教育王國
標題: 懷疑仔仔有ADHD後安排 [打印本頁]
作者: 小草王道 時間: 12-9-23 09:53 標題: 懷疑仔仔有ADHD後安排
阿仔而家2歲3個月。一路都係活躍份子，自己一路都覺得佢會有ADHD。早期收集左資料，要確診起碼5歲。所以都無理。9份份返左個親子興趣班，上左四堂後，有老師叫我帶仔仔做評估。我打算等仔仔12月份返健康院時，再同姑娘傾下。所以我決定幫佢讀n班。d到有位媽媽比左d幼兒園資料我，我打左去其中一間i既幼兒園。校長肯明天見下仔仔，希望佢肯收仔仔入讀。到時可借助佢地既專業知識（因為已經開左學，所以只好搵一d有人退學既幼兒園）。幫下眼睇下仔仔會否有ADHD。如果各媽媽有其他好意見比我。我希望為仔仔做足資料，幫佢渡過難關。
作者: wan_sosin 時間: 12-9-23 16:34
我同你嘅情況很似,不過我個仔已經4歲幾,而家排緊CAC做評估,係3歲尾時經健康院轉介.
但當年我都同你一樣,無嘢可以做!我囝囝無讀n班,我等到佢入K1,攞住學校嘅評語,話佢唔守規矩,然後去健康院要求醫生轉介,安照CAC程序,順利的話,應該下個月就可以去評.
你囝囝最困擾你嘅行為係D乜呀?
作者: fandd 時間: 12-9-23 16:38
關鍵係佢上課時能否
1. 坐定定
2. 聽指示做嘢
3. 與小朋友一齊玩
如果3項有2項唔ok，咁就要盡快去兒童體能智力測驗中心(CAC)做評估。
作者: 小草王道 時間: 12-9-23 19:39 標題: 回覆：wan_sosin 的帖子
唔聽指令，坐唔定，無時停。本來都無打算比佢入讀n班。但有老師叫去評估，咪打去學校睇下肯唔肯收，我而家算係插班，唔知收唔收。聽個校長講全日班有位，加上間學校係i，應該會比到專業意見我吧。
作者: 小草王道 時間: 12-9-23 19:40 標題: 回覆：fandd 的帖子
玩就無問題，另外個二樣就唔得。希望返左學有改善吧
作者: wan_sosin 時間: 12-9-23 22:40
其實你講嗰d好概括!好多兩歲小朋友都係咁!但如果4,5歲仍出現咁嘅情況,問題就好明顯.
當然做媽媽的最了解小朋友,如你想早點去評估,可以記錄低小朋友的不尋常行為,因為姑娘,醫生初頭都靠你去講述小朋友嘅問題.
例如我囝囝,一兩歲時,會破壞物件,喜歡掉東西,還試過掉出窗,
雙腳一落地就跑或跳,講緊嘢都跳住黎講.
試過整傷別人,經常整傷自己.
瞓得少但精力仍很好!
還有很多,不盡講了.
另外你小朋友怕唔怕踩沙,草地之類?
作者: 小草王道 時間: 12-9-23 22:50
本帖最後由 小草王道 於 12-9-23 22:51 編輯
回復 wan_sosin 的帖子
同你既情況好似, 更加唔怕沙同草地.
行路直行直過, 永遠唔睇路. 跌唔少扑唔少.
但有時睇卡通片又可以坐定定, 拎衣架指住佢,都可以坐定一陣, 唔怕打. 又硬頸, 扔玩具就當然有, 叫佢執唔肯,打佢都唔
肯執. 唔怕生保, 去邊到都可以周圍走. 唉
因為佢語言評估唔合格, 所以12月份要再返健康院,如果學校肯收佢, 可以睇多2個月, 如果老師都話有懷疑, 就會叫健康
院轉介見醫生.
作者: wan_sosin 時間: 12-9-23 23:03
回復 小草王道 的帖子
有ADHD嘅小朋友,好多係會怕沙,草地!當然有例外.
另外還喜歡用腳尖行路.
我個仔掉玩具,唔只掉係地,係會周圍飛,會掉到人同掉爛嘢嗰種,叫佢執返,佢會執架!但係執完再掉,
之後返學都試過係學校差D掉到同學仔!
我覺得佢有問題嘅原因係,佢唔係唔想聽,佢都想聽人講嘢,而係佢控制唔到自己.重複做錯.
