教育王國

標題: 嘉靈，聖多馬，協和點揀？？？ [打印本頁]

作者: cherrytam2468 時間: 12-9-18 10:06 標題: 嘉靈，聖多馬，協和點揀？？？

嘉靈，聖多馬，協和點揀？？？

作者: joantsang 時間: 12-9-18 14:58 標題: 回覆：cherrytam2468 的帖子

我都想知！

作者: andrewwcng 時間: 12-9-18 17:17

I think Heep Hop is much better. There are too many mainland in 嘉靈. No idea for 聖多馬.

作者: joantsang 時間: 12-9-18 18:04 標題: 回覆：andrewwcng 的帖子

協和5班，聖多馬3 班，但聖多馬校舍大過協和(無實際去過，只睇手頭上資料)，加上上次協和答問會之后，覺得老師有點冷漠，令我對協和的印象減分！

作者: MicFred 時間: 12-9-18 18:12

係呀！我都有同感，d老師好似唔多有礼貌.

作者: cherrytam2468 時間: 12-9-18 18:44 標題: 回覆：joantsang 的帖子

本帖最後由 cherrytam2468 於 12-9-19 09:35 編輯

協和大過聖多馬！但我都係覺得協和d老師無咩禮貌！

作者: 小露比* 時間: 12-9-18 21:40

本帖最後由小露比* 於 12-9-18 21:41 編輯

其實我大女而家讀緊聖多馬小一,我自己都係舊生
但我唔想好似去sale呢間學校咁
但我自己就係鍾意佢個校風,,,比起我細個果時仲好d添
老師同社工都跟得學生好貼 ...
同埋我都唔想揀d好谷既學校比大女 ...
我見佢都唔係好谷 ... 所以都係揀返佢(我地係叩門跨區返學)

唔好話老師校長丫 .. 連個校工都勁有禮貌
朝朝見到佢地,,,勁講早晨...見我想搵校車竟然主動比電話no我
叫我試下打去問有無校車 .... 唔洗咁辛苦(雖然最後都係搵唔到)

作者: kvc 時間: 12-9-18 23:37 標題: I+think+Heep+Hop+is+much+better.+There+a

原帖由 andrewwcng 於 12-09-18 發表
I think Heep Hop is much better. There are too many mainland in 嘉靈. No idea for 聖多馬.

難以有實質數據證明那一間學校有較多新移民子女，這點亦不應影響你去考慮挑選某一间學校。師資，校風，校舍，升中派位等才是你去研究的地方。

作者: MACKYTSANG 時間: 12-9-19 18:46

回復 joantsang 的帖子

係啊，我都覺得，當時自己答問會無先安排好D小朋友，跟住後來先話可以帶小朋友去班房，個老師話就咁放低就得，跟住我老公問，咁無記認，點防止無人帶走我個小朋友啊，個老師竟然話：“你唔放心啊，咁你留低自己睇住啦！”人地好多學校，都會掛個牌或者有貼label之類的啦，自己安排唔妥當仲咁既態度，過份

作者: babyhazel106 時間: 12-9-19 21:40

回復 MACKYTSANG 的帖子

我去過SMC 放低小朋友係課室, 都係無任何記認喎 !
聽完簡介返去課室接小朋友, 老師會問小朋友係邊個o黎, 其實好多小學都係咁做, 我又覺得無唔妥。

作者: 小露比* 時間: 12-9-19 21:54

聖多馬有貼label嫁 , 之後轉掛牌。

作者: cherrytam2468 時間: 12-9-20 09:27

協和根本都無安排好，我個日遅去，要企囉！跟著帶個女去課室，唔記得點返禮堂，問個唔知咩老師定主任，佢話咁你點黎課室呀，我話我認得就唔洗問你啦！咁態度，點做老師呀？佢先話俾我聽點返禮堂咋！

作者: prupru 時間: 12-9-20 09:55 標題: 回覆：嘉靈，聖多馬，協和點揀？？？

我無去到上星期協和既答問大會，但見到呢到媽媽既負面評價，真係有啲失望:;pppp:
啲老師咁無禮貌、無愛心，怕怕

作者: prupru 時間: 12-9-20 09:56 標題: 回覆：嘉靈，聖多馬，協和點揀？？？

我無去到上星期協和既答問大會，但見到呢到媽媽既負面評價，真係有啲失望:;pppp:
啲老師咁無禮貌、無愛心，怕怕

作者: bb_june 時間: 12-9-20 14:14

我是上年去的, 安排相當運亂, 當天我地在校內比人"點"左2次才到達想去的課室,可能太新, 連老師, 主任未搞清係邊!! 態度又差 , 好心訓練下先出黎招待人啦 .

