教育王國

標題: 兼收位VS早期訓練 [打印本頁]

作者: wilyun 時間: 12-9-28 14:38 標題: 兼收位VS早期訓練

我仔23個月,己經做了CAC的醫生評估,暫時話佢係遲緩,醫生建議我排住兼收位先,因我個仔黎緊11月有得返N班...
但我問過協康會姑娘,(因我現在同個仔JOIN緊協康會的訓練)佢話建議我排早期訓練,會多D單對單訓練,同埋會專注D同個小朋友做到訓練, 請問呢度有無媽咪的小朋友真係做緊早期訓練? COMMENT如何?

作者: Chichatmima 時間: 12-9-28 19:23 標題: 回覆：兼收位VS早期訓練

最好先參觀，知道係乜先選擇！

作者: methy 時間: 12-9-28 19:34 標題: 回覆：wilyun 的帖子

我阿仔係排到協早期訓練。我都以為好多個別訓練，可能佢地要serve 90個小朋友，我阿仔比起唔太嚴重，得到既訓練：
1.一星期一節（1hr)個別PST堂
2.一個月一節個別OT
3.一個月兩節個別PT
4.無ST個別訓練

阿仔最需要係PT&OT,反而係最小堂，上個月醫院都仲比緊一星期一節PT&OT,真係落差大。

作者: 雲上太陽 時間: 12-9-28 20:02 標題: 回覆：methy 的帖子

我覺得兼收好，我仔都係兼收，好似平日返學之麻。。。。早期都係補下習咁，

作者: HopeLJ 時間: 12-9-28 22:57 標題: 回覆：兼收位VS早期訓練

兼收天天都有十五分鐘PST 等於一星期2.5 堂 pST.1 月兩次ST. 3月一次oT and pt.
與其早期，不如兼收加自費私家 OT PT，可以自己揀時間導師。

作者: wilyun 時間: 12-9-28 23:05

其實我個仔黎緊會返n班，普通幼稚園的，因呢間近，而且又淺，所以如果個仔讀到，我都唔太想同佢轉，所以諗緊唔返兼收改返早期會唔會好，而且兼收位係要返全日架嘛！
想問埋係咪兼收位都有n班架呢？

作者: fandd 時間: 12-9-28 23:34

回復 wilyun 的帖子

「……但我問過協康會姑娘,(因我現在同個仔JOIN緊協康會的訓練)佢話建議我排早期訓練,
……」如果較熟悉你囝囝既協康會姑娘都建議佢返早期訓練，咁你真係要審慎咁諗吓：1.囝囝的情况是否比預期嚴重？ 2.囝囝於各方面(e.g. 聽指示、坐定定、同人玩等)能否適應適主流N班？

作者: 雲上太陽 時間: 12-9-29 00:59 標題: 引用：其實我個仔黎緊會返n班，普通幼稚園的，因

原帖由 wilyun 於 12-09-28 發表
其實我個仔黎緊會返n班，普通幼稚園的，因呢間近，而且又淺，所以如果個仔讀到，我都唔太想同佢轉，所以諗 ...

我仔都由n班開始入兼收，全日，老師好好

作者: 雲上太陽 時間: 12-9-29 01:03 標題: 引用：兼收天天都有十五分鐘PST+等於一星期2.5+堂

原帖由 HopeLJ 於 12-09-28 發表
兼收天天都有十五分鐘PST 等於一星期2.5 堂 pST.1 月兩次ST. 3月一次oT and pt.
與其早期，不如兼收加自 ...

有同感，早期位服務未必齊，而且有時要按導師分配，做得好就好，好似我仔有個同學響早期位，都比唔夠訓練,激死佢阿媽

作者: 雲上太陽 時間: 12-9-29 01:05 標題: 引用：Quote:原帖由+HopeLJ+於+12-09-28+發表兼收

原帖由 雲上太陽 於 12-09-29 發表
有同感，早期位服務未必齊，而且有時要按導師分配，做得好就好，好似我仔有個同學響早期位，都比唔夠訓練, ...

