教育王國

標題: 小朋友應該幾年班開始比佢補習呢? [打印本頁]

作者: RITA_MAMA 時間: 12-10-6 18:55 標題: 小朋友應該幾年班開始比佢補習呢?

hello各位~第一次來這裡
想請問小朋友應該幾年班開始比佢補習呢?

作者: prettyoni 時間: 12-10-6 19:42 標題: 引用：hello各位~第一次來這裡想請問小朋友應該幾

原帖由 RITA_MAMA 於 12-10-06 發表
hello各位~第一次來這裡
想請問小朋友應該幾年班開始比佢補習呢?

我仔從來都冇補習，小學時只是每星期六、日都要佢做練習+讀書比我聽。

作者: qop 時間: 12-10-6 21:41

其實無特定幾時要補
我囝囝囡囡小一時，我都係全職家長，佢地係完全跟得上學校的進度，只係唔叫叻咁解。
最終去補習社都因為舊老闆再搵我，我見人工唔錯又想為對仔女留點錢，先再出嚟搵食。
但有點妳要注意的，小三前一定要打好個根基，因為我見好多小朋友都係小三後出事，所以妳要盯緊小一小二的成績，因為最終要洗好多錢同時間去追。

作者: 花仔媽咪 時間: 12-10-6 22:02 標題: 回覆：RITA_MAMA 的帖子

真係好視乎小朋友主唔主動、又睇下家長教育水平、再睇下家長使晤使返工、同睇下讀什麼學校、仲有睇下家長同小朋友進唔進取！

作者: RITA_MAMA 時間: 12-10-7 11:24

我同我先生都要返工架, 囝囝岩岩升小三, 成績都ok, 見好多家長朋友都開始送佢地仔女去補習班或者私補。但我覺得補習d miss咪又係學生, 唔知信唔信得過?
如果真係要搵補習, 私補同補習社邊個會好d ?

作者: huba 時間: 12-10-7 15:02 標題: 回覆：RITA_MAMA 的帖子

As you said, your son is doing okay. Why and where you see the need to send him to tuition classes?

作者: RITA_MAMA 時間: 12-10-7 15:21

想佢再好d嘛, 我自己細個時就係冇補習呢個概念, 靠自己成績雖然過得去, 但始終上唔到最top, 而家佢小三, 都開始要諗定搵中學啦, 而家競爭太大了。

你地都唔建議小朋友小學開始補習?

作者: qop 時間: 12-10-7 18:11

RITA_MAMA 發表於 12-10-7 15:21
想佢再好d嘛, 我自己細個時就係冇補習呢個概念, 靠自己成績雖然過得去, 但始終上唔到最top, 而家佢小三, 都 ...

其實好難同我地小時候去比較，始終今時今日迷惑多咗，好似我老公話dry，明知佢有得去，當然希望佢跑到頂峰，無得去，唯有認命。但係認命之前，父母有冇去理解或係嘗試另一啲方法去認知佢係無得去，還是父母沒有方法呢！就好似我囡囡為例。我同老公一二年級時都認命，我地一直用囝囝的方法去對囡囡，再加上我兩工作上都係忙死，更加難抽時間去想更多方法，只好交比外人，當然唔係一搵就搵到間好，直到3年級搵到現時呢間，佢可能有另一啲方法去對我囡囡，所以成績出咗嚟係我兩意料之外。至於補或不補，真係無標準答案，始終家庭唔係copy出來，我都好想一直陪伴佢地直到中一，但生活職位錢，都係阻礙，無論佢地讀到讀不到，未來洗錢的方法都係一様，讀唔好又要洗錢補底，唔通真係想佢入B3中學，讀得好又想佢拔尖。各有各難處。不過有様嘢係我見到的，補底係比拔尖洗更加多錢，因為補底係要花好多時間去追，你唔追就不停係咁跌，你會發覺跌到有一日，學校會放棄，之後就係挑戰家長的堅毅去面對呢啲放棄，但拔尖就可拔可不拔，你唔拔佢依然保持水準，拔只不過想佢去得更順更好。
其實可能有人會覺得我兩十分現實，無計我兩的職位比我地見太多現實點。話說我囡囡2年級時果間補習社，我老公同事托我幫佢問留位比佢對小朋友，但一直都話無位，但當我妹妹自己去問，就立即收咗，當然對方唔知佢係我妺妹，但我老公心水清，話人地小三係小三料，佢地小三係小二料，如果係你，你會選易做定選個難做呢！如果你係有得選擇的話........，如果你係無得選擇的話..........，其實無得死做爛做的，只會累鬥累質素下降......
至於私補還是補習社，真係睇妳好唔好彩，我兩類都試過，但都換咗好幾個好幾間，先搵到間有心做的，都真係幾難的事。

