教育王國

標題: 讀救世軍幼稚園可否考到私小或直資? [打印本頁]

作者: DorisBaby 時間: 12-9-27 10:40 標題: 讀救世軍幼稚園可否考到私小或直資?

想請教我有個細仔，讀救世軍幼稚園，智力正常，只是有語言發展慢了半年。
暫時看他學習都不是出眾即普通，想請問這情況有無一些學校有一條龍，又不是太谷的學校介紹?
同是不是很困難入到?
謝謝

作者: katherinelum 時間: 12-9-27 11:49

可以的,因是自己去考

作者: k_lego 時間: 12-9-27 11:55 標題: 回覆：讀救世軍幼稚園可否考到私小或直資?

Why not

作者: muichujamie 時間: 12-9-27 11:57

有... DBS

作者: cmt1010 時間: 12-9-27 20:19 標題: 回覆：讀救世軍幼稚園可否考到私小或直資?

當然可以啦

作者: JadeW 時間: 12-9-27 21:30 標題: 回覆：DorisBaby 的帖子

有語言delay 去玩面試呢個遊戲吾係咁易！試下二缐直資啦！DBS ? 去見識下都好！

作者: hagupit 時間: 12-9-27 21:38

本帖最後由 hagupit 於 12-9-27 21:38 編輯

上年某間救世軍幼稚園都有人考到DBS, 該幼稚園網頁都有小一派位成績登出來.

作者: 點算好 時間: 12-9-27 23:27

如果本性乖巧, 彬彬有禮, 學術達標, 半年的言語遲緩何足為懼?

作者: Edenbaba 時間: 12-9-27 23:55 標題: 回覆：DorisBaby 的帖子

可以

作者: pandabonita 時間: 12-9-28 08:55

難,put aside kg 問題,直g大多like主動和反應快的學生,而e+ 2綫學校都很多人報,如還有時間,上一些言語治療幫下.

作者: DorisBaby 時間: 12-9-28 09:21

多謝各位意見，如2線一條龍直資有無介紹?

作者: 悠揚 時間: 12-9-28 09:45

我覺得讀邊間幼稚園唔係問題, 我識朋友仔讀屋村幼稚園, 但阿媽好有心機跟, k3考cambridge starter 都有14盾.

咁你有無跟返小朋友的學習呢? 語言有delay, 有無幫佢報一些改善語言的課程, 或家長在家有沒有著力幫他改善? 如未有, 依家都未遲, 重有時間.

直資私校個個都可以去考, 但呢個遊戲唔易玩, 呢幾年一線二線都多人爭, 一條龍競爭更大. 最基本是小朋友學術水平要有返咁上下, 例如中文英文認字, 英文識聽及答簡單問題, 有些要懂普通話, 數學識簡單加減數等. 所以你可講講你仔情況, 先可介紹一些適合的學校.

作者: Charlotte_mom 時間: 12-9-28 09:59

我仔都有speech delay (應該話mild golbal delay, 半年左右), 讀一間唔出名既幼稚園, 後來發現有專注力問題
呢類小朋友, 學習能力未必比一般小朋友差, 什至仲好(個天好公平既, 俾小左一樣, 就俾多返第2樣), 我仔去1:1上堂, 老師讚佢仲叻過同齡小朋友, 不過做阿媽既我知道.........一上大班就........... .
所以點去發掘小朋友長處, 取長補短, 至係做父母應該去考慮的, 一線又點二線又點, 唔適合自己既, 考入都喊住走, 呢個係我心得分享

作者: little_yolky 時間: 12-10-10 13:43

個point唔係間幼稚園出唔出名, 係救世軍0既教學真係好開心, 但小朋友唔多識字。我阿囡都係救世軍, 今年N4, 11月底細囡, 班中已是中上, 但唔敢俾佢考要筆試0既學校, 因為知道死硬。
不過, 我阿囡個同學個哥哥前年考到宣道, 所以要睇吓父母有無自己同細路進吓補, 如果無, 咁你考一啲二線私校吧, 我就係咁揀。就算抽到一線官津, 都會跟得好辛苦。所以要及時進補。不過, 話時話, 間學校品格及自理教得唔錯的。
BTW, 你係邊區呀?

作者: tomcathui 時間: 12-10-10 19:59

樓主的問題分兩份,
第一讀救世軍幼稚園可否考到私小或直資?
可以,只是看來你對救世軍幼稚園沒信心。
第二細仔智力正常，只是有語言發展慢了半年,可否考到私小或直資?
如到K2仍是這樣,請想想是否讀多一年。你的情況在任何幼稚園都會出現,問題不在學校。希望你花多點時間和小朋友溝通,這对語言發展很有幫助。

作者: dannyyau302 時間: 12-10-10 20:22 標題: 回覆：katherinelum 的帖子

作者: dannyyau302 時間: 12-10-10 20:30 標題: 回覆：讀救世軍幼稚園可否考到私小或直資

太指望幼稚園老師曉魔法教授課堂知識是不切實際。家長應該了解自己子女不足，去參與其他興趣班補救弱項，免於升讀小一銜接功課或抄寫時出阻滯。

作者: 牛精仔 時間: 12-10-11 09:58

DorisBaby 發表於 12-9-27 10:40
想請教我有個細仔，讀救世軍幼稚園，智力正常，只是有語言發展慢了半年。
暫時看他學習都不是出眾即普通， ...