作者: 小草王道 時間: 12-9-23 23:11
wan_sosin 發表於 12-9-23 23:03 
回復 小草王道 的帖子
有ADHD嘅小朋友,好多係會怕沙,草地!當然有例外.
佢都會用腳尖行路, 試左好多方法都係咁.
掉野呢個問題,又未去到爛曬既, 因為一掉就比我打手仔.
我覺得佢係有聽你講野, 不過唔想跟你既說話去做,
罵佢咩,佢會望天望地就係唔望你,指其他地方引開你注意, 等你唔好罵佢.
因為唔知佢係定唔係, 所以先決定比佢入讀n班, 等老師幫我望下. 而家間學校都唔近我同婆婆家, 變左大家都要特登坐車帶佢返學. 但間學校係i, 校長又話有位同肯見仔仔, 我先打算搏下, 如果唔收我都無計 . 謂有等出年讀k1.
作者: wan_sosin 時間: 12-9-24 00:34
回復 小草王道 的帖子
咁真係試下入n班都好架!係唔係都好,最少有老師教下!因為真係等到可以去評估仲有排!
做呀媽嘅一定個心囉囉lung!
我都等了好多日子,聽了很多說話!總有人會講,唔好諗多咗,未必會係,佢唔似呀之類!
但係如果我聽咗佢哋講,信個仔無嘢,唔理佢,之後真係有事點算!個仔係自己嘅,朋友好言安慰,但無諗過個責任係邊個道,到有事唔通我向佢哋追究責任!
唔好意思!順勢係到呻下!
希望你囝囝入到學校會有幫助!
作者: 小草王道 時間: 12-9-24 00:41 標題: 引用：回復+小草王道+的帖子
咁真係試下入n班都
原帖由 wan_sosin 於 12-09-24 發表
回復 小草王道 的帖子
咁真係試下入n班都好架!係唔係都好,最少有老師教下!因為真係等到可以去評估仲有排!
作者: kungkungjireh 時間: 12-9-24 15:35
and should not watch tv!!!
作者: 小草王道 時間: 12-9-24 16:55
kungkungjireh 發表於 12-9-24 15:35 
and should not watch tv!!!
無電視睇我會死架
作者: fandd 時間: 12-9-24 21:52
如果懷疑小朋友的行為有異樣，建議唔好等政府CAC，應快D揾私人中心做評估，因政府等候時間超耐，由評估至提供訓練服務，最快也要1.5年，需知道治療自閉症、過度活躍症或阿士保加症的黄金期是2-3歲，因等候服務而錯過治療黄金期就非常不值。
若小朋友患有上述病症，一般主流的N班或K1對其幫助十分有限，而家長亦可可能因小朋友不合作而常常收到學校的投訴電話。
作者: wan_sosin 時間: 12-9-24 22:05
回復 fandd 的帖子
我想請問,我以前都問過人,單純過度活躍症,兩三歲一般都不能確診,最多係懷疑個案.
而非牟利機構的服務,也多數要確診才收,至少也要是等待評估的個案.
私人機構當然例外,但真係責擔唔起!
作者: fandd 時間: 12-9-24 23:09
回復 wan_sosin 的帖子
「……單純過度活躍症,兩三歲一般都不能確診,最多係懷疑個案……. 」
政府CAC可能係咁！但如果去私家做，1.5歲也可以有詳細評估，而評估報告是受政府認可，可以用嚟申請政府津貼既訓練課程。不妨瀏覽下列兩間私人中心:
LINKS
http://linkscdc.com/
STEP
http://www.step-hk.com/2010/
作者: 小草王道 時間: 12-9-25 09:14
本帖最後由 小草王道 於 12-9-25 12:08 編輯
fandd 發表於 12-9-24 23:09
回復 wan_sosin 的帖子
「……單純過度活躍症,兩三歲一般都不能確診,最多係懷疑個案……. 」 政府CAC可能 ...
協康話要確診都要5歲以上,而家只會做既係學前性發展評估,
領思話阿仔太細, 只可以做其他簡單評估
STEP話要評估起碼6歲半.
NEW PAGE 話要評估都要6-7歲
所以等政府係最好, 等得黎應該都夠歲數評估了
作者: 小草王道 時間: 12-9-25 09:18
wan_sosin 發表於 12-9-24 22:05
回復 fandd 的帖子
我想請問,我以前都問過人,單純過度活躍症,兩三歲一般都不能確診,最多係懷疑個案.