作者: RITA_MAMA 時間: 12-10-8 18:13

阿仔而家d功課簡單就話handle到, 甚致佢測驗考試都唔使點溫書0既, 不過成日聽人講一上到小五六或者中學就見真章, 唔勤力真係唔得架, 所以咪想比佢習慣下補習, 有陌生人督住佢好d, 佢怕外人, 應該會認真d。想問下呢度係咪唔可以開補習社名架?? sorry我真係好少上forum。但我真係想問下人意見!

作者: teresayc 時間: 12-10-8 22:43 標題: 回覆：RITA_MAMA 的帖子

長遠考慮，應該培養小朋友獨立完成功課，繼而獨立温習默書範圍的能力，若未能做到，將來升中後便很難獨自完成功課及温習考試，難道到中學還要日日補習？若小朋友在各方面都能獨立應付，補習只為提升實力，超越學年，那倒不如報讀一些證書課程，既可提升水平，將來升中面試也可多一張沙紙。若純粹為填滿小朋友的時間，不如讓小朋友多閱讀，效果更佳。

作者: anna59 時間: 12-10-9 08:57

回復 qop 的帖子

我好認同你既講法,小三(或者小四)系一個分水嶺,唔怪得有d學校升小四先至以成績分班,好多人小一小二成績真系好好,有d仲全級頭十名,點知去到小三成績不斷退步,如步果小三唔救,小四成績會大退步

作者: aeiou_drm 時間: 12-10-9 10:48

本帖最後由 aeiou_drm 於 12-10-9 10:50 編輯

Some thoughts share from my son's school Principal. He told me that in P1 and P2, most parents will take very good care of their children homework, tests, exams ... and think they are still young... need to pay a lot of attention. While in P3 some parents may think their children have grown up and will be able to independently to handle homework .etc... so parents will try to pay less attention. As a result, the children performance will drop, and once they have dropped, it will be very difficult to push back on the track. So even the children is in P3, p4.... parents still need to keep close eyes on them.

作者: kitbebe 時間: 12-10-9 10:58

我女小五開始補中英數, 其實人人唔同, 要睇番你小朋友有冇需要去補

作者: 小木偶媽咪 時間: 12-10-9 13:23

我囡囡小五,佢自己攪得掂就唔駛補,
咁你小朋友功課有冇問題?有問題你又幫唔幫到?如果唔得就有需要補習了

作者: RITA_MAMA 時間: 12-10-9 19:25

回復 kitbebe 的帖子

私人定補習社呀?

作者: teresayc 時間: 12-10-9 22:15 標題: 回覆：RITA_MAMA 的帖子

if u can afford, private tutor is better for u to supervise.

作者: ah-ho 時間: 12-10-10 10:26

aeiou_drm 發表於 12-10-9 10:48
Some thoughts share from my son's school Principal. He told me that in P1 and P2, most parents will ...

甘校長有無講幾時可以睇少D？小四、小五？到時又要準備評分試，風險咪仲大？所以，幾時放手，一直都係我心中既問題。
我小朋友而家小二，我自己就好想早D放手，但我太太應該唔係甘想，都想keep住睇住佢。
大家呢方面又點睇？

作者: MonkeyGirl 時間: 12-10-10 11:52

回復 ah-ho 的帖子

我而家試緊我女, 小三半放手...原因 :佢開始對分數有感覺, 亦開始知道無人可以幫到佢...雖然我對住佢都好 angry , but 一諗到高小/ 中學時, 唔可以下下靠我, 就為有堅持啦...

作者: mandy304 時間: 12-10-10 12:27

小一可以應付到的, 我會選擇自己教, 緃然自己也是全職工作. 教到有一日覺得自己都感吃力時, 就尋求外來協助, 如補習, 私人補習等.

試想. 誰會更了解自己小朋友學習模式, 誰更落力follow up佢的功課成績及發展.  除非我能力不達, 否則仍享受自己教小一的仔仔.  其實就連普及英拼音也一齊苦練, 我也增值不少呢.

作者: mamee 時間: 12-10-10 12:52

今年小五開始補中文, 其實成績還可以, 只係擔心呈分試, 所以都找左個姐姐補, 心底覺得難為了阿仔.

