教育王國

標題: 老師寫手冊，要我督促個仔吾好欠文功課 [打印本頁]

作者: eyan 時間: 12-9-27 00:06 標題: 老師寫手冊，要我督促個仔吾好欠文功課

我已經晚晚同佢做功課，做到三更半夜，我仔真係做得好慢，好多時我接手已經好晚(我放工番到黎十點幾)，接過佢daddy手，就到我教佢做功課，但佢已經開始遊暈，就算做得完功課都温吾到書，而家上左二年班重死，做得功課黎就温吾到默書，開學到而家默書都係食蛋，自問真係咩法寶都出齊，係出吾到時間，再講，我晚晚都同佢對好晒功課先收工，但都吾知點解總有野欠交，我又吾明佢手冊寫咩(佢寫到一舊舊，我都吾知佢寫咩，問佢就只得一個答案……我吾知到),就算同校家姐(我大女)對過，都有漏，其實我好想同佢轉校，但無奈，係屯門區，我真係感覺吾到，有邊間學

校係可以體諒到佢

作者: ymhmami 時間: 12-9-27 07:58 標題: 回覆：eyan 的帖子

提示: 作者被禁止或刪除內容自動屏蔽

作者: hktkomama 時間: 12-9-27 08:45 標題: 回覆：eyan 的帖子

其實佢幾點開始做功課？如果佢4：30開始做，做到10：00的話，正常的大人都疲倦啦!
爸爸幾點開始陪佢做功課?你不如考慮下請個補習姐姐放學後睇住佢做功課，好過佢做到那麼夜。
另學校如果沒有將家課冊放上網，可否要求老師找個同學同佢對下手冊，睇下有冇寫漏？

作者: eyan 時間: 12-9-27 10:52 標題: 回覆：老師寫手冊，要我督促個仔吾好欠文功課

我懷疑佢今年個班主任吾知佢有學習障礙，上年個班主任細心好多，好多時佢到提出既問題，佢都會主動連絡番我，但今年個阿sir，我真係吾識欣賞，開學到而家，手冊果頁通訊欄已經比佢填爆晒，小事到默書欠簽名都寫係果到，明明交左既費用又話未交，交左既回條又話未交，真係比佢玩死。

作者: eyan 時間: 12-9-27 10:58 標題: 引用：努力啦！如果真係搞唔掂就出去俾人教！補習

原帖由 ymhmami 於 12-09-27 發表
努力啦！如果真係搞唔掂就出去俾人教！補習班、功課輔導等！咁對大家都唔好，仔仔又辛苦，你又辛苦！影響親 ...

其實功課班，私人補習，我都試過，但兩邊都係同一結果，就係我番到屋企都重係未做晒，同埋做錯都吾理，等我番到黎又要重頭做過晒d功課

作者: why-me 時間: 12-9-27 12:29

eyan 發表於 12-9-27 10:52
我懷疑佢今年個班主任吾知佢有學習障礙，上年個班主任細心好多，好多時佢到提出既問題，佢都會主動連絡番我 ...

並非每個老師都有愛心及包容心態

作者: bee918 時間: 12-9-27 13:07

你仔是讀主流學校的嗎? 好耐以前我住屯門, 聽講何福堂小學很好, 你可以問下.

作者: Fanny媽媽 時間: 12-9-27 14:32

eyan 發表於 12-9-27 00:06
我已經晚晚同佢做功課，做到三更半夜，我仔真係做得好慢，好多時我接手已經好晚(我放工番到黎十點幾)， ...

我仔也是在屯門區讀小二, 又係有學習障礙, 但今年小二已經改善左好多..之前小一都係遇到你仔的問題, 而且我仔學校都算包容, 給了我仔很多援助....你可以PM我交流下..想問下你仔讀邊間小學? 我仔今年小一暑假開始已去補習, 因我自己要番工, 但去了補習後的確有很大進步, D字整齊了很多, 亦可以於6點前完成功課, 之後我放工接佢後食完晚飯還有一小時可與他温習, 以至親子關係進步了不少, 的確有學習障礙小朋友係需要好長時間去訓練, 我亦很明白當中真係非常勞氣, 你嘗試給他去一些小組補習, 要較少人一組個D, 當然成效並非好快見度..但慢镘你會見度他的進步, 努力呀!只要我們做媽媽的不放棄, 小朋友就會有成功的一天....堅持住!

歡迎光臨教育王國 (/)