教育王國

標題: 自閉兒 - 如何改善接收指示模式 [打印本頁]

作者: 陳爸爸 時間: 12-9-16 14:46 標題: 自閉兒 - 如何改善接收指示模式

小兒差不多三歳, 只能鸚鵡學舌地跟講好簡單的單字, 未有主動語言, 聽指令只可跟到單一動作如"擺","攞","推","掉","俾"等,但當每次叫他一次過做兩種不同的動作時(即使兩種都係佢識的動作), 佢都只能做最後說出來那個動作(eg. 推完枱面的積木再俾積木或碟我, 佢十次有九或十次都只會俾積木或碟我而沒有推, 如果我地將指令掉轉來講佢就只會做推積木而唔會做"俾"的動作), 練習好耐好多次都如是,

請問有冇家長都遇到同一情況呢? 可否分享下經驗如何改善此狀況呢?

請多多指教🙏

作者: pocoyo123 時間: 12-9-16 23:15

小兒當年4歲時, 言語DELAY年半, 都只係聽+做到一個指令, 更何況你小朋友未夠三歲仲細, 要做到兩個指令要言語有返咁上下先得, 比D耐性.

作者: anan3388 時間: 12-9-17 07:14

同意, 時候未到, 所以集中練1個指令先, 寧願花多些時間做唔同指令, 好過成日做些佢做唔到既。到佢成長到左, 就容易好多

如好想俾佢知道有程序呢個概念, 建議可以先用圖咭協助佢記憶(俾埋佢睇, 可跟做), 不要只用講既指令。同埋做些平常經常重複而連續的2動作, 又或相近易記的, 如食完蛋食飯, 著左襪著鞋, 擺完紅色玩具車擺藍色

若真係做唔到住,就擺低下先, 大些係會ok的

作者: pinkdoll 時間: 12-9-17 09:14

回復 anan3388 的帖子

同意教a仔係要將啲step拆到好細慢慢學習不可以一下子就完成一個target

作者: pinkdoll 時間: 12-9-17 09:28

本帖最後由 pinkdoll 於 12-9-17 09:31 編輯

陳爸爸發表於 12-9-16 14:46
小兒差不多三歳, 只能鸚鵡學舌地跟講好簡單的單字, 未有主動語言, 聽指令只可跟到單一動作如"擺","攞","推" ...

a仔普遍視覺好過聽覺所以呢個聽2個指令對於a仔來說是很大的挑戰, 可能他不明白為何要這樣做, 這些二個指令對於他來說沒啥意思, 如果他們這麼容易明白一樣東西或學一樣東西, 那麼他們就不是a仔了.

你個仔喜不喜歡聽歌, 如果喜歡聽歌你可以利用歌曲和他一同唱歌做動作慢慢你仔仔就可以跟著你唱歌做動作, 唱一個動作做一個動作, 唱二個動作做二個動作, 慢慢加上去....., 等他掌握後, 你便開始試下唱什麼動作, 他就跟著做什麼動作, 這樣是否有趣很多? 然後再慢慢由歌改變成說話叫他做二個動作...那麼他就會明白什麼是聽二個指令...之後試下做"推完枱面的積木再俾積木或碟我"..慢慢來不可以操之過急

這些都只是提議, 每個a仔都是獨特的, 你要去瞭解他, 記住先跟後帶, 因材施教

add oil.

作者: mwchan66 時間: 12-9-18 20:56

陳爸爸發表於 12-9-16 14:46
小兒差不多三歳, 只能鸚鵡學舌地跟講好簡單的單字, 未有主動語言, 聽指令只可跟到單一動作如"擺","攞","推" ...

我會建議先做取兩物的指令,例如:攞蘋果同埋橙.當他只取橙時,你再重覆說一次(攞蘋果同埋橙),等他明白自己只取了橙,還有蘋果未取,學習接受整個指令.當他做到後才逐部加深.

歡迎光臨教育王國 (/)