教育王國
標題: 經驗分享：如何令仔女讀好書 [打印本頁]
作者: jeoy126 時間: 12-9-18 18:19 標題: 經驗分享：如何令仔女讀好書
本帖最後由 jeoy126 於 12-9-26 15:24 編輯
今年女女成功升咗Band1頭嘅心儀中學，開心之餘，都想做D益事，幫助各位正在為子女讀書問題傷腦筋嘅家長，分享教仔心得。我喺為左睇住女女成長，而放棄正常工作轉做私人補習，教人地仔女同時又吸取經驗調教自己嗰女，十餘年來，喺不同的家庭，不同的家長，不同的學生交流中，有諸多體會和感慨，拿出來與大家分享。
先講一個事例。我有個男仔學生，喺學業壓力好重嘅知名男校就讀，7歲2年班時跟我補，佢媽咪好著緊佢D成績，因競爭壓力太大，驚佢冇得直升，所以谷得佢好緊要。從7歲開始就日日唔到11點唔瞓，補完呢樣溫嗰樣，車輪咁轉冇得抖旦氣。細個時仲有做D運動，到咗高段，連運動都冇埋，日日就系補習同溫書。小朋友而家12歲成功直升中學，雖然如願以償，但我就覺得得不償失。小朋友從我7歲認識佢到而家，幾乎冇高過！但脂肪就累積不少，成個肥仔樣。體質又好差，郁親就傷風感冒發高燒，幾日都返唔到學，又有各類上呼吸道疾病。7歲時，佢仲爬喺我大腿上，要我攬住佢溫書，到而家都想坐上來，我唔畀，已經完全吃不消佢嘅體重，但佢嘅樣睇落都系似小學2、3年班。咁多年來，我同佢媽咪不斷講，顧住佢身體，畀足佢時間瞓覺，佢有足夠睡眠，自然嗰精神就好，記性都會好，咁就唔需要嗮大量時間重複溫習同一樣嘢，睡眠足夠，身體有時間休息，才不至於如此多病，才會有時間去長高，嗰腦有時間休息，讀書先可以入到腦，佢阿媽次次都話，冇辦法，要溫太多書，冇時間瞓。實際情形喺，舉個例子：小朋友溫咗成晚常識，背到滾瓜爛熟，但第二天小測返來，都要被老師責令佢好好溫習。佢雖然背到爛熟，但唔知靈活運用，或者乾脆忘記。阿媽就要佢再重複勞動，咁就冇時間瞓覺，如此類推，日復一日。嗰男仔其實又乖又聽話，又畀心機讀書，仲喺好靚仔！但系畀阿媽養到發育不良，成身病，佢阿媽就完全唔介意，只求佢讀書好。我就好心痛，就算佢讀到港大畢業，又如何呢？第日大個咗，戀愛、結婚、求職、交友，都會受到阻滯，心理也必定會有影響。其實身體同讀書喺一個循環，良性定喺惡性循環，完全喺家長造成。你要想仔女有精神有記性好好讀書，首先要搞好佢嘅身體，畀足佢時間瞓。但實際上好多家庭都凈喺顧住小朋友讀書，吃飯，冇留意睡眠。
今日講咗呢個睡眠問題先，第日有時間繼續講其他方面。
作者: 甜姐兒 時間: 12-9-18 18:53
多謝分享, 所以我一向都要阿女9:30就訓, 因為我覺得訓覺是很重要的, 現在三年級,而且我要佢放學回來後, 做功課至食飯前, 我們大約6:30食飯, 做唔完都算, 但通常大多數都做完, 而且一至五我不會安排任何課外活動, 以免影響晚上玩樂時間, 而星期六便會有三樣她喜歡的興趣班.因為我想小朋友有玩樂時間, 食完飯到訓覺前都是自由時間, 可聽英文故事, 看喜歡的圖書, 會和小朋友談天, 玩耍, SO FAR, 到現在我阿女都算在快樂的情況下學習.
作者: 1773 時間: 12-9-18 20:33 標題: 回覆：經驗分享：如何令仔女讀好書
我都覺得夠瞓好重要，依家阿仔六年級，我都要佢九點半前上床，考試期間更要佢九點前上床。我覺得唔夠瞓個腦又實，反應又遲鈍，大人都辛苦啦，何況係小朋友?!
作者: tws2010 時間: 12-9-18 20:55
多謝分享. I will do revision with my kid or he do some reading up to 8.30, then it's the end of the day before exam. If kid does not have enough rest, this will definitely not good for his health. Usually he will go to bed around 9 pm. Again, it's bed time story. My kid is now in P.3, I still continue doing bed time reading with him.
作者: gloriaimail 時間: 12-9-18 22:08 標題: 回覆：jeoy126 的帖子
多谢分享
作者: sqo8ops 時間: 12-9-18 22:20
我同事三个仔 除了一歲果件外 都 入/買入 band 1 小學...媽咪咩 又全職老師 變成 全職家庭教師. 跟上面情況一樣, 成績 全部 9x 分...仲 泳隊同法文. 旦系見果細路 好似果老竇一樣甘 "乾旱" 久吾久又 do ra me 三件大病小病. 吾通無高分真系会出事~~~~~~~~~
作者: CL0214 時間: 12-9-18 22:20
我個女到小三放咗學都要瞓午覺，唔係就提唔起精神做功課，so far成績真係keep到。
作者: albb 時間: 12-9-18 22:29
thanks
我都無叫我仔點溫習, 學校做好大半份功課, 暫時都無咩跟, 我做野, 佢地就睇一陣英文台卡通片, 之後上床前睇課外書, 有時我唔得閒叫佢自己讀住先, 跟住再伴讀, 唔知搞左D咩到成9點, 叫佢擦牙上床訓, 十點再睇下佢訓未, 有時可以仲未訓, 鬧都係咁, 你話係咪激死我丫.
遲D都唔知點, 而家唯有成日阿Q上身同自己講, 成績唔好都唔好鬧啦, 聰明人叻人勤力人大把啦, 書讀唔晒既, 咁細個考得成績唔好咪再努力囉, 同個仔講只要上堂留心聽書, 總好過在家溫百遍書. 操行德行唔好就真係要鬧.
作者: qop 時間: 12-9-19 00:24
好文分享
感謝
作者: QQHIN 時間: 12-9-19 00:46
我孩子六年級, 好lazy, 下下要叫佢做功課溫書, 搵到個好補習老師又唔珍惜, 成日想叫同學去屋企打機, 我真的唔想, 好煩, 我同爸爸都唔知點教, 教到好灰, 現在只望佢唔好學壞
作者: beansan 時間: 12-9-19 02:52 標題: 引用：今年女女成功升咗Band1頭嘅心儀中學，開心
原帖由 jeoy126 於 12-09-18 發表
今年女女成功升咗Band1頭嘅心儀中學，開心之餘，都想做D好事，幫助各位正在為子女讀書問題傷腦筋嘅家長，分 ...
作者: 亞舜 時間: 12-9-19 06:09
本帖最後由 亞舜 於 12-9-19 06:14 編輯
很認同充足休息對孩子成長十分重要。小朋友疲累了，情緒會差，專注力亦相繼降低。我孩子小三，放學回家 3:20 然後冲凉，吃茶點到四時便開始午睡至5:30，可能你們覺得誇張，但他午睡過後，特別精神，功課都能在1:30小時内完成。有時候功課不太多，我會容許他落公園跑步半句鐘當所運動。七時半晚餐完畢便開始温習或閱讀。十時左右睡覺。課外活動都在星期六。其實，小孩每天早上起床至放學，已經工作了約八小時，放學還有功課，如果不適當地休息一下，長期身，心也真的不太健康
作者: ac917 時間: 12-9-19 09:45 標題: 回覆：jeoy126 的帖子
樓主，好心急好期待再等你分享！
作者: ac917 時間: 12-9-19 09:53 標題: 回覆：經驗分享：如何令仔女讀好書
想請問，自己係在職媽媽，暫時未睇到有機會轉做FTM，現階段正幫小女報考2013年度小一，呢段時間各方都非常忙碌，但又唔想疏忽左囡囡善用現在既時間，準備小學既新挑戰，因為知道無論將來讀邊一間小學，與現在KG既情況將截然不同，希望我地都可以慢慢調節，避免入到小學先被嚇親，我家人中現正讀小學既都顯得好大壓力，我希望自己可以好好準備，請你多給意見，多數指教下我，謝謝。
作者: Ken618 時間: 12-9-19 11:08
回復 亞舜 的帖子
你的情況跟我一樣, 我仔小二, 現在他回來會先做功課, 然後睡午睡. 之後去公園玩下. 小朋友讀書都辛苦, 放學後應要有小小時間休息和玩. 這樣在開心環境下學習, 事半功倍.
