教育王國

標題: 景林天主教家長請進 [打印本頁]

作者: emma_luk 時間: 12-9-14 15:58 標題: 景林天主教家長請進

我小朋友而家K3，要準備報小一
其實綜合好多意見都覺得唔錯
不過又想瞭解下。。因我小朋友有ADHD
and言語發展緩慢。睇過學校嘅簡介又無話有d咩特別支援
聽過升小講座話其實而家每間小學都有言語治療服務，但有朋友做補習佢話唔係間間學校都跟得好好
想問下咁多位家長知道言語治療師會幾耐黎一次學校?每次會見幾耐呢?跟得又足唔足?
另外課程會否好深?功課又會否太多令小朋友無所適從?謝謝解答。

作者: ida*yu 時間: 12-9-14 16:44 標題: 引用：我小朋友而家K3，要準備報小一其實綜合好

原帖由 emma_luk 於 12-09-14 發表
我小朋友而家K3，要準備報小一
其實綜合好多意見都覺得唔錯
不過又想瞭解下。。因我小朋友有ADHD

我個女剛剛今年入讀此校小一而佢都有ADHD，不過唔算太嚴重，初初我都抱住唔開心既心態入去，因為是第三意願，而我又有扣其他學校，都被取錄，註冊當日，我帶埋個女去見下間學校，而佢第一次去就非常鐘意，當日老師都在場，我見每個老師都好有愛心，而解釋得好詳細，既然個女咁鐘意間學校就比佢去試，我當然有同學校佢有咁既症狀，所以學校都好明白。依家返左2個星期，班主任都有打電話比我講佢係學校既情況，有時送個女返學放學都會有老師問下佢幾時要再睇，所以我都安樂哂

作者: emma_luk 時間: 12-9-14 19:25 標題: 引用：Quote:原帖由+emma_luk+於+12-09-14+發表我

原帖由 ida*yu 於 12-09-14 發表
我個女剛剛今年入讀此校小一而佢都有ADHD，不過唔算太嚴重，初初我都抱住唔開心既心態入去，因為是第三意願 ...

謝謝你的解答。但知唔知是否有言語治療師駐校呢?而家開左學一段時間，你小朋友容易適應嗎?

作者: ida*yu 時間: 12-9-14 20:00 標題: 引用：Quote:原帖由+ida*yu+於+12-09-14+發表我個

原帖由 emma_luk 於 12-09-14 發表
謝謝你的解答。但知唔知是否有言語治療師駐校呢?而家開左學一段時間，你小朋友容易適應嗎?

...

言语治疗師應該冇啦，不过我比左評估學校，已经有通知我敎育處睇佢上堂，我个女都好快適應，仲返得好開心

作者: emma_luk 時間: 12-9-14 20:06 標題: 引用：Quote:原帖由+emma_luk+於+12-09-14+發表謝

原帖由 ida*yu 於 12-09-14 發表
言语治疗師應該冇啦，不过我比左評估學校，已经有通知我敎育處睇佢上堂，我个女都好快適應，仲返得好開心:g ...

唉。。。我仲十五十六
咁你覺得課程吸唔吸引?會否好悶?
同埋默書考試等等。。功課又會否好多好深?我真係唔想揀錯學校比佢呢。。。
黎緊open day我又未必有時間去。。
因為我陀緊第二胎，就黎生得。。好怕會多人。同埋我成日好攰。。所以都唔知帶唔帶小朋友去睇下好

作者: ida*yu 時間: 12-9-14 20:19 標題: 引用：Quote:原帖由+ida*yu+於+12-09-14+發表言语

原帖由 emma_luk 於 12-09-14 發表
唉。。。我仲十五十六
咁你覺得課程吸唔吸引?會否好悶?
同埋默書考試等等。。功課又會否好多好深?我真係唔 ...

我當初好似你咁十五十六讀唔讀好，不过你要知道ADHD係難以專注同周身郁，我只知道个女去到大班同人多既學校一定跟唔上同比人觉得佢係曳果个，所以我会揀老师有愛心同关顧到个小朋友就会好D,其实功课間間都多，默書間間都有，只係佢地会用咩方法敎到佢地明白同上心就ok

作者: emma_luk 時間: 12-9-14 20:38 標題: 引用：Quote:原帖由+emma_luk+於+12-09-14+發表唉

原帖由 ida*yu 於 12-09-14 發表
我當初好似你咁十五十六讀唔讀好，不过你要知道ADHD係難以專注同周身郁，我只知道个女去到大班同人多既學校 ...

我見有d學校一日有7-10樣功課，好恐怖呀

作者: ida*yu 時間: 12-9-14 20:42 標題: 引用：Quote:原帖由+ida*yu+於+12-09-14+發表我當

原帖由 emma_luk 於 12-09-14 發表
我見有d學校一日有7-10樣功課，好恐怖呀

暫時都係2-5樣啫

唔駛咁驚

作者: hangsing 時間: 12-9-14 21:42 標題: 回覆：emma_luk 的帖子

東華三院王余家潔小學有言語治療師，也有政策和老師照顧有學習障礙的學生，咁啱明天9/14下午有開放曰，你不妨去參觀和了解一下！

作者: B媽-Blue 時間: 12-9-14 21:55 標題: 引用：東華三院王余家潔小學有言語治療師，也有政

原帖由 hangsing 於 12-09-14 發表
東華三院王余家潔小學有言語治療師，也有政策和老師照顧有學習障礙的學生，咁啱明天9/14下午有開放曰，你不 ...

今日咪9月14囉

作者: hangsing 時間: 12-9-14 22:05 標題: 回覆：B媽-Blue 的帖子

9/15 (saturday )2至6pm王余家潔開放曰；2:30pm 及4:30pm有小一入学講座。我兒讀了一年，故知老師主任有愛心。

作者: emma_luk 時間: 12-9-14 22:38 標題: 引用：東華三院王余家潔小學有言語治療師，也有政

原帖由 hangsing 於 12-09-14 發表
東華三院王余家潔小學有言語治療師，也有政策和老師照顧有學習障礙的學生，咁啱明天9/14下午有開放曰，你不 ...

我都想去。但可惜咁岩呢2日都有事唔可以出席。。。但余家潔我睇佢簡介好多班喎?我諗我仔會小班適合佢多d。anyway..唔該晒你話我知明天有open day~~

作者: ida*yu 時間: 12-9-14 23:15 標題: 引用：Quote:原帖由+hangsing+於+12-09-14+發表東

原帖由 emma_luk 於 12-09-14 發表
我都想去。但可惜咁岩呢2日都有事唔可以出席。。。但余家潔我睇佢簡介好多班喎?我諗我仔會小班適合佢多d。a ...

你個仔有冇做其他治療呀

如果讀D好谷既學校真係好辛苦架

作者: emma_luk 時間: 12-9-15 08:06 標題: 引用：Quote:原帖由+emma_luk+於+12-09-14+發表我

原帖由 ida*yu 於 12-09-14 發表
你個仔有冇做其他治療呀如果讀D好谷既學校真係好辛苦架

...

冇呀。上年年尾先確診再排早期訓練
但社工話將軍澳區資源較少，所以我排埋觀塘區
不過都要等三年。其實有搵過私人嗰d
諗住比佢上住先，但....好貴

作者: ida*yu 時間: 12-9-15 10:22 標題: 引用：Quote:原帖由+ida*yu+於+12-09-14+發表你個

原帖由 emma_luk 於 12-09-15 發表
冇呀。上年年尾先確診再排早期訓練
但社工話將軍澳區資源較少，所以我排埋觀塘區
不過都要等三年。其實有搵 ...

私人果D真係好貴，咁你觉得佢有咩症状呀

作者: emma_luk 時間: 12-9-15 10:37 標題: 引用：Quote:原帖由+emma_luk+於+12-09-15+發表冇

原帖由 ida*yu 於 12-09-15 發表
私人果D真係好貴，咁你觉得佢有咩症状呀

其實細個已覺得佢特別活躍
但我諗住大大下應該會定好多
最後K1時老師建議我帶佢評估
因為佢專注力太差，就算會坐定定都留意唔到人地同佢講野。always十問九唔應
之後帶佢睇醫生仲發現佢言語發展緩慢
因為佢唔明人講乜，所以好似聽唔到咁
其實佢2歲後先識講野，嗰時返健康院跟進得都幾密

作者: ida*yu 時間: 12-9-15 10:57 標題: 引用：Quote:原帖由+ida*yu+於+12-09-15+發表私人

原帖由 emma_luk 於 12-09-15 發表
其實細個已覺得佢特別活躍
但我諗住大大下應該會定好多
最後K1時老師建議我帶佢評估

咁佢有冇对某种嘢特别叻或者特别强

我个女都係比较活躍，幼稚园時都係唔尃心，要老师專注佢多D就好D,不过上左小学人少D，活动敎學好D,反而專注到小小，不过要時間囉

作者: k_lego 時間: 12-9-15 22:24

又係景天ｐｏｓｔ

作者: ida*yu 時間: 12-9-16 10:38 標題: 引用：又係景天ｐｏｓｔ

原帖由 k_lego 於 12-09-15 發表
又係景天ｐｏｓｔ

奇怪啦，唔可以講既咩

咩叫又係呀，不喜勿插啦

作者: k_lego 時間: 12-9-16 19:54

ida*yu 發表於 12-9-16 10:38
奇怪啦，唔可以講既咩咩叫又係呀，不喜勿插啦

又唔係唔可以,又都唔係黎插..
我唔係住呢區亦都唔清楚呢間學校咩情況..
只係阿女上一年簡小學,成日都睇呢度d post
見到出親此校既post都有一番熱烈既討論咋嘛

作者: ida*yu 時間: 12-9-16 23:02 標題: 引用：Quote:ida*yu+發表於+12-9-16+10:38+奇怪啦

原帖由 k_lego 於 12-09-16 發表
又唔係唔可以,又都唔係黎插..
我唔係住呢區亦都唔清楚呢間學校咩情況..
只係阿女上一年簡小學,成日都睇呢度 ...

所以我都唔明，点击D人見到依間学校咁大反应囉？咁好多名校夠多人講啦，又唔見D人話

作者: k_lego 時間: 12-9-17 00:41

ida*yu 發表於 12-9-16 23:02
所以我都唔明，点击D人見到依間学校咁大反应囉？咁好多名校夠多人講啦，又唔見D人話

...

我上年都係簡冷門學校..d人回應又係咁極端嫁..

作者: ida*yu 時間: 12-9-17 01:25 標題: 引用：Quote:ida*yu+發表於+12-9-16+23:02+所以我

原帖由 k_lego 於 12-09-17 發表
我上年都係簡冷門學校..d人回應又係咁極端嫁..

唔通冷门學校就唔好

我又唔觉喎

作者: 柚子 時間: 12-9-17 17:50

現在景天好不好我就不知道，我想講的是約干年前的事，大概八、九年前我朋友非常希望個仔入讀景天，結果派到景天，他們十分之開心，個仔係景天讀得非常之好，之後仲入左一間幾好的男校讀中學，到現在依然對景天讚口不絕，說老師有愛心和耐性。
利益申報：我和這間學校沒有任何關係。