今年直資一條龍, 間間都以千計去爭, 無論一線二線都唔係咁易入。不是太谷可選擇一D出名愉快學習嘅2線直資。

作者: kolezs 時間: 12-10-16 11:21 標題: 回覆：讀救世軍幼稚園可否考到私小或直資?

我阿囡都係喺救世軍讀書，開心但不應同課程內容淺喎，N3開始日日要喺學校做練習，星期五有功課返屋企做。N4日日有功課返屋企做（寫兩行中文詞語及英文或數學）。之前剛考完私校1st in，要寫字答問題，佢考完話好好玩，好似平時上課咁，分別只是沒有大哥哥大姐姐在幫手及收完伏在枱上。
所以我相信個問題係：
1）你信唔信間學校？
2）又了唔了解他們平時上堂的模式及內容嗎？
3）你了解及相信你的小朋友嗎？
BTW, 我都想知你小朋友讀邊區

作者: little_yolky 時間: 12-10-16 11:43

回復 kolezs 的帖子

救世軍的課程真係好淺, 其他幼稚園K1開學已經寫一版, 救世軍K4仲係寫2行, 同埋人哋寫0既字好深, 佢哋好淺。救世軍係課程淺但多嘢做。好似阿囡, N3下學期末無端端加咗一項「假期分享」, 很好, 可以讓小朋友多寫字。N4依家剛開學一個月, 除了每星期的假期分享, 又加多一樣玩意, 係隔週寫週記, 及新聞分享。節日又要整燈籠, 又要每個月專題研習搜集資料。問阿囡想整咩燈籠, 佢話「公主」, 你話死未, 一家四口(連N2妹妹)同佢一齊整公主燈籠。整咗四晚。真係幾辛苦。
她剛考了兩間私校, 可能凶多吉少, 算了, 天父自有安排, 所以我無乜擔心, 又唔係要佢做學者, 正正經經讀完大學就算了, 所以無乜迫佢。

作者: AD_dad 時間: 12-10-16 13:35

我個女都係某救世軍幼兒學校畢業，依家讀緊直資小學，同班有幾個同學都考到直資，成績亦算尚可，救世軍課程對於小學銜接我覺得無大問題，蒙特梭里教學模式主旨在於培育幼兒思考力多於學術性，K3其實已經多咗寫字，下半年更會模擬小一上課形式，無論入津\私校，銜接方面應該可放心。

作者: little_yolky 時間: 12-10-16 14:07

我都覺得小朋友升小一銜接上不會有問題, 但只要不報讀神級的學校或勁催谷的學校。沙田區有某小學投訴我們的畢業同學仔字都唔識寫(當然我諗係唔識寫好多0既意思)。不過, 話又說回來, 那些神級及勁催谷學校又不是我杯茶。

老實說, 我區的救世軍唔係真係咁多蒙特梭里教學, 所謂的蒙特梭里, 都只是一般的自理訓練, 可能間間唔一樣吧。但無論如何, 學校的老師及嬸嬸真是超好, 只是行政有些亂, 家長有些不合作而已。總體是一所很好的學校。

作者: chingchingyee 時間: 12-10-16 14:28

點算好發表於 12-9-27 23:27
如果本性乖巧, 彬彬有禮, 學術達標, 半年的言語遲緩何足為懼?

正正是這樣呢

對自己小朋友一定要有信心的呢

作者: kolezs 時間: 12-10-18 10:09 標題: 回覆：little_yolky 的帖子

其實寫得字多同寫啲字深就等於程度深？！我相信邏輯思維發展及讀書技巧遠比只係識寫字重要。

作者: little_yolky 時間: 12-10-18 17:45

kolezs 發表於 12-10-18 10:09
其實寫得字多同寫啲字深就等於程度深？！我相信邏輯思維發展及讀書技巧遠比只係識寫字重要。

...

唔會有學校只學寫字無學其他嘢的, 邏輯思維係數學0既一部份, 點會有學校無教。當我發現, 學校最sell 0既蒙特梳利, 其實只不過係自理訓練, 就真係好把火。考直資/私小/扣門時, 十間有九間要考筆試, 唔識字就唔識字, 考唔到就考唔到。考到0既小朋友, 邊個無阿爸阿媽响背後發功? 只靠救世軍, 好難考, 仲話要係細B, 好似今年金豬寶寶無端端多幾千人讀小一, 靠大抽奬啦。

歡迎光臨教育王國 (/)