真係好貴
作者: kungkungjireh 時間: 12-9-25 12:59
TV is so bad for kids . really do not watch! it also makes adhd worse and also bad for language dev and social dev . if you use TV only as a talking point then it's differnet. just talk to the kids.
作者: kungkungjireh 時間: 12-9-25 13:01
i think going to therapy is not for kid but for parents to learn how to deal with the child. parents should pay super much attention there. in the end the kid is there only twice a week. mom and helper are there the rest of the time.
作者: wan_sosin 時間: 12-9-26 14:51
回復 小草王道 的帖子
我同你嘅想法一樣,知道政府慢,所以早D排入政府條隊,我今年4月去CAC見姑娘,若等半年,而家我個仔剛上K2,希望在小一前可以安排好.
我見有小朋友到小學先發現問題,等得黎都P3,4了!
作者: wilyun 時間: 12-9-28 14:49
回復 kungkungjireh 的帖子
我初初又係乜電視都唔比個仔睇,自己又要返工,全程基本上係靠個工人教+自己放工教,佢跟本就乜都無吸收到,其實適量的電視時間係對小朋友有益的,當然都要睇埋係乜野電視節目先比佢睇喇!因我個仔歲半開始我又比返一個半鐘電視佢睇(分開播),佢真係識得多左野,同埋好多係日常生活SHOW唔到比佢睇的,佢都可以係電視睇到,如動物之類.
作者: wilyun 時間: 12-9-28 14:53
我都有懷疑個仔有呢個問題,因佢真係一返訓練就四圍走,又八卦.坐唔定,連姑娘叫佢坐佢都四圍走,我諗到時十一月佢返N班實比老師投訴...
好彩我歲半排左,都做左評估,但暫時只話佢係遲緩... (其實我初初以為自己個仔係自閉架!但我呢兩個月無做野揍佢,日日帶佢去街,佢現在唔驚人,仲識得LIU人玩添呀!)
作者: kungkungjireh 時間: 12-9-28 17:25
回復 wilyun 的帖子
I see I see, ya i usually ban all tv but I am also curious of what you said.
what kind of tv shows do you let him watch?
作者: chowqv 時間: 12-9-29 04:37 標題: 引用：關鍵係佢上課時能否1.+坐定定2.+聽指示做嘢
原帖由 fandd 於 12-09-23 發表
關鍵係佢上課時能否
1. 坐定定
2. 聽指示做嘢
作者: wilyun 時間: 12-9-29 12:07
回復 kungkungjireh 的帖子
我比D動物紀錄片呀,專門比小朋友的DVD等,有時都會比佢睇下時代劇,仲有佢好鐘意睇有BB的廣告呢!
作者: wan_sosin 時間: 12-9-29 14:24
回復 chowqv 的帖子
我都認同就算無嗰三樣!都唔等於無ADHD!有D人都會誤會,以為完全不懂聽人講才是ADHD,我都有好多朋友同我講,你個仔都會聽人講嘢,應該唔係!我心諗,如果咁簡單,就唔洗搵醫生,見專家啦!
順帶一提,剛好又見到你!很開心大家又有些交流!
作者: 小草王道 時間: 12-9-29 17:32 標題: 引用：Quote:原帖由+fandd+於+12-09-23+發表關鍵
原帖由 chowqv 於 12-09-29 發表
我果仔3樣都做到，不過都有adhd，只係上英文堂就自己走左去課室外邊，問佢點解，佢話英文老師教左成個星期 ...
作者: chowqv 時間: 12-9-30 01:22 標題: 引用：Quote:原帖由+chowqv+於+12-09-29+發表我果
原帖由 小草王道 於 12-09-29 發表
靜又怕自閉，好動又怕ADHD。聽指令，坐定定都有機會有ADHD。咁我真係唔識攪
...
我唯有演繹為"動靜2相宜"。
作者: 小草王道 時間: 12-9-30 10:22 標題: 引用：Quote:原帖由+小草王道+於+12-09-29+發表靜
原帖由 chowqv 於 12-09-30 發表
有幾怕，我個仔係有adhd+自閉。
我唯有演繹為"動靜2相宜"。
你真樂觀。我都要加油
作者: wan_sosin 時間: 12-9-30 15:23
回復 小草王道 的帖子
加油呀!不如你搵d書睇下!
我看過"分心就該這樣教"
這本書很好,雖然對太小的小朋友有些未用得著,但都可以了解多d先.
