教育王國
標題: 請大家分享或訴說一些旁人地眼光及言語的傷害經歷 [打印本頁]
作者: xixi1218 時間: 12-9-13 22:33 標題: 請大家分享或訴說一些旁人地眼光及言語的傷害經歷
開這個話題，主要是經歷過不少，最近一次是家中嫲嫲帶孩子出去時遇到的，讓我非常憤慨。由於孩子要買麵包，但是條隊很長，嫲嫲就叫孩子去另一家買，因為孩子喜歡那一家並且當時他很想吃那個麵包，於是孩子就接受不了，大哭，并睡地下大叫。由於嫲嫲雖然到香港幾十年，但普通話口語還很重，當時有一位阿伯，就諷刺地對大家說：“國民教育，這些就是國民教育出來的。”嫲嫲當時已被孩子弄到不知所措，也沒有心力去應付這位阿伯，但是她說她當時真是很難受，回家后她講述給我聽，我亦很惱很無奈。
其實，真的希望有些人不要出聲，不瞭解情況就去大發言論，以為自己很在理，誰不知深深地中傷了別人。我們不可能幫孩子掛個牌子說他是特殊的，但是，當孩子出現一些不尋常的行為，其實，旁人只需要不去講不去用厭惡地眼色，對我們來說已是極大的安慰了。
每次出街都是一個心理壓力很大的活動，心中一條弦緊緊繃住，就擔心孩子突然的問題行為出現。哎，有時真想把他放在家中，不去見人。但是理智告訴我，我不可以那樣做，出街也是我孩子的權力，那些低素質的人也是可悲的。
作者: wan_sosin 時間: 12-9-13 23:55
路過這裡,看到你的遭遇感到很難過!
我相信我細個時是有輕微自閉的,到現在仍不易辨識別人的面孔,在街上也常看不見我認識的人,總是別人叫我.我細個都有很多古怪行為,當年也沒有什麼特殊教育,也沒有什麼叫自閉症的,所以我常給同學取笑,功課完全跟不上,老師就駡我懶惰!自信心極低!
現在我兒子是懷疑ADHD,未確診,但走在街上,他的行為都帶來很多人側目,當然說話也聽了不少,有時連朋友也會說些不諒解的說話,我也不太能向他們解釋,因為未確診,我沒有東西能証明小朋友有些特別!
所以我也受慣了別人眼光!
但沒經歷過的,不論素質如何,總是很難明白的,有時連老師都不免會有些偏見,最初我仔的班主任也認為我是管教不力!
遇到這樣的事情,總會不快,但盡量叫自己放低.生活已不易過!唔好自己唔放過自己!
作者: autunmbb 時間: 12-9-14 01:03
說真的，要傷心的情境每天都會有發生，行為問題日日新鮮，大叫瞓地發脾4周圍走樣樣齊～～～ 別人總有不同的眼光，我叫我自己就不要太在意，就管好孩子的行為就好了，經過一年多的爭鬥，已經有點改善，但..... 別人看來都是不聽話的孩子吧！
自己的孩子最緊要，別人點諗就由得佢啦。未有這個孩子以前，我自己也試過對其他人的怪異行為側目，都只係一刻間的事，轉眼又忘記了。所以啦，現在變成了當事人，別人看不過眼都係一刻間的事，都是我的人生旅途的過客，唔好將呢d事放得咁重。
好多時難受的以為只有自己？！不要忘了你身邊的孩子，雖然他們不懂表達，但心靈也很敏感的。為了孩子，都放下這些繃繃緊吧，要教孩子放下些不開心的事，還是要先教會自己，我也不想我的孩子一生就活在別人的眼光中，我希望他不要被困難繞著，希望他能在他有限的能力，活得開心自在。
媽媽，我們自己心要寬一點，還回基本步，為小小事而開心，不要被小小事小小的眼光壓倒！
努力！加油！
作者: mckm2007 時間: 12-9-14 01:38 標題: 回覆：xixi1218 的帖子
Hi xixi1218,
