教育王國

標題: 藍田佛教金麗幼稚園好唔好? [打印本頁]

作者: 陰公之人 時間: 12-10-5 14:34 標題: 藍田佛教金麗幼稚園好唔好?

請問有無人讀緊藍田佛教金麗幼稚園? 想問課程

好唔好? 有無普通話, 英文堂上? 幾時教寫字? 因想幫小朋友報2013-14年的K1呀?
謝謝!

作者: RebeccaLeung817 時間: 12-10-8 17:54 標題: 陰公之人的帖子

K1開始有普通話，英文無外藉老師但有2本英文書1本Phonics for Kids ，教英文老師每級有1位，同小朋友說話不會講中文，讀過妳就會知她教法好成功，我囡囡現在讀K2，老師叫她帶東西回校，她落保母車就會立即說給我知，第二日我問囡囡有無小朋友唔記得她答我無小朋友唔記得。(屋村價錢私校教法）

作者: RebeccaLeung817 時間: 12-10-8 20:32 標題: RebeccaLeung817 的帖子

後加妳問寫字問題，10年前我大仔讀時幼兒班上學期畫線條下學期寫字，所以藍田都程道算深，自從有學卷開始就比巳較遲寫字，幼兒班上下學期線條同認詞語都幾多到低班開學就寫字每日都有3本功課，所以幼兒班完咗升低班學校會預備暑期作業加多1本學校自己出題目的作業都開始比小朋友寫字。我自己看法個仔10年前讀和妹妹現在讀寫字先後都沒有太大分別，如果要同有鴨仔那間比都不會很大分別但錢鴨仔就會好貴，我個囡n班在這間讀。

作者: 陰公之人 時間: 12-10-9 09:13

回復 RebeccaLeung817 的帖子

好多謝你的回覆呀! 聽你這樣說令我好想俾小朋友讀金麗呀! 因為你所講的內容同鴨仔學校參不多, 因我大仔响鴨仔學校讀K2, 因細仔在鴨仔學校讀PN班, 出年K1無學券想轉校, 因學費真係好貴呀!

作者: dewberry 時間: 12-10-9 13:11

我之前有考慮過金麗, 但因為佢係佛教, 會叫小朋友唸經同有佛像喺校舍, 所以放棄咗, 本人喜歡基督教多啲!

作者: RebeccaLeung817 時間: 12-10-9 14:34 標題: 陰公之人的帖子

希望妳成功，今年拿表十—月二日（五），接見十—月三曰（六)要早上就早2日去排，有兄弟姊妹都一樣要排好公平。

作者: RebeccaLeung817 時間: 12-10-9 14:57 標題: dewberry 的帖子

妳在什麼地方聽要小朋友唸經，我囡讀K2都聽不到她唸經但在幼兒班有一頁兒歌就是讃佛偈因有浴佛節，本人一家都有返教會，但個人看法最想小朋友在開心同愉快學習環境最重要，金麗可以做到，學校做品德方面好好。

作者: cat2007 時間: 12-10-9 15:01

我之前屋企人都唔太LIKE..旦係都冇關係
旦我有0的家長講.小學就最好唔好揀佛教..
幼稚園係冇咩所謂(係一0的教書既朋友仔講既)

最後都揀左金麗了

作者: 陰公之人 時間: 12-10-9 15:24

回復 cat2007 的帖子

我想問如果想讀下午班, 要唔要早一晚去排隊呀? 定11月2日早上7點去排已可以呢?
另外, 我想知如果他日想報福建小學或其他直資小學(基督教/天主教),會唔會因為是佛教學校而有所影響呢?
同埋點解小學唔好揀佛教小學呢?
謝謝!

作者: RebeccaLeung817 時間: 12-10-9 16:20 標題: 陰公之人的帖子

其實我大仔讀李兆強後我都不想個細囡好像哥哥由升小一開始不停讀書都無童真，所以會選擇私校，會跟她唐家姐選漢華小學有中學部。上年我認識高班金麗小朋友都去妳說這些學校考試都收咗。如果你讀下午可以十一月二日早上5:00妳好去排，如果今年小朋友多收滿就沒有位，年年都好多人。

作者: cat2007 時間: 12-10-9 19:09

陰公之人發表於 12-10-9 15:24
回復 cat2007 的帖子

我想問如果想讀下午班, 要唔要早一晚去排隊呀? 定11月2日早上7點去排已可以呢?

旦我就比較保守0的
早一至兩日去..起碼下午機會都大

其實小學我就唔太了解..
旦係第時升中.真係派得唔好.會睇你讀咩小學

作者: 陰公之人 時間: 12-10-10 09:12

回復 cat2007 的帖子

所以我諗住早一晚大約10:00pm去排呀! 唔知得唔得呢?

作者: RebeccaLeung817 時間: 12-10-10 11:24 標題: 陰公之人的帖子

如果要下午早一晚都可以。妳細仔是什麼月份。

作者: 陰公之人 時間: 12-10-10 12:26

回復 RebeccaLeung817 的帖子

細仔係5月8日出世.

作者: beast 時間: 12-10-12 10:16

我仔仔係細B今年讀緊下午班, 我們係在報名當天的清晨3.00左右去排.