所以我而家除左返兼收，自己都有同d同學仔媽媽一齊搵出面中心做訓練同開小組

作者: wilyun 時間: 12-9-29 11:48

回復 fandd 的帖子

醫生同姑娘都叫我比個仔返N班先,會有多D同軰刺激,因兼收位好似無N班,而且我返N班只係返下午,仲有半天預留比佢做其它TRAINING,好過唔返N班,全費做私家TRAINING實在AFFORD唔起...

作者: wilyun 時間: 12-9-29 11:49

回復雲上太陽的帖子

但兼收位都要排一年喎,我個仔係己經23個月評估左先有得排咋,叫我計返大約一年先入到兼收...

作者: ymhmami 時間: 12-9-29 19:39 標題: 引用：兼收天天都有十五分鐘PST+等於一星期2.5+堂

提示: 作者被禁止或刪除內容自動屏蔽

作者: 雲上太陽 時間: 12-9-30 00:11 標題: 引用：回復+fandd+的帖子醫生同姑娘都叫我比個

原帖由 wilyun 於 12-09-29 發表
回復 fandd 的帖子

醫生同姑娘都叫我比個仔返N班先,會有多D同軰刺激,因兼收位好似無N班,而且我返N班只係返 ...

兼收位係有收n班

作者: methy 時間: 12-9-30 09:38 標題: 回覆：雲上太陽的帖子

可以Pm我邊間兼收嗎？我反而聽得多兼收無用，有時請唔到言語治療師，小朋友可接受既訓練時間就更少，當然我小朋友排兼收幫助不大，因為佢係大小肌問題。

作者: 波蘿包1 時間: 12-10-2 22:58 標題: 回覆：兼收位VS早期訓練

我個人見意上早期訓練，雖然服務時間唔多，但你計返做訓練係媽媽同小朋友一齊做，當佢今日學言語學叫人名加動詞呢兩個星期就狂教佢雖然一至兩個星期先見一次導師，小朋友做訓練都需要時間，唔係一兩曰的事，跟本急唔到，兼收位聽人講訓練仲少過早期好多可能一兩個月先有一次訓練只不過係多左人老師照顧下作用唔大，我仲仔都要排s位，收到信入讀諗住放棄，一黎佢下年k1
收左，而家等n班有位就可以讀，一邊返主幼一邊返早期，的碼會好辛苦

作者: wilyun 時間: 12-10-3 11:45

回復波蘿包1 的帖子

我都覺得係,其實我係想一邊返主流幼稚園半日,再加早期訓練,如果佢OK,我再可以加DD興趣班比佢上下咁.

作者: eva816 時間: 12-10-8 13:07

早期可以同兼收一齊排的嗎?

作者: eva816 時間: 12-10-8 13:08

早期可以同兼收一齊排的嗎?

作者: HopeLJ 時間: 12-10-8 14:38 標題: 引用：早期可以同兼收一齊排的嗎?

原帖由 eva816 於 12-10-08 發表
早期可以同兼收一齊排的嗎?

Cannot

作者: HopeLJ 時間: 12-10-8 14:46 標題: 回覆：兼收位VS早期訓練

之前係私人s 位一年，幫到我個仔大肌小肌認知自理現在都接近同齡，但仍弱在社交表達同常規，所以現在兼收對佢幫助較大。我見佢番咗一個月，好似有進歩。(我自己有加私人 ST OT 的)

作者: BKVIP 時間: 12-10-8 15:50

eva816 發表於 12-10-8 13:08
早期可以同兼收一齊排的嗎?