作者: karenlyk 時間: 12-9-19 11:51
THANKS FOR SHARING!
我都盡量要亞女9:30上床,等佢精神好啲
作者: jeoy126 時間: 12-9-20 00:23
多謝樓上各位大力支持。我不一一回覆了，就總結一下，談談我嘅看法。
其實我女女喺三年班之前，通常都要佢8:30上床，保證佢10個小時睡眠時間。因為肝臟造血、身高激素都是在晚上9點開始工作，如果9點唔畀佢上床，對身體和發育都有所影響。通常容易感冒發燒的孩子，都是好夜瞓，或者睡眠不足。9點半上床嘅家長們，只要能保證小朋友10個鐘，都冇問題，因為一個家庭的運作模式唔系想改就可以改變，只要小朋友身體和發育，精神各方面都好，就唔需要改變作息時間。
上面有家長講到bed time story，如果小朋友仲細，當然喺非常好。但如果嗰仔都三年班了，我建議你不如畀佢自己睇，睇完之後你問問題，睇下佢消化成點，答得不妥當的地方幫佢糾正，咁對佢中文課做閱讀理解幫助甚大。
嗰仔好lazy個位媽咪，你嗰仔應該都幾心散，冇心機讀書。你都縱容佢打機了，佢又點會有心機讀書？你可以定下制度，只有佢完成么么的情形之下先可以打機幾分鐘，同埋，唔畀同學仔上門玩，除非么么的情形下。。。不過你嗰仔已經六年班，壞習慣已經養成，要改變可能都幾難。
午睡的小朋友，喺一個非常好嘅習慣。不過上面有個小朋友就瞓得太多，其實午睡半個鐘就足夠，多左反而唔好。最好喺回家即刻吃點東西就上床，等你沖完涼，個人就精神嗮，等待入睡的時間就拉長，而且4點后才午睡，同晚上太接近，會影響晚上的睡眠。
個位全職媽媽，如果你畀小朋友報讀嘅學校壓力較大，我勸你及早準備，如果唔系，到時你同小朋友都會好辛苦，而且喺痛苦。我自己嗰女，KG嗰陣完全冇理過佢，總以為畀佢好好玩，開開心心，要畀佢童年樂趣。結果一上小一，學校谷得好緊要，小朋友好辛苦，我好勞氣，當時我就好後悔，應該早點開始畀佢學嘢。雖然我地都好強調童年快樂，但其實小朋友對快樂的童年真正記得有幾多？只要不過分，完全唔需要擔心他們的快樂問題。所以我都系建議，你要開始幫佢打底啦，比如一日一張數學練習紙，重複做下D加減法，每日認識幾個字，幾個英文，等等。到時就不至於太辛苦。
以上純屬個人提議，有不當的地方，還請各位包容。
作者: jeoy126 時間: 12-9-20 01:57
就繼續講下幫小朋友養好身體呢個話題吧。我始終認為，身體是基本面，身體有保證，先可以去討論學業嘅問題。
大家有冇發現香港嘅小朋友多呼吸道疾病，特別喺女仔。除了空氣質素，生活習慣喺根本問題。又要講到我嘅一個女仔學生，其實我好多經驗體會，都是從不同家庭嘅生活模式中總結出來。女仔有好嚴重鼻炎，又有頭痛病，又有濕疹，又系郁親就發燒。鼻炎同佢成日對住個風扇猛吹好有關係，次次我見佢鼻塞得好難受，就提議佢冇吹風扇，佢都好聽話，熄咗風扇鼻就唔塞。頭痛同佢洗完頭不但唔吹干而且包到實一實有關，濕氣入腦，加埋夜瞓，睡眠不足，頭痛就更嚴重。但似乎好多人寧願相信西藥，吃藥了事。佢小小年紀都已經一頭痛拍一粒頭痛藥。好在女仔好聽話，我叫佢搵工人姐姐幫佢吹頭，叫佢一頭痛就先瞓覺，唔好食藥，通常一覺瞓完頭痛都好左。有段時間我日日上去補，就日日催促佢吹乾頭先好開始溫書，嗰段時間佢就頭痛病消失。至於濕疹，同佢游水有關。不過佢阿媽就系為左增強體魄先叫佢去游水，游水幾年了，反而令佢鼻炎和頭痛都加劇，而且又多了濕疹呢樣病。其實游水并唔系人人適合，游水喺濕氣最重的一項活動，非但沒有排汗排毒過程，而且濕寒之氣會入侵身體。體內濕毒太甚，肝臟因睡眠不足無時間代謝，就會通過皮膚排泄出來，所以先會有濕疹。有濕疹搵中醫調理，去濕毒一段時間就能好番。但佢屋企喺唔信中醫，成日都系拿西藥房嘅藥膏搽，治標不能治本。我同佢阿媽提議停左游水，佢阿媽半信半疑，我就唔好再多講。到而家嗰小朋友都系咁，，我就覺得，小朋友只要唔系先天有病痛，後天嘅病痛，都系大人造成的。
在我嘅經驗實踐下，至少我嗰女女很少感冒。我就是嚴格做到以下幾點：1，只要開冷氣，就一定要穿長褲；2，風扇一定要搖頭，或者對住墻吹，絕對不從背後吹；3，平時瞓9個鐘以上，假期畀佢瞓到自然醒。4，夏天一過就絕不游泳。5，冬天上學一定穿連褲襪來保暖。第5是針對女仔講。小學階段學校仲可以畀著連褲襪，但上了中學，大冬天都要露著大腿穿短襪，這種寒冷對身體傷害極大。今年我就為女女準備好了肉色的加厚緊身九分褲，外面穿雙短襪，根本就看不出裏面有乾坤。如果有些小學規定不能穿連褲襪，那肉色厚身九分褲就是一個絕佳的保暖方法，總之要在冬天為自己嗰女女做好下肢保暖措施，才能遠離感冒傷風
作者: tina2007 時間: 12-9-20 13:50
good point,
早睡是好好的習慣,
作者: bb86 時間: 12-9-20 13:58
Thanks for sharing
作者: miffy 時間: 12-9-20 14:46
提示: 作者被禁止或刪除 內容自動屏蔽
作者: LisaL 時間: 12-9-20 16:31
回復 亞舜 的帖子
你的安排真完美，甘你同你小朋友間學校真可以做到愉快學習woh, 可唔可以問下你個仔讀邊間學校呀？
作者: 細BB 時間: 12-9-21 07:33 標題: 回覆：經驗分享：如何令仔女讀好書
多謝分享
作者: jeoy126 時間: 12-9-21 15:38
回復 miffy 的帖子
冇錯，運動喺一定要，只不過喺一個次序問題。小朋友嘅生活方面，我嘅次序就系：睡眠放第一，飲食放第二，運動放第三。之所以運動放第三，因為小朋友好動，平時一定有機會又跳又跑，相對來講妥善的飲食會比運動重要D。
又要講番第一個例子講到個嗰男仔，我同佢阿媽講，一定要畀佢瞓夠9-10個鐘；多吃牛肉、牛奶；同埋要打籃球、跳繩，先可以令佢長高D。不過佢阿媽就採取了飲食攻略，日日畀小朋友牛肉、牛奶；亦都喺屋企畀小朋友做下帶跳躍嘅活動，不過就點都唔畀佢早瞓
，次序顛倒，把最重要嘅忽略咗，小朋友依然喺老樣子。
作者: jeoy126 時間: 12-9-21 17:11 標題: 飲食方面
讀好書嘅前提喺調理好生活，生活是基本面，基本面搞定，先可以全力應對學習。
上面我講到，睡眠第一，飲食第二，運動第三。呢個次序不可顛倒。睡眠是休養生息的根本，就算你運動唔夠，營養有偏差，只要睡眠有保證，身體這部忠實的機器會幫你去調節，相反，你運動足夠，營養足夠，但睡眠唔夠，身體冇足夠休息，營養再多，身體都冇力氣去吸收，去造血；運動再多，亦是增加身體機能負擔。