作者: albb 時間: 12-10-10 13:37

各人家庭背景不同, 要求唔同, 全職或在職媽咪又唔同, 小朋友資質又不同, 最好睇番自己小朋友跟唔跟得上學校課程.

作者: albb 時間: 12-10-10 13:40

如果個個媽咪都咁叻, 補習社都唔會開到成行成市, 呢個係供求問題, 睇下自己需要啦

作者: albb 時間: 12-10-10 13:46

我雖是全職媽咪, 功課在校差不多做晒, 但我小朋友某些科目都有困難, 要好努力才可以免強應付, 我都有計劃搵補習幫下手, 但有些科目佢又好輕鬆應付, 視付家長想自己仔女係要好輕鬆 / 家長免強還可以教 / 補習社專攻既環境來應付學校科目

作者: teresayc 時間: 12-10-10 18:57 標題: 引用：如果個個媽咪都咁叻,+補習社都唔會開到成行

原帖由 albb 於 12-10-10 發表
如果個個媽咪都咁叻, 補習社都唔會開到成行成市, 呢個係供求問題, 睇下自己需要啦 ...

Agree!

作者: aeiou_drm 時間: 12-10-11 10:12

回復 ah-ho 的帖子

Exactly, I was trying and thinking to let go as my son is P3 this year. That's why I chatted with the School Principal. He said if children performance drops, then it needs more effort to pick up especially in P1 & P2 in our school, these are honeymoon years, less HW. However, once in P3 the workload is pretty much heavier. In his conclusion, it is better to follow up as long as parents cannot afford their time.
For me, I am semi- let go on his homework. I will check if he has finished all his HW, but not check if he has finished them all correctly and not check his schoolbag if he have bring all books.

作者: RITA_MAMA 時間: 12-10-11 13:43

回復 mamee 的帖子

中文?? 英文反而唔使補?

作者: RITA_MAMA 時間: 12-10-12 15:05

回復 albb 的帖子

其實補習社師資係咪比私補有保證d??

另外功課輔導班同補習班係咪同一樣野來?

作者: mamee 時間: 12-10-13 17:10

RITA_MAMA 發表於 12-10-11 13:43
回復 mamee 的帖子

中文?? 英文反而唔使補?

補習真係好個人. 以我個仔為例, 中文係最難拎高分: 寫錯4-5個字, 已經無左4-5分; 答左2-3題閱讀理解又無10分8分. 今年5年級, 那些主旨段意, 修辭方式, 我全部唔在行, 所以今年先找人補補中文.

作者: qop 時間: 12-10-14 00:09

RITA_MAMA 發表於 12-10-12 15:05
回復 albb 的帖子

其實補習社師資係咪比私補有保證d??

私補 vs 補習社我個人覺得，睇老師本身係唔係一個有責任同有心的人，無話邊一種類較好，只係私補老師大多都係求學中，補習社兩種人都有，資源就多數補習社多，因為始終都係一間商業機構。

功課輔導班同補習班，間間都唔同，不過大多數應酬功課，有啲就會包搵習測考。

不過有様嘢要提一提醒，留意小朋友日常的禮貌，因為我發覺無咩禮貌的小朋友，甚少機會遇上一個好老師。

作者: albb 時間: 12-10-14 22:44

RITA_MAMA 發表於 12-10-12 15:05
回復 albb 的帖子

其實補習社師資係咪比私補有保證d??

我自己覺得補習社負責人係自己有份教好D囉, 機構應該會有好多試題參考, 曆史悠久既始終經驗會好D,
私人真係要靠口碑, 唔識人自己盲蹤蹤咁搵, 尤其是讀緊書真係幫補下收入, 老師考試緊要還是自己小朋友考試緊要呢? 不過凡事都有相論既, 好既就會靠運氣, 花時間咁囉 (我自己覺得咋)

我自己覺得咋>>>功課輔導班: 主力學校功課 , 補習班:係學校以外既知識

作者: Winnie0615 時間: 12-10-16 13:46

我都認同, 唔應該太細個就比佢補習, 應該培養佢自己個人溫書及做功課的習慣. 太早比佢補習, 只會令佢過份依賴! 三思呀!

作者: MiaoMommy 時間: 12-10-17 00:10

如果成績OK, 不用找私人補習啦啦! 我反而會用時間去鞏固一些長久有用的科目, 例如 English grammar, 寫作技巧等, 畢生受用,中學時也可輕鬆D

歡迎光臨教育王國 (/)