

對不起, 我很認真討論的

是不是你的心水小學, 20分先有機會入到?

所有無宗教的學校, 減晒父母兄姐畢業(優先類別), 餘下不是15分去爭嗎？
(有無家長可以話我知想法是否正確, 還是我一直錯了)

作者: gigi1227 時間: 12-10-15 13:54

carriebaby111 發表於 12-10-14 22:34
其實講到尾, 政府如果唔俾出世紙佢地就唔駛咁頭痕啦!

YES, 不過都要解決返這幾年現有的雙非學童, 下年可能更惡劣!!!

作者: HelicopterDad 時間: 12-10-15 14:03 標題: 引用：Quote:carriebaby111+發表於+12-10-14+22:3

原帖由 gigi1227 於 12-10-15 發表
YES, 不過都要解決返這幾年現有的雙非學童, 下年可能更惡劣!!!

只怪我地生得唔夠多，等上任政府想用D陰招來減慢人口老化.....

只係怪論。唔係認真。勿插

作者: gigi1227 時間: 12-10-15 17:36 標題: 引用：Quote:原帖由+gigi1227+於+12-10-15+發表YE

原帖由 HelicopterDad 於 12-10-15 發表
只怪我地生得唔夠多，等上任政府想用D陰招來減慢人口老化.....

只係怪論。唔係認真。勿插

唔知政府會不會鼓勵港人生育呢?濫用綜援就博命生

作者: HelicopterDad 時間: 12-10-15 18:15 標題: 引用：Quote:原帖由+HelicopterDad+於+12-10-15+

原帖由 gigi1227 於 12-10-15 發表
唔知政府會不會鼓勵港人生育呢?濫用綜援就博命生

不過認真D講。昨日新聞話中學唔夠學生，可能要殺校。而小學呢批就有perceived unfair competition. 我惗某D學校可能好想雙飛學生來架。坦白說我某程度上係同情比人勁插既政府。無論上屆或現屆。佢地周不時都會豬八戒照鏡.....兩面不是人。都係嗰句，我地都係包容D。細路係無辜既。不論佢父或/及母是港人or not......世事無完美。

作者: carriebaby111 時間: 12-10-15 19:56 標題: 引用：回復+gigi1227+的帖子楼主请不要用这种不

原帖由 michelletang11 於 12-10-15 發表
回復 gigi1227 的帖子

楼主请不要用这种不可能的假设，20分都进不了心水小学，就别用那15分开玩笑了。

樓主的意思是，那些雙非父母(非中國藉和中國藉的非香港永久居民，我沒有特別期視中國人)會可以通過這個漏洞來騙取學位，這一點上，絕對是錯和犯法的，因為這是欺騙行為；而我說的只是“真正實行”的可能性！這個可能性+成功率必須要有實質的數字才可計算出來，就算政府做嘢都要計下數(例如：每年港人子女和雙非子女的比例；適齡入學人數；有多少是首名和次名子女；雙非回來就讀的人數可行的預測等等)，可能還有很多數據要立入計算範圍，但我隨便數數就有這幾點了，但我就預計未必會太多！因為礙於很多社會因素，如雙飛18歲前回歸的可能性很低，因為雙飛的父母也不能在港工作居住，怎樣照顧呢？但18歲過後可能就有一大堆雙飛兒過來了！！不知道我說得有冇漏洞，如有請提點！還有，其實我們並不是看不起大陸人，我也有很多大陸朋友！而是，大家的文化差異實在太大了！你也看到，有時有些大陸人作的事真的很不可思異！

作者: michelletang11 時間: 12-10-15 22:13

回復 gigi1227 的帖子

楼主看来是真的很天真，15分能进的小学，有几个家长会中意。

作者: michelletang11 時間: 12-10-15 22:23

回復 carriebaby111 的帖子

“那些雙非父母(非中國藉和中國藉的非香港永久居民，我沒有特別期視中國人)會可以通過這個漏洞來騙取學位”