另外你可以到下面網頁看看:
www.adhdinchinese.org
作者: 小草王道 時間: 12-9-30 16:14 標題: 引用：回復+小草王道+的帖子
加油呀!不如你搵d書
原帖由 wan_sosin 於 12-09-30 發表
回復 小草王道 的帖子
加油呀!不如你搵d書睇下!
謝謝你
作者: chowqv 時間: 12-10-1 02:12 標題: 引用：Quote:原帖由+chowqv+於+12-09-30+發表有幾
原帖由 小草王道 於 12-09-30 發表
你真樂觀。我都要加油
作者: kittytyl 時間: 12-10-2 22:12 標題: 回覆：懷疑仔仔有ADHD後安排
各位，我個仔剛兩歲，超級活躍，不聽話，好硬頸，坐不定，不怕駡，去街周圍走，不怕人，同佢講道理，永遠好樣聽不懂，說東說西！經常在街扭計，瞓地！請問我有咩可做？我下年1月有小B出世，宜家大仔又咁，我好擔心
作者: 小草王道 時間: 12-10-2 22:14 標題: 回覆：kittytyl 的帖子
上學未？可以看看老師點講先。
作者: kittytyl 時間: 12-10-2 22:29 標題: 回覆：小草王道 的帖子
返左N班三星期，老師有講過佢坐唔定，周圍搞櫃，要捉回坐位及專注力唔好，但又讚佢識好多字！我唔知班裡其他小朋友係咪咁！我不嬲自覚我仔比同齡小孩百厭，非常好動，初時以為男仔係咁，但越來越發覺佢有d行為真係過左火，我真係唔想成日鬧佢，但真係唔知點做！近日行為越來越嚴重，佢好似天不怕地不怕，去街自己頭也不回走左去,冇大人在身邊也不怕，自己想點就點，阻止佢就發癲咁扭計掙扎，好硬頸，好似看穿大人咁，最後要屈服！同佢講話或問佢嘢，永遠不答or say no! 其實佢識講好多，只是好似不懂與人溝通！
作者: kittytyl 時間: 12-10-2 22:31 標題: 回覆：懷疑仔仔有ADHD後安排
加上現在大肚，我真係冇氣冇力，情緒影響我有時自己鬧到喊
作者: wan_sosin 時間: 12-10-2 23:00
回復 kittytyl 的帖子
你個仔bb時係點架?幾時開始你覺得佢比其他人活躍?你一直用什麼方法教導他的?有無其他人會教佢?
問咁多係因為要了解多D情況同原因!
我個仔係佢3,4個月大時,我已覺得佢比其他bb活躍架啦!佢bb嗰時,都未識行,格bb車已經比佢跳爛,雖然bb車係二手,但係外國牌子黎架!佢嘅力真係唔講得小!兩歲佢試過用個頭撞到我幾隻牙崩咗!但我個仔仲要係瘦B黎架!
作者: kittytyl 時間: 12-10-3 09:22 標題: 回覆：wan_sosin 的帖子
我個仔都係瘦B，由細到大不喜歡吃，但佢天生手長腳長，好大力，幾個月雙腳已經狂踢，學爬就對周圍充滿好奇，好大膽，不怕危險，體能上發展好快，佢瘦，但是全班最高（佢係細仔），跑得好快！
我其實初初以為佢係百厭d，但呢半年真係好嚴重，尤其佢有個差2個月表弟，行為性格差好遠！我仔完全唔聽話，同佢講好似永遠聽唔明，但其實我知佢明，只係唔想理我！有諗過係咪因為大肚，所以反叛！近排試過做錯事要求佢say sorry! 佢超硬頸，罰佢企直到講，佢半小時只喊也不講，直到差唔多一個鐘，爸爸去沖涼，只有我同佢，我再講一大堆道理，佢先講sorry mama! 我在想佢2歲已經知道講對唔住係一件困難事，不想在眾人面前講！唔明佢思想!