之前講嘅睡眠和生活習慣，都是針對小朋友，唔畀佢成日感冒發燒嘅根本。同埋，唔好郁親就拍藥，凡藥三分毒，冇辦法先食藥。香港地冷氣開得多，難免冷親，一有打噴嚏、流鼻水現象，第一時間，即刻一碗紅糖薑茶就可以壓落去。
再講講飲食方面。而家D食物，麼都有農業，有激素，連海鮮都有重金屬問題。點選擇？樣樣嘢都要食，如果你想一家人少病少痛，第日唔會畀D騎呢怪嘅毛病纏身，就千企唔好凈喺認准鍾意嘅某樣嘢來食。因為你根本唔知嗰樣嘢裏面咩成份比較多，體內積蓄多咗可能會有咩病，最安全嘅辦法，就系麼都食用，唔好畀身體積蓄某種致病源。
當然，對小朋友來講，每日首先要保證嘅，喺牛奶，雞蛋，呢兩樣嘢最好日日都有。好多關於健康嘅書籍都會提到關於紅肉、白肉的問題。我就覺得，小朋友嘅身體多的是quota，無需要擔心咩心血管方面嘅疾病，即管去食多D紅肉。我就會隔三岔五畀小朋友食牛肉。鬼佬可以咁大隻，佢地日日都牛肉、牛奶，自然有關係。反而白肉類，比如家禽，就食少D。家長不妨留意下，鍾意食雞翼嘅小朋友會比較早發育，因為家禽本身就喺激素催大，尤其喺雞翼，打針嘅部位。。。仲有豆漿，書裡都話豆漿喺植物牛奶，某程度上比牛奶好，唔好忽視，豆漿有雌激素，如果好似牛奶咁日日飲，都會加速發育，而且對男仔來講，更加唔好。我地香港人離不開海鮮，多選擇唔養得嘅海魚，至於貝殼類，不可多吃，而家海水污染嚴重，貝殼類重金屬太高，小朋友愛吃貝殼類，身體內含鉛量就會偏高，過度活躍、專注力不夠，都同體內含鉛量過高有關。
就以我屋企嘅飲食習慣來講，冇汽水、飲料進門，冇雞翼進門，汽水會妨礙鈣質吸收，就算去麥記解決一餐半餐，叫杯朱古力或者轉橙汁，都好過飲汽水。至少我嗰女，12足歲，中一學生，身材勻稱，尚未發育。是個最好嘅見證。
其他蔬菜、水果之類屬老生常談，就不多講。下次再講講運動方面的心得。
作者: ccayrl 時間: 12-9-21 17:53
真感激多謝樓主分享心得！
作者: 細BB 時間: 12-9-21 18:32 標題: 回覆：經驗分享：如何令仔女讀好書
請問紅糖薑茶點整？
作者: jeoy126 時間: 12-9-25 10:41 標題: 運動方面
而家好多家長都會為小朋友選擇一項體育運動。其實運動都系有好多要考慮嘅地方，并唔系小朋友想玩咩，就要畀佢。比如我自己個女女，平時喜歡駝住個背，佢要打乒乓球，我唔畀，因為乒乓球呢項運動睇來對身體唔會有傷害，亦都唔系激烈運動，好適合小朋友，但其實學乒乓球喺好容易養成駝背嘅壞習慣，眾所周知，練球嘅姿勢喺一定要駝背，我就好反對畀小朋友學乒乓球了，當然如果小朋友冇駝背嘅壞習慣，平時走路都昂首挺胸，咁自然就冇麼問題。我以前畀女女學芭蕾舞，但系發覺基本喺嗮錢，學咗成年都系幾個簡單動作而已，要想翩翩起舞，都唔知要等到幾時，嗮幾多錢，所以很快放棄。又試過學拉丁舞，因為拉丁舞喺要挺直個背脊來跳，儀態氣質都會變好，但系拉丁舞真系有難度，學得辛苦，所以女女拿咗個五級證書后，再都唔肯跳了。跟住又試過畀佢去D普及體操班，有好多拉筋動作，又唔辛苦，佢又好鍾意學，一個月落下，發現女女背脊都挺直很多。市面上很少個滴普及體操班，家長們對體操不重視。其實小朋友最適合嘅就系體操班，因為體操涉及很多拉筋動作，筋拉長咗，才有長高空間。我個朋友，因為佢9歲嘅女女太瘦弱，就請咗一個私人教練，就系操佢體能，一星期2次，有小跑，跳躍、拉筋等，一個月里竟然高了3cm，人也健壯了一些。所以說，最好嘅運動，就是那些最基本的體能訓練。
打籃球、跳繩，對長高很有幫助。但打籃球有身體碰撞，要想贏球就要講野蠻，存在一定危險。如果自己嘅小朋友不算大隻，就要認真考慮下了，通常學校籃球隊喺比較文明D，但去到出邊畀錢參加個滴籃球訓練班，就好大危險。我女女曾參加社團舉辦的籃球訓練班，遇到打法野蠻嘅女仔，被人撞到面，痛了成個星期。有個同學甚至差點被人撞到骨折。由此，我唔再畀女女參加群體性運動，容易出危險。反而羽毛球、網球等獨立性嘅運動，就比較安全，初學階段體能消耗又不大，又有四肢伸展及跳躍動作，最後我為女女選擇咗打網球。
另外游水呢項運動，喺好多家長嘅至愛，就好似我D學生，屋企嗰會所都會有泳池，想俾小朋友運動又唔想走太遠，通常就選擇游水。其實游水喺好睇個人性。因為游水喺濕氣好重，又唔會排汗嘅一項運動，上水嗰瞬間，都會覺得凍，其實嘅一瞬間寒氣已經逼入身體。所以常游水嘅小朋友濕寒好重，除非屋企常煲去濕寒之氣的藥湯。但運動方面選擇有咁多，點解非要揀呢樣？小朋友做運動最好喺有排汗，平時我地都躲在冷氣房，運動喺出汗嘅唯一機會，如果選擇游水，連出汗嘅機會都冇埋。
作者: YanYanCup 時間: 12-9-27 09:12 標題: 回覆：經驗分享：如何令仔女讀好書
好多謝您的用心分享，得益良多，感恩呀
作者: babybear 時間: 12-9-27 11:36 標題: 回覆：經驗分享：如何令仔女讀好書
Good sharing!
完全同意你的講法！
作者: ysnmama 時間: 12-9-27 13:10
jeoy126 發表於 12-9-25 10:41 
而家好多家長都會為小朋友選擇一項體育運動。其實運動都系有好多要考慮嘅地方，并唔系小朋友想玩咩，就要畀 ...
作者: gloriaimail 時間: 12-9-27 16:42 標題: 回覆：jeoy126 的帖子
請問抬拳運動好不好.
作者: canies 時間: 12-9-27 18:58 標題: 回覆：經驗分享：如何令仔女讀好書
Good post ! Push!
作者: jeoy126 時間: 12-9-27 23:01
ysnmama 發表於 12-9-27 13:10
多謝分享。那麼運動方面，如果田徑又如何呢？
其實我唔贊成激烈運動，你去睇，如果D專業運動員好容易受傷嗰D項目，你就少去做，而田徑運動員，幾乎各個項目都會有傷痛。田徑離不開一個跑字，所有需要爆發力嘅運動對身體都存在潛在危險。快跑對關節損害好大，只不過小朋友細個，你唔會覺，呢啲要等成年之後先會慢慢反應出來。慢跑就好好多，但最好都系快走，就是疾步如飛嗰種。所以如果帶小朋友去做運動，畀佢慢跑幾個圈，再做多D四肢嘅拉筋動作，就差唔多了。
作者: jeoy126 時間: 12-9-27 23:10
gloriaimail 發表於 12-9-27 16:42
請問抬拳運動好不好.