作者: RebeccaLeung817 時間: 12-10-12 15:53 標題: 陰公之人的帖子

我收到D風話收13年讀K1就算想下午班都要早D排，因好以少咗1班同鴨仔學校無學卷所以好多人排，（帶多件褸排深夜好凍）今年最好無雨排前看天氣報告。

作者: oc668 時間: 12-10-14 21:36

RebeccaLeung817 發表於 12-10-12 15:53
我收到D風話收13年讀K1就算想下午班都要早D排，因好以少咗1班同鴨仔學校無學卷所以好多人排，（帶多件褸排 ...

點解會少一班嘅? 唔係年年一樣收咁多嗎?死啦，出年細囡報名（14年）咪要排通宵!

作者: cat2007 時間: 12-10-25 19:17

oc668 發表於 12-10-14 21:36
點解會少一班嘅? 唔係年年一樣收咁多嗎?死啦，出年細囡報名（14年）咪要排通宵!
...

而加K2, K3 都係5班..今年就上,下共6班..

作者: 陰公之人 時間: 12-10-26 16:36

請問K1一班有幾多人?
面試大約幾耐? 會考什麼?
面試完, 會幾時知結果呀?

作者: RebeccaLeung817 時間: 12-10-27 11:21 標題: 陰公之人的帖子

1班35人每班有2個老師，今年2號拿表3號接見完（下午會有電話通知）。

作者: RebeccaLeung817 時間: 12-10-27 11:41 標題: 陰公之人的帖子

交表後會約接見時間，1個老師會帶妳和小朋友到課室坐下會問小朋友顏色，大少，生果，交通工具，拼圖，比本圖書小朋友叫他放在圖書架，大約接見15至20分鐘，妳不用擔心妳細仔有讀N班，記得叫老師早晨或午安，再見。

作者: MINI1601 時間: 12-10-27 12:19

RebeccaLeung817 發表於 12-10-27 11:21
1班35人每班有2個老師，今年2號拿表3號接見完（下午會有電話通知）。

1班 35人 ? 我囝囝讀緊 k1, 1班得 22人, 有2個老師

作者: babycat1111 時間: 12-10-27 15:12

RebeccaLeung817 發表於 12-10-27 11:41
交表後會約接見時間，1個老師會帶妳和小朋友到課室坐下會問小朋友顏色，大少，生果，交通工具，拼圖，比本 ...

我個女好怕羞,in左3間都唔多出聲

,係屋企就吱吱渣渣(識溝通,咩都識講),屋企考她顏色/A-Z/數字/水果名都答中,全部識都無用,有無人有辦法呀?

作者: RebeccaLeung817 時間: 12-10-27 15:34 標題: MINI1601 的帖子

我個囡今年讀K2am1班有35人可能上午A，B，C下午A，B班可能小1班所以多D人。

作者: RebeccaLeung817 時間: 12-10-27 15:48 標題: babycat1111 的帖子

妳可以考試前帶小朋友到學校前後都有公園玩，考試當日妳可早些到學校內有玩具給小朋友熱身，妳不要說考試會令她有壓力和小朋友說媽媽帶妳去玩，妳說給小朋友知答咗老師問題會送禮物給妳，我個囡現在K2，考完老師會送禮物給她。希望成功。

作者: 陰公之人 時間: 12-10-28 12:50 標題: 回覆：RebeccaLeung817 的帖子

咦!咁係未多數上午面試?因為當日8：45am 要去浸信會面試會唔會撞時間呢?
2號取表嗰日，係未取表時已知面試時間呢?咁係未3號面試時先交表?
好緊張呀!

作者: RebeccaLeung817 時間: 12-10-28 22:54 標題: 陰公之人的帖子

2號拿表時填完就交表會給妳約時間3號回校。

作者: lyt1024 時間: 12-10-29 04:54

我都要in官浸同金麗，觀浸接見時間係9點40分，好驚趕唔切到金麗

作者: 陰公之人 時間: 12-10-29 09:38

回復 RebeccaLeung817 的帖子

咁以咩準則來定個interview時間? 你話2號當日取表時即時填完表再俾interview 時間, 咁係未填得快, 交得快可以早D約到個interview 時間呀? 咁未要鬥快填表囉!

作者: RebeccaLeung817 時間: 12-10-29 15:50 標題: 陰公之人的帖子

我囡2010是跟排隊前後編號碼在表上是越早就會多早上接見越遲就下午接見。（妳個表巳有號碼早交同遲交表都是—樣時間)

作者: RebeccaLeung817 時間: 12-10-29 16:00 標題: 陰公之人的帖子

點解會想考官浸？我在等校車個媽媽說都想轉校，課程好淺驚追不到小學課程但小朋友讀得好愉快。

作者: 陰公之人 時間: 12-10-30 09:14

回復 RebeccaLeung817 的帖子

哦! 明白了! 即根據表上的號碼來定面試時間. 謝謝!

點解揀官浸呀? 因為問過官浸好似係官塘區幾好口卑, 所以未試試.

作者: candyboy711 時間: 12-11-1 20:59 標題: 回覆：藍田佛教金麗幼稚園好唔好?

請問鴨仔學校即系邊間學校丫？系咪靈糧糧

作者: shirralai 時間: 12-11-1 23:36 標題: 回覆：candyboy711 的帖子

係迦南呀

歡迎光臨教育王國 (/)