教育王國

標題: 你地小一報名有冇填特殊教育編號? [打印本頁]

作者: 湘兒 時間: 12-9-18 21:42 標題: 你地小一報名有冇填特殊教育編號?

本帖最後由湘兒於 12-9-18 21:58 編輯

下星期一交表，我應該填唔填好? 我怕小朋友在第一輪自行分配學位，會被學校標籖，因而入唔到。各位過來人，請指教，謝謝。

我小朋友正repeat k3, 言語遲緩, 寫字較弱.

作者: mckm2007 時間: 12-9-18 22:21 標題: 回覆：湘兒的帖子

填唔填係唔會影響收生。應要以小朋友利益為先。

作者: 殷!! 時間: 12-9-18 22:30

我選的是一般津小, 而我亦有填那一選項, 我不害怕被label,

反而如果入學前, 校方已知悉小朋友的問題, 校方可以早一些關注!!

作者: Geni 時間: 12-9-18 22:51 標題: 回覆：湘兒的帖子

首先，填唔填都唔會影響派位的。

我有填，因為小朋友有特別需要係事實，唔會因為你唔填而變成冇需要，除非小朋友已經全部達哂標，如果唔係其實老師一定會發現的。早d俾學校知，學校可以早d作出安排，例如分去班主任有教導有需要小朋友經驗嘅班別。

作者: shirleycnf 時間: 12-9-18 23:17

我有填, 10月開始已經有安排啦, 所以我覺得要填, 我情願佢label我小朋友有障礙, 好過label佢超頑皮和麻煩, 同埋呢d老師第時教佢都會知

作者: 湘兒 時間: 12-9-18 23:23

本帖最後由湘兒於 12-9-18 23:25 編輯

多謝大家的回覆.

婆婆就說覺得自己孫仔都冇咩問題. 所以唔想填, 唔想比人label. 佢話情願等個孫係小一及早識別測試, 睇下佢有冇問題.

而校長就說填左百利而冇一害, 可以比學校作出適當配合. 明天會打比早期中心個社工問問.

我自己就1516當中.

作者: 殷!! 時間: 12-9-18 23:37

我仔小一開學前, 校方於八月中特別約會我們一次, 商討小朋友的問題,
令我們更為安心!!

作者: cpl036 時間: 12-9-19 11:03 標題: 回覆：殷!! 的帖子

邊間咁好吖？

作者: 路過的人 時間: 12-9-20 02:35

如果現在1516, 妳可以唔填住, 之後仍然可以有機會讓學校知道小朋友的情況.

入小一前的智能大評估, 心理學家評估完之後, 會徵詢妳的意見, 是否同意將評估報告轉送給小朋友將入讀的小學, 如果轉送的話, 心理學家說等同剔了有特殊需要.

如果讀K3幼稚園同時有早期服務, 入小一前有言語評估, 如ST評估後認為有需要轉介小學的ST服務, 又會徵詢妳的意見, 是否同意將評估報告轉送給小朋友將入讀的小學.

總結就係, 小學收到報告, 就會約見妳和小朋友了解情況, 其實填唔填對好多人o黎講, 真係好難即時有一個決定, 想幾年都可能仲係1516, 希望以上的資料對妳有幫助, 繼續努力, 小朋友一定會有進步.

作者: Capricorn2521 時間: 12-9-20 10:06

本帖最後由 Capricorn2521 於 12-9-20 10:07 編輯

我都係下星期交表，我有填。我個仔多口多手，老師一定知。

作者: 殷!! 時間: 12-9-20 13:34

轉自 :https://www.facebook.com/heephong

每年的8、9月，不少家長會為子女選擇小學而感到苦惱，而為有特殊學習需要的孩子選校，家長需面對更多困擾。若家長願意子女入讀特殊學校，兒童應可得到充份的照顧和學習支援，然而若要到主流小學就讀，便要選取一些有足夠支援服務的學校。

協康會青蔥計劃總經理陳綺華認為，家長為子女選校前，應先分析孩子發展需要。要了解在融合教育推行下，學校有否善用資源去支援有特殊需要的學童，從而為他們締造一個合適的學習環境，例如安排老師接受有關的培訓，讓他們在課堂上能夠更有效地管理及教導有個別需要的學生。家長應緊記，只有真正願意取錄有特殊需要兒童的學校，方能讓兒童在校內得到最好的支援和關懷，若學校未有足夠準備，只會浪費了孩子寶貴的學習時光，甚至積累不愉快的經驗。

以下的「家長選校四部曲」，希望有助家長為子女選校。第一部是先分析孩子的整體發展需要，包括認知能力的程度、社交溝通能力、自理能力及性格愛好等，全面掌握孩子的強弱項。第二部要掌握心儀學校的資料，包括教學宗旨、對學生的要求（如獎罰制度、考試制度）、學校課程編制、人手編制、師資、對有特殊教育需要學生的支援和家庭支援等；這些資料都可在教育局網頁的視學報告和學校出版的相關刊物中得悉。而第三部是聽取其他家長的評語和經驗，第四部是密切留意學校的開放日，親身了解學校的環境與設備，與老師和校長溝通，了解所提供的支援服務是否合乎期望及需要。

每個孩子都有自己的天份和潛能，只要得到適當栽培，你的孩子也可以與普通兒童一樣有機會成材，貢獻社會。

歡迎光臨教育王國 (/)