教育王國

標題: 讀小一年齡問題，請指教 [打印本頁]

作者: cksy_bb 時間: 12-10-5 10:07 標題: 讀小一年齡問題，請指教

仔仔07年10月出生，現讀s位，因語言表達障礙，現只有單或幾個字，但唔願對答，因為未明白說話是問題定要回答，但指令佢係大部分理解。學術上中文比較差，但英文幾好，可以讀哂成本k1英文書，數數1到60，做工作紙點對點，圈出答案，剔同交差都可，因為細仔，可以6歲11個月先上p1,我打算下學期同協康申請雙邊走讀，比佢上3個月k2,出年轉e位加讀k3,想問下如果到6歲11月大時言語上可溝通但始終唔夠隱固，可以考慮到7歲11個月先上p1,定寧可repeat p1 呢？

作者: cksy_bb 時間: 12-10-5 10:14 標題: 回覆：cksy_bb 的帖子

我意思係到6歲11月大重讀k3到接近8歲上p1抑或照上p1真係唔得先repeat p1

作者: hktkomama 時間: 12-10-5 13:41 標題: 回覆：cksy_bb 的帖子

如果我是你，我會同佢讀一年k3先上小學。佢是細仔，重讀又有服務，有一樣有入小學適齡的分數。比佢打好個底，上到小學，你同佢個信心都強些。

作者: scholar 時間: 12-10-5 14:10

要不要適齡的10分好睇你想上哪間小學. 因為計分只會在自行收生階段有用.我覺得最重要是看你小朋友, 如果佢真係跟唔上, 就不要再理會分數, repeat只為畀佢紮好根基.
如果差得唔多, 可以上融合小學, 或選一些愛心小學.

作者: sharon26788 時間: 12-10-5 14:47 標題: 回覆：讀小一年齡問題，請指教

P1唔一定可以重讀,我眼見亞囝班內兩位同學仔不論成績或行為都不是太好,都照推咗上P2.

作者: cksy_bb 時間: 12-10-5 20:57 標題: 回覆：讀小一年齡問題，請指教

Tks all

作者: mckm2007 時間: 12-10-5 20:59 標題: 回覆：cksy_bb 的帖子

申請雙邊走讀要評估中心做完評估有評估信，協康才會安排. 另外，E位又要排，各樣時間要配合！

作者: kammibaby 時間: 12-10-6 02:21 標題: 回覆：cksy_bb 的帖子

其實我個覺得如果媽媽唔介意他的年齡比較大小小上小一的話我絕對贊成因為我覺得直接係s位上小一小朋友係真係好辛苦尤其在社交上如果上幼稚園先可以嘗試學習同主流小朋友相處又有老師在旁教導因為始終幼稚園老師會貼身D上到小學好多野係自己來同埋要獨立同埋在學習上打好基楚尤其是英文所以讀多年幼稚園絕對明智的選擇

作者: Becky.. 時間: 12-10-6 22:50 標題: 回覆：cksy_bb 的帖子

如可以便重讀K3，資源都多些，上到小學資源真係好有限。

作者: Becky.. 時間: 12-10-6 22:51 標題: 回覆：Becky.. 的帖子

想在小學重讀是好難的。

作者: pocoyo123 時間: 12-10-6 23:15

重讀K3係一個好好的選擇, 尤其是S位出來的小朋友, 學術和社交總有偏差, 重讀是可以將距離拉近些, 而且比同班同學大一年, 學習上是易吸收些.

其實, 上到小學都好多學習在理解上有一定要求, 如果言語和理解差, 是有一定難度, 對SEN小朋友來說, 是最難的, 所以, 打好個底是最好, 不要太担心超齡上小學, 因為, 如果佢跟到, 多讀一年又何妨呢

作者: cksy_bb 時間: 12-10-7 11:18 標題: 回覆：讀小一年齡問題，請指教

想問如果7歲11個月大先上小一有無人收，我多數（期望）都比仔仔讀小班私營學校，或上國際

作者: pocoyo123 時間: 12-10-7 11:47

如果考私校或直資, 以呢個年齡又太左些, 佢地可能會問家長點解呢個年齡先上小學, 但這個都不是主要, 最主要私/直資是要考/interview, 對一些言語差, 理解差, 係好蝕底, 而且私校無支援, 家長要多些考慮, 如果國際學校, 聽說英基有些小學係FOR SEN 學生, 但詳細要問其他媽咪.

如果讀津校或官立學校, 你就無左適齡10分, 但不影響大抽獎, 佢地係不會因為小朋友超齡而唔比學位佢, 放心

作者: bbpigbb 時間: 12-10-9 10:18 標題: 回覆：pocoyo123 的帖子

Hi pocoyo. 請問英基邊間校社會收SEN小朋友？英基網站有沒有詳細資訊講述呢？

作者: pocoyo123 時間: 12-10-9 14:32

bbpigbb:

我只是聽人講, 因為無諗住讀, 所以無去睇過, 自閉寶寶有家長傾緊國際學校你試下問佢地

歡迎光臨教育王國 (/)