教育王國

標題: 小一學生...行為問題 ... [打印本頁]

作者: celiamum 時間: 12-9-25 09:39 標題: 小一學生...行為問題 ...

我個細女今年小一，昨日發現佢個褲袋有個風紀牌...問佢點解有個牌..佢話...放學去咗3年級課室英詩集誦訓練..前面個同學仔係個櫃桶搵到呢個牌...比佢睇...個傻女以為人地送比佢..所以袋咗落袋...
跟著...我同佢講...妳明天要交還比老師...同老師講返...唔小心袋咗人地個牌返屋企...
佢好驚...佢同我講...不如我比返我個同學啦....個牌係佢搵到...比我嘅....
佢唔敢自己同老師講...

我再重申...依家個牌係由妳帶咗返屋企...妳要負責將佢交返比老師...同老師道歉...同埋...要緊記唔可以隨便攞人D野...如果無問人...就攞人D野.....係唔啱嘅.....即係偷竊...係犯法...警察會拉人嘅....

另外..如果有人唔問妳...就攞咗妳D 野...妳又會點呀...???
妳諗下...個大哥哥/大姐姐...發現自己唔記得帶個牌返屋企...已經好擔心啦...返到學校...仲發現唔見咗...一定會好驚比老師鬧同比老師罰...

如果因為妳一時多手..咁就令到個哥哥/姐姐可能被受責罰啦....咁妳諗下自己有無做錯到...

今早...送佢返學...佢一路上都好擔心..唔知點同老師講....我就同佢講....如果我見到老師...我會同老師講一聲...但萬一見唔到老師...妳就要自己去講啦...

最後..我都見到老師...同老師講....佢都有同老師道歉...

不過...呢個女...行為上都係有DD問題...要好好注意一下...

p.s....佢把口好識講野...轉數都算快...但要佢讀書、寫字...就真係要多花唇舌....開學都唔夠一個星期...老師已經係佢D薄到..多次寫上"注意整潔" "用心寫字"......

作者: palmchristy 時間: 12-9-25 09:52

如果你花精神留意佢的行為問題. 可能你會發現更多佢的行為問題.

如果你花時間關注孩子在學校快樂的事, 交朋友的事, 老師讚賞她的事, 她可能會更快樂, 交更多朋友, 受更多老師讚賞.

小一學生返學應該是很開心的. 家長放鬆吧.

作者: piano513 時間: 12-9-25 11:44 標題: 回覆：palmchristy 的帖子

作者: Meikin 時間: 12-9-25 13:19

唔洗擔心, 佢會經一事長一智, 孩子就是這樣成長過來的.
好多小朋友到P5/P6都是寫字寫到打風咁, 我細仔就是其中一個. 所以take it easy, 人無完美, 女仔不一定是斯文+寫字靚, 你個女轉數快, 可能數理方面較強呢.

作者: minamina 時間: 12-9-25 13:24

仲小一,俾d時間!
有時小朋友唔乖唔係存心做,有時未懂分對錯,一時貪玩等.
欣賞佢敢於認錯,有時小朋友怕受罰會東瞞西騙.其實人誰無過,重點係唔好再犯同一錯誤.
字就要家長跟進一下,注意執筆等.
我仔做得快而莽草的話,結果被我擦掉重做,因為有事先講明.

作者: lestat 時間: 12-9-25 14:58

celiamum 發表於 12-9-25 09:39
佢把口好識講野...轉數都算快...但要佢讀書、寫字...就真係要多花唇舌...

你個囡同我果個簡直係一模一樣, 行為上同樣有DD問題, 但正正同樓上有家長所講, 我個囡數理係強項, 有時見到佢寫D字就忟, 嗌佢讀書唔夠五分鐘就話識哂, 有時真係好火, 但最近有個朋友教我, 唔好由我哋把口話佢寫得唔好, 要擦過再改, 而係問佢自己, 等佢自己去衡量, 其實佢哋好清楚邊D係好邊D係唔好, 只不過貪快貪玩唔願做, 教小朋友之餘同時TRAIN緊自己EQ, 大家一齊加油~

作者: 莎莎莉莉 時間: 12-9-25 19:48 標題: 引用：如果你花精神留意佢的行為問題.+可能你會發

原帖由 palmchristy 於 12-09-25 發表
如果你花精神留意佢的行為問題. 可能你會發現更多佢的行為問題.

如果你花時間關注孩子在學校快樂的事, 交 ...

完全同意
我覺得呢個媽咪太緊張大師了
很多事可以用較輕鬆幽默的方法去教小朋友

作者: vivianho2 時間: 12-9-25 23:49

我個女都係小一,不過就坐唔定,上個星期一,班老師已經話佢唔留心,又唔攞書。
我有體諒女女的行為, 因為是普通話上堂,阿女都唔知老師講咩。
反而令我控制唔到的,係佢要背書, 背極都唔識, 又周圍摸呢樣個樣,
自問EQ已不錯, 但有時真的忍唔住

開火,
開學到而家, 已背了5課書, 其中一次仲絛背2課。
雖然內容唔多, 但也是要溫。
好似今晚,我約了朋友吃飯,回家已知唔妥, 全屋人都忍唔住,最後我也開火了。
有時都唔知有冇選錯學校

。精挑細選選一間開心返學,但結果...

作者: 已刪除用戶 時間: 12-9-26 00:43

樓主, 其實小朋友唔係有心, 亦已經好驚, 你或者應該唔好嚇佢喇, 咁做, 當佢下次真係錯左, 可能仲唔敢認(因為知後果嚴重)
你試下鼓勵佢點樣係正確解決問題既態度, 同埋陪佢去做, 當然學識take charge都係一種學問, 其實你個女唔"知訂"姐, 未算行為問題(你都未見識過我仔果d

, 加油啊

歡迎光臨教育王國 (/)