講到管教，我同老公唔主張打，從來未打過，但唔知忍到幾時！亦唔主張下下敢止，即如果在不影響別人及損害自己情況下，我們可以由佢做，因為知BB一定好奇！我老公甚至好少閙佢！其他方面，我倆都冇乜話管教唔管教，初次做父母，真係同個仔一齊學！有時都係見招拆招，睇坊間d書，健康院小冊子學。但唔知係咪因為我們比較放任所以囝囝咁百厭！如果佢天生百厭d，父母係咪應該嚴厲d？
佢平時工人湊，工人好錫佢但就好就佢，2歲都唔可以自己完成一餐飯！
人人話我仔好聰明，聰明可能似爸爸，老公由細大不太勤力但讀書好叻，會考全A高考幾個A，但佢冇行為問題！我仔好喜歡學知識返學，喜歡看書，但只專注自己喜歡類型的書，返學前主要識英文，我想他返N前已經懂400-500個英文生字，因為我有套生字咭有400張！中文字返了N學了7，8個左右，N課程d英文佢已經識讀！佢說話能力中等，會自己讀書，街上見到乜會指住講，但與人對答就好差，十問九唔應
做父母會想自己仔女聽話又聰明，但我只希望佢聽話d，唔好成日扭計，我不是聰明人，鬥智鬥力真係好辛苦
作者: wan_sosin 時間: 12-10-3 21:42
回復 kittytyl 的帖子
活躍嘅小朋友好多都聰明!但越聰明就越難教!我個仔都係聰明仔,不過唔係語言方面,佢數理很好,唔洗點教都自然明白!記性亦好好!
你個囝囝唔聽人講,唔多唔少因為係工人湊,多多少少會有少爺脾氣,(我亦因為咁樣,情願搵少D,做FTM湊個仔),加上你們由小給他很多”自由”,小朋友唔會明你哋係比空間同自由佢,佢只會收到一樣嘢,就係”我可以想點就點”,BB時殺傷力未大,都唔覺,到大一點,自己有能力,有思想,問題就會明顯!而佢亦唔會容易明點解自己錯,因為佢會認為自己”想做的事情就係啱”因為你們好少阻止.加上佢本身性格已很強!
但嚴謹的管教又唔代表佢就會唔百厭,不過佢會明多D自己錯什麼,我個仔每次錯每次都會認,有時連佢自己都發現自己錯咗,只係佢錯完之後,又控制唔到自己再錯過!有時見佢都會為此自己很內疚!
我仔自小我就會打佢,不過打得有原則,有方法,唔會亂打,到而家4歲幾,唔係有嚴重錯誤都唔會打佢!佢黑白對錯分得好清楚!但如果你們對打無信念,就用其他罸嘅方法吧!但小朋友一定錯要受罸,因為佢哋要學懂每件事情會有後果!
其實如果你囝囝聰明,你唔洗太怕因為管教佢要限制了佢嘅發展,佢嘅好奇心,佢嘅勇敢,唔係咁易就比你哋阻到.而適當嘅規則,係幫佢建立品德,性格. 規則一定要清晰,堅定,必須執行,父母一定要一至!
你囝囝才兩歲,仍可建立及去習慣較嚴的管教,否則,佢而家都惡過你,再大就好難攪架啦!佢唔答人其實係無禮貌,要訓練佢去回應別人,教呢D嘢,一D都唔關比唔比佢探索嘅事!
每個小朋友都唔同,要就著佢哋嘅性格來教,但無論點,無小朋友係唔洗教就會好架!
作者: pipi331 時間: 12-10-4 00:18
提示: 作者被禁止或刪除 內容自動屏蔽
作者: kittytyl 時間: 12-10-4 18:12 標題: 回覆：wan_sosin 的帖子
我好怕如果打佢會越打越失控！頭先佢又激到我好嬲，我今次真係打佢，問佢痛唔痛，驚唔驚？佢好硬頸，沒喊，只扁咀話唔痛，唔驚！我今次好惡亦好狠佢也不怕！跟住又說東說西唱ABC , 同佢講道理，又不望住我，點可以教佢禮貌？點解未俾人打過，第一次狠打也不怕？
作者: wan_sosin 時間: 12-10-4 21:43
回復 kittytyl 的帖子
咁即是未夠狠囉!一個細路真正feel到到肉嘅痛,點都好難忍到!
不過我唔會係個仔未認自己錯就打佢,我要佢認自己錯,同埋講比佢聽我會打幾多下來懲罸佢,咁打才有用,你打完佢,佢都唔份氣,打黎都浪費氣力!
