教育王國
標題: 嚴重恐懼番學, 發惡夢, 異常情緒波動, 應該繼續嗎? [打印本頁]
作者: ting-ma 時間: 12-9-21 13:13 標題: 嚴重恐懼番學, 發惡夢, 異常情緒波動, 應該繼續嗎?
提示: 作者被禁止或刪除 內容自動屏蔽
作者: cat8141210 時間: 12-9-21 13:17
請問你小朋友讀哪一間幼稚園的N1?
小朋友親口同你講佢唔想返學的原因嗎?
佢可能只係唔想離開媽媽吧?
有冇同學校老師溝通是不是在幼稚園有什麼不愉快的事發生呢?
作者: ting-ma 時間: 12-9-21 13:34
提示: 作者被禁止或刪除 內容自動屏蔽
作者: melonfans 時間: 12-9-21 13:42
ting-ma 發表於 12-9-21 13:34 
我問過佢好多次, 有冇人話佢, 罵佢 , 蝦佢, ......佢都話冇,
佢只係答我怕媽媽走左去..
我個小朋友持續咗3個月都係咁, 你返學前話佢吾喊, 乖乖換校服就奬貼紙!
話媽媽等你放學, 大個女, 返學好叻架! 
再用月曆, 貼開心貼紙係空格, 話邊日吾喊就貼開心貼紙, 喊就貼喊喊貼紙! 等佢自己睇!
作者: peckychiu 時間: 12-9-21 13:44
我諗比d時間佢啦~分離係難攪d...等佢慢慢習慣...老師話真係喊足一年都有~~但唔可以因為佢喊而唔洗佢返學嘛..
我個仔都喊..不過唔係大喊..飲泣..佢一食完lunch..就開始話驚驚..一路沖涼一路驚驚..出門口行去學校都話驚驚..無媽媽好驚驚~我都笑住同佢講...woo學校有咩玩架..唔好同佢一齊苦埋個面囉..開心d..唔比佢比覺得媽媽都好worry咁~
慢慢黎!!!
作者: S.TANG 時間: 12-9-21 14:04
本帖最後由 S.TANG 於 12-9-21 14:06 編輯
回復 ting-ma 的帖子
TING-MA
我個囝開頭都有你個囡呢個問題, 又係返學後晚晚發惡夢, 日日同我講唔返學學. 返到學校門口就開始喊. 但就冇你個囡咁嚴重.
我既解決方發係唔再親自帶佢返學, 改由姐姐帶 (OR你試吓搵其他人帶). 2日後姐姐就同我講, 佢返到學校冇喊啦. 但就仍然發惡夢同日日講唔返學學.
我都有問佢係唔係同學仔笑佢(因我個囝隻左眼眼珠有粒肉粒, 但要4-5YR先可以做手術切除), 唔同佢玩, 佢又話冇. 打過去問過老C, 佢哋都話佢係學校冇俾其他同學仔蝦, 只係我個仔比較自我, 但己經開始溶入同其他同學玩. 叫我放心, 過多排應該冇事.
今星期明顯好咗好多, 返嚟會同我講邊個同學仔今日做咗咩嘢(不過講嚟講去都係得2個同學仔), 學校教咗佢唱咩嘢歌仔. 會係屋企做返哂. 又會要我哋一齊同佢唱同跳舞. 佢呢2日都冇再講唔返學學啦. 99仲同我講, 佢係學校門口見到佢幫其他同學仔著鞋, 又拖往個同學仔一齊出嚟. 見佢而家有同學仔開始開心咗.
你都放心啦, 小朋友知道如果MAMI真係唔可以係度, 佢哋就會開始適應. 一有同學仔就會開心好多嫁啦. 俾多小小時間你囡囡啦.
作者: ting-ma 時間: 12-9-21 14:11
提示: 作者被禁止或刪除 內容自動屏蔽
作者: cat8141210 時間: 12-9-21 15:07
ting-ma 發表於 12-9-21 14:11
謝分享, 不過我個囡仲未喜歡同小朋友(similar age)玩, 佢只喜歡同大過佢的小朋友玩. ...
