教育王國

標題: 小一生去補習社做功課好嗎? [打印本頁]

作者: Kingkong6 時間: 12-9-27 11:18 標題: 小一生去補習社做功課好嗎?

我仔好多時都要等我放工回來叫我教佢做功課, 浪費晒下午放學後在家既時間, 有想過帶佢去補習社, 但又唔知補習社會唔會只俾答案而唔係教佢做. 同埋會唔會群埋d大哥哥姐姐易學壞呢?

有冇過來人可俾d意見呢?

作者: kp_sin2001 時間: 12-9-27 11:29

我個仔今年小一, 基本上半年前開始訓練他自已做, 現在我放工回來已做好, 訓練過程都好艱辛, 一樣係話唔識做咁上下, 我唯有同他講這係你既責任, 唔識做試吓, 錯都要試, 初時要打電話提甦, 真係唔識可打電話問功課, 現在回家CHECK, 五樣都錯三樣, 但時間真係會好用好多..父母真係要有耐性的教導, 包括日後既讀書方法, 推去補習社只會訓練依賴, 再大啲又如何呢?

作者: july25 時間: 12-9-27 11:30

我都係要返工, 我個女放學後就喺補習社做完晒功課, 返到屋企再同佢檢查一下就ok.

作者: Danny3101 時間: 12-9-27 11:36

其實小朋友唔抗佢巳 OK.
回家用小小時間檢查和嘗試問返佢
留番D時間親子活動 la..

作者: hoihoima 時間: 12-9-27 12:39

回復 Kingkong6 的帖子

I would worry about the discipline in the 補習

社, whether the child would learn some bad behavior or language. Although we cannot always protect our child from the real society, I do think primary 1 and 2 are the critical years to train up their good behavior and attitude.

作者: evelync 時間: 12-10-3 00:39

我個大女由小一開始補,直到宜家5年班剛剛無補 ,默書由次次唔係90幾就100變宜家得返60幾...我自己本身都叫讀過下書,都叫大學畢業,讀書時都有幫人補習,就係教自己個女唔聽...唔通仔女真係要比人教?

作者: qop 時間: 12-10-3 01:54

世事就係咁奇怪，有啲小朋友永遠都係唔聽父母話，唯有交出去比人教。
補習社／補習老師有好有壞，唯有小心去選擇。
好似我咁，囝囝囡囡我都有全職教過，囝囝係我手上係OK，但囡囡就一般，我兩公婆一直以為，囡囡無囝囝咁叻，所以一直以為囡囡只能到達中間位，無得再上，到我交到最後搵的一間補習社手上，我地兩公婆一直睇錯估錯，過去的一個年級，佢4個主科只差0.5分就滿分，呢一件事另我老公一直的火氣全消。有時唔好唔信邪，當自己攪佢唔掂，唯有試下交比外人去教。

作者: Kingkong6 時間: 12-10-3 10:16

qop 發表於 12-10-3 01:54
世事就係咁奇怪，有啲小朋友永遠都係唔聽父母話，唯有交出去比人教。
補習社／補習老師有好有壞，唯有小心 ...

你係將囡囡交俾補習社, 不是私人補習?

作者: Kingkong6 時間: 12-10-3 10:19

evelync 發表於 12-10-3 00:39
我個大女由小一開始補,直到宜家5年班剛剛無補 ,默書由次次唔係90幾就100變宜家得返60幾...我自己本身都叫讀 ...

係咪因為補習社既老師好惡?
會唔會佢依賴左補習社老師教佢做功課/溫書?

作者: 花仔媽咪 時間: 12-10-3 10:47 標題: 回覆：Kingkong6 的帖子

所以要睇你好唔好彩！

作者: evelync 時間: 12-10-3 14:36

回復 Kingkong6 的帖子

阿女以前個補習老師好好架,佢會針對阿女唔識既野出題目比佢做.無聽過阿女話佢惡,
其實自從阿女無補習之後,我都有睇佢功課,日日幫佢溫書,但係佢就好似遊魂,我覺得佢以前開心d,有自信d.