要點教禮貌,呢樣嘢有d複雜,就你個case,有幾個方法,不過好睇性格,如果個細路要面的話,可以係人哋面前落下佢面,e.g.佢唔答人,可以同嗰個人講(要比你個仔都聽到),"對唔住!佢係唔識答人架!同人打招呼佢都唔識架!希望你唔好怪佢啦!"總之講到佢好唔叻,如想再加強,返到屋企,再同你個仔講,"我唔怪你嘅!你嘅能力有限!不如我哋練習下先啦!"
你可以就你平時同佢講開嘢嘅方法再創作一下,睇下佢有乜反應!
呢個算係軟攻,硬攻就係只要唔答別人,返屋企就會受罸.
當然平時你都可以同佢講下道理,點解要有禮貌,但太細嘅小朋友唔會明得晒,亦未必因為明咗個道理就會改變,小朋友某程度,要訓練佢成為習慣先!訓練佢嘅行為與講道理並行.
作者: 小草王道 時間: 12-10-8 21:12 標題: 回覆：懷疑仔仔有ADHD後安排
報告近況：個日見完i幼兒園後，老師話唔覺仔仔有呢方面問題。但就無位唔收。而家搵到另一間i幼兒園既暫託，打算比仔仔試下返學。睇下情況會唔會好轉。如果無好轉我會搵健康院排CAC。同埋搵協康幼兒訓練比佢上。
作者: wan_sosin 時間: 12-10-8 23:27
回復 小草王道 的帖子
你打算用什麼情況/理由叫健康院轉介呀?
如果你囝囝唔係明顯嗰種!(因為你話學校覺得佢唔似),咁健康院都同樣唔易轉介,可能好似我咁,叫我返咗幼稚園之後,如果老師都覺得有問題才返去!
我只係提你要有心理準備,同埋真係要有準備去健康院,比姑娘覺好有問題先得.
唔知你有無見過明顯嗰d小朋友,真係完全唔受控!又會大叫!
作者: 小草王道 時間: 12-10-9 13:26 標題: 引用：回復+小草王道+的帖子
你打算用什麼情況/
原帖由 wan_sosin 於 12-10-08 發表
回復 小草王道 的帖子
你打算用什麼情況/理由叫健康院轉介呀?
作者: BigPig阿花 時間: 12-10-9 15:43
又或者係搵個兒科醫生/家庭醫生, 叫佢地寫封信你去健康院/cac, 咁可能會快d wor
作者: 小草王道 時間: 12-10-9 19:18 標題: 引用：又或者係搵個兒科醫生/家庭醫生,+叫佢地寫
原帖由 BigPig阿花 於 12-10-09 發表
又或者係搵個兒科醫生/家庭醫生, 叫佢地寫封信你去健康院/cac, 咁可能會快d wor ...
原來可以咁樣
作者: chowqv 時間: 12-10-9 22:06
kittytyl 發表於 12-10-4 18:12
我好怕如果打佢會越打越失控！頭先佢又激到我好嬲，我今次真係打佢，問佢痛唔痛，驚唔驚？佢好硬頸，沒喊， ...
有無試過俾佢一日最少半個鐘去玩公園3寶？如果佢固定左一個時間可以玩到出汗，對佢，對你會好得多。
作者: chowqv 時間: 12-10-9 22:10
小草王道 發表於 12-10-9 19:18
原來可以咁樣
我個仔就係搵相熟既醫生，同佢講想佢出信，佢仲幾咁好，幫我查埋cac既地址，又問我使唔使幫我打電話去book。
如果再經健康院，真係要排耐好多。起碼快3-6個月。個仔有好熟既同齡同學仔，阿媽就係等健康院check，家下去cac check要等到出年1月。
作者: chowqv 時間: 12-10-9 22:12
小草王道 發表於 12-10-9 13:26
我仔唔明顯架，起碼用藤條會叫得停佢。如果扭計都唔會扭好耐，最盡5分鐘。我個間係i幼兒園，唔知學 ...
你唔使唸，學校係唔會幫你出信，係會叫你去排，佢地只會幫你填評估中心要既文件。
你果間係I位幼稚園，但係你唔係讀I位。香港應該無一間幼稚園會主動出信。
作者: 小草王道 時間: 12-10-9 22:21 標題: 引用：Quote:小草王道+發表於+12-10-9+13:26+我仔
原帖由 chowqv 於 12-10-09 發表
你唔使唸，學校係唔會幫你出信，係會叫你去排，佢地只會幫你填評估中心要既文件。
你果間係I位幼稚園，但 ...