佢仲要係7月B,
家下先得果兩歲兩個月人仔咋,
最慘係佢連講野都未係好識講,
淨係識得ee鵝鵝,
照計佢返學見到同學仔個個都識講野佢係應該會驚,
但係我打電話搵老師問佢有冇喊有冇唔乖,
老師都答我佢好正常wo,
仲有同同學仔玩,
但係同學仔同佢講野佢唔識答人咁囉,
佢平時都係好痴我架,
但係一返學就冇扭冇喊,
因為我要返工既關係,
我係比個女坐校車的,
會唔會因為我唔係親自送佢返學所以佢冇好似你個小朋友咁喊法呢?
anyway,唔可以因為佢叫唔想返同驚就唔比佢返學,
佢點都要出黎面對呢個世界架,,,
好似見到有媽媽講,
"一陣去返學wo,好叻仔呀"
"不如媽媽去買貼紙比你呀?"
呢d都係好方法來的...
媽媽你唔好太介意個小朋友喊就驚左佢...
小朋友唔好就得太緊要呀...
唔係第時仲難搞...
作者: mamaviolet 時間: 12-9-21 15:12
放心, 我個女舊年返pn都喊左兩個月. 仲係一起身就喊, 喊到入課室. 到下學期, 原本已經無喊, 有時無啦啦又喊番. 但係我覺得一定要比佢繼續返, 比佢適應, 如果你唔比佢返, 唔通K1喊又唔返. 你要相信你小朋友,比佢知道無論點都要返學, 唔好比佢知道有機會可以唔返學, 過一排會好好多.
P.S. 我個女今年返K1, 重要新學校, 原本我都以為又要喊番一個月, 但出奇地只係滴左幾滴眼淚....所以放心比佢返pn啦!
作者: vyvy 時間: 12-9-21 15:16
我大仔當年返PN, 初時都係成日喊, 只係分離時喊, 無話吾返學; 大約一個月之後好D, 但過左一段時間, 佢吾肯返學, 事原佢籟尿(已介片)俾老師話, 老師之後話已SETTLED, 阿仔都話老師"好", 但就總是吾想返學, 阿仔當時都算可以用語言清楚表達, 如是者搵吾到原因, 後來, 有次去學校, 見到一位家長, 她說見到老師"不喜歡"我仔仔, 有D針對性. 雖然學校有OFFER K1位阿仔, 但我選擇搵過第二間, 不過, 都讀完一年才走, 因我都吾肯定當中發生的事, 也不想令阿仔以為"不喜歡"就可以不上學.
作者: mingming1111 時間: 12-9-21 15:55
回復 ting-ma 的帖子
放心樓主, 好多小朋友就算K1都會喊足半年, 你試下送佢番學時同佢講, 媽媽陣間會來接你的, 唔係唔要你呀, 好多小朋友係因為覺得沒有安全感下而恐懼, 盡量準時d去接佢(即係排前些接), 慢慢來, 加油
作者: twllc 時間: 12-9-21 16:14
樓主，我細仔2歲返n班頭2個多月都會喊，返學前著衫勁扭計(要兩個人捉住黎著)，頭幾日親自送佢返學喊得好淒涼，我都差d放棄。但工人帶去好好多，起碼唔會心軟，同埋喊少少就好快收聲。
所以之後就算我放假，都响佢返學前就離開屋企(等佢見唔到我)，我唔再親自送佢返學
我個仔係09年超細仔，其實可以遲一年先入讀，但我覺得既然遲早要面對，就唔好退縮。今年返另一間學校k1，本來稔住佢一定喊，但居然完全冇喊。所以只要過左呢個階段就ok。
樓主，加油!
作者: 藤媽 時間: 12-9-21 16:18
我仔返N1時喊左兩個月, 依家轉左第二間K1, 八月開學到依家都仲係喊緊...
依家識得表達仲慘, 日日同我講數佢唔想返學 (以前N1只要狠心就OK!)