我小朋友以前都有似你小朋友嘅行為，可能比你的更激，不過，我好少理會別人的批評或眼光，因為響當時的環境下，根本冇時間去在意其他人.有時我都會同其他人解釋，佢地聽得明慨就當我教識佢地一樣，唔明我就當佢地都有問題。好彩嘅係我好小遇到街上比人話/串，其中有一次係響評估中心比人話我小朋友。事原我地去評估中心見doctor, 等待中，我小朋友走入一個玩具屋入面玩而地上又鋪了膠地墊，所以一定要除鞋，我小朋友除左鞋向墊上面玩，玩到走來走去，跟著評估中心個嬸嬸叫佢唔好走來走去，要響墊上面玩，嬸嬸叫了好幾次都唔聽，跟住佢講左句：睇你(我小朋友)個樣斯斯文文，點解噤樣？唔聽人講。我99聽到好嬲，話佢講左幾次，99話佢冇啲愛心，再講就鬧返佢。我叫99唔洗閙，只係同佢講，小朋友有問題先會來評估中心，你知唔知評估中心做乜㗎！
作者: 金瑪姬 時間: 12-9-14 08:10 標題: 回覆：請大家分享或訴說一些旁人地眼光及言語的傷害經歷
成曰比人Jeep架啦！
我會向d人講，你5洗Jeep佢，佢有病架！！！
作者: 金瑪姬 時間: 12-9-14 08:13 標題: 回覆：請大家分享或訴說一些旁人地眼光及言語的傷害經歷
比人話~種壞晒！
作者: misshk12 時間: 12-9-14 08:21
不要面子，只要孩子。大家努打啊!
作者: kc61282 時間: 12-9-14 09:25
最唔開心係親戚唔體諒, 街外人我唔會理佢講乜, 把口生係人地度你鍾意點就點, 不過唔好郁手攪我個仔
作者: owl_2046 時間: 12-9-14 12:44
保護個仔係我地責任.
星期日去永安, 有個客係收銀處檢查個佢想買既杯, 我比緊錢, 亞仔隻手係枱面掃來掃去, 個收銀好有禮貌咁講:小朋友, 小心D, 個杯成$2xx蚊, 陣間比你打爛都唔知叫唔叫你賠好. 我: 啊!唔好意思, $2XX蚊咋, 只要係我個仔打爛, 幾多錢我都會賠, $2XX濕濕碎啦. 我知我好寸, 但果一刻唔LIKE佢話我個仔
作者: chowqv 時間: 12-9-14 13:34
我唸大家要搵個平衡，我自己盡量做到不卑不亢。
個仔有病係事實，旁人唔知都係事實；唔需要人地講幾句就勞氣，因為我已經教仔教到無氣。
會體諒我既自然體諒，唔體諒既，就算至親，都會俾說話你聽。佢地講既內容已經唔再重要。
作者: Mao 時間: 12-9-14 14:12
本帖最後由 Mao 於 12-9-14 14:12 編輯
重要的人不介意
介意的人不重要
共勉之
作者: ka-sandra 時間: 12-9-14 14:19
我今早見到情況都差不多. 有個a仔伸個頭要去看一個女人的袋, 那個人立即蓋袋,動作好快. 另一個情形, 一個女人在看報紙,小朋友又想伸個頭去看.那個女人唔like. 做人唔洗咁,擺明係歧視. 小朋友而已. 如果他們不是a仔, 我們都不用那麼辛苦,天天去逼搭mtr. 那2個女人那麼怕小朋友,就不要坐,應該企係度,鬼去睇你地做咩. 只可以講,我們的小朋友不幸運有這個症,不是他們自己選. 外人為何不去體諒他們呢? 根本不關我們識唔識教仔,而是他們是a仔,我們還沒打開他們的鎖匙. 如果打開了鎖,我們還會那麼辛苦嗎? 我現在都不理別人的眼光, 他們喜歡用什麼眼光就用什麼眼光,用冷言冷語給我們就給吧. 干什麼要怕他們? 又不是為他們而活. 我只可以說:祝他們好運. 所以不用理他們的眼光,關他們什麼事. 評估出來的結果,根本不需要向別人解釋. 醫生說只是對座入號. 這條漫長的路對於我來說才剛開始,大家加油. 把氣力留下來教我們的小朋友. 他們會成長.