作者: 小草王道 時間: 12-10-9 22:25 標題: 引用：Quote:kittytyl+發表於+12-10-4+18:12+我好
原帖由 chowqv 於 12-10-09 發表
有無試過俾佢一日最少半個鐘去玩公園3寶？如果佢固定左一個時間可以玩到出汗，對佢，對你會好得多。 ...
作者: chowqv 時間: 12-10-10 20:41 標題: 引用：我好怕如果打佢會越打越失控！頭先佢又激到
原帖由 kittytyl 於 12-10-04 發表
我好怕如果打佢會越打越失控！頭先佢又激到我好嬲，我今次真係打佢，問佢痛唔痛，驚唔驚？佢好硬頸，沒喊， ...
作者: chowqv 時間: 12-10-10 20:43 標題: 引用：Quote:原帖由+chowqv+於+12-10-09+發表有無
原帖由 小草王道 於 12-10-09 發表
佢係婆婆湊，平時婆婆會帶佢去公園玩15分鐘左右。我試下問下我睇開既兒科醫生肯唔肯出信先
...
作者: 小草王道 時間: 12-10-11 06:59 標題: 引用：Quote:原帖由+小草王道+於+12-10-09+發表佢
原帖由 chowqv 於 12-10-10 發表
要加時，可能婆婆會辛苦d。最好有地方俾佢狂跑。
作者: chowqv 時間: 12-10-11 18:02
小草王道 發表於 12-10-11 06:59
狂跑完會有改善？
係，出一身汗，對佢有益，話個腦有咩有益既分泌，同埋用晒佢多餘既精力。
佢返到屋企，就倦到唔再反轉間屋。
作者: wan_sosin 時間: 12-10-11 22:14
本帖最後由 wan_sosin 於 12-10-11 22:18 編輯
小草王道 發表於 12-10-11 06:59
狂跑完會有改善？
係真的,還要每天!會聽話一點,係屋企破壞嘅機會都會少一點!
我由我個仔1.5yr開始做FTM,到而家堅持每天帶我個仔落公園跑1.5-2hrs!同時因為咁,佢無機會睇咁多電視!做卡通片嘅時間就落咗公園!
順帶一提,CAC今日打比我,下個月初可去評估了.
作者: 小草王道 時間: 12-10-11 22:16 標題: 引用：Quote:小草王道+發表於+12-10-11+06:59+狂
原帖由 wan_sosin 於 12-10-11 發表
係真的,還要每天!會聽話一點,係屋企破壞嘅機會都會少一點!
我由我個仔1.5yr開始做FTM,到而家堅持每天帶我 ...
恭喜曬，又向前行多一步，加油呀
作者: Ryanma925 時間: 12-10-11 23:52
請問你地排左幾耐？
作者: 小草王道 時間: 12-10-12 09:14 標題: 引用：請問你地排左幾耐？
原帖由 Ryanma925 於 12-10-11 發表
請問你地排左幾耐？
作者: wan_sosin 時間: 12-10-12 14:26
回復 Ryanma925 的帖子
我今年3月見健康院姑娘,4月見健康院醫生然後轉介CAC,同月見CAC姑娘,下個月11月初見CAC醫生.
作者: 小草王道 時間: 12-10-29 20:46 標題: 回覆：懷疑仔仔有ADHD後安排
返左暫託3日真係灰爆，老師只識叫帶阿仔返健康院彫，我知要睇。唔洗日日講呀。話老師緊張定（其事）好呢。
作者: 小草王道 時間: 12-10-30 12:34 標題: 引用：回復+Ryanma925+的帖子
我今年3月見健康院
原帖由 wan_sosin 於 12-10-12 發表
回復 Ryanma925 的帖子
我今年3月見健康院姑娘,4月見健康院醫生然後轉介CAC,同月見CAC姑娘,下個月11月初見 ...
作者: wan_sosin 時間: 12-10-30 18:33
回復 小草王道 的帖子
咁你有無試下問私家醫生?有醫生紙可以直接去CAC,咁就會快D!
或者你打去健康院問,同佢講話暫託叫你搵佢哋,問可否約期,咁或者可以唔洗等到12月,因為如果12月到時你先講,咁又要再幫你約時間,就出年架啦!
作者: 小草王道 時間: 12-10-30 19:00 標題: 引用：回復+小草王道+的帖子
咁你有無試下問私家
原帖由 wan_sosin 於 12-10-30 發表
回復 小草王道 的帖子
咁你有無試下問私家醫生?有醫生紙可以直接去CAC,咁就會快D!