之前上過兒童心理既course, 老師話小朋友既行為問題係源於佢地既心理質素, 要解決行為問題, 要先了解佢地呢個小小世界
依家一步一步咁處理囝囝既情緒問題, 開始有d成效, 慢慢解開左佢唔想返學既心結, 暫時一星期喊3-4日, 即係有1-2日係ok
我係網上搵到一篇文章有講解小朋友2、3歲時遇到既問題, 我pm俾你睇, 希望幫到你同囡囡順利過渡呢個時期!!
作者: 麥子仲肥 時間: 12-9-21 16:29
籐媽：
可以pm埋俾我嗎？
thx
作者: Vijoyce 時間: 12-9-21 16:54
回復 ting-ma 的帖子
我囡囡係8月30日.. 番全日班.. 一路都擔心佢番PN既問題, PG導師話小朋友夠兩歲8個月先好比佢自己上堂, 因為仲係依戀期, 未獨立到.. 當然我呢個唔聽話既阿媽都報左N班比個女.. 由於PG導師咁講..所以一直都帶阿女出去玩.. (去公園, playground, playroom..) 平時帶佢出去搭LIFT, 見到保安員..司機.. 都SAY下HI.. 傾兩句..等佢見多D人..
可能我個女鍾意同小朋友玩, 同埋每日我地番公, 佢起左身..我地都會同佢講BYE BYE..佢習慣左到夜晚先見到我同爸爸.. 所以係頭一個星期喊(嫲嫲/工人帶番學).. 由番2個鐘à 4個鐘à 6個鐘都適應了, 比我預期好.. 至少係學校食早餐,午餐, 午睡.. 當然老師話佢久唔久會叫媽咪, 或唔想食學校D野OR扭瞓會大喊..但老師都覺得進步了…
惡夢都持續幾星期.. 老師話初初係咁.. 唔洗擔心..
我諗樓主係FTM.. 所以小朋友難D適應無左你係身邊.. 我地大人番新工都要時間適應, 更何況係小朋友??!
喊只係表達不安, 如果唔比佢番.. 你出年都係遇到呢個問題.. 小朋友始終要長大, 我地忍心D都要放手~ 比多D正能量佢.. 同佢講..大個女.. 要叻叻.. 媽咪知道你一定做得好好.. 加油~~~
作者: 大白豬 時間: 12-9-21 17:11
回復 藤媽 的帖子
可以ｐｍ我嗎？我囡囡都有類似問題．謝謝．
作者: winnietingting 時間: 12-9-21 17:46 標題: 回覆：嚴重恐懼番學, 發惡夢, 異常情緒波動, 應該繼續嗎?
本帖最後由 winnietingting 於 12-9-21 18:15 編輯
我囡囡讀緊pn班，在學校門口會喊到死，但入到學校就無事。大家加油！
作者: 藤媽 時間: 12-9-21 20:36
麥子仲肥 發表於 12-9-21 16:29 
籐媽：
可以pm埋俾我嗎？
作者: peckychiu 時間: 12-9-22 00:14 標題: 回覆：藤媽 的帖子
好
作者: Elliven 時間: 12-9-22 00:22
我個仔仔同樓主個囡囡好似, 佢早兩星期病倒了, 沒有上課一個半星期, 唔知係未因為唔舒服, 所以特別扭計, 超級貼身, 連我地食飯去洗手間都唔得, 一步都要跟到實, 小小事唔合佢心意就大叫大喊, 瞓地踢腳, 晚上瞓覺差不多每一小時就醒, 醒左就狂踢床踢被, 好似發了瘋, 我地點氹佢只會更加激動, 惟有等佢發洩一輪, 再氹佢訓番, 上星期尾返學由9點叫喊到4點, 結果老師校長叫我地暫時俾仔仔返半日, 待他重新適應校園生活...
藤媽: 可否給我有關文章的資料, 謝謝!
作者: washburn 時間: 12-9-22 01:28
唔駛擔心, 我BB上年返PN都喊咗一個月, 我都係full-time mother, d BB特別"chi" 媽咪, 老師叫我快D走, 佢會handle....我唯有日日話俾佢聽媽咪無走, 你返學我係學校門口等你.....你無喊獎去海洋公園......一日少喊過一日。。。。差唔多一個月, 就完全無事, 有時遲咗去接去, 都無事
到咗觀課同聖誕表演, 見到佢超開心, 超投入學校生活, 之前D擔心一掃而空：Ｐ
作者: gatochat 時間: 12-9-22 02:45
have you try giving her a special toy to represent you?
or maybe a picture of you and all the family?
try and make a book out of family photo for her to take to school and as s Tang have said, try asking someone else getting her ready for school.
will the school allow her attending shorter section? and gradually build up to a full section? so maybe half an hr for a few days then an hr then gradually build up to full section.
