教育王國

標題: 唉，我個仔係咪有語言障礙 [打印本頁]

作者: tzekiubb 時間: 12-9-24 18:00 標題: 唉，我個仔係咪有語言障礙

唉，我個仔已經2歲5個月，係2歲之前佢都唔肯講野，直至到2歲1-2個月開始先肯講爸爸、婆婆、爺爺、妹妹、叔叔，其餘講嘅單字都係bb話，冇人聽得朋，只有我先明，因為佢仲未係好正，例如講＂唔該＂就會講成為＂牙蓋＂咁。簡單句子一啲都唔識講添，唉...
仔仔依家返緊N1已經有一段時間，都仲係咁，今日老師同我講要留意下佢，語言仲係唔得，如果唔係會同其他小朋友有段距離，各位我應該點做，有冇咩教學方法的書籍DVD可以俾佢學，定係帶去睇E生，我依家超煩超擔心

麻煩各位家長俾啲意見、或者分享下都得

作者: Yanamami 時間: 12-9-24 19:13

本帖最後由 Yanamami 於 12-9-24 19:14 編輯

話雖每個孩子發展速度不同, 但呢個年紀連簡單字都講唔清楚, 莫講話句子, 早就應帶佢去做評估. 唔好錯過糾正黃金期. 排政府可能太耐, 去搵私家語言治療. 或者屋企人同佢講野, 會你正常禁講定講bb話? 叫佢望住你個咀, 慢慢教佢睇你點發音, 跟你做.

作者: tzekiubb 時間: 12-9-24 19:23 標題: 回覆：Yanamami 的帖子

我有教佢架，例如食餅咁，我叫佢講＂媽咪俾餅餅＂，佢就係唔肯講，但佢係識講＂媽咪＂、＂俾＂、＂餅餅＂，佢講得個音好正，但是叫佢成個句子講就點都唔肯講，情原唔食或者發你俾氣大叫亂打人，我都唔知點好。

其實我知佢係想學講野，不過就講唔正，同埋只係講單字或雙字，我都唔知仲可以點好

作者: Yanamami 時間: 12-9-24 19:36

本帖最後由 Yanamami 於 12-9-24 19:39 編輯

禁單字/詞講得正, 只係串唔埋都無禁驚. 去做下評估, 有事就及早跟進, 無事就求個安心啦. 打人, 即佢有frustration但又唔識講......

作者: piano513 時間: 12-9-24 19:40 標題: 回覆：唉，我個仔係咪有語言障礙

如果可以，keep 住搵大人同佢倾計，不停傾。。。。

作者: faye525 時間: 12-9-24 21:46

本帖最後由 faye525 於 12-9-24 21:48 編輯

樓主唔駛太緊張住, 以前好多老人家都話有D小朋友一係唔開口講野, 一開口就BIBIBABA~

我小朋友就係其中一個例子, 佢一直都唔出聲, 兩歲時都好似你小朋友咁只講單字, 仲要單字量少過你小朋友....去健康院CHECK過, 話佢聽得明, 可以做指令冇問題住, 仲係適齡範圍, 話有D小朋友係遲開口, 三歲返去再CHECK

跟住係兩歲十個月時, 我小朋友有一日, 突然BIBIBABA............真係完全停唔到口果隻, 不停媽媽我乜乜乜, .......當然三歲返去健康院時姑娘話冇問題啦~~~

跟住由幼稚園K3直到而家小三, 年年朗誦比賽, 講故事比賽, 唱歌比賽(總知靠把口既野) D老師都會選佢出去, 仲拎到獎返黎添~
所以樓主唔駛太擔心住, 一直KEEP住同佢傾計, 返去健康院時同姑娘傾下, 等佢地CHECK下, 應該冇咩問題既

如果你真係好唔放心, 你可以去搵D機構同小朋友CHECK (當然價錢就貴啦)

作者: tzekiubb 時間: 12-9-24 22:28 標題: 回覆：faye525 的帖子

我都希望好似你所講咁，我個仔係遲講野

其實2歲到已經去做過評估架啦！當時冇依家識講咁多野，連最基本＂爸爸媽媽＂都唔肯講，個治療師仲話佢言語方面停留係1歲左右階段，當時真係好擔心，之後見佢肯講野，個心先定返啲，但是今日俾老師咁講話叫我留意下仔仔，話呢個年紀小朋友應該識講簡單句子，先勾起我之前嘅擔心，令到我又驚過

所以先想問大家意見

作者: tzekiubb 時間: 12-9-24 22:32 標題: 回覆：Yanamami 的帖子

多謝你建議

我個仔唔止鍾意打人，仲鍾意爬地、脾氣大，攪到我頭都大

作者: tzekiubb 時間: 12-9-24 22:38 標題: 回覆：piano513 的帖子

我已經不斷教佢講野，但佢點都唔肯講，佢鍾意就講，唔鍾意迫佢都唔會講

所以我先頭痛，仔仔太有性格

作者: Yanamami 時間: 12-9-25 07:48

打人、爬地、發脾氣.....一係佢講野無人明, "炆爭". 一係discipline問題, 太就佢、太怕佢吵鬧. 乜原因都應該去趁佢仲細處理好. 我覺得自己教唔到佢講野, 或者治療師會有方法呢. 乜都要試下, 好過坐係到等.