可以一齊排，我之前都係咁排的。

如果先派到E位，咁I 位會照樣排到直至有就轉，當然你可以唔轉留E位。

如果先派到I 位而你ACCEPT左，咁E位就會取消。

如有錯漏請指正。

作者: eva816 時間: 12-10-9 13:20

唔係E同S一齊排?
I位係單一掛咩?等我聽日問下先

作者: methy 時間: 12-10-11 00:25 標題: 回覆：eva816 的帖子

可以，24頁有解釋。Chapter 5
http://www.swd.gov.hk/doc/rehab/CRSRehab-manuel_e-F.pdf

作者: cat1028 時間: 12-10-11 10:28

剛同cac社工傾完電話，佢話小朋友兩歲前可申請E+I/S，但E位要兩歲前派到至可以用住E位等I/S位，仲話小朋友一到兩歲排唔到E位就無得繼續兩邊排。

作者: cat1028 時間: 12-10-11 10:31

想同阿囝排多個e位至打去問。

作者: methy 時間: 12-10-11 10:33

回復 cat1028 的帖子

政策又改左．．Thx for the update~

作者: wilyun 時間: 12-10-11 13:21

但佢又話可以排緊E位都轉得返I位架喎...仲話唔使重頭排過架!

作者: eva816 時間: 12-10-11 13:25

究竟邊個先至啱

作者: BKVIP 時間: 12-10-11 15:48

本帖最後由 BKVIP 於 12-10-11 15:51 編輯

可以E+S 或 E+I 咁排，唔可以S+I。

如我排E+I/S，由於E位係過渡性質，如果先派到E位，I 或S位會繼續排到有為止。如果先派到係S 或 I位，接受左再想轉返E 唔係唔得，但要有好強的理由才會俾你咁轉。

唔可以既情況係I 轉I (即唔同的I位學校)，或者曾經接受過E位再去I/S後又再想去返E係唔得，除非你有好強的理由。

WILYUN 個問題係"可以排緊E位都轉得返I位架喎...仲話唔使重頭排過架" 。無錯，因為佢所指既係未在大派位前 (即每年四月)，即係你鐘意隨時搵社工幫你轉都得，係用返舊NO.。

作者: 波蘿包1 時間: 12-10-12 23:58

回復雲上太陽的帖子

早期係好重要一個月全部訓練加埋都有5,6堂單對單教小朋友又係教埋家長做家居訓練
I位好耐先有一次訓練跟本就唔夠同去醫院幾個月覆一次診無分別

作者: 雲上太陽 時間: 12-10-13 00:08 標題: 引用：我個人見意上早期訓練，雖然服務時間唔多，

原帖由 波蘿包1 於 12-10-02 發表
我個人見意上早期訓練，雖然服務時間唔多，但你計返做訓練係媽媽同小朋友一齊做，當佢今日學言語學叫人名加 ...

你又話早期好，又話返幼稚園又返早期會辛苦，姐係點呀?兼收位都有好有唔好，睇下學校安排，唔一定唔好

作者: 波蘿包1 時間: 12-10-13 00:17

回復雲上太陽的帖子

我個仔時間係上午反早期訓練,下午反主流N班一星期都有3日要2邊走辛苦係兩邊走,如果計學習進度認為咁先可加快小朋友追反同齡,I位做訓練唔洗走黎走去緊係無咁辛苦,但訓練始終唔夠,時間都唔多,但學校會包容呢D小朋友,返學會安心D,2邊有好有唔好啦

作者: 昊澄Parent 時間: 12-10-16 20:00

回復 cat1028 的帖子

2yrs 前申請又要2yrs前取得e位！政府有禁快嗎

作者: cat1028 時間: 12-10-16 22:34

我估計，例如早產嬰兒，我地同b去打針見姑娘（發展監察）有問題就早排期。

作者: wilyun 時間: 12-10-17 12:00

回復波蘿包1 的帖子

請問你記唔記得你大約輪左幾耐先排到早期訓練?

作者: methy 時間: 12-10-17 12:14 標題: 回覆：昊澄Parent 的帖子

係囉，我阿仔剛滿1歲排，今年2歲8個月先排到。

作者: wilyun 時間: 12-10-17 12:26

其實我睇政府個網有寫到現在排兼收位/早期訓練派到幾時架,我見佢都寫到派到2011年8月申請的位了..