作者: ppsfung 時間: 12-10-3 14:59

Kingkong6 發表於 12-9-27 11:18
我仔好多時都要等我放工回來叫我教佢做功課, 浪費晒下午放學後在家既時間, 有想過帶佢去補習社, 但又唔知 ...

我都要返工, 阿女由小一開始已放學後去補習社, 完成功課和温習才回家, 現在P.3, 有時佢仲夜返過我.
我贊成去補習社, 因為可以比佢養成放學後要完成功課才可以去玩的好習慣, 而且有和年紀差不多的人一齊温習, 有比較阿女會更專心.

同揾學校一梂,揾補習社都要揾合適你小朋友教學方法的, 未試過唔知啱唔啱你小朋友.
我個女間補習小組1:8 , 如果有問題要輪流問, 導師亦會叫小朋友先自己嘗試作答, 唔會比答案佢抄 (但亦可以話照顧得無咁細心, 因為我個女功課都會有錯, 但不會做漏)

跟大朋友學壞問題, 我覺得是擔心不來的, 讀咗小學開始大個, 點都有機會接觸其他人.

作者: Haz-mama 時間: 12-10-3 16:52

小朋友學好學壞, 未必一定關補習社事, 學校內一樣有壞份子, 但最緊要多留意和多關心他們; 囡囡放學後也有返補習社做功課, 回到家, 我會再檢查一下功課, 與她溫習一下, 時間真的很好用; 有時, 也會到補習班社了解一下她的情況; 另外, 每日我會和女兒傾談一下, 了解多些她在校內和其他的事情, 當做親子時間嘛...

作者: qop 時間: 12-10-4 00:05

Kingkong6 發表於 12-10-3 10:16
你係將囡囡交俾補習社, 不是私人補習?

係呀！我交咗比補習社處理，其實都試咗好幾間，而家先搵到間我同我老公都滿意的。

作者: 花仔媽咪 時間: 12-10-4 08:48 標題: 回覆：ppsfung 的帖子

1:8 都唔算多，我試過間1：15，嚇死人咁嘈！其實我個仔係小一的十一月開始渡過他的補習社生涯，我重記得第一間係九龍塘的，收費貴到嚇死你，但仍有好多客，佢地太谷，當時我個仔連自己學校功課都搞唔掂,仲要應付佢地比的練習，補到一年級完就走人，之後又去左另一間九龍塘,一屋都係小朋友，跟本老師冇時間比我個仔，但功課啱哂，原來係比答案我個仔！補左幾個月轉去屋企附近，點知比我知佢彈我個仔耳仔，同有大把車D學生，梗係立即走人，之後又去左土瓜灣一間好有名氣的補習社，心諗咁出名，一定教得好，點知，唉！原來呢間係一間地獄補習社，補左個幾月，亞仔成人發惡夢，自此失去讀書動力，再找了另一間官塘，是一個補習老師自己家庭式補習，不過老師成日病，加上英文唔係好得，我仲記得三年級做TSA,亞仔成日話補習老師堅持要佢改，但係是錯！之後，再轉另一間，這次，可以話係配對終於成功，老師很愛我個仔，應該話老師很用心去教我個仔，而且人數又少，成績亦進步了！重點係亞仔有番動力！如果我小一個女搞唔掂，我都會比亞女去埋，所以你們不要灰心，其實有心的補習社有好多！慢慢找，一定找到間好！

作者: 雪梅 時間: 12-10-4 22:18 標題: 引用：1:8+都唔算多，我試過間1：15，嚇死人咁嘈

原帖由 花仔媽咪 於 12-10-04 發表
1:8 都唔算多，我試過間1：15，嚇死人咁嘈！其實我個仔係小一的十一月開始渡過他的補習社生涯，我重記得第 ...

