教育王國
標題: 港青教練推薦入Ｕ [打印本頁]
作者: AS-Ma-Ma 時間: 12-10-7 23:24 標題: 港青教練推薦入Ｕ
阿仔今年F4, 響球會踢緊U18, 一向成績麻麻, 入U系0機會.
早2日開季training完, 總教練同佢地講, 如果想入Ｕ, 只要DSE全部合格, 佢可以寫推薦信, Ｃity 會收 .我聽完初時即現曙光. 不過諗諗吓, 有無咁荀 ??!! 唔知會唔會系阿仔聽錯 !!?? 我知正式港隊成員系可以既, 佢地呢ｄ都得咩?? 咁其實如果唔得, 教練又唔會咁同佢地講丫 ?? 心中有 100個問號........
全部合格就得? 咁系咪即系全2就得?? 定系都系要3322 ?? 即使有3322 都唔知有咩科讀?? 最低門檻既科目又會系咩科??
因為之前系0希望, 所以無咩留意呢方面既資料, 請各位高人提點提點. 謝謝.
作者: khmama 時間: 12-10-8 00:28 標題: 回覆：AS-Ma-Ma 的帖子
運動員獎學金計劃係有嘅，港大，中大同城大都有，但每間U收得十幾二十個位，唔係太多。只要運動成績卓越，例如港隊，港青，香港紀錄保持者，世界或本地有排名，國際，本地及學界比賽獲獎無數，屬冠軍级人馬，就可以由總教練推薦。係有咁筍，但大學會唔會咁易比conditional offer比你呢？你試下都無妨嘅，但係唔好抱太大希望。另外你亦可以透過校長推薦計劃考大學，又多一個希望。
作者: mgtmgtmgt 時間: 12-10-8 15:42
"3322"=中, 英,數, ls = 係基本要求, 全部合格可獲"有條件取錄"這個神話已在上次DSE幻滅.有無OFFER係睇您報邊科及校內成績,兩者非常重要
作者: mgtmgtmgt 時間: 12-10-8 15:51
SORRY, 如所提及CITYU, 我吾清楚, 但入大學基本要求3322, 我估OFFER係吾可以低過於3322, UNCONDITIONAL OFFER是例外.最好直接問清楚
作者: ANChan59 時間: 12-10-8 17:01
回復 mgtmgtmgt 的帖子
正確，點都唔會低於3322......
作者: khmama 時間: 12-10-8 19:19 標題: 回覆：mgtmgtmgt 的帖子
基本上大學會考慮考生所報課程要求嘅成績，再評估考生嘅成績，唔會差太遠先會有conditional offer.阿女嘅師姐早幾年都係經運動員獎學金計劃入HKU嘅medi，但係佢A-level考到3A，唔係剛剛合格嗰種。
作者: AS-Ma-Ma 時間: 12-10-8 21:40
回復 khmama 的帖子
多謝各位有心人指教.
可能教練講得輕鬆左, 令我諗多左 !! By the way, 佢今年F4, 希望佢能嘀起心肝, 認認真真讀書, 到時能超額完成,再加推薦信, 便能更有利吧.
作者: Jackieson 時間: 12-10-8 23:24 標題: 回覆：AS-Ma-Ma 的帖子
可以用教練的說話，作為推動力，努力讀書，而家F4仲未遲，有兩年發力考好D入大學，加油呀!
作者: greendad 時間: 12-10-9 22:16
提示: 作者被禁止或刪除 內容自動屏蔽
作者: khmama 時間: 12-10-9 22:39
本帖最後由 khmama 於 12-10-9 22:46 編輯
回復 greendad 的帖子
兩間大學夾埋先收27個, 運動成績必須有番咁上下先有機會, 但都要視乎所選既課程. 你見港大收既都係文武相全既學生, 就知道唔係單靠特異功能就可以入大學.