本来不想回帖了，我很生气这里的人把永久和非永久居民区别对待，我们尽管来得时间不足够长，我老公每天12点后才回家，周末很少休息，他这么辛苦在培养你们香港的大学生，而几乎完全忽略自己的家庭，仍然被人区别对待，让人很心寒。

作者: gigi1227 時間: 12-10-15 23:05 標題: 引用：回復+gigi1227+的帖子楼主看来是真的很天

原帖由 michelletang11 於 12-10-15 發表
回復 gigi1227 的帖子

楼主看来是真的很天真，15分能进的小学，有几个家长会中意。

15分入到的學校我相信你一定唔中意!其他人未必100%不喜歡，不一定要名牌的!
官校俾晒優先有餘位不是15分去爭嗎?有錯請家長提醒我謝!

作者: carriebaby111 時間: 12-10-15 23:19

發表於 12-10-15 22:23
回復 carriebaby111 的帖子

“那些雙非父母(非中國藉和中國藉的非香港永久居民，我沒有特別期視中國人)會 ...

michelletang11

請你弄清楚,才決定生氣與否, 如基本的計分條件你還沒有弄清楚,這很難再說下去!!沒有宗教背景和官立的學校, 都沒有將宗教的5分立入的, 即是說15分是可以報宗教,非宗教和官立, 換言之, 有宗教的學校, 而你又有相同宗教的(已領洗的天主教和基督教徒)就有多5分, 即20分!!!如果我有20分, 和15分的朋友去報一間有宗教的學校, 我的機會會比他大; 相反, 就算我是有20分, 去報非宗教或官立, 我也只是以15分來計算. 另外, 分數和小學的受歡迎程度是沒有關係的...很多受歡迎的小學都是非宗教和官立的!

另外, 我要澄清, 我對的是事, 不是對人! "永久和非永久居民区别"以全個地球來說, 是沒有分別, 都是人!! 只是有些時候, 是需要分的, 就算我們(你)移民去別的國家, 我們(你)不是在那裡出生的, 我們(你)也是"非此國永久居民", 是嗎? 為什麼來到香港,就不用分??只有一個地方是不用分, 就是你出生的地方.....還有, 稅,是公民的責任, 你在那裡生活, 都要付. 是對社會的責任, 難度公共醫院你不用?路也不行嗎? 這都是從我們的稅來的, 是大家有份享用的, 明白嗎?

我老公每天12点后才回家，周末很少休息，他这么辛苦在培养你们香港的大学生，而几乎完全忽略自己的家庭，仍然被人区别对待，让人很心寒。還有, 每個人都有選擇的權利, 你們一家選擇了來這裡, 一定覺得這裡有一定的好處, 不是說成像白白奉獻了, 然後什麼也沒有得到, 誰不準你老公沒有休息??誰叫他忽略自己家庭???不是你們自己, 是誰??!!! 我話你知, 好多香港人都是這樣過生活, 不是只得你一家是這樣, 那他們的負付出是什麼??

作者: michelletang11 時間: 12-10-15 23:35

回復 gigi1227 的帖子

这话对，世界上没有100%绝对的事，100%诊断死了的人还有活过来的呢。生就是绝对的男人后半生变了女人的事也大把的例子。15分能进的小学香港当然应该很多。如果你是喜欢15分学校的家长，应该不会来到这里和这么多忧心忡忡的家长说长道短，义愤填膺的哈。

别在无谓的事上斗嘴了，挺费时的，作点有用的事，找找政府增加些小学的数量，或每个学校，尤其是好的学校增加几个班。比在这里骂双非有用多了。

gigi 挺可爱的，较真的认真。希望你小朋友找到心水学校。

作者: michelletang11 時間: 12-10-16 00:46

carriebaby111 發表於 12-10-15 23:19
michelletang11

請你弄清楚,才決定生氣與否, 如基本的計分條件你還沒有弄清楚,這很難再說下去!!沒有宗教背 ...