如果你小朋友比較瘦弱，你想佢學D本領強身健體之餘都兼有自我保護能力，咁自然冇得講，學武術仲更加好。
但如果出發點凈喺做一項體育運動，有咁多選擇，我寧願建議你畀小朋友去學小球類（諸如羽毛球、網球、壁球等小型球），因為跆拳、柔道等對抗式運動，仲衰過田徑，你做田徑凈系有關節受傷嘅潛在可能，但玩對抗式運動，脊髓包括頸椎的受傷性喺好嚴重。
作者: jeoy126 時間: 12-9-28 01:00 標題: 如何學好中文
好了，生活方面基本安排妥當，就可以著重學業啦。我地一樣一樣來，首先講下中文。好多人都以為中文最簡單，其實咁多科目裏面，中文喺最難上手、耗時最多嘅一門學科。同樣補習，補英/數好快見成效，補中文喺一年二年裏面可能你根本睇唔到有成果出來，因為中文喺一個積累嘅過程，唯有積累到一定的量度，才會有質的變化。好多人會問，英文一樣喺一個累積的過程，點解英文就快上手呢？那是因為，英文不是我們的母語，要求好低，只要文法冇錯，拼寫正確，就能拿高分。但中文並不是文法冇錯，冇錯別字就能拿高分，呢個只是小學二年班嘅要求。
我回應過好多家長，要想小朋友中文叻，得二個字：閱讀！當然，如果讀完就算，家長唔理，就要靠小朋友自己上心。如果家長有時間，最好幫小朋友做兩樣嘢：1，揀書；2，提問。
揀書嘅學問好大，但好多家長都忽視。認真D思考下，小朋友并唔系太多閱讀時間，讀一D唔等洗嘅書，同玩過幾鋪遊戲冇麼分別，所以我一直都喺主張要有選擇！
喺我女女仲好細個陣，有位家長送左好多佢小朋友唔再睇嘅圖畫書畀我，裝咗成一個行李箱咁多。但我返到屋企一拾，可以收貨嘅寥寥無幾。除了公主、王子，就是窮人、富人，有一則故事我仲印象好深，一個窮孩子，對仙子做了件好事，仙子送了顆魔豆畀佢，魔豆長到天上雲間，佢爬上去，在天上的巨鵝家裡偷到一隻金蛋，從此跟母親過著富裕的生活。富裕幸福的生活竟然喺靠偷返來嘅不勞而獲，咁嘅故事點畀小朋友讀？就算經典童話，都系要有選擇，同樣安徒生故事，《海的女兒》雖然喺一個悲傷的結局，但可以淨化靈魂，從中體會付出和犧牲的偉大，可以讓人心變得高尚。雖然我都系唔贊成畀小朋友睇呢啲王子愛上公主的故事，但至少《海的女兒》比迪斯尼版嘅美人魚，要有意義得多。呢方面嘅經典書籍，就算你唔畀小朋友睇，佢都有不同途徑獲取此類信息。好似我嗰女女，我就冇畀佢睇過咩經典童話，但系佢都會從同學、老師那裡知道得很清楚。細個嗰陣，我凈喺畀佢睇D同品行道德、生活習慣有關的圖畫書，除了認字，還要學做人。有教育意義嘅圖畫書還是非常多的，教人孝順、勤奮、誠實，包括教人擦牙、洗面、吃飯，時間有限，都系睇D有幫助有益嘅書好過！
跟住再大個D，小學中段要睇嘅書，就要以兒童文學為主。
今天困了，明天繼續。
作者: yantabo 時間: 12-9-28 01:12 標題: 引用：好了，生活方面基本安排妥當，就可以著重學
原帖由 jeoy126 於 12-09-28 發表
好了，生活方面基本安排妥當，就可以著重學業啦。我地一樣一樣來，首先講下中文。好多人都以為中文最簡單， ...
作者: kittylam 時間: 12-9-28 01:57
多謝分享！！
作者: awah112 時間: 12-9-28 08:52
提示: 作者被禁止或刪除 內容自動屏蔽
作者: aeiou_drm 時間: 12-9-28 11:21
Thanks for your kind sharing!
作者: aa06 時間: 12-9-28 13:10
Very good sharing, thank you so much.
作者: 卓嵐媽媽 時間: 12-9-28 13:39
Thanks for the sharing.
作者: VVian 時間: 12-9-28 14:31
回復 jeoy126 的帖子
搵好既中文書真的很難, 又要佢識睇, 我現在都搵緊中文書給5歲小兒, 請問有冇好介紹呢?
作者: catcatmom 時間: 12-9-28 14:44
朋友個囡囡九歲來M, 一般只能再2-5cm, 佢高了18cm, 現在中4, 身高178cm, 而且晚晚係訓幾粒鐘, 佢係校隊排球擊球手, 日日係學校jump, 無時間做功課. 所以每晚2點至訓, 父母一般高, 媽媽較高.
不過小朋友係要keep住10點前訓, or 對健康不好.
運動對長高很重要.
作者: Cherishvalue 時間: 12-9-28 14:48 標題: 引用：回復+jeoy126+的帖子
搵好既中文書真的很
原帖由 VVian 於 12-09-28 發表
回復 jeoy126 的帖子
搵好既中文書真的很難, 又要佢識睇, 我現在都搵緊中文書給5歲小兒, 請問有冇好介紹呢 ...
作者: VVian 時間: 12-9-28 16:22
回復 Cherishvalue 的帖子
謝謝, 是否要上樓書店購買呢?
作者: 好命婆 時間: 12-9-28 22:38 標題: 回覆：VVian 的帖子
我由台灣直接訂購，我知書都有得買
作者: 好命婆 時間: 12-9-28 22:44 標題: 引用：我由台灣直接訂購，我知書都有得買
+
原帖由 好命婆 於 12-09-28 發表
我由台灣直接訂購，我知書都有得買
作者: 囝囝mama 時間: 12-9-28 23:33
回復 jeoy126 的帖子
Thx!!!
作者: JJDBB 時間: 12-9-30 08:24
thanks
作者: qb2011 時間: 12-9-30 08:44
回復 jeoy126 的帖子
我孩子有敏感，不能吃牛肉，一歲多已不能喝牛奶，唯有轉吃豆奶，豆將等。
作者: 朝日屋 時間: 12-9-30 12:30
THANK YOU VERY MUCH FOR YOUR SHARING. 
作者: jeoy126 時間: 12-10-5 08:10
catcatmom 發表於 12-9-28 14:44
朋友個囡囡九歲來M, 一般只能再2-5cm, 佢高了18cm, 現在中4, 身高178cm, 而且晚晚係訓幾粒鐘, 佢係校隊排球 ...
多謝你畀咗一個好好嘅實例分享，以此可見jump對長高的作用非同一般。
不過呢個例子，長高嘅代價太大，如果冇估錯，小朋友成績唔會掂，缺乏睡眠身體長期處於疲勞狀態，必定影響學業，將來慢性病纏身的機會好高。如果唔系想佢做專業運動員，我唔太贊成畀太多運動小朋友。畢竟，我地要嘅喺均衡發展，學習階段就系將學習搞得好，同時又能維持身體健康，做到一個平衡。
作者: jeoy126 時間: 12-10-5 08:25
VVian 發表於 12-9-28 14:31
回復 jeoy126 的帖子
搵好既中文書真的很難, 又要佢識睇, 我現在都搵緊中文書給5歲小兒, 請問有冇好介紹呢 ...
我女女5歲時，我喺用咗大量時間喺圖書館同佢搵書睇。因為呢個年紀嘅書要求唔高，睇完就算，如果冇第二個小朋友接住上，買書造成嘅浪費都好多，當然如果屋企條件好好，咁喺買好過借。
呢個年紀，通常都系圖畫書，每頁圖畫一句話嗰D，你把握一個原則，無聊嘢唔睇，要有知識性，教育性嘅圖畫書，先拿來睇。小朋友嗰腦，無需要裝太多咩公主、王子嘅無謂嘢，就連玩具，都要以益智為前提，小朋友喺咁嘅氛圍長大，思維會比較純品，亦比較容易管教，腦里冇么亂七八糟嘢，也利於第日佢專心于讀書。我女女就系一個好好嘅例子。
仲有，就喺一定要陪讀，一定要一本一本來，即話，每本裏面嘅字，句子都識讀，故事佢可以複述，咁先喺完咗本書，可以睇第二本。養成呢個一本一本來嘅習慣好重要。當然呢個階段嘅家長喺最辛苦~~
作者: jeoy126 時間: 12-10-5 08:27
qb2011 發表於 12-9-30 08:44
回復 jeoy126 的帖子
我孩子有敏感，不能吃牛肉，一歲多已不能喝牛奶，唯有轉吃豆奶，豆將等。 ...