(星島日報報道)運動員須投放不少時間於訓練上，要兼顧學業成績比一般學生更加困難。大學聯招今天放榜，共二十七名優秀運動員獲香港大學和中文大學取錄，包括港隊排球及沙灘排球青年軍代表司徒允琦、學界籃球精英易漢暉；二人於首屆中學文憑試中考獲四科5**、兩科5*佳績，將入讀港大醫學系。
港大昨公布，今年取錄十四名學術成績優異的運動員，其中四人將入讀工商管理學/工商管理學（會計及財務）。醫學系、經濟學/經濟金融學系和護理學系亦各取錄兩名運動員；其餘四人則分別入讀建築學系、工商管理學（國際商業及環球管理）、教育學士及社會科學、社會科學（政治學與法學）。
獲取錄入讀醫學系的兩名運動員，分別是港隊排球及沙灘排球青年軍代表司徒允琦和學界籃球精英易漢暉。就讀協恩中學的司徒允琦，曾代表港隊青年軍，參加亞洲女子排球錦埠際排球錦標賽和全國中學生運動會排球賽等，亦曾獲得學界第一組沙灘排球賽冠軍。
她早前獲頒中銀香港紫荊盃最佳運動員時曾表示，要平衡學業與運動並不容易，期望升讀大學後可繼續兼顧兩方面，以代表香港參賽及爭取佳績為目標。
籃球港青代表易漢暉，則是在醫生父親的耳濡目染下，立志行醫。喇沙書院畢業的易漢暉，曾出戰全國中學生運動會籃球賽、中國高中籃球聯賽港隊成員、學界埠際籃球錦標賽等；並代表母校在學界奪得全港精英賽及九龍區 D1兩大錦標冠軍。除籃球外，他於田徑方面亦表現出色，曾於全港學界田徑賽中，取得鐵餅賽冠軍。
另一名獲港大取錄入讀護理學系的優秀運動員，是香港青年一萬米第二名黃暐璁。他曾參加亞洲中學生越野賽、十公里賽學界挑戰盃等，並取得多項學界體育獎項。另外，中大則通過「精英運動員計畫」，取錄十三名學生，包括游泳、救生、排球及田徑的香港隊成員；也有香港青年軍成員獲取錄，運動項目包括劍擊、游泳、田徑、三項鐵人、足球和手球等。
作者: mgtmgtmgt 時間: 12-10-10 09:37
港隊好多"精英"入吾到大學, 佢地學校係吾會登報紙通知公眾.大學收生要文武相全, 讀好書, 一生受用
作者: greendad 時間: 12-10-10 21:42
提示: 作者被禁止或刪除 內容自動屏蔽
作者: AS-Ma-Ma 時間: 12-10-10 23:16
回復 greendad 的帖子
Khmana 文中提到的同學, 單看成績, 佢地已夠分入Ｕ, 再加推薦信, 相信選科可相當進取, 兼且10拿給9穩添.
阿仔教練特別提到City會收, 唔知係唔系City門檻較低, 機會大Ｄ ??!!
自知阿仔向來成績不是特別好, 自己又無本事供佢去外國讀書, 成日都好擔心佢既出路 !! 而家總算有個希望, 得唔得就要睇佢自己既做化, 我亦唔會奢望佢會有機會讀Ｄ勁科, 比佢讀都讀唔到啦!!
你地可唔可以再比Ｄ意見, 有Ｄ咩科收生門檻比較低, 同埋較易讀?? 等我早Ｄ同佢做好準備. 謝.