之後到了太子的另一間學校參觀, 踏入校門, 已有學生(大約3,4 年級)主動上前招待, 並說 : "歡迎光臨協和小學!" (太子道那間)並作簡單介紹及指示路線直入禮堂 ......,後來我們走了, 又在近校門處有學生對我們說: "再見, 多謝光臨協和小學"

感覺很自然, 學生們似是因可以招待來賓而感到自豪,

作者: bb_june 時間: 12-9-20 14:17

看看學生質素便知老師質素,

作者: 小露比* 時間: 12-9-20 21:38

我都唔見點解個個都揀協和

可能佢升中派位比較好?

作者: bb_june 時間: 12-9-21 09:54

我仲記得上年在簡介會, 校長發言時,下面噪到死, 有bb喊 (當然唔只一個), 小朋友有小朋友傾計, 大人有大人傾計

.......仲有收多人又不停出出入入,

作者: mylee6 時間: 12-9-21 12:39 標題: 回覆：bb_june 的帖子

究竟我地應否用簡介會的感覺去評一間學校呢?有無協和（長沙灣）用家俾D實質D既意見?

作者: 小露比* 時間: 12-9-21 12:44

mylee6 發表於 12-9-21 12:39
究竟我地應否用簡介會的感覺去評一間學校呢?有無協和（長沙灣）用家俾D實質D既意見?

...

咁當然唔可以啦 .. 不過第一印象同感覺又的確好影響決定

作者: yingmuffin 時間: 12-9-21 12:56

回復 prupru 的帖子

我一定say no , 身教好重要

作者: bb_june 時間: 12-9-21 13:10

小露比* 發表於 12-9-21 12:44
咁當然唔可以啦 .. 不過第一印象同感覺又的確好影響決定

絕對同意
我也只是和上面的家長們一樣, 分享我的親身經曆及感受

作者: cherrytam2468 時間: 12-9-24 10:37

作者: pylbowie 時間: 12-9-24 12:01

等我又分享下, 我都有去協和既家長會, 整體黎講佢地有D混亂, 佢地亦自知佢地係呢區TOP既小學, 實會有好多超多家長黎參加, 但整體安排差, 不過聽完佢地presentation, 佢地既教學模式同一D support既課外活動好好, 真係一間正野, 當然, 我女呢D只得15分既K3生, 實收吾到, 縱然好想同個女試, 但再三衡量, 吾會搏啦, 穩穩陣陣選嘉靈

作者: 小露比* 時間: 12-9-24 12:08

雖然我女讀多馬,,不過如果我女唔係細仔+性格咁細膽,,有好多比較優既成績我都可能揀協和.....
不過多馬都唔差^^同埋應該比較岩我女多D

作者: moho 時間: 12-9-24 14:00

協和我都不考慮了....
我想選擇多馬....
但佢只得3班...得15分只是陪跑!!
今年好多學校表明頭1志願不填佢學校~就連面試的機會都冇

作者: cheuk_ling 時間: 12-9-24 14:52

咁請問嘉靈大家有咩評價呢?! 佢都有五班, 比較易入嗎? 大家都當佢後備咁呢?

作者: titipig 時間: 12-9-24 18:29

今日去多馬交了表, 都幾多人吓. 自行派位應該無望啦掛

作者: 小露比* 時間: 12-9-24 18:43

moho 發表於 12-9-24 14:00
協和我都不考慮了....
我想選擇多馬....
但佢只得3班...得15分只是陪跑!!

其實未必連面試都無我都係叩門 , 我自行+統一都無揀佢嫁 , 我係跨區叩門嫁
都唔收 , 我係之後寫信去 , 打動左校長先再有多一次機會約見

作者: 小露比* 時間: 12-9-24 18:43

titipig 發表於 12-9-24 18:29
今日去多馬交了表, 都幾多人吓. 自行派位應該無望啦掛

自行未必 , 博下統一囉唔得再叩門試下不過佢統一後補都唔係好多位 ....

作者: joantsang 時間: 12-9-25 00:33 標題: 回覆：小露比* 的帖子

小露比，你好！喺Bk度好似除咗你之外就無人講過聖多馬，你暫時係唯一一位用家，想問你點解當初自行同統一都唔揀佢，但最后又跨區叩門呢？唔好意思，只係想知道聖多馬有咩吸引你而已！因為我仲未決定協和定聖多馬！

作者: 小露比* 時間: 12-9-25 10:31

joantsang 發表於 12-9-25 00:33
小露比，你好！喺Bk度好似除咗你之外就無人講過聖多馬，你暫時係唯一一位用家，想問你點解當初自行同統一都 ...