你可以考慮試下其他動物奶，比如羊奶，都會好過你長期飲豆漿，豆奶。
作者: Mighty 時間: 12-10-5 09:48
看了JOEY１２６的文章、有点回応：－
①游水：点解一定要学？如果到左怕水時才学、就非常困難。 所以並不需要成為水上飛、但就一定要学到落水不会怕、蛙式起馬要游到２５M。
②体操：我個女都係４歳開始学体操、不是花式、只是一般体操項目（自由体操、平行木等等）、体型都好好、同埋筋骨都好「松」。
③BALLET：就１００％賛同JOEY講的、成年都係一、二個動作、唔知為MAAK。 這個我就真係唔知点解GUM多人学。 LATINO舞：我覚得好有型、腰又要挺直、非常賛成、女児只是学了５個月、但已学得有辦有眼、BALLET学左３年、完全是無聊的。④隊際活動、我覚得可以訓練団隊精神、有它的好処。現在的小朋友不境太自我了。④汽水：我家裏也是絶対不放的、就算盒装飲品、看似正気的維X的LEMON TEA等等、也是糖分不軽、可免即免。⑤睡眠時間：這個我就従０歳開始已経注意、一定不可以犠牲・就算現在差不多９歳了、也要８：３０上床。 ６：３０起身。 睡眠時間、就真係好多香港父母没有注意的、総有籍口不譲小朋友早睡。
作者: miffy 時間: 12-10-5 09:52
提示: 作者被禁止或刪除 內容自動屏蔽
作者: miffy 時間: 12-10-5 09:58
提示: 作者被禁止或刪除 內容自動屏蔽
作者: jeoy126 時間: 12-10-5 10:39 標題: 繼續~~~~
唔好意思，咁多位關注本貼嘅家長，因為呢段時間女女有思想變化，我去咗其他論壇，討論管教青春期仔女嘅方法，所以幾日都冇來更新，請各位諒解。不過大家放心，我嘅女女被我成功收服，而家我喺佢最知心嘅朋友，最忠誠嘅戰友，諗下都好開心啊！因為女女啱啱升中入咗男女校，喜歡高form哥哥（一個個正是風華少年），就來跟我要自由，唔想受我監管，并為此跟我吵架。但最終，我成功處理好同女女之間嘅問題，而且引導佢爲了令高form哥哥會鍾意佢，而努力做好讀書、才藝、體育等各方面事項，女女比之前仲聽話，無論做運動、彈琴、讀書，都更加畀心機，喺一個非常好嘅成功例子。等完咗呢篇，或者我會去中學版分享管教青春期子女嘅心得，因為與本貼冇關，我亦不在此費筆墨了。
繼續我地嘅話題，以我十余年嘅補習經歷，同埋親手調教女兒嘅心得，總結出15字嘅讀好書嘅黃金法則，“中文靠閱讀，英文靠背誦，數學靠練習”，家長遵循呢個法則去做，可以節省好多時間，走少好多彎路。就算你自己中、英、數樣樣唔叻，你凈系監督佢三樣野：“畀中文書佢睇，叫佢背英文單詞、句式和課文，買數學練習來做”，佢成績唔會差去邊架啦。道理很簡單，中文不外乎“詞語填充、重組句子，排句成段，續、改寫句子，修辭運用，和閱讀理解”，靠你畀佢操練，佢識嘅凈喺操過嘅嘢，有時連操過都可以唔記得。但如果小朋友閱讀得多，就會產生一種語言感應，好自然就識去分析理解。而小學階段嘅英文好少會偏離課業內容，想成績好，一定要背。數學冇捷徑，靠嘅喺熟能生巧，多做各類練習，要有D難度、市面上好嘅數學練習好難搵。
我會將中、英、書各科分開來詳細講。但最好畀D耐性，因我太忙，又要去補習，現階段亦要關注女女的新動向，沒有足夠時間，但我會儘快寫完。請大家原諒。
作者: jeoy126 時間: 12-10-5 10:53
miffy 發表於 12-10-5 09:58
我仔晚上9:30-10pm訓, 朝早7am起身, 計起來都有9個鐘睡眠時間, 但佢weekend可以訓12hrs, 佢一星期番2日田 ...
如果嫌麻煩，你都可以喺屋企天花板吊個飾物，適當高度，日日畀佢跳，試下掂到個飾物，如果有日掂到，就有大禮物送，再適當調節高度，以此類推，小朋友開心，又有助于身高發育，堅持半年就有成效。
作者: Mighty 時間: 12-10-5 11:00
英文一定要聴NATIVE的発音、唔係就只会満口香港英文、到聴鬼老講的時候也不会明白。
作者: 2PGirls 時間: 12-10-5 12:14
多謝分享, 小女今年五歲幾, 下年讀小一, 但到現在為止, 我要培養她的閱讀習慣真係有d困難, 她好像不太喜歡看書呢!怎麼辦?
作者: 2PGirls 時間: 12-10-5 12:15
同埋, 我個女行路都係入字腳, 如果學溜冰會唔會好d呢?
作者: pkfat 時間: 12-10-5 12:59
咁係咪飲得多豆漿, 女仔會m嚟得早呀, 因我阿女唔鐘飲牛奶. 所以我比豆漿佢代替囉.
作者: hohol 時間: 12-10-8 14:36
多謝你的分享! 記得得閑回來再繼續!
作者: teresayc 時間: 12-10-8 23:17 標題: 回覆：hohol 的帖子
要應付中學的英文，閱讀也很重要呢!
作者: 魚兒小寶貝 時間: 12-10-9 00:44
我小兒4歲多, 暑假比佢學溜冰, 原先諗住玩下, 點知佢好鍾意兼溜得幾好...其實我對溜冰真的又愛又狠, 我覺得花式溜冰好優美, 但又唔想佢吸咁多寒氣!
睡眠方面真的很難攪, 佢上K2第二個月開始唔肯瞓晏覺, 試過強迫佢瞓(我陪埋佢), 佢都只係響床上碌, 碌成個幾兩個鐘, 瞓唔到之餘仲浪費時間, 之後唯有唔瞓晏覺, 晚上九點半之前瞓著直至第朝八點零起身返學. 就咁睇有十個半鐘好似ok, 但佢經常瞓得唔好...叫呀, 踢呀, 打晒交咁! 老師話佢有時返學早段既專注力比較弱, 現我只好要佢再早d瞓, 希望可以改善下啦!
我地一星期都會去兩次圖書館, 佢勁鍾意睇書, 佢依家識好多中文字, 數學方面都好好, 英文只係普通(我地有睇英文書, 但比例係5:1). 佢響學校既成績只係一般, 因為佢唔鍾意表達...呀~ 唔係, 係佢只表達佢想講既野. 我係全職媽咪, 日日都會同佢傾計, 佢基本上都係一名口水佬...但, 對於我既提問, 佢冇乜興趣答! 問佢學校既逸事, 佢話"我地唔好講呢d"; 同佢睇書, 問下佢書既內容, 佢一係叫返我答, 一係就惜字如金, 答我一兩個字, 更加唔駛盼望佢睇圖講故事! 所以校內成績麻麻, 呢樣亦令我好頭痛!
我想幫佢改善呢方面, 但唔知點做啊! 唔通要send佢返"面試班"學表達?
作者: sumyau1012 時間: 12-10-9 21:58 標題: 回覆：經驗分享：如何令仔女讀好書
您好！
我有以下問題：
1.
我一向很重視女女的睡眠，所以開學起我就沒有去奶奶度食飯（佢地8：00開飯），我不懂得煮飯，現在都是煮很簡單的，但會以有營養為主，不過就好小（送）。
2.
我女女4：10先返到屋企，回到家，我又唔想佢太辛苦，所以會俾佢邊看電視，邊吃水果，再做功課。到做功課時又自已發自己脾氣，俾佢訓，又唔夠時間，而且一放學叫佢訓又唔訓，於是今日叫佢做功課，佢就認唔住係書枱訓，但如果午睡後，就變成要10：00才能睡。我知道要9：00前睡會好點。
1。其實我係咪應該堅持，小（送），還是去奶奶度食，多點營養
2。放學回家即做功課，會唔會太迫佢，沒有午睡，又可能做做下功課訓左係書枱
作者: teresayc 時間: 12-10-9 23:29 標題: 回覆：sumyau1012 的帖子
其實一放學，趁佢仲未好想睡，食少少野就開始做功課，完成功課先可以睇電視或者玩，會令小朋友習慣盡快完成功課，唔會拖慢黎做。
作者: jeoy126 時間: 12-10-10 08:36
本帖最後由 jeoy126 於 12-10-10 14:47 編輯
Mighty 發表於 12-10-5 11:00
英文一定要聴NATIVE的発音、唔係就只会満口香港英文、到聴鬼老講的時候也不会明白。 ...