作者: xixi1218 時間: 12-9-14 22:47
多謝各位的回覆。我相信有一日，我會不再在乎別人的眼光。其實我已比以前好一些了，相信以後亦會更加坦然。加油！
作者: jjcow 時間: 12-9-15 00:26
xixi1218 發表於 12-9-14 22:47 
多謝各位的回覆。我相信有一日，我會不再在乎別人的眼光。其實我已比以前好一些了，相信以後亦會更加坦然。 ...
先講老爺，阿仔一有事我地已經同佢地講得好清楚佢咩病，會點樣。但我老爺總係時時批評阿仔脾氣大，去佢地到，有時阿仔因為固執發脾氣，我唔想再刺激佢，我亦唔鍾意係出面教仔。我會採取較溫和嘅做法，包括不予理會或暫時滿足佢部分需要。結果換來嘅係：點解佢脾氣咁臭，梗係你種慣佢啦！
呢句真係腰心腰肺... 我都好想種佢呀，但我地 A 仔家長從來都係無本錢種啲仔嘅 
再講某會的家長資源中心。兩次都係為咗架有路軌嘅火車玩具，唔好講話我地啲係 A 仔，普通細路仔玩，玩玩下都會散啦。中心個阿嬸兩次都係，一出嚟見到散咗，一手撥開我仔，以責備嘅口脗怪我仔整散佢，話佢砌得好辛苦，仲特登搵膠紙黐實。最無辜係其中一次，我仔係啱啱坐埋去。當時我仔得兩歲半咋！
之後我都無再去參加個度嘅活動，仲對該會有咗戒心。後尾派咗位去該會另一中心，好在個度啲職員個個都好友善。我先洗去陰影咋。
作者: alicekg 時間: 12-9-15 00:32
大家要繼續努力 !
作者: Qlau 時間: 12-9-15 01:01
臉皮已有一尺厚, 訓練成一副金剛不敗真身...
作者: autunmbb 時間: 12-9-15 12:40
回復 owl_2046 的帖子
咁都唔係好寸姐，我諗如果有一日我心情勁差，我會投訴佢。
作者: idak 時間: 12-9-15 13:46
班朋友其中一個生日約出街食飯, 無邀請我哋,係fb睇到佢地食飯d相, 我老公話有無搞錯﹗果時個心好唔舒服,(因為老公之前成日話因為個女無晒朋友) 其實人哋唔叫都知乜事, 囡囡坐得難會發皮四, 吓吓要早走, 人哋又唔好理意收錢, 佢地次次食飯都食四五個鐘, 囡囡最多坐定定兩個鐘都好叻啦﹗最後我咪話有小朋友都好難坐咁耐啦﹗
作者: pinkdoll 時間: 12-9-16 22:13
本帖最後由 pinkdoll 於 12-9-16 22:13 編輯
其實 家陣啲人好鐘意批評人 就算係正正常常既仔 啲人都好多負面嘢講 所以對於我哋啲a仔 更加多位比人講 真係唔介意得咁多 留番啖氣訓練個仔好過
作者: pinkdoll 時間: 12-9-16 23:32
本帖最後由 pinkdoll 於 12-9-16 23:36 編輯
有次去澳門 因為過澳門海關好多人 咁我個仔情緒唔係咁好 咁啱有個STAFF係度 咪多口問下佢 係咪殘疾人士另外有條通道? 我老公問個陣 我找到個傷殘症
咁職員見到我個仔咁樣 就話係呀 重指咗我哋去個度