作者: khmama 時間: 12-10-11 08:52 標題: 回覆：greendad 的帖子
運動員獎學金計劃唔係間間大學有，我知道有嘅得港大，中大同城大，係純粹比運動員申請，主要睇運動成就，一旦取錄會有學位+獎學金+宿位offer。文中兩位學生成績入醫科係綽綽有餘，DSE考到5科5**得83人，4科5**已經係排84開始。HKU醫科收生都係最少30分，呢兩位同學夠分有餘。
你可能混淆咗校長推薦計劃，呢個計劃唔止比運動員申請，八間大學都有，可能要面試，上面個計劃就唔使。呢個計劃最多只offer學位，其次係bonus point，甚至咩都冇。
我冇港隊+港青+其他出色運動員而又要考大學嘅數字，唔知競爭有幾大，但兩間大學先得27個，加埋城大都唔會多好多，我只想講成績始終係最基本，唔好一心諗住靠呢個計劃諗住實得而放鬆。阿女上年個教練都係咁同阿女講，不過係中大唔係城大，佢喺亞洲，本地同學界都有攞金牌，最終佢都係要靠成績入中大，書院運動獎學金+宿位仍有offer比佢。所以唔想你抱太大希望，最好先讀好書，兩年後申請當然可以。
作者: greendad 時間: 12-10-11 22:22
提示: 作者被禁止或刪除 內容自動屏蔽
作者: 樂樂 時間: 12-10-11 22:43
樓主
我識得一個香港青年軍運動員,被理大睇中,未考AL 已同佢講,如果你AL 有3條E我收你,結果佢有5個E,入左理大.
作者: AS-Ma-Ma 時間: 12-10-11 23:03
回復 樂樂 的帖子
是不是今年?? 相信佢一定系非常出色既運動員, 如果唔孩理大點會主動比offer ?
請問知唔知以佢呢個成績, 佢讀邊科??
作者: mgtmgtmgt 時間: 12-10-12 10:26
理大會否包括副學士???
作者: 樂樂 時間: 12-10-12 10:32
mgtmgtmgt 發表於 12-10-12 10:26 
理大會否包括副學士???
作者: khmama 時間: 12-10-12 10:59 標題: 回覆：mgtmgtmgt 的帖子
理大同教院只有高級文憑，城大先有副學士。
作者: khmama 時間: 12-10-12 11:09 標題: 回覆：greendad 的帖子
冇錯，理大都有傑出運動員推薦計劃，對於考生都多一個機會去搏，就好似去考直資咁，唔得都唔會影響派位。唔知有冇課程資料，如果成績唔夠選課程都唔可以太進取。其餘四間大學似乎冇公開收運動員，所以成績好可以搏港大同中大，成績麻麻可以搏理大同城大。
作者: khmama 時間: 12-10-12 11:12 標題: 回覆：AS-Ma-Ma 的帖子
城大係學院制收生，學額多啲，加埋運動員推薦會比理大嘅機會大啲。
作者: ha8mo 時間: 12-10-12 11:37
提示: 作者被禁止或刪除 內容自動屏蔽
作者: mgtmgtmgt 時間: 12-10-12 11:54
回復 greendad 的帖子
"以我所知理大同城大都對傑出運動員作非常寛鬆嘅收生標準" ---是否都要3322??
作者: mgtmgtmgt 時間: 12-10-12 11:56
理大收似有副學士????
作者: mgtmgtmgt 時間: 12-10-12 12:05
理大副學士係"自資", 似直資學校收運動員由學院自行決定, 而完成副學士是否可以入大學得一個明乎其實學位, 就要自己考慮,
作者: khmama 時間: 12-10-12 12:33 標題: 回覆：mgtmgtmgt 的帖子
jupas 個網副學士得城大有。
作者: nintendo 時間: 12-10-12 12:42
本帖最後由 nintendo 於 12-10-12 12:44 編輯
樂樂 發表於 12-10-11 22:43 
樓主
我識得一個香港青年軍運動員,被理大睇中,未考AL 已同佢講,如果你AL 有3條E我收你,結果佢有5個E,入左 ...
純粹好奇，你用 "睇中" 形容
是不是學生入大學後，要承諾會有任何 obligation 要履行？
同埋，呢個學生，入了邊一科讀？
作者: 樂樂 時間: 12-10-12 16:53
nintendo 發表於 12-10-12 12:42
純粹好奇，你用 "睇中" 形容
是不是學生入大學後，要承諾會有任何 obligation 要履行？
同埋，呢個學生， ...