講得好啱！但通常好難做到。所以我喺好贊成畀小朋友學國際音標。我就系自己落手落腳教小朋友國際音標，雖然學起上來好悶，小朋友唔鍾意，但堅持咗一段時間，小朋友會睇到成果，無論認字和記憶、發音，都會有個飛躍，小朋友就會有興趣。而家我囡囡都系自己查電子詞典，先自己讀個拼音出來，跟住再聽真人發音，以此作為加強。而家佢D英文根本唔需要我幫手。
如果屋企有條件，每年暑假送去學游團都喺唔錯嘅選擇。我就喺度搵緊，最好喺寄宿當地全英文家庭，送去一個月，返來就好唔同，其實我地喺小朋友身上補英文嘅開支同送佢地去外國一個月唔會差好遠，但效果就差好遠了！
作者: jeoy126 時間: 12-10-10 08:44
本帖最後由 jeoy126 於 12-10-10 08:46 編輯
2PGirls 發表於 12-10-5 12:14
多謝分享, 小女今年五歲幾, 下年讀小一, 但到現在為止, 我要培養她的閱讀習慣真係有d困難, 她好像不太喜歡 ...
你要總結下，喺唔喺其他好玩嘅嘢畀太多？試想一下，當佢嘅生活內容只剩下書本之時，邊到佢唔鍾意。
要培養一個好習慣，都系要從改變家庭生活模式落手，唔系一件簡單嘅事，喺需要家庭各位成員配合。比如你囡囡，你可以試下麼都唔畀佢，包括電視、遊戲，除左書本。出去玩耍都要cut，一有空餘時間就帶佢上圖書館，間中可以去波波池休息一陣，再返圖書館睇書，等佢習慣咗看書，就已是事半功倍了。
學溜冰喺一個唔錯嘅選擇，但真系要做足保暖措施先得，因寒氣太重。
作者: jeoy126 時間: 12-10-10 09:36
本帖最後由 jeoy126 於 12-10-10 14:50 編輯
魚兒小寶貝 發表於 12-10-9 00:44
我小兒4歲多, 暑假比佢學溜冰, 原先諗住玩下, 點知佢好鍾意兼溜得幾好...其實我對溜冰真的又愛又狠, 我覺得 ...
你講得冇錯，寒氣吸入太多真系對身體唔好，但如果佢鍾意，你可以喺保暖方面多加強，特別喺要頸巾，因後頸喺風口位，你要同佢講好條件，要溜冰冇問題，但一定要圍頸巾，特別男仔又冇頭髮遮擋後頸風口位，寒氣好容易侵襲。
睡眠方面，好多小朋友都屬於精神亢奮型，我女兒就如此。4歲多小朋友唔瞓午覺真系唔系咁好，但幼稚園通常喺下午好晏先畀小朋友瞓，而且一瞓又好耐，到左夜晚小朋友咁喺唔想瞓。所以我嘅做法就系畀小朋友返半日，中午接回后好快食飯（食唔嗮都算，總之一到時候就瞓），即刻畀佢瞓，當然陪睡會好好多，又可以知道小朋友真正入睡的時間，但午睡切忌瞓太久，通常15-20分鐘就可以，最多不超過30分鐘，家長通常喺唔捨得嗌醒，要狠心，因為中午睡太多晚上必定要遲睡。仲有你小朋友不能安睡可能喺氣虛虧，我估你小朋友應該喺好瘦嗰只，唔知啱唔啱？你或者可以帶佢睇下中醫，開D安神補氣血嘅中藥，因為佢太細，我唔敢推薦咩藥畀你。總之調理好身體，睡眠就自然會改善。
你要改左佢口水佬呢個壞習慣，因為未必個個人都好似阿媽你咁樣，鍾意聽佢講野，咁樣上到小學或者中學，會唔得人鍾意。佢想選擇自己想講嘅嘢，你都可以選擇你想聽到嘅嘢，當佢一開始講廢話，你就要即刻終止佢，如果阻止唔到，要唔睬佢，即刻走開，留底佢一個，畀佢知道你凈喺想聽D你有興趣嘅嘢，其他冇謂講。你要有措施改掉呢啲壞習慣。如果佢鍾意讀書就多d借書返屋企睇，好過做嘅口水佬，如果佢對你的問題冇興趣，你寧願唔同佢講野，唔問嘢，畀兩個字佢“睇書！”
作者: jeoy126 時間: 12-10-10 09:45
sumyau1012 發表於 12-10-9 21:58
您好！
我有以下問題：
1.
2.放學回家如果佢覺得攰，最好即刻畀佢瞓，食小小嘢就夠。如果佢唔想瞓，就即刻做功課，爭取夜晚早瞓。電視最好放到做完功課，最好都系睇新聞，其他無謂嘢都系越小越好。但先做功課嘅習慣一定要養成。
作者: 2PGirls 時間: 12-10-10 10:39
jeoy126 發表於 12-10-10 08:44
你要總結下，喺唔喺其他好玩嘅嘢畀太多？試想一下，當佢嘅生活內容只剩下書本之時，邊到佢唔鍾意。
要培養 ...
謝謝你, 請再分享你的經驗!
作者: sumyau1012 時間: 12-10-10 11:47 標題: 回覆：jeoy126 的帖子
如果叫佢先做功課，會唔會迫得佢太緊；還有，在無精神的情況，做功課會唔會吸收唔到。
佢放學返黎叫佢訓，佢唔訓，（佢本身唔鐘意訓），因為佢覺得訓左就無時間玩。
而家升小一，覺得時間好唔夠用，每日放學至睡覺，得4個小時，有時覺得佢好辛苦，好心痛，但我又唔能夠由佢，而家夜晚連睡前談心，都唔敢，怕佢夜訓
作者: jeoy126 時間: 12-10-10 15:03
sumyau1012 發表於 12-10-10 11:47
如果叫佢先做功課，會唔會迫得佢太緊；還有，在無精神的情況，做功課會唔會吸收唔到。
佢放學返黎叫佢訓， ...
返屋企第一件事喺做功課（一系就瞓），呢個喺一個好習慣嘅養成，冇得到你心痛，就系因為你覺得逼佢太緊，第日就會養成佢懶散嘅壞習慣，而家喺一年班，你仲可以執佢D學習習慣，等過著調教嘅黃金時間，你再三改變就好難了！
小朋友就系一塊泥膠，你要捏成咩作品，全在家長一念之差。
喺冇精神嘅情況之下，學習當然唔吸收，我喺極其反對。在呢個情形之下喺要強制性休息。小朋友當然想玩唔想瞓，十個有九個都喺咁，到佢提出想瞓，已經喺攰到透支咁制了。所以要同小朋友講條件，你可以同佢講，你瞓著一分鐘就夠了，我就會嗌你起身。你目的喺要佢瞓著，佢真系瞓著，當然幾分鐘全在你把握之中。而且你可以畀D獎勵佢，如果你瞓一分鐘，等你做嗮功課畀你點點。。。。如果你小朋友喺掛住冇時間玩先唔肯瞓，咁你真系要改變下家庭制度，有瞓先有的玩，冇瞓就冇得玩，咁自然佢就會鍾意瞓了。
作者: MonkeyGirl 時間: 12-10-10 16:41
回復 jeoy126 的帖子
樓主, 真的 要 請教你.....小女今年三年班, 成績中中...小一 & 二 在補習社做功課, 原因我要上班 & 佢 當時小一真 的不知 怎麼開口讀 題目給我 ( when i was in the office ) , so 佢 就 在補習社做功課, 平時溫書都係 我 同 佢 溫..
其實她都不喜歡在在補習社做功課, 因為好 noisy . so in this year P3 , she didn't go there , 改為在家..因為佢 已大個 女懂得看題目, 有問題會給我電話.. 總括說功課ok , 有改正.. 但 我 唔 mind.. 仲好 這就是佢 不懂既地方, & exam 前就 會 concentrate those mistake ...
佢 口口 聲聲話會自己溫 dictation.. & revision ,但一真的要 佢 溫時, 就好似拉牛上樹咁, 佢 發脾氣, 又 一路寫 , d 字 ugly 到 無 人睇到... i understand in this situation , 佢 唔 係 真 心讀書, 好難會 remember .. but 時間緊迫...我無時間叫佢 "明天再溫吧 "!!! , 只可叫 她 take a rest for 5-10 mins, 但 after 10 mins , 再 叫 佢, 佢 仲 嬲.. 唉.. 我可以點教佢, 其實佢 明要 溫習.. 但 叫 佢 真 係 去 做 時, 就 難 law....
佢 自己溫時 太慢了, 可 用一天時間去記 10 個 生字 ( english ) , 佢 有 讀 phonics, 但 佢 唔 用, ay be she didn't know how to apply . .....頭痛 中
作者: sumyau1012 時間: 12-10-10 18:33 標題: 回覆：jeoy126 的帖子
好多謝你既分享，你既經驗實在可始幫到很多人。
作者: teresayc 時間: 12-10-10 20:35 標題: 回覆：經驗分享：如何令仔女讀好書
作者: tws2010 時間: 12-10-10 22:22
回復 jeoy126 的帖子
Do you mean phonetic? If yes, strongly agreed with you. It's very useful and more accurate. There is still some limitation on learning phonics. You may not be able to pronounce all the words - tricky words - that's what people said. My kid is also learning phonetic. It's boring. But once you can manage, it's very useful.