因為多馬名氣唔夠其他大所以係好少人講 , 多數都係講佢個鄰居 ...我本身係31網既(即新油天果區),,呢區揀得落手既一係好大熱,一係勁冷門
唔好彩地派左去一間唔識+無家長會揀既學校....
而且我又唔熟呢區既學校 ... (以前住40網果邊)
咁係自己區叩門都唔收咪唯有揀最後一個後備,揀返40網既多馬,因係我自己母校
點解當初自行唔揀佢係因為我1湊2,都係想揀返自己區方便D先...
但最後都係要跨區叩門,其實本身都唔收,但我堅持寫信去...
寫到第3封..打動到校長再約見多次..就收左

作者: CONNIEQ 時間: 12-9-25 12:14

小露比,你覺得學校多新移民嗎？真只有3班？

作者: 小露比* 時間: 12-9-25 12:35

CONNIEQ 發表於 12-9-25 12:14
小露比,你覺得學校多新移民嗎？真只有3班？

多嫁其實深水寶區一定多嫁啦唔好話呢一區周圍都多嫁啦

一直以黎都只有三班 , 我以前細個讀都係得三班
佢搬左新校其實都想開多班 , 但教育局規限左佢唔可以開

作者: cherrytam2468 時間: 12-9-25 12:53

回復 moho 的帖子

你都係揀多馬？

作者: cherrytam2468 時間: 12-9-25 12:58

我都係陪跑咋！唉！

作者: 小露比* 時間: 12-9-25 13:13

你交左表未 ? 選定左 ?

作者: greenling 時間: 12-9-25 13:41

回復小露比* 的帖子

名牌效應掛..其實無話好同唔好學校, 只要校風好, 岩自已小朋友..咩學都可以出狀元.

作者: 小露比* 時間: 12-9-25 13:49

greenling 發表於 12-9-25 13:41
回復小露比* 的帖子

名牌效應掛..其實無話好同唔好學校, 只要校風好, 岩自已小朋友..咩學都可以出狀元. ...

無錯..........

作者: CONNIEQ 時間: 12-9-25 14:17

我老公糸畢業生,我佐32,吾知揀佢好吾好？

作者: joantsang 時間: 12-9-25 15:41 標題: 回覆：小露比* 的帖子

小露比，原來係咁！唔該晒你呀！

作者: golfer504 時間: 12-9-25 16:52

有時選學校都要兩夫婦有共識才可, 我自己係校友, 加上有宗教, 已經有25分,可以話入梗.耐何另一半對聖多馬認識唔多,所以我們兩公婆不能有共識,而要選只得20分的跨區學校.

不過,我可以講聖多馬係一所好小學. 特別係搬到新校舍,資源多咗,好咗,學校上下都有心辦得好的. Good Luck.

至於新移民, 睇你點睇呢. 大把私小同直資學校的申請名單中, 有拼音姓氏. 新移民, 可以係住豪宅,亦可以住板間房. 不好用背景衡量小孩的成就!

作者: 小露比* 時間: 12-9-25 19:52

CONNIEQ 發表於 12-9-25 14:17
我老公糸畢業生,我佐32,吾知揀佢好吾好？

咁你老公間母校好唔好先如唔想博 , 咪揀返母校囉 , 如你地有埋宗教分的話基本上有25分係入硬

作者: Radiomama 時間: 12-9-25 21:46 標題: 回覆：golfer504 的帖子

新移民也是香港人，四處都有。不足奇。
聖多馬的校長、老師對學生好有heart, 是一間正價比甚高的小學。

作者: joantsang 時間: 12-10-12 16:44

回復 joantsang 的帖子

答问会那天，有安排参观校舍，其中几位老师黑口黑面！係一的笑容都无！另外，在课室講解的老师，亦一样，问一句答一句！

作者: jeremyphlam 時間: 12-10-13 11:02

嘉靈，46% Band 1，成績相當唔錯，可惜冇列清楚所派每間學校的人數。
http://www.kalingpb.edu.hk/data-6.html

聖多馬，從週年報告中應有約98學生，但只列出68位學生的派位，重唔係全部band 1(Band 1約34人)，粗略計有37% Band 1，不過不失。
http://www.skhstthomas.edu.hk/student_secondary.php

協和（長沙灣），從週年報告中應有約157學生，Band 1約67人，粗略計有42% Band 1，成績唔錯，不過要留意校網由油尖旺搬到深水埗，所派的學校會唔一樣。
http://www.heepwohcsw.edu.hk/it- ... ry/3_1347417458.pdf

作者: abbey1229 時間: 12-10-19 11:58

回復 bb_june 的帖子

AGREE 因為我都有去睇太協

歡迎光臨教育王國 (/)