教育王國
標題: 亞女不肯上學扭計 [打印本頁]
作者: 叮噹小孩 時間: 12-9-29 09:30 標題: 亞女不肯上學扭計
昨晚亞女又再次不肯上學呀,佢講上學這麼耐未下堂,因亞女讀全日k1班又是插班生(N上班讀另一間讀半日下午),點算好呀,是否要轉校嗎?
作者: GCG 時間: 12-9-29 11:27
可能全日見唔到家裡的人有D驚, 唔可以比佢讀半日無咁驚?
作者: yk2 時間: 12-9-29 11:51 標題: 回覆：亞女不肯上學扭計
過度期啫，慢愎會適應
作者: kufubaby 時間: 12-9-29 11:56
全日班應該有訓覺時間
一般都係半日班(當am)放學時間後去訓2hrs左右, 之後起身梳洗再食茶點, 又放學啦, 其實真正上堂時間唔係多. 你女平時有無訓晏覺習慣?
作者: Jane1983 時間: 12-9-29 12:55
會吳會係K1變化太大？
如果小朋友N班係廣東話、半日班，屋企樓下小kindergarten，突然變成坐校車、大校、英普兼全日，真係會幾難適應。
作者: bopui0607 時間: 12-9-29 14:35 標題: 回覆：亞女不肯上學扭計
解釋佢聽，而家大個左，叻左好多好多，老師話可以比小朋友玩更加多唔同既遊戲，好好玩架！所以比以前要耐d先放學！
作者: 叮噹小孩 時間: 12-9-29 23:44
都有轉女變呀 由半日轉去全日,而我又7:00才接佢,真很長時間呀 , 我都幾無奈,
作者: sarubuta 時間: 12-9-30 00:52
叮噹小孩 發表於 12-9-29 23:44 
都有轉女變呀 由半日轉去全日,而我又7:00才接佢,真很長時間呀 , 我都幾無奈,
...
明白要返工, 一定有難處先7:00接佢. 是否放學後再用埋延申服務所以先咁夜7:00走而不是學校本身咁夜放學? 即大部份小朋友早兩三個鐘已放學走人?
如果係, 女女未適應返咁長時間, 又要見放學後好多小朋友已有人接走或坐校車走, 自己跟小數的小朋友留到夜, 放學後的時間又冇乜o野做, 又唔知媽媽幾時來, 可能會有不安的感覺. 如果覺得 亞女不肯上學扭計是好大問題, 可想想有沒有辦法找人正常放學時間接阿女走. 等她適應好D才延申
作者: Sebgodmum 時間: 12-9-30 02:08 標題: 回覆：亞女不肯上學扭計
堅持！我那個K2的，今年開學不知發了什麼神經，放完暑假個心散曬！突然扭計唔返學，係學校做破壞王，雖然我都難過，但不縱容他，堅持返學上堂。老師們都很幫忙，一起想辦法教他
作者: 叮噹小孩 時間: 12-10-1 22:53
我估適應問題 , 再比時間佢, 同老師溝通一下
作者: mimi_bbcat 時間: 12-10-3 15:10
成7點先放學, 梗係唔開心啦, 比你返工時間更長, 會唔會有人可以幫你湊放學?
作者: 叮噹小孩 時間: 12-10-3 17:40
我都不想呀 , 但無奈 , 請鐘點又時間問題 做得個樣又做不到哪樣都50/50想緊中
作者: gwlam 時間: 12-10-3 18:22
本帖最後由 gwlam 於 12-10-3 18:24 編輯
舊年小女都係返全日PN, 夜咗在學校都係睇下電視無無聊聊甘。眼見同學一個個陸陸續續有人接放學，走下一個走下又一個，日日包尾先走，感覺確實唔好受。
作者: 叮噹小孩 時間: 12-10-4 09:58
回復 gwlam 的帖子
係呀 你亞女都是 , 最後點呀 是否轉班嗎 ? 有什麼可解決
作者: LL222 時間: 12-10-4 10:03
gwlam 發表於 12-10-3 18:22
眼見同學一個個陸陸續續有人接放學，走下一個走下又一個，日日包尾先走，感覺確實唔好受。 ...