Children are very good at manipulating their parents. My son is always perfect when my mum looks after him so you just need to stand your ground. Good luck!
作者: lam09120 時間: 12-9-23 20:27
vyvy 發表於 12-9-21 15:16
我大仔當年返PN, 初時都係成日喊, 只係分離時喊, 無話吾返學; 大約一個月之後好D, 但過左一段時間, 佢吾肯 ...
我個囡都有以上問題發生，同埋我覺得唔知係唔係個助教問題。有日接佢放學，未夠鐘偷偷望佢 & 拍片。返到屋企睇返，第一次佢好正常咁轉動佢身體，第二次發覺個助教要我個囡轉身時好用力。我覺得對一個小朋友唔應該係咁，雖然我個囡唔係乖，但都未至於要係咁。
所以我都怕個囡唔鍾意返學其中一個原因，係因為老師對佢唔好。亦在想係咪需要幫佢轉換環境呢 ??
作者: 藤媽 時間: 12-9-23 23:24
Elliven 發表於 12-9-22 00:22
我個仔仔同樓主個囡囡好似, 佢早兩星期病倒了, 沒有上課一個半星期, 唔知係未因為唔舒服, 所以特別扭計, 超 ...
請移玉步，hee hee
http://www.edu-kingdom.com/forum.php?mod=viewthread&tid=2461268&fromuid=812451
作者: vivienfong 時間: 12-9-23 23:48 標題: 回覆：嚴重恐懼番學, 發惡夢, 異常情緒波動, 應該繼續嗎?
我個小朋友的情況同你的小朋友好相似，發惡夢、情緒異常波動，一提起返學或拿起校服／書包就話唔要及發脾氣，比以前更痴我，成日要我抱住！但有時又突然話唔要媽咪／媽咪走等說話，唔知係咪嬲我放佢在學校，加上呢排返學後佢又病咗，真係同你一樣想法-既然自己是ftm,不如自己教番同照顧，最多同佢返多d paygroup,留番出年直接讀k1其實都好多人無讀n直接讀k,好過日日接佢時眼腄聲沙，真係好心痛
作者: Chickee 時間: 12-9-24 10:26
我大仔當年都係咁, 狂喊, 又發惡夢, 好心痛, 佢都係極怕分離的感覺。你可以試下俾你的小朋友帶佢平時陪瞓覺的物品一齊返學, 等佢心理上多少少安全感。
作者: ting-ma 時間: 12-9-24 10:28
提示: 作者被禁止或刪除 內容自動屏蔽
作者: fungcarmen 時間: 12-9-24 10:48
我仔都哭了3個星期，他說是要媽媽在他身邊，要媽媽一起上學。這是他未與學校的老師和同學建立關係，所以依賴媽媽。這類孩子我們都可能要找一些學校的老師較有愛心和耐性才可，你囡囡學校的老師ok嗎？再觀察他多點時間，給他與學校適應。另你全職照顧他，這些孩子更怕與媽媽分離，因日夜都是對著媽媽，你可能要多帶她見不同的人，多認識不同的小朋友一起玩。其實教育孩子真有很多學問，我們都要努力。
作者: renielo 時間: 12-9-24 11:16
應該讀屋企樓下d幼稚園, 唔使搭校車可以縮短分離時間, 佢又唔使再適應多一班校車上唔熟悉嘅人
作者: titanlow 時間: 12-9-24 16:25