因為佢學界精英賽冠軍,全港公開賽成績又唔錯,有冇obligation 我就唔知呀,
佢讀則量架,成功畢左業啦,
另外聽亞仔講有位運動都好叻,副學士入左港大,但因GPA太低,冇再讀啦.
作者: Annie123 時間: 12-10-12 17:32
提示: 作者被禁止或刪除 內容自動屏蔽
作者: annie40 時間: 12-10-12 17:49
回復 Annie123 的帖子
Annie 123,
你的说法比较中肯, 真的, 香港有几十类运动行目, 每个运动每年适龄准大学生, 少说总有几个, 总额不少于五十到一百个, 大学是不容易破格吸收的. 据知美国的大学, 一般要求有否奥运会参赛者资格, 才把此资格列入考虑之列, 否则港队的title 只可作为 personal statement 多点自我介紹而已! 不要寄望太高.
作者: Annie123 時間: 12-10-12 18:18
提示: 作者被禁止或刪除 內容自動屏蔽
作者: greendad 時間: 12-10-13 07:47
提示: 作者被禁止或刪除 內容自動屏蔽
作者: khmama 時間: 12-10-13 11:32 標題: 回覆：greendad 的帖子
個遊戲規則係:只要大學肯比個conditional offer比你，你只需考到合格就可以入U。大前提係大學肯唔肯offer比你，我識得一個今年經呢個計劃入中大讀Accountancy嘅係田徑嘅紀錄保持者。上年教練叫阿女申請，我都憧憬offer咗比阿女就可以唔使咁大壓力，因為我覺得佢嘅運動成績應該得，但事實係冇offer，可知一山還有一山高，真係要戰績彪炳先得，我亦唔知大學有冇其他考慮因素，所以你同Annie123都冇講錯。
作者: mgtmgtmgt 時間: 12-10-14 08:20
回復 khmama 的帖子
中大會計offer 一定高過3322
作者: khmama 時間: 12-10-14 10:40 標題: 回覆：mgtmgtmgt 的帖子
普通考生要入Accountancy，當然唔可以3322，但係經運動員獎學金計劃offer咗個位，理論上只需合格就得，我冇查證嗰個學生咩成績同埋中大有冇另外開條件，佢係khpapa朋友兒子，唔係幾好意思問
作者: 樂樂 時間: 12-10-14 23:51
khmama 發表於 12-10-14 10:40
普通考生要入Accountancy，當然唔可以3322，但係經運動員獎學金計劃offer咗個位，理論上只需合格就得，我冇 ...
作者: khmama 時間: 12-10-15 08:14 標題: 回覆：樂樂 的帖子
大學都會收運動叻，已經贏過好多比賽嘅考生，包括世界，本地同學界。但係都要攞3322先得。至於有冇一啲運動員叻到unconditional offer就唔知啦。
作者: ANChan59 時間: 12-10-15 08:35
回復 khmama 的帖子
我估計unconditional offer 機會微d，香港始終沒有體育大學。
作者: ANChan59 時間: 12-10-15 08:37
回復 ha8mo 的帖子
唔知有多少名是足球員？
作者: ha8mo 時間: 12-10-15 09:06
提示: 作者被禁止或刪除 內容自動屏蔽
作者: chunyatmama 時間: 12-10-15 14:53
ha8mo 發表於 12-10-15 09:06
大學都係一心收D細路返去贏獎，同埋仲有一個大型國際性運動會叫國際大學生運動會，大學都想有自己既學生可 ...
I have reservation on this point. As the honour will go to the student instead of the University. What's more, the Universities look for higher international ranking rather than some "noise" from the students with exceptionally flying colour on sports.
作者: chunyatmama 時間: 12-10-15 14:58
In the good old days, I had participated the TIG and almost had the chance to represent HK for the 國際大學生運動會 . The University gave no guidance or real support to us. Everything was organized and arranged by students themselves. The University just trust us can do it.
Yet, I have no idea about the situation now.
作者: ha8mo 時間: 12-10-15 15:02
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |