教育王國

標題: 兩兄弟,係咪通常學埋同一樣樂器? [打印本頁]

作者: bongbongmum 時間: 12-9-15 08:59 標題: 兩兄弟,係咪通常學埋同一樣樂器?

本帖最後由 bongbongmum 於 12-9-15 09:00 編輯

哥哥7歲,外向,有主見,斯文淡定,一開始係攞人地姐組的小提琴嚟玩同埋聽過人練習,於是佢主動話想學小提琴,係學校學,學左1 年,so far 都有心机學.

細佬5.5歲,無主見,內向,胆小怕事,較粗魯. 一向嘜野都要跟住哥哥,小如茶點食嘜野,著咩衫,大如學嘜野,總之哥哥做嘜,佢都要跟住.最近佢問我几次"几時到我學小提琴",但係又話過"小提琴好似好難學,我都係唔學喇"

我同老公都覺得細佬未必適合小提琴(感覺佢粗枝大葉),而且可能未必真係自己鐘意,可能純粹想跟住哥哥. 哥哥因為佢自己要求學,同埋一向好知自己做緊嘜,所以佢唔會學兩學又話唔學.我地係怕細佬徒時間又徒錢.(因為哥哥係跟學校學,一學要預先交10几堂學費)

兄弟其實係咪通常會學埋同一樣樂器? 請分享如何為小朋友選擇學咩樂器呢.

作者: marcuscyrus 時間: 12-9-15 09:07

我家細佬學緊的樂器同哥哥其中一樣相同，不過暫時只會學一樣，而佢同哥哥學的東西都唔太相同的

作者: bebebe12345 時間: 12-9-15 10:14

本帖最後由 bebebe12345 於 12-9-15 10:23 編輯

全部都是小提琴+鋼琴。
只有囝囝近年加Vocal。
開始甚麼都不懂、大囡二年級才學、四年級決定Violin、Piano六年級考完八級收工。其他的孩子幼稚園己開始、一年級己決定Piano....小提琴附帶玩學校樂團至中學畢業!
原因.....跟到甚麼老師。當年不想大囡有太大的壓力面對弟妹、這點直到現在仍是覺得最理想的事。
同一樣樂器就要互相競爭了,最重要是留意她/他們的感受,加以開導。

作者: 786 時間: 12-9-15 11:51 標題: 引用：+本帖最後由+bebebe12345+於+12-9-15+10:23

原帖由 bebebe12345 於 12-09-15 發表
本帖最後由 bebebe12345 於 12-9-15 10:23 編輯

全部都是小提琴+鋼琴。

4年內由唔識考到8級？！

作者: bongbongmum 時間: 12-9-15 12:20

哥哥而家個老師好有經驗,同埋好識教小朋友.

其實我都無嘜idea想安排小朋友學咩樂器,只係咁岩比個仔有机會接觸小提琴,而佢有發現自己有興趣,我先試下比佢學.

我都係小朋友興趣行先,有興趣佢先會用心去學, 其次是能否負擔得嚟...

作者: Meikin 時間: 12-9-15 12:44

本帖最後由 Meikin 於 12-9-15 12:47 編輯

回復 bongbongmum 的帖子

慨然細佬想跟阿哥學小提琴, 我覺得應該俾佢試試, 如果佢覺得不適合, 到時咪轉第二樣樂器, 起碼了咗佢㗎心願.

我都係大仔學, 細仔又因為阿哥學佢好想學, 我哋最初都覺得細佬唔係太適合violin, 點知學吓學吓, 發覺佢即使未必有阿哥咁smart, 但拉出的的感情比阿哥更好, 而且阿哥愛指導佢, 而佢又以阿哥為目標, 效果比我們預期好好多, 考試出來的分數較阿哥為高呢. 去年兩兄弟拉duet重拉得好開心.

作者: San_XP 時間: 12-9-15 16:53

其實我都見好多兩兄弟或兩姊姊一齊學同一種樂器都好成功, turn out 兩個都學得好, 仲會更加有心機學, 又可以一齊夾下歌仔.

我覺得學下唱歌都幾好, 我兩個小朋友係學不同樂器, 但就有跟同一個老師學唱歌, 都幾開心.

作者: ilovethiscow 時間: 12-9-15 20:12

提示: 作者被禁止或刪除內容自動屏蔽

作者: lillymarie 時間: 12-9-15 22:11

睇性格，我兩個囝的感情好好，但都好大鬥心。為了少一樣煩惱，兩人學不同樂器。

作者: bongbongmum 時間: 12-9-15 22:16

回復 Meikin 的帖子

多謝你的意見及經驗之談,我會再問下細佬,如果佢真係有心學,我就比佢試一個學期,睇睇佢係咪真係有興趣同埋係埋有能力handle呢種樂器.

兩兄弟學埋同一樣樂器,希望有正面的互相影响啦!!

歡迎光臨教育王國 (/)