作者: 小草王道 時間: 12-10-30 19:07 標題: 引用：回復+小草王道+的帖子
咁你有無試下問私家
原帖由 wan_sosin 於 12-10-30 發表
回復 小草王道 的帖子
咁你有無試下問私家醫生?有醫生紙可以直接去CAC,咁就會快D!
作者: wan_sosin 時間: 12-10-30 21:13
回復 小草王道 的帖子
都要睇老師有幾多功力!有D老師好有辦法!我仔都算遇到個好老師!尚算控制到佢!
作者: 小草王道 時間: 12-10-31 07:39 標題: 引用：回復+小草王道+的帖子
都要睇老師有幾多功
原帖由 wan_sosin 於 12-10-30 發表
回復 小草王道 的帖子
都要睇老師有幾多功力!有D老師好有辦法!我仔都算遇到個好老師!尚算控制到佢! ...
作者: wan_sosin 時間: 12-11-6 00:25
去咗CAC了,我個仔未能確診,醫生話因為仲細!過幾個月再會call我覆診,現在評為"較活躍及反叛"!
醫生意思係如果下次去無改善,就會轉去兒童精神課!即是會確診!
而家只叫我去上堂!
作者: 小草王道 時間: 12-11-6 23:00 標題: 回覆：wan_sosin 的帖子
我睇左你另一個帖，去上堂啦。你學會左，就可以日日同仔仔上堂。幫下佢。返出面既訓練時間唔夠你對住佢多。你到時就會變成佢24小時既老師。對仔仔發展係最好。
作者: 小草王道 時間: 12-11-6 23:05 標題: 回覆：懷疑仔仔有ADHD後安排
新報告：今日第一日返左s暫託，當時只有另一位暫託既小朋友陪我仔仔。仔仔表現唔錯，無話控制唔到。但都要等仔仔習慣左，老師先會幫佢加時。先會比仔仔試下接觸多d小朋友。11月23日會去上幼兒訓練。而家只可以盡力做到幾多得幾多。
作者: wan_sosin 時間: 12-11-6 23:33
回復 小草王道 的帖子
多謝你嘅支持!我而家已經係日日做緊教練,所以已經好倦!個壓力好似係晒自己身上!
個醫生話我仔仲細,佢自己唔會幫到自己,只有用外力來幫佢!
個外力就係我囉!我日日都要用移山嘅力,命都短幾年!!
作者: 小草王道 時間: 12-11-7 14:57 標題: 回覆：wan_sosin 的帖子
加油呀，媽媽
作者: Ryanma925 時間: 12-11-7 19:32
回復 wan_sosin 的帖子
咁有無得排i位或者e位？
作者: wan_sosin 時間: 12-11-7 22:09
回復 Ryanma925 的帖子
無呀!只係叫我等多幾個月,會再call我!
叫我去上專為過度活躍的3P課程,不過都要明年4月!
另外安排再見視光師,因為我個仔睇TV,電腦就會斜視!
不過我個仔間學校都好接受佢,都已經盡量安排,入廁所排隊排最後(等佢少D機會攪人),坐位坐最前(等佢專心)
佢班主任同我講,學校裡面有比佢更差嘅學生,佢覺得我個仔尚算可以教導.
作者: Ryanma925 時間: 12-11-8 22:39
你本身學校有無i位？
融合教育既學校老師都會有愛情同耐性^^
作者: wan_sosin 時間: 12-11-8 23:12
回復 Ryanma925 的帖子
我仔間學校無i位架!佢讀保良局.
你講嘅學校預咗有特殊小朋友,係會好D!
不過我仔個班主任都對我哋好好!我遲D去上堂,佢仲話我可以放我個仔係學校,等我上完堂才去接回佢!佢話最緊要幫到個小朋友!我好開心個老師咁幫忙!雖然我都有係學校做義工,但我信佢都係真心關心的,我見佢本身都很喜歡小朋友!
多謝你嘅支持!係呢到令我覺得唔係自己一個人去面對!
作者: 小草王道 時間: 12-12-11 17:40 標題: 回覆：懷疑仔仔有ADHD後安排
今日去左CAC見姑娘，話等半年會收到電話再上去見。而家只好比錢上幼兒訓練，排埋職業治療。希望仔仔有好既改變。
| 歡迎光臨 教育王國 (/) |
Powered by Discuz! X1.5 |