作者: Haz-mama 時間: 12-10-11 09:46
謝謝您的分享!!!
作者: 魚兒小寶貝 時間: 12-10-11 11:33
回復 jeoy126 的帖子
好多謝你既意見呀!
係喎~ 我都唔醒起比頸巾佢帶添!
你講得啱, 我個仔都係屬於亢奮型, 偏瘦, 身高標準(健康院話). 我都覺得佢冇乜血氣, 一早已經想同佢睇中醫, 以前試過一次(睇咳), 耐何佢唔肯飲藥, 唯有等佢大d至算, 或者我上網睇下有乜湯水係補氣血吧!
因為佢既課外活動通常在放學後, 食埋午餐起碼三點才上床, 根據以往經驗, 佢要碌好耐至瞓到(或者瞓唔到), 果時可能已經四點, 會唔會太晏呢? Anyway, 我試一排先!
哈哈哈哈...我個仔係對住我至會化身成口水佬既, 但我又唔覺佢講廢話既~ 佢會同我講好多知識性既問題, 只係佢只講佢想講既野啫! 由n班到依家, 3位唔同既老師比佢既評語竟然係一樣: 內斂, 唔主動, 有性格...老師叫我用"交換情報"呢個方法, 但係只有少少改善, 真係令人頭痛呢! 或許我再強硬些吧!
作者: 囝囝mama 時間: 12-10-11 11:39
作者: 魚兒小寶貝 時間: 12-10-11 11:51
吖, 係喎, 仲有一事想請教! 普通既科目我都可以教到佢, 但我地(學校及家裡)都唔係說英語的, 為了遲d返小學, 我希望加強佢英文口語及聆聽, 有人提議我請家教, 平d而且慳時間, 但...對於要學英文口語及聆聽, 響屋企咁學會唔會太死板或效果冇咁好呢?
我姪兒及有d同學仔返過金鐘既英國文化協會話唔錯, 上堂生動有趣, 但係我覺得遠左d(我住油塘)及貴左d, 請問你有冇建議呢? 如唔方便公開的話, 請PM我吖, 真係萬分感謝!
作者: huba 時間: 12-10-11 17:03
回復 魚兒小寶貝 的帖子
My child has switched from British Council to English Excel at the beginning of G1 for location convenience. It runs small class which I feel better for my child. Note that it does not offer specific exam focused English programme, say, for Trinity or cambridge exams. Instead, they focus on all round English language skills development for kids individually.
They have branches in Tiu Keng Leng and Lam Tin. Both locations are not far from Yau Tong. However, the course fee is close to that of British Council.
作者: 魚兒小寶貝 時間: 12-10-12 02:12
回復 huba 的帖子
好似幾好喎! 多謝你呀!
作者: jeoy126 時間: 12-10-12 15:21
好多家長PM我，問我喺學習同身體調理方面的建議，我都一一回覆咗，但系，真系好嗮時間。我希望家長除左補習方面的問題之外，唔好PM我，最好喺本貼直接問，我答覆一個，可以畀所有人都睇到，大家都可以同時學習，我又唔需要做重複勞動。同埋，呢度都有好多家長可以畀到其他意見，PM我只能得到我一個人嘅答案，但其實經驗喺各種各樣，因人而異，聽多D不同人嘅意見，一定好過聽我一個。
作者: jeoy126 時間: 12-10-12 15:40
MonkeyGirl 發表於 12-10-10 16:41
回復 jeoy126 的帖子
樓主, 真的 要 請教你.....小女今年三年班, 成績中中...小一 & 二 在補習社做功課, ...
你呢個問題幾乎喺所有返工族家長最常遇到、又最難解決嘅問題。我唔知你屋企經濟環境點？好老實講，呢個年紀嘅小朋友，你要佢自覺去溫書，基本冇麼可能性，除非喺特別乖。我嗰女都系咁，喺小學前三年，我喺叫我家姐幫我睇住，日日盯實佢，先可以keep住啲成績，等上了高段，小朋友開始生性，先會慢慢變得自覺。
補習社真系別無他選情形下的一個選擇。好似你小朋友嘅狀況，最好喺有人睇住，請補習老師來跟自然喺最好嘅選擇，但如果經濟條件不允，你不放多打聽下坊間有哪幾家出名惡死，嚴格嘅補習社，丟喺補習社，雖然學唔到乜嘢，（千企唔好指望補習社會教你嘢）但至少有人睇住佢，就唔會咁浪費時間。而且好多補習社有幾人小組，價錢雖然唔便，但如果無法負擔上門補習嘅，唯有呢條路可行。總之，我喺極不贊成喺小朋友未習慣自覺溫書之前，給予太多自由空間。你而家松慣咗，再大D就好難收拾啦。
作者: jeoy126 時間: 12-10-12 15:55
魚兒小寶貝 發表於 12-10-11 11:51
吖, 係喎, 仲有一事想請教! 普通既科目我都可以教到佢, 但我地(學校及家裡)都唔係說英語的, 為了遲d返小學, ...
如果有條件屋企請嗰英文叻D嘅工人，都系一個極好嘅辦法。我去過咁多家庭，基本上自細由工人湊大的小朋友，英文口語和聽力都好好，等去到小學高段，就算冇左工人，佢都已經打好咗嗰底，學上去就好輕鬆。
出去上口語堂都系一個唔錯嘅選擇，其實都唔便，但收到嘅效果，可能唔系想像中咁好，喺要幾年，長期性堅持上，咁就一定有效果。但我計過條數，不如等到大個D，送去外國寄宿家庭，差唔多都系呢筆書，但時間和效果就爭好遠啦。
以我自己女女來講，從小冇跟過工人，口語相對來講薄弱。聽力方面，只要小朋友入到精英班，聽得英文多，佢唔會差到去邊，而小學階段keep打好詞彙和語法基礎，去到名牌中學，基本都能應付。而口語呢啲嘢，無需要太緊張，只要小朋友嗰底好，等去到一個語言環境，自然就會飛速進步。好似我女，雖然而家口語唔定當，但我唔擔心，只要佢考試出來嘅成績OK，基本功扎實，到時候搵一個暑期寄宿家庭，一個月就可以搞定佢語言關。從時間和精力，同成效的正比性來講，呢個喺最好的途徑。
作者: HappiMom 時間: 12-10-13 01:06
哩片文章真係超贊！非常實際同一針見血。我自己要番工，不過都用好多心思係教我個女（四歲半），樓主所講關於學業既心我亦有實行！
其實唔開電視，唔準有電子逰戲，只有書、顏色，益智玩具，已經係好好既開始！
我最鍾意英文口語性格比既分析呢！
大家共勉之！
作者: 魚兒小寶貝 時間: 12-10-13 05:53
回復 jeoy126 的帖子
好多謝你既意見! 你講得好啱呀! 以前我都諗過請個英語OK既工人姐姐, 不過小兒並唔係一個自律既人兼性格有少少少爺仔, 我怕佢會愈來愈曳, 所以上年開始唔返工自己湊.
其實我都明, 一星期上果一堂咁活動式既口語堂, 效果應該唔會好顯著, 不過我覺得囝囝佢係"想講唔識講", 佢有時會嘰喱咕嚕扮講英文, 但我冇能力指導佢, 而且我估上呢d英文堂係愉快既, 希望佢可以愉快咁接觸英語. 三來佢遲d可能有機會上英文小學, 我希望一開始佢都聽到三四成吖! 所以我現在諗住K2下學期或K3開始上, 到返小一就會停.
作者: tws2010 時間: 12-10-13 15:36
回復 HappiMom 的帖子
Agreed. Plus if parents also cooperative, kids will not be interested in all these kind of devices. My kid seldom indulge in playing electronics games coz we adults do not play either. In this situation, kid will be more focused not only in studying but also other aspects
作者: Winnie0615 時間: 12-10-16 13:33
認同, 早睡係一個良好習慣!