就讨厌帖子写成打嘴架。carriebaby111也够较真儿，只是火气大了些。写个帖子弄的起哄哄的多不值。小小辩驳一下您。
1，双非门有洗纸真没听说过。你可以去教育局试问下，双非加宗教分的有没有，有几个？
2，我在英美也生活过8，9年，只知道永久，非永久有投票权的区别，别的没发现太多区别，（可能时间太短，经历有限，每仔细研究过），来香港才长了见识，你这么一解释，才知道，香港的永久非永久界限挺分明，不过听说香港是中国的地儿来着，如果我错了，请多指教。
”明白吗“，别这么问人家，显得我挺弱智的，税，这东西我还懂点，在美国挣了点钱，都被美国老冠冕堂皇的“税”走了，添个破税表比香港浪费的时间多多了。不过享受的福利挺不错。香港的税也没少缴，就是不知道有什么福利可用，您说的那几样，除了香港的路不得不走，公立医院真没用过，一次带孩子看急诊，收了挂号费，话我们要等4个小时，孩子小，等不起，直接打车去了私院。后来知道都是双非闹的医院人这么多，（恨死双非了“）
3。来香港的好处还真让你说着了，来香港的就是为了离父母近，有什么事可以很快照应到，节省十几个小时的飞行时间，学校也不错。你说的挺对，我老公不休息真是自找的！其实教学生用不着那么认真和花时间的，应该以家庭为主，学生又不是自己的孩子，犯不上为了他们，连自己孩子的interview都不去。我一会劝劝他哈。吃力不讨好的事是该少做。（千万别以香港主人自居，对我们说，不愿意在香港呆着，滚回中国去），我们还真走不了，已经奋斗几年了，还真得为五斗米折腰。

baby111平平气，气大伤身，多珍重。写了这么多废话，一会老公回来，又该笑我。

作者: carriebaby111 時間: 12-10-16 03:14 標題: 引用：Quote:carriebaby111+發表於+12-10-15+23:1

原帖由 michelletang11 於 12-10-16 發表
就讨厌帖子写成打嘴架。carriebaby111也够较真儿，只是火气大了些。写个帖子弄的起哄哄的多不值。小小辩驳 ...

所以說，文化的差異是做成茅盾的兇手！！

請問您是否雙非兒家長呢(因為我不明白一個這麼直接的問題“虚報”要糾纏這麼久)？？又問，虚報假資料是否合法呢，(不論雙非與否)？？

說來說去，就是這一點，虚報是違法！

明白未？！This is 'Black and White!!"

另外，我強烈建議你，弄清楚計分制！其實是每人應有基本的十分(澄清不是十五分) 如首名子女多五分！！若有人虚報次子女是首名的話，他們就騙多了五分，即是先前所說的十五分了！！那麼十五分的競爭就大了，而被抽中的機會又少了！！而宗教分雙非子女如在國內的教會是與所報的小學是相同辦學團體的，理論上亦可加五分(當然可能性是低的)但現在樓主說的不是可能性或可行性，而是制度上實行時的漏洞，有可能有人會虚報資料(您能否擔保沒有人這樣做？不能擔保就是這個制度的漏洞！)明白未？！

關於“非永久居民和永久居民”的分別，我以為你不知道這就是分別了？！權利和義務上可能分別不大但肯定是有別的，但國藉上就是不同！如果沒有分別，不用有入境處和移民局吧，那麼到時真的是全球一體化了

我當然知道，香港是中國一部分，幾千年來就是了！！我愛我的家，所以不曾想過離開，扎根在這兒，你說你們是中國人，為什麼會去了外國，既然是有棵教育的熱心腸，何不留在祖國好好教育下一代，寧願去做二等公民呢？又為什麼出了國又知道外國的生活和教育特別好，要回來跟我們這些可憐的家長爭學位？不明白，但我的教授朋友都跟我說，香港教書真不錯，薪水比國內多很多，又有住屋，醫療津貼，還有一大堆什麼什麼的津貼……

既然你在外國生活過，應該知道香港的稅收是地球上數一數二的低，在外國買什麼都要立稅，這個不用說吧？！有興趣上網找查一下吧

至於稅的用途和解釋，因內容太廣，我不能在此逐點指出，大至上是發展國家在公共，機建，政制，經濟的發展上，不是你說沒有用他便沒有用了！亦是有興趣就上網查一下吧！！

作者: gigi1227 時間: 12-10-16 09:30

michelletang11 發表於 12-10-15 23:35
回復 gigi1227 的帖子

这话对，世界上没有100%绝对的事，100%诊断死了的人还有活过来的呢。生就是绝对的男 ...