超大囡讀n班都無得避, 因為相信佢超大囡讀k1都係一樣, 你full-time湊佢, 佢係會難d 適應o架, 要有段艱苦時間, 我大囡喊o左2, 3個月, 細囡同你囡一樣大, but佢係超細囡讀k1, 都喊, 喊到成層樓都知, 要帶佢去遊學校等佢冷靜, 但過o左最最最艱苦o既就好好多, 喊少少就收聲。
去年我大囡讀k1時, 我俾張全家福佢, 佢一話掛住想喊, 老師就塞俾佢睇, 係好少少, 另外就係間中好自然咁讚佢返o左學有d 咩學識o左, 好叻喎, 又幫老師講好說話, 話老師同媽咪講你好乖, 有咩做得好好, 老師真係鍚你啦。你自己都要好正面積極，重申你放學媽咪就會來接你, 帶咩俾你食, 媽咪唔會走o左, 因為你係媽咪最鍚o既女女, 講到佢自己都識唸就最好, 咁佢係入o左腦, 自我催眠！現在都係好短時間o者, 你千萬唔好再問係咪有人蝦你, 罵你之類, (下，媽咪, 乜學校會有人罵我蝦我o既咩？俾你你都唔想返啦) 好明顯佢係唔適應分離而已。
作者: leelpe 時間: 12-9-24 17:10
我相信小朋友都需要一個適應期(不要說小朋友，大人有O禁大轉變都有壓力)。所以我儘量都係以輕鬆心態去面對O個女番PN，同埋相信老師的專業水平(佢O地見小朋友多過我O地啦)。至於有吾中意的同學或老師，只要沒有欺凌情況，個人認為需要小朋友去接受，世事不是完美的。所以可能的情況下，儘量給多一點時間小朋友去適應。因為如果太快就轉校或者吾返，小朋友O禁聰明就知道這是武器了。個人經歷，個女係典型大喊型(仲要一喊就合埋眼點講都吾聽)，都可以慢慢到細喊最後吾喊，仲好似幾中意返學添。
作者: milkyung 時間: 12-9-27 22:11
可以PM埋我嗎？我個女都系甘啊，開頭果兩個星期都OK 噶，日日自己入去都無問題，放學我去接她她都好開心，不過夜晚都系會發開口夢，訓得唔好，但由上個星期五開始，我噶惡夢就來啦，她而家日日一起身就同我講唔翻學，日日就由起身喊到翻學校，系學校門口好似樹熊甘攬實我唔放手，我同老師都傾過，老師話其實她上課系無咩大問題噶，但就系訓中午教噶時候唔肯訓，同老師吵，要媽咪，已經四個禮拜啦，她中午還未可以系學校訓教啊，我系度考慮緊系未要幫她轉半日班尼，全日好像唔太適合她甘，本來想訓練她獨立D 噶，但而家見她甘樣，我好心痛啊，有無媽咪有過甘噶情況可以SHARE 下嗎？好擔心啊！
作者: 濕疹仔 時間: 12-9-28 07:04 標題: 回覆：ting-ma 的帖子
提示: 作者被禁止或刪除 內容自動屏蔽
作者: Lovely_Babybaby 時間: 12-9-28 09:36
本帖最後由 Lovely_Babybaby 於 12-9-28 09:36 編輯
之前新生家長日校長都同我地講過會有咁既情況,
校長仲話N班喊就唔比佢返學,到K班又喊又唔駛佢番,
到小一再喊咁又點呢?
小朋友真的要時間適應,家長同樣亦要適應,
總之要係小朋友面前多D講學校野,等佢盡快融入生活中
我囝學校每日都有日誌,會講返佢地唱左乜歌,
睇左乜書,佢返黎我就會問返佢,或者同佢唱返D歌.
阿囝之前都好抗拒著校服,搭校巴,
宜家朝早雖然都會掙扎,但都比之前好好多.
我會每日都同佢講返個流程,坐校巴返學,
跟住老師接佢落車,食早餐.....訓覺...訓醒去操場玩....
食完茶點玩多陣就搭校巴返屋企,爸爸就會係樓下接佢,
比佢有個心理準備,有返安全感.
到送上車佢到宜家都會喊,但我就會笑住同佢BYEBYE,
話爸爸會接佢放學,媽媽今晚返黎同佢玩,
總之令佢知道放學就會見番我地.
| 歡迎光臨 教育王國 (/) |
Powered by Discuz! X1.5 |