作者: gwlam 時間: 12-10-4 10:15
本帖最後由 gwlam 於 12-10-4 10:16 編輯
叮噹小孩 發表於 12-10-4 09:58 
回復 gwlam 的帖子
係呀 你亞女都是 , 最後點呀 是否轉班嗎 ? 有什麼可解決
其實屋企唔係無人照顧，舊年返全日只係想比多d時間佢同其他小朋友玩，同其他小朋友一齊食飯午睡，但夜咗接佢放學佢就會投訴“乜咁遲”，因為個個走晒，連學校d燈都熄得七七八八，又真係幾慘。佢今年轉咗半日班喇。
作者: Lovely_Babybaby 時間: 12-10-4 10:15
最後一個走真係會好唔開心,好驚架,仲咁細個.
我囝坐校巴,又係尾站落車,
見最後個同學落車佢都會眼濕濕想喊架,
不過坐多幾次知好快就到佢先無野,
但係朝朝早都會話唔搭校巴囉
如果無老人家揍,睇下搵唔搵到住附近D EE,
接左返佢屋企,你放工先接番佢,
有D EE 自己有細路仲可以陪佢玩下.
鐘點呢D時間個個都想返屋企煮飯好難請.
作者: cowboybaby 時間: 12-10-4 11:01
我都係成六點至接仔, 雖然4:30放學, 但我想比佢留耐D, 果段時間係老師講故事/和同其它小朋友玩, 佢又好開心喎, 好過係屋企成日掛住睇電視/搞搞震
作者: 叮噹小孩 時間: 12-10-5 13:14
有時4:30左右接佢放學, 佢回家會攪亂檔 , 不過佢回家很happy
我已盡快到學校接佢 , 唉 加個無奈
佢上堂 又不再哭, 只會在早上起床不like 穿學校及入學校, 食早餐後佢就冇事,是否佢想扭下計,但老師都有講佢不合群 , 我講要比時間比適應一下,
作者: ha8mo 時間: 12-10-5 14:59
提示: 作者被禁止或刪除 內容自動屏蔽
作者: 叮噹小孩 時間: 12-10-5 16:29
這麼即是學校問題呀 ???????
呵呵
作者: gwlam 時間: 12-10-5 16:45
叮噹小孩 發表於 12-10-5 16:29
這麼即是學校問題呀 ???????
呵呵
可能學校唔多小朋友用展延服務，又或者有都唔係甘夜走呢
作者: 叮噹小孩 時間: 12-10-5 17:20
回復 gwlam 的帖子
又係呀 小朋友延展不多呀 2-3人內,
作者: sbux 時間: 12-10-5 19:44 標題: 回覆：亞女不肯上學扭計
我覺得唔好忽視小朋友情感表現，七點真係太夜了，得嗰兩三個人留低，講真，好玩極有限喇。唸辦法早D 接佢，否則久而久之對學校或學習有陰影你仲頭痕。
作者: 叮噹小孩 時間: 12-10-5 21:44
希望可以解決到此問題
作者: yfchoy 時間: 12-10-8 11:38
有否跟小朋友解釋過遲接佢既原因？小女以前喺嬰園時我都喺朝八晚七咁接佢，可能由細到大都喺咁，就算得番幾個小朋友喺度佢都冇咩問題，每次佢見到我都好開心，我亦會同佢講媽咪會盡早接佢放學。其實如果每日都有同樣幾個小朋友遲放，慢慢佢哋會一齊玩就會好些。其實有很多家長都跟樓主一樣因家中冇人照顧而要小朋友讀全日及延展服務，妳要跟小朋友一起面對，讓佢哋知道妳知道佢既感受並加以解釋。有時可能在校延展時，老師的態度不太好(想早些收工回家)但亦沒辦法，跟老師談談等老師們留意一下。
作者: 叮噹小孩 時間: 12-10-8 23:08
係呀,我已同亞女講盡快接佢,現在佢已好了些啦, TKS
作者: kennyrita 時間: 12-11-27 11:57
回復 叮噹小孩 的帖子
hi, 叮噹小孩
你亞女讀邊間呀? 是否雅麗斯k1? (因之前見你問過), 我囡出年讀e間k1, 此學校好嗎??
thx
作者: 叮噹小孩 時間: 12-11-27 23:05
回復 kennyrita 的帖子
此間都可接受,但書費及什費就貴了小小,其他都OK , 有一位老師幾好呀,記性幾好呀
| 歡迎光臨 教育王國 (/) |
Powered by Discuz! X1.5 |