作者: HY412 時間: 12-9-25 09:09

唱兒歌 OK 嗎? 我個姨甥孫女說話比妳囝囝更差, 只講單字, 不過會唱兒歌, 正擔心之際, 終於係 2 歲 10 個月開口講句子(中/英文齊出), 而家快 4 歲, 最鍾意係講野.

作者: marcuscyrus 時間: 12-9-25 10:40

去做評估啦，如果冇事咪好，有時就可以早d幫，3歲前是黃金期，你依家排cac的話應該都趕到。我大仔細時就係咁，3歲1個月時評估delay了2個月(st說男仔delay within 6months都算acceptable)，雖然依家把口唔識停，但如果佢真係speech delay而我冇採取行動去幫佢的話，我諗我會後悔一世

作者: tzekiubb 時間: 12-9-25 10:49 標題: 回覆：Yanamami 的帖子

我唸都要試下排期見治療師先，多謝你

作者: tzekiubb 時間: 12-9-25 10:55 標題: 回覆：HY412 的帖子

我仔仔係好鍾意聽兒歌，不過到依家未見過佢唱，最叻只係識講A-Z，1-10，可以順序講，不過要佢唱歌仔咁就唔ok

我咩都試過，佢都唔肯用句子講，我都冇晒辦法

作者: tzekiubb 時間: 12-9-25 10:56 標題: 回覆：marcuscyrus 的帖子

我唸唯有係咁

作者: 囝囝mama 時間: 12-9-25 16:20

回復 tzekiubb 的帖子

是否老人家凑?小朋友爬地無問題!!!帶佢公園玩多D!!!等佢用吓D精力會好D!!!我细囝去健康院都唔合格!!!現在佢最多嘢講!!!

作者: tzekiubb 時間: 12-9-25 21:20 標題: 回覆：囝囝mama 的帖子

仔仔一歲前99湊，之後我就冇做野一個人湊，佢真係精力汪盛架，係屋企走來走去冇時停，性格又反叛，越叫佢唔好做佢就偏偏要做俾你睇，攪到我好頭痛

作者: yybee 時間: 12-10-7 01:24 標題: 回覆：唉，我個仔係咪有語言障礙

樓主又唔駛太擔心嘅，我個仔都係2歲先叫媽咪，其餘都只係講單子，做過3次評估，第一次話佢有自閉傾向同言語遲緩，第二次都一樣，因為佢唔會主動同人講野，問佢野佢又唔理人，但我知道佢係明白我地講咩，所以我都無急住同佢做啲咩治療，只係每日同佢講多啲野，多啲帶佢去公園玩，聽多啲小朋友講野，因為有時可能接觸外來人嘅機會少，聽到嘅詞彙少，所以佢都唔識得表達，到2歲10個月做最後一次評估都只係話佢言語遲緩約8個月至1年，跟住等到3歲多先開始去做言語治療，一個月2次，做左幾次我以經想唔做，而家3歲11個月，不知幾煩，由朝到晚都聽到我個仔把聲，不過佢講野唔叻。我細佬都係3歲先開始講野，大個講野都無問題，所以每人發展都唔同。
建議樓主多帶小朋友岀街，多去公園玩，亦可參加多啲興趣班，如play group, drama等等，對小朋友幫助好大

作者: superccc 時間: 12-10-7 07:35 標題: 回覆：唉，我個仔係咪有語言障礙

努力面對!不要過度擔心。自己照顧係辛苦，見佢樣樣都唔得會好擔心，總好過交工人。小心自己身體!見下不同的言語治療師，聽多啲不同意見。同時，想下自己同Daddy細時是否都是好遲才說話!:

作者: 12345BABY 時間: 12-10-7 14:13

依你所講的情況，,可能其語言發展較慢，最緊要先做評估，愈早做愈早幫佢效果愈好，有很時父母怕面對評估後所知的結果，其實正面看及早知及早幫是對孩子最好的.

作者: Macylau 時間: 12-10-8 00:35 標題: 回覆：tzekiubb 的帖子

我覺得呢d錢吾慳得，排政府太耐，快d搵私家check下啦！自己諗黎諗去不要做一次評估買個安心啦！

作者: chapter 時間: 12-10-9 09:23

而家仲會唔會將佢d食物切得好細?
口部肌肉既訓練對學習說話都好重要...

歡迎光臨教育王國 (/)