作者: 波蘿包1 時間: 12-10-20 23:39 標題: 回覆：wilyun 的帖子

大約一年呀

作者: Chaochao 時間: 12-10-24 17:39 標題: 回覆：HopeLJ 的帖子

提示: 作者被禁止或刪除內容自動屏蔽

作者: methy 時間: 12-10-24 17:44 標題: 回覆：Chaochao 的帖子

兼收位可以因為本身機構背景要得到唔同＂財力＂去買外購既專業治療師服務，最好打去你想入既問清楚，服務內容&次數。

作者: wilyun 時間: 12-10-26 12:08

我問左我朋友,佢係言語治療師黎0既,佢係政府度做,佢同我講兼收位係比D嚴重D的小朋友,而早期訓練係比D唔嚴重的...所以我都好頭痛,醫生同我個兼收位同早期位都係TARGET同一個程度的小朋友...我現在已找社工幫我轉排早期位.但佢話要等個醫生同意先比我轉喎!!我唔多明點解個醫生要拖我,佢果陣明明講話叫我等個仔返左N班,之後想轉返排早期都可以架喎...

作者: apple~y 時間: 12-10-26 12:53

回復 wilyun 的帖子

你個朋友我有懷疑係咪真係政府做??亂0甘講
個醫生就說得對兼收位(i位)同早期(e位)大致上適合發展慢小小小朋友
仲有你聽朋友講0左就急急轉位
係咪你聽到嚴重就好驚,所以要轉
如果s位特殊幼兒中心你咪仲驚
選什麼位係因應小朋友能力,須要而定
你醫生決定是對的,因為他等你小朋友番n1就會看看可否跟大班上堂
跟唔跟到課堂留程,如果ok轉就轉早期(e位)

想問e轉i或 i轉e現在要經醫生同意?
唔係轉s先要經醫生同意,定制度唔同0左?

作者: Chaochao 時間: 12-10-26 18:24 標題: 回覆：雲上太陽的帖子

提示: 作者被禁止或刪除內容自動屏蔽

作者: onlytoyou 時間: 12-10-27 20:09

老實講，我做左十幾年幼兒園，覺得 I 位對特殊需要嘅小朋友係好事，每日都有十五至二十分鐘單獨教授，另外每日都有家居訓練做，班老師都可以觀察到小朋友的社交及各方面嘅能力發展。

作者: methy 時間: 12-10-28 10:29

回復 onlytoyou 的帖子

每個小朋友既特別需要都唔同，有ｄ需要S位，有ｄ需要E位，I位係相對地最小支援．．係小得可憐，除非個小朋友問題係好輕微．否則　ｉ位服務真係唔夠。

作者: methy 時間: 12-10-28 10:45

回復 wilyun 的帖子

我諗唔好只聽一個講，就急做決定，你位朋友似乎唔太熟悉S/E/I既服務。

I/E/S位既定義可能你都睇過下，３樣我都接觸過．即管總結一下各服務：

I位：我阿仔讀緊I位幼兒園既普通位．從學校主任口中得知，如果小朋友派到入呢間學校既　ｉ位．就按小朋友能力入課堂小組，照平時咁上堂．不過隔個星期會有言語治療師到訪．比太約半小時既個別訓練，至於物理治療，職業治療就每季黎學校一次．．．無錯，一季先黎到一次。

E位：我阿仔９月開始返．有哂3T（物理治療／職業治療／言語治療），PST(pre-school teacher),3T有個別一對一堂，亦有小組堂．一個月起碼有１０個下午要返中心做訓練．好充實

S位：阿仔係ｓ位暫託過．如果派到．就全日係學校．食早餐，學自理．上3T治療堂，１對６比例．有個別亦有小組堂，好全面。

我阿仔曾經需要　ｓ位．因為大小肌差，我亦想佢入，不過係進步左，認知無問題．腳仔亦有進步．剛好又搵到間包容又識照顧既ｉ位幼兒園既普通位，就決定上午返幼兒園．下午返　ｅ位中心既訓練．．暫時呢個決定好適合。

作者: HopeLJ 時間: 12-10-28 16:52 標題: 回覆：兼收位VS早期訓練

現在轉隊(如s轉i)社工要見醫生評估報告先幫你轉。(半年前經驗）我仔認知自理ok有言語模仿，最弱社交同常規，所以i位比較適合。覆診評估時醫生話普通幼稚園加e位ok，但我想keep 住已有很好的私人ST oT 反而擔心普通幼稚園唔識帶領我仔仔，I 位兼收老師肯定有經驗唔怕麻煩。你要考慮自己情況意願再作決定。

作者: wilyun 時間: 12-10-28 17:28

因我已是全職媽媽，全日都會照顧到佢，另安排阿仔返學前班，而自已諗住未輪到政府服務前，自已再帶佢出去做私家訓練，所以諗住早期訓練會配合到我仔返學，同埋相應黎講到輪到服務黎講係會改變最少，另外我有去協康會的青蒽訓練，姑娘都說我仔比較適合做多啲單對單訓練，而且兼收位係全日制的，相對家長的參與時間比較少，我唔係因為聽到兼收位收的比較嚴重的兒童而想轉為早期，就算我仔係智力問題佢要入乜位都會接受，只係諗住我做得家長就唔會放棄佢，想盡自已能力幫到個㮾幾多得幾多，而且佢生活上我可以跟返個方法來訓練，仲有最大問題係兼收位主要只著重言語訓練，但我覺得我仔感統同埋大肌肉都唔太好，早會
全面啲！

作者: fandd 時間: 12-10-28 21:05

回復 wilyun 的帖子

「……兼收位收的比較嚴重的兒童……」

兼收位(E位)不是比較嚴重的兒童，最嚴重應該係S位，其次係I位。

「……兼收位主要只著重言語訓練，但我覺得我仔感統同埋大肌肉都唔太好……」

Quote自Methy：「E位有哂3T（物理治療／職業治療／言語治療），PST(pre-school teacher),3T有個別一對一堂，亦有小組堂．一個月起碼有１０個下午要返中心做訓練．好充實」，所以「感統同埋大肌肉」既訓練都可以照顧到。

反而係你一定要清楚囝囝既情況係最適合上S、I或E位。

作者: apple~y 時間: 12-10-28 21:42

本帖最後由 apple~y 於 12-10-28 21:45 編輯

回復 wilyun 的帖子

你小朋友開始番n1班未?
不如你等小朋友開始番n1班,再了解0下小朋友跟唔跟到大班上堂
先決定轉唔轉e位
反正出年4月先大派位,唔使現在心急轉
因為番e位大前題,係小朋友跟到大班上堂,聽指領,老師也要包容小朋友
要留意小朋友如果係比較安靜,不過時時遊魂,坐係度hea
有0的老師真係唔多理,小朋友係就真係日日hea住番
所以要了解清楚小朋友上堂情況出年4月大派位前先決定轉唔轉i,e,s位

作者: HopeLJ 時間: 12-10-29 10:16 標題: 引用：因我已是全職媽媽，全日都會照顧到佢，另安

原帖由 wilyun 於 12-10-28 發表
因我已是全職媽媽，全日都會照顧到佢，另安排阿仔返學前班，而自已諗住未輪到政府服務前，自已再帶佢出去做 ...

咁你個case 係normal + e位適合d，因為s 同I 返全日，你idle 咗很多可以家居訓練的時間。我在職媽媽，工人幫唔到手訓練，只可帶出帶入同去遊樂場打千秋咁。

作者: wilyun 時間: 12-10-29 11:00

回復 apple~y 的帖子

我仔唔多安靜架,同埋唔算坐得好定,所以先諗住同佢一齊返早期會好D咁啫,唔係歧視兼收位定D乜,如果我係要出來工作,當然我都想佢讀兼收位多過早期喇,因早期要家長同樣抽好多時間一齊做家居訓練架嘛!

