教育王國
標題: 分享下你地小朋友(小三)做功課要幾耐時間 [打印本頁]
作者: 1398059114 時間: 12-9-14 17:12 標題: 分享下你地小朋友(小三)做功課要幾耐時間
我阿仔今年升小三，功課超多，晚晚都要做到差唔多10點，唔知你地D小朋友系唔系一樣？
作者: kittylam 時間: 12-9-14 17:22
大仔今年小四，小三時大部份時間可以喺學校做完。
細仔今年小三，做功課未超過6點，包括中文作文，間間學校功課量都唔同好難比較。
作者: MimiCactus 時間: 12-9-14 18:34 標題: 回覆：分享下你地小朋友(小三)做功課要幾耐時間
可能真是有的學校功課超多，但學期只是剛開始，功課多極有限。中英文生字，英數工作紙。學期初通常四五樣，加下都未正式做TSA 補充練習，如果開始做，我擔心你的小朋友吃不消。做功課做得這麼久，是不是不懂做，要時間思量呢?要盡快找出原因。
作者: tws2010 時間: 12-9-14 20:42
Poor kid. School just started.
作者: qop 時間: 12-9-14 23:21
其實妳說的超多，不如妳話比我知，星期一到五
中英數常.......之類點多發，因為快慢好難就咁比較
例如我對小朋友，平均每天約有10類不同功課，但佢地平均都能在個半鐘內完成，星期五就真係再多少少時間。
作者: Heima04 時間: 12-9-15 00:41
我囝小三, 暫時每天都係六樣功課, 一小時內完成。
作者: 洋蔥頭媽咪 時間: 12-9-15 09:46 標題: 回覆：分享下你地小朋友(小三)做功課要幾耐時間
我仔都係一至兩小時內完成，其實做功課好睇小朋友能力同動力。如果功課比較深，或者小朋友能力不達，做嘅時間相對比較長，家長應協助小朋友找出問題加以解决，至於動力，真係睇下小朋友有冇心去做，有d小朋友習慣要人督促才做，一放鬆佢就慢慢黎，你緊佢唔緊果隻，呢種心態就雖要諗方法同佢調節，例如賞罰型式要分明，要佢明白自己嘅責任，但父母真係要做到佢做完功課真係有得去玩，或者有人陪佢玩先得，並唔係佢做得快，就叫佢不如做多一兩個練習或者温習啦，如果係禁小朋友一定冇乜動力，比著係你你都唔會快。
作者: teresayc 時間: 12-9-15 09:53 標題: 回覆：洋蔥頭媽咪 的帖子
非常認同！我個女為左要有時間空間俾自己玩同睇電視，每日極速完成功課！
作者: 1398059114 時間: 12-9-17 15:50
好多謝你們的分享，可能是我小朋友剛升入A班（學校所謂的精英班），功課確實比以前多，小二時都系7 ，8本左右，1到2個鐘就做完，但依家有十幾本，上週五就有18本！也可能A班的老師比較嚴格，錯少少就要重做，所以加加埋埋日日都有十幾本。
作者: 1398059114 時間: 12-9-17 15:53
另外我個仔都系懶，做一陣玩一陣，下下依賴我教巨做，所以好煩！
作者: nakoko 時間: 12-9-17 21:15 標題: 引用：另外我個仔都系懶，做一陣玩一陣，下下依賴
原帖由 1398059114 於 12-09-17 發表
另外我個仔都系懶，做一陣玩一陣，下下依賴我教巨做，所以好煩！
作者: faye525 時間: 12-9-17 21:27
樓主小朋友真係好多功課呀..............
如果咁多法, 我諗我小朋友都要做咁多個鐘
我小朋友雖然都係小三, 都係A班, 但係暫時每日都係五樣功課到, 大部份佢係學校都做完架啦~~最多剩一樣半樣返黎做架咋....
作者: yingb 時間: 12-9-18 11:03
好羨慕你地小朋友可以好快做完功課,我小朋友常常都不願做功課及做得很慢,以昨天為例,4様功課沒有作文,由4:30做到8:30,中間用半小時吃飯,都重有1様未做。賞罰方法用過,解釋比佢聽用過,做完功課有得玩用過。佢都係對住功課發夢或者睇書都唔做功課。
我對住佢都好氣餒
作者: tws2010 時間: 12-9-18 21:00
My kid is pretty fast in doing homework. But he is still not very focused. Maybe it's because it's still honeymoon after the summer holiday.
作者: JJDBB 時間: 12-9-19 10:30
岩岩開學唔多功課，但黎緊唔知多唔多；好多時會學校完成大部份，如果不是老師找他有野做，都完成所有工作紙、作業。回家的補習班家課，唔多，他好快手完成，因為完成後多出來時間是自己安排可以做咩都得！
樓主小朋友的功課是很多還是小朋友做功課比較慢的，如果是慢的小朋友要多加鼓勵先得架！
作者: Ksyy1018 時間: 12-9-20 16:03
回復 1398059114 的帖子
今天中文3樣, 寫兩pages 閱讀日誌, 一句作句, 補充 2 pages. 英文２樣, 工作紙 1 pg, wb 1 pg + corr. 數 3 樣, wb 2 pgs 19題 TSA 2 pgs 13題 + corr, 數部 9 題有格式及答句. 常１樣, 工作紙 1 pg, actually 無咩要改正. 4個鐘
全部自己做, 偶然有些難題要問, 算多嗎？ or 小女做得, 有無辨法快d？請指教！
Thanks！
作者: im_cyt 時間: 12-9-20 22:20 標題: 回覆：分享下你地小朋友(小三)做功課要幾耐時間
超恐怖
邊間小學？
作者: mansum92 時間: 12-9-20 22:58
1398059114 發表於 12-9-17 15:53
另外我個仔都系懶，做一陣玩一陣，下下依賴我教巨做，所以好煩！
我個仔小一既時候都係下下依賴我教佢 所以勁慢 之後我發現佢太依賴了 所以小一下學期開始我就要佢自己做功課 我就去沖涼呀 煮飯呀 佢問親我我都話唔得閒叫佢自己諗 剛開始佢都係一路hea 之後就會開始自己做就越做越快了
作者: aeiou_drm 時間: 12-9-22 17:11
我阿仔今個星期,功課由昨日放學做到而家, 慢吞吞
| 歡迎光臨 教育王國 (/) |
Powered by Discuz! X1.5 |