作者: funnysiu 時間: 12-9-19 18:18

我個小朋友讀緊小二, 雖然我唔知什麼是ADHD, 但係我記得我聽講座既時候及小女在一年級的時候, 上完半個學期, 學校會每位學生都會檢視同評估他們有何學習需要, 跟著會有相關的協助架. 而比較叻既小朋友又會有老師拔尖同推薦參加不同的課外活動. 每位小朋友景天的老師都會重視的. 如果你想知更多的資料, 你可以打去問下老師, 佢地可能會俾到更多既資訊給你.
另外, 今個暑假, 我有位朋友既外甥從國內黎到香港, 我也介紹他入了景天, 他剛到英文完全跟不上程度, 讀得有D吃力, 但是他和他的媽媽都覺得景天是好學校, 老師們都很有愛心同埋責任感. 我也慶幸沒有介紹錯給他們. 當然我是覺得值得推介才介紹給我的朋友啦. 距離交表還有少少時間, 你可以打去問下詳細情形才決定選什麼學校給你小朋友. 我也希望你可以選到一間合你小朋友既學校, 因為小學階段真的很重要.

作者: funnysiu 時間: 12-9-19 18:22

回復 ida*yu 的帖子

其實好多人都對景天有好大反應架. 佢地對學校唔熟識有D亂作評論. 我們只是實事求事, 也不怕被人追擊的. 係呀, 家教會10/6 搞賣旗日, 你有冇參加呀?我會同我小朋友參加呀. 睇下到時見唔見到面一齊傾下湊女心得啦.

作者: ida*yu 時間: 12-9-19 23:02 標題: 引用：回復+ida*yu+的帖子其實好多人都對景天有

原帖由 funnysiu 於 12-09-19 發表
回復 ida*yu 的帖子

其實好多人都對景天有好大反應架. 佢地對學校唔熟識有D亂作評論. 我們只是實事求事, ...

Oh,賣祺日我不在香港，20/10我就会到学校

作者: CKHUNG 時間: 12-9-20 19:19

我都參加咗賣旗哦！亞仔亞女好開心！都係一個親子嘅好機會^^仲可以練下佢地面對陌生人時的膽量！

作者: CKHUNG 時間: 12-9-20 19:44

15/9 去咗小一簡介會，見到班剛升去不同中學嘅中一畢業生回校講畢業心聲，外籍英語老師比到佢地好多幫助，打好咗基底！普通話教中文

參觀課室仲見到猜燈謎花燈，亞女估中咗兩個好開心！就來中秋,好應節啊:D

作者: ida*yu 時間: 12-10-2 02:43 標題: 引用：15/9+去咗小一簡介會，見到班剛升去不同中

原帖由 CKHUNG 於 12-09-20 發表
15/9 去咗小一簡介會，見到班剛升去不同中學嘅中一畢業生回校講畢業心聲，外籍英語老師比到佢地好多幫助， ...

你小朋友係p1?

作者: CKHUNG 時間: 12-10-13 17:44

係呀！外籍英語的確令佢地對英語少咗抗拒！透過英語戲劇表演仲增加咗佢地對英語既興趣！

我的小朋友正在讀二年級呀！佢好鍾意呢間學校！今年早上有~15分鐘故事班，佢超鍾意，仲主動借書返來睇添！

作者: ida*yu 時間: 12-10-21 02:54 標題: 引用：係呀！外籍英語的確令佢地對英語少咗抗拒！

原帖由 CKHUNG 於 12-10-13 發表
係呀！外籍英語的確令佢地對英語少咗抗拒！透過英語戲劇表演仲增加咗佢地對英語既興趣！
我的小朋友 ...

哦，原來你小朋友係p2,係呀！我見我个女都肯同外藉老师倾計，周不時睇图書，今日返左个景天学堂，敎我地点样幫助佢温書、默書都有好大幫助

作者: ida*yu 時間: 12-10-21 12:16 標題: 引用：Quote:原帖由+ida*yu+於+12-09-14+發表我個

原帖由 emma_luk 於 12-09-14 發表
謝謝你的解答。但知唔知是否有言語治療師駐校呢?而家開左學一段時間，你小朋友容易適應嗎?

...

琴日我係学校聽个講座，原本景天有言语治疗師架

歡迎光臨教育王國 (/)