作者: wilyun 時間: 12-10-29 11:16

回復 HopeLJ 的帖子

我都同你一個想法,所以先想轉返早期...
另外果陣係CAC做評估,都係要即時決定排D乜,所以果陣跟本係醫生講乜就排乜,自己無時間去消化下同計劃.
現在返左協康會/心橋的訓練,覺得單對單形式的訓練會比較合適,另外再返埋半日幼稚園,希望能做到家校一同訓練.
黎緊阿仔返的都係活動教學,到時再睇下佢點.其實我都明白我可以等阿仔返N班到三月先再決定轉唔轉,但因我上次打去問社工有關轉位的問題,佢就一口咬定話醫生唔比我轉,所以我先咁緊張...

作者: apple~y 時間: 12-10-29 14:22

本帖最後由 apple~y 於 12-10-29 15:39 編輯

回復 wilyun 的帖子

你唔好誤會我意思
我唔係話你歧視兼收位,我仔仔現在番s位
因為你好似我當年諗法,我當年小朋友2age評估係整體delay6個月,無話係a
醫生話情況唔算甘差比我選擇排e或者i位
0甘我就好似你0甘諗,i位個別訓練唔多足夠,支援唔多
所以就選e位,評估之後即刻同小朋友上私人s位,都有進步,
仲開聲講0野,有一次仲主動指住同學仔叫人0地
我當時真係好開心,都,諗住到k1開學應該猛車邊都跟到
可惜好多事情唔到我控制,比老師講到好差...........又話私人訓練只會說些家長喜歡聽的說話
又話repeat k1都無用,聽到真係好大打擊好似絕症0甘..........
點解我0甘積極幫仔仔都會攪到0甘
當時老師知我排e位,係唔多認同,係無講到出口叫我轉位
最後我自己做0左最痛苦決定轉s位,老師,校長聽到唔知幾開心,話我決定是對的
之後又加多句入0左好難出番來

其實s位,個別訓練,小組家長都可以參與陪上堂
而且會因應小朋友能力轉班轉組,而唔係預0左小朋友係一路番特殊
我就當小班教學,個心諗住升小學前幫到小朋友盡量追
唔想回頭後悔
說完我的故事,希望都可給你一些選擇心得

作者: wilyun 時間: 12-10-29 19:37

回復 apple~y 的帖子

謝謝你，我好多謝你分享你的故事，我唔係話我仔唔嚴重，我想，我會再睇佢返埋n班會再決定，在未排到服務前應該仲可以轉隊的，我會再睇個仔呢幾個月發展，我都覺得自已個仔好差架，諗住到時佢返唔到注流就同佢去轉私人位，我知都仲有好多機構幫到佢，就算返s位我地都會轉，如醫生比我排的話，最重要係睇個小朋友發展，如佢跟唔到，任由我點迫佢都無用，只係諗住我學埋點訓練，咁我在家都可以幫下手，同埋想比佢試下，因醫生叫我比啲正常朋友同佢玩多啲刺激下佢，初初我都覺得佢係自閉，但佢又會同小朋友一齊玩，同埋又唔算有好多自閉症的象徵，所以醫生暫時都覺得佢係遲緩多啲，現在惟有乜都試下！

作者: apple~y 時間: 12-10-30 14:15

回復 wilyun 的帖子

加油
呢條路我都行0左3年

作者: wilyun 時間: 12-10-30 15:03

回復 apple~y 的帖子

其實我都行左半年,不過真係有苦自己知,我無同人地隱瞞我仔的事,我覺得有事唔應該"姐YIM"的,我想人地同我一樣可以接納個仔,我覺得有問題唔係乜野醜事,反而應該做家長要正面面對~

作者: wilyun 時間: 12-10-30 15:07

回復 apple~y 的帖子

老實講,我現在都係覺得佢好A仔架,係睇左兩個醫生話佢唔似咋... 我覺得如果佢係A仔,我反而可以再比佢返個青蒽TRAINING (半日果隻),但醫生又話佢唔似... 唉...

歡迎光臨教育王國 (/)