教育王國

標題: 借個位呻下 [打印本頁]

作者: chloe_karina 時間: 12-10-3 14:51 標題: 借個位呻下

呀囝因整體發展遲緩，於8月尾開始讀S位，呀囝返左學後，整體都有進步，不過學校比我既壓力越黎越大，先係跟堂時，老師要求好高，講錯一粒字都被人話。又要家訪，話要由學生放學一刻開始了解日常作息安排、家居佈局是否適合小朋友、職安健。強迫性要到校接囝及老師，唔準坐校車！坐程小巴有乜好了解？要寫好星期一至日既日常生活時間表給治療師過目，由佢地為我地再安排時間表！洗唔洗放假都要管埋？我係FTM,冇工人一腳踢，我冇可能全天候坐係度看住個仔！我覺得自己冇晒自主權，冇私隱，乜都比學校主導，好辛苦呀！

作者: musicboxjoanne 時間: 12-10-3 15:12 標題: 回覆：借個位呻下

點解咁高要求？我有一個仔都係讀S位，但唔係咁口咼

作者: chloe_karina 時間: 12-10-3 15:13 標題: 回覆：借個位呻下

個班主任永遠有佢講冇人講。佢把口出既永遠是對的，家長永遠係錯的！上星期因疏忽照顧，呀囝係櫈跌左落地下，撞親個頭，我冇追究！但都反映左要留意安全問題！一個2歳半既小朋友，坐一張4面完全冇保護既櫈，只有2條魔術貼cool住小腿，突然興奮失平衡有幾奇！再加上呀囝因脊柱側彎要開始帶腰架，失平衡情況仲嚴重，同治療師反映左，但都係話觀察下先！係咪要再出意外先補鑊！撞親個頭唔係次次都咁好彩冇事架！

作者: chloe_karina 時間: 12-10-3 15:17 標題: 回覆：借個位呻下

為左呀囝，我對住學校所有人都係死狗，驚佢地蝦個仔，唔敢投訴

作者: Capricorn2521 時間: 12-10-3 16:30

從未聽過有D咁樣嘅事情，你個老師好特別 !!

作者: methy 時間: 12-10-3 17:17 標題: 回覆：chloe_karina 的帖子

一定要跟足？聽落想屋企同學校配合，本來係好事，但攪到咁有壓力就真係第一次聽，會唔會搵個老師傾傾你既壓力&難處，唔得先再搵主任。
係張chair跌落黎一事，如果佢地唔做預防措施，而你又覺得遲早再發生同類事件、我覺得有需要表達你既擔心，要求學校做d野。

作者: 昊澄Parent 時間: 12-10-3 23:40

嘩,過程好似軍訓.是邊間S位?等我第時有位都唔會去!有意見和不滿可以去申訴.大不了傳去另一間!

作者: pinkdoll 時間: 12-10-5 18:03

回復 chloe_karina 的帖子

如果你感到壓力很大和不開心不如同s位社工傾下睇下怎樣安排可以令大人和小朋友都舒服一點

作者: BBQUEENBB 時間: 12-10-6 01:00 標題: 回覆：chloe_karina 的帖子

搞到我都好擔心吖

作者: babycat9001 時間: 12-10-22 22:26

努力加油,為左呀仔有進步,死狗幾年崖一排都要啦!希望呀仔快走出S位先係目標.

歡迎光臨教育王國 (/)