可以pm我你覺得唔錯嘅補習社嗎?我有湊住個細佬，幫唔到家姐做功課，爹地收工又晏，令阿女做晒功課已時至10點幾，

班主任話阿女上堂無精神

唔該晒你

作者: 花仔媽咪 時間: 12-10-4 23:27 標題: 回覆：雪梅的帖子

我亞女今年都是p1, 不過佢會自己做功課同溫習，所以暫時都唔會同哥哥一齊去補習社做功課，但由於亞女有公文數、同公文英文，加上學校有兩天課外活動，有兩天上公文，時間真的好趕，而且亞女間校學又深又多野，所以晚晚要睇功課同溫默書，又要講解網上功課，好辛苦，反而亞哥去補習社，做好晒功課同溫左默書，返屋企剩係吹下樂器，所以我都想小姐去埋我冇咁辛苦

作者: fannychan1213 時間: 12-10-5 10:26

回復 qop 的帖子

可以PM我資料嗎？我個女依家讀緊個間好差。。。三次默書都肥佬。。。唉～

作者: 花仔媽咪 時間: 12-10-5 11:50

回復 fannychan1213 的帖子

溫默書係功課輔導最基本........
是中文默書定英文默書?
如果是英文默書,有無學phonics? 對默書好有幫助!

作者: piagetmum1 時間: 12-10-5 18:47

在初中教育版中看到有初中生家長訴苦說中一生仍未能自己完成功課，當中有反省和其他家長意見，藉得一看。

作者: Shirley3 時間: 12-10-6 22:00

回復 kp_sin2001 的帖子

Agree

作者: forever_skies 時間: 12-10-8 07:05

本帖最後由 forever_skies 於 12-10-8 07:52 編輯

最好唔補逼佢自己做功課,就算補,,搵補習社一定要好好好好小心或考慮私人補習,
我教緊果個小朋友都係小一
係我教佢之前,有半年時間佢都係屋企樓下間補習社補習

但佢成績一直欠佳,終於佢媽媽停左比佢去補習社
轉移請我(私人補習)去教個小朋友,
點知係我同佢補既第一日,就見到佢家課冊比老師寫住"中文默書作弊"

我見個小朋友學習同理解能力都冇問題,只係有d心散同缺乏語言組織能力
於是問佢學校同之前間補習社平時點樣教
原來佢之前間補習社係1:8,補2hr
當個小朋友有功課唔識,佢就問補習社老師
d老師會因為時間關係,直接講答案比佢知

有時好少少,問第一次會叫佢自己試下,問多兩次都係會講答案
而個小朋友就好"醒目"咁,一唔識就問,試都唔試下
導致佢功課就全對,默書考試就勁錯

為左解決佢依賴人地比答案既壞習慣佢次次問我,我都叫佢試下估下,起初佢試都唔肯試就停左唔做

我一見佢態度咁差,就同佢訓話,直到佢肯自己用下腦諗為止
有幾次比我話到喊......

用呢種方法教佢時,我掌握倒一d教小朋友既技巧
就係要令佢識得企係他人角度思考stand in other's shoes~
例如佢做錯事(eg.掛住玩唔做功課)比我話比我罰,佢仲要駁嘴
我會同佢講"姐係你而家冇做錯事,唔做功課你冇錯,錯既係我,我怪錯你唔應該話你,你係咪咁覺得?"
然後佢會話"唔係",之後繼續做功課
又例如佢有時唔識做中文填充時叫我教佢,我叫佢自己睇書搵詞語估下答案佢又唔肯
我就話"不如我講哂答案比你知,同你做埋功課好唔好?你覺得咁做啱唔啱先)

然後佢會話"唔好",之後繼續做功課

實行呢種方式大約4個月後,佢既依賴性好低,而家自動自覺做功課
我去同佢補習時只需對功課,擦左d寫得唔整齊既字叫佢寫過,同埋溫默書考試
節省好多時間,又可以培養佢獨立思考

以我既角度睇, 最好唔好請人補習, 比小朋友學習"自行學習"
就算真係有需要請,都唔好去補習社,價錢同私人補習差唔多
但私人補習1:1,而且私人補習老師會更容易理解學生問題所在並作出即時改善

作者: twinkypinky 時間: 12-10-18 16:26

提示: 作者被禁止或刪除內容自動屏蔽

作者: emileleung 時間: 12-10-26 15:09

我都想幫我女搵間好既補習社, 我只希望佢完成功課等我地返去同佢有時間溫吓書炸, 有冇好介紹?

作者: kwanshir 時間: 13-8-7 18:01

can you pm me also. tks.

歡迎光臨教育王國 (/)