我不太認同你的想法! 同時你係不明白我第一篇文的內容, 產生誤解!

之前都有人講過下計分制度的計算了, 我想你應該去了解多點!
小一學校數量應該夠吧, 因為政府保障學童有書讀, 怎樣都會有學位的!
我再仔細講我所指的人係政府/不守規則的家長(包括本港家長在內及雙非父母),
只是針對不守規則的雙非父母

作者: gigi1227 時間: 12-10-16 09:48

carriebaby111 發表於 12-10-16 03:14
所以說，文化的差異是做成茅盾的兇手！！

請問您是否雙非兒家長呢(因為我不明白一個這麼直接的問題“虚報 ...

另外，我強烈建議你，弄清楚計分制！其實是每人應有基本的十分(澄清不是十五分) 如首名子女多五分！！若有人虚報次子女是首名的話，他們就騙多了五分，即是先前所說的十五分了！！那麼十五分的競爭就大了，而被抽中的機會又少了！！而宗教分雙非子女如在國內的教會是與所報的小學

是相同辦學團體的，理論上亦可加五分(當然可能性是低的)但現在樓主說的不是可能性或可行性，而是制度上實行時的漏洞，有可能有人會虚報資料(您能否擔保沒有人這樣做？不能擔保就是這個制度的漏洞！)明白未？！

我是這樣想, 所以贊同! 政府/其他家長都可以認為可能性較低, 或都只是影響很少量學位,
但我只想表示, 佢地係有機會利用呢個方法成功騙5分, 同15分一齊爭"無宗教"的學校(不分是否心水學校)

以下的例子可能同我小一入學無關, 離題很遠了...請見諒

e.g. 就算一個清潔街道工人佢都一樣要報稅及交稅, 呢個係佢的責任, 工作上的責任就係認真清潔乾淨佢負責的範圍!

作者: HelicopterDad 時間: 12-10-16 10:13 標題: 引用：Quote:carriebaby111+發表於+12-10-16+03:1

原帖由 gigi1227 於 12-10-16 發表
另外，我強烈建議你，弄清楚計分制！其實是每人應有基本的十分(澄清不是十五分) 如首名子女多五分！！若有 ...

我覺得又不需要過份focus去雙非道。我之前也提過如果我地＂本地既＂(如你要區分)父母如果真正大嗰個喺澳紐美加出世，佢細嗰個硬係報大。咁你點睇？咪又係一樣？我絶對同意呢個制度唔完美。不過有perfect system咩？我點惗都惗唔到一個可please晒全世界既方案。可能我低低地而覺得呢個已係盡好架嘞。如你惗到可以杜絕一D存心詐騙既方法咁就好咯。不過好似黑社會打刦殺人放火咁，點杜絕係一個trillion dollars question........

作者: gigi1227 時間: 12-10-16 10:27

HelicopterDad 發表於 12-10-16 10:13
我覺得又不需要過份focus去雙非道。我之前也提過如果我地＂本地既＂(如你要區分)父母如果真正大嗰個喺澳紐 ...

點解我要FOCUS去雙非度係因為我個人相信大部份國內雙非父母都不是首名子女

點睇? 如果本地佢有外國出世的兄姐(同父同母), 硬係報大的話, 佢就係不誠實申報,
無人舉報的話又成功15分有學位, 呢個學位咪呃返黎,
有人舉報, 我都想知政府有無能力查證到! 查到咪要取消學位! 查唔到咪又係可以繼續入讀呃返黎的學位!

歡迎光臨教育王國 (/)