作者: sumyau1012 時間: 12-10-19 07:55 標題: 回覆：經驗分享：如何令仔女讀好書
請問如果時間唔夠用，應該選以下那件事先做。
我女一般8：00-9：00就訓，放學在補習班做2小時功課，食飽飯，沖涼，已經是8：00
沖涼後應做咩最先，最重要，因為佢好快就眼訓。
1， 讀故事，談心
2， 溫習
3， 練琴 （如果唔練，就只可以星期六日才練）
4， 公文英（佢已經學左一年，如果唔做功課，可能要停）
因為通常只可以做到一樣野，佢就訓，我真係唔知邊樣先
作者: jeoy126 時間: 12-10-19 08:47
小一生喺補習社放2個鐘，好似冇必要，我唔知你女女功課喺唔喺真喺有咁多，可以做足2個鐘，通常浪費嘅時間可能仲多，比如排隊等對答案，唔專心冇人管等等。所以我覺得你應該喺呢2個鐘裏面做下文章。1，喺唔喺真喺有必要放補習社 2，喺唔喺真喺需要2個鐘，小一生其實個半鐘做功課足夠。
返屋企之後，即刻食飯、沖凉，談心和講故事其實可以喺呢個時段穿插進行。對於小一生，每日問下學校情況會比講故事更重要，故事可講可唔講，就算放到星期六、日講都唔遲。但每日趁住沖凉、食飯時間問多D情況喺好必要，但唔需要特登劃一塊時間出來。
溫習、練琴、公文英，都可以隨機應變進行。如果有小測、默寫，溫書時間占多D；通常情形之下，練琴都喺要勤力D，因為琴真系要靠練，靠擺時間落去先會有成效。如果凈喺星期六日練，進步會好慢，等同於浪費昂貴的學費。如果琴差唔多熟嗮，就可以放時間喺公文英，就算平日冇時間，都仲有星期六日畀佢做。
所以，嗰時間表應該系：逢考試、默寫溫習先，平時應該以練琴為主，公文英和講故事都可以放星期六日去進行。談心就日日喺吃飯、沖凉時進行。
作者: jeoy126 時間: 12-10-19 09:37 標題: RE: 中文科提升
唔好意思，咁多位關心本貼嘅家長，因為近排學生多小測，又要睇住自己女女，所以少咗上來更新。
繼續上次關於中文科嘅話題。
閱讀方面，上次我已強調要選擇性提供書籍，不過我知道好多家長都系就住小朋友，佢鍾意睇么就么，其實呢樣嘢喺見仁見智，我嘅觀點喺，時間有限，小朋友唔做得太多嘢，讀唔到太多書，如何將有限嘅時間充分利用好，放到更有意義的閱讀上去？
閱讀等同於交友，睇一本好嘅書，等於交一個好嘅朋友，好多人鍾意交朋友仔，只要唔系損友就得。我就唔系咁睇，小朋友喺好容易受到周圍環境影響，如果佢朋友仔好自私，唔識得尊重師長，又或者會講不雅用語，又或者貪玩，懶散，咁你小朋友第日一定都會沾染類似嘅習氣。所以，我女女自細好少朋友，因為我把關甚嚴，好明確話佢知，邊D人唔可以做朋友，點解唔得，所以女女好識得分是非對錯。
閱讀方面都一樣，自細我已經灌輸畀佢，邊D書值得欣賞，值得睇，邊D書喺好低B，唔值得睇，慢慢訓練她對閱讀嘅選擇，咁等佢大個時，佢就已經有自己獨到嘅眼光去挑選一些上層次、對自己有益嘅書，佢喺小五時，已經借D好有哲理性、其他小朋友覺得好悶嘅書回家，同學仔話佢品味怪，佢不屑理睬，佢覺得佢已經超越咗佢嘅同學，唔需要同人爭你是我非。呢個就系閱讀嘅好處，讀得好書越多，人嘅境界、視野，心胸都會開闊。
講了半天，還沒有講到究竟要睇邊方面嘅書，概括一下，我喺絕少畀小朋友睇中文故事書，要睇故事書就必須選擇英文版，咁先可以培養到英文閱讀能力和英文閱讀興趣，如果連英文書都要好益智，咁小朋友可能會排斥英文書了。
中文書嘅選擇，包括1，知識類，比如科學、地理、人文，總之同增進知識有關嗰書籍。2，哲理類，包括品德修養，待人處事，性格培養方面，總之喺講道理嘅書籍。3，歷史，人物傳記類，人物傳記好重要，通常我會將呢類書作為首選，人物傳記對小朋友的各方面培養都會帶來影響。當然要選擇邊類人物傳記，全在於你將來想小朋友成為咩人，我就比較鍾意選擇歷史人物，文學人物。
等小朋友上了高年班，就可以著重睇多D文學性書籍，以提高寫作能力，通常好多作文精選集就是不錯的選擇，如果去到圖書館，睇下邊D書描寫性強，通常我同補習中文及中文寫作嘅小朋友借書，都會選擇一D散文類書籍，逼小朋友朗讀，筆記，甚至背誦。
低年班開始閱讀，家長可以提問式來檢查是否真正理解書本內容，等同於教佢做閱讀理解，等上咗高年班，小朋友已經好自然識得自己去分析，操練各種練習，根本就冇需要，因為佢已經形成咗很好嘅語感。
但通常好多小朋友都喺冇時間閱讀，怎辦？唯有操練這個下策。市面上好多練習，買邊本？呢度畀D貼士一路虔誠讀到呢度嘅家長，揀策略出版社，唔系我同佢做廣告，我凈喺用呢間出版社嘅練習，佢D練習比較有針對性，佢嘅標點符號，重組句子、閱讀理解等專項練習質量比較高，特別喺閱讀理解二，內容會比較深D，好多市面上其他出版社嘅好多。
唔記得講好重要嘅一樣嘢，幫小朋友準備一本筆記簿，要漂亮的封面，佢鍾意嘅個只，寫明喺精華集，要佢記錄喺閱讀當中，遇到嘅好的詞彙和成語，同埋好嘅句子，初時可以唔分類，當積聚到一定程度，就可以同佢講，是否要分類？比如哪些是心理描寫用詞，哪些是景物描寫用詞，再著他進行分類記錄。古人有講：好記性不及爛筆頭，所以抄錄都好緊要。如果有可能，可以將佢抄錄嘅詞語做溫習和默寫，咁小朋友嘅認知能力會提供神速。
好了，又要出門了，暫時講到呢度，其實都可以幫到家長好多啦！
第日繼續講下數學科。
作者: TwoBabies 時間: 12-10-19 09:49
Jeoy126,
我很久沒上來，估不到一來這個區，今天竟然看到你這個好帖子，萬分感謝你無私的分享。我亦有請教，關於我小兒，他是一個中小的學生。
他中文科平庸，若要他作文或作句，如果口述的話，可以做得不錯，但要寫出來的話，就只是草草完成，詞不達意，寫不出好文章或句子，一句講晒"怕寫字"。
英文科方面，不用我粗心，很喜歡看書，閱讀英文小說能力極高，考試或測驗都是自己溫習，不用我催促，相反地要求我幫他溫習，但與中文科一樣，但當要作文時，只會草草完成，經常數字數足夠沒有。
數學科就頭痛了，可能中文平庸，理解題目時會有不明白的地方，因此經常犯無謂的錯誤，而且他認為自己了得，只用心算計不用算草紙，引致有很多careless mistakes出現。因此每次測驗或考試，我主要是提點他要做算草和覆題，當然他沒有這樣做。
由於我要返工，平時他放學回家就休息、睇圖書或玩Lego，差不多要6:30pm才開始做功課，但速度非常之慢，經常發白日夢或翻閱身旁的圖書，所以令性急的我很不安。其實小兒整體成績是中上，但我覺得他還有改善的空間，我應如何幫助他。
不好意思，文章太長了。先謝謝你的回覆。
作者: TwoBabies 時間: 12-10-19 10:06
jeoy126 發表於 12-10-5 10:39
唔好意思，咁多位關注本貼嘅家長，因為呢段時間女女有思想變化，我去咗其他論壇，討論管教青春期仔女嘅方法 ...
我請想問有關管教青春期的帖子是那個，因為我找不到，可否給我連結呢? 謝謝!
作者: 226212 時間: 12-10-19 10:08
回復 jeoy126 的帖子
我女女今年小六最近沉迷金庸小說，睇完一套追第二套，妳教我如何是好？
作者: jojoplanet 時間: 12-10-19 10:52
jeoy126 發表於 12-10-5 10:39
唔好意思，咁多位關注本貼嘅家長，因為呢段時間女女有思想變化，我去咗其他論壇，討論管教青春期仔女嘅方法 ...
靠練習
樓主..請問你可唔可以詳細一點解釋"英文靠背誦"?
| 歡迎光臨 教育王國 (/) |
Powered by Discuz! X1.5 |