咁好少人排因為係65以上及殘疾人士先可以排 排咗一陣 有個阿伯行個嚟排隊 唔夠二秒就好大聲問我哋 乜你哋係65歲咩? 我老公望下佢 佢又好大聲問乜你哋係65歲咩? 我老公答佢: 我小朋友係有殘疾 ... 佢聽到之後 條氣都好唔順咁 不停話做父母要教好自己小朋友....要佢哋讀書...要乜要乜 ...EE哦哦咗一陣....(我冇理佢)....輪到我哋啦....我哋已經好煩又忙住俾症同夾住個仔...佢又大大聲問我哋: 咁佢边方面殘疾呀?...(其實已經有好多人望住我哋)
我回頭望一望佢....就係這時.....個A伯伯後面排個另一個B伯伯...B伯伯頂佢唔住 好大聲同A伯伯講..關你乜嘢事呀? 係咁問人 你想點呀? 咁個麻煩A伯伯就同佢鬧交 你一句我一句
咁個麻煩A伯伯重不停話 同我哋傾下計之嘛 關你(B伯伯)乜嘢事? 又伸個頭個嚟同我講: 我哋傾下計之嘛? 同我哋傾下計之嘛?
我頂佢唔順 我好平靜咁答佢: 我冇興趣同你傾計 同埋你有懷疑的話 你去問海關啲STAFF 人哋唔會無啦啦俾我排呢條隊
之後, 搞掂晒, 我哋一家人走, 佢哋重鬧緊交,
最後我聽到麻煩A伯伯話B伯伯係度撩是鬥非, B伯伯就話:家陣係你撩是鬥非先至真!! 不停係到問問問 人哋都已經咁慘 你重要係到搞搞震
作者: anan3388 時間: 12-9-18 12:59
仔坐巴士踢到阿叔，阿叔怪我唔教佢，我話，佢係自閉既，跟住佢話: 自閉都要教! 我話，我都幫佢脫左對鞋，咁你仲想點呢? 佢收聲但個樣衰衰咁，當時我講緊電話，朋友都明白我委屈，我咪話: 算啦，個世界咩人都有，總有人明，有人唔明。
人地總覺得父母要負責孩子一切行為，孩子有行為必是管教不善。其實背後付出幾多，外人係唔明既，所以，唔期望人明，自己問心無愧，當佢地只係唔理解，一般都係d人自己煩躁理解唔到別人，無謂為佢地影響自己心情。自己明自己最緊要!
作者: ming3 時間: 12-9-18 14:30
我剛剛星期六去順利協康會報課程, 因沒有堂要上, 而且亦有時間, 個女想係度玩下咁玩一陣, 咁我就同姑娘係隔離傾計, 點知有家人係房到出黎, 應該係見完中心姑娘, 點知個小朋友(約歲幾)突然走過黎攞我個女玩梗既玩具, 咁我個女唔鍾意, 用手擋住係隻手, 點知佢阿婆究竟話: "你咁野蠻架, 你都有3歲啦, 你真係野蠻." , 係咁用手指住我個女話, 個時因為掛住安撫我個女, 無同佢嘈.
其實你都黎得協康就知d小朋友比較固執, 有時唔鍾意同人分享, 而且你個孫突然走埋黎攞人d玩具, 佢都有唔對, 點解你只係講我個女
作者: annaanna 時間: 12-9-18 15:24
我都試過，同阿仔經過D賣米、賣豆O既雜貨舖，我仔多手，攪到人地D 米掉左，我估半碗左右啦.... 我已經即刻講對唔住，個老闆見到，就話佢咁大個仔都咁(我仔高度十歲，但當年係6歲)，之後個老闆轉身拎掃帚掃番個地，就話個仔咁大都唔教，整到佢D 野掉晒落地，咩都唔做當冇事﹗
個伙記見到，我話我有道歉呀，不如計番幾多錢，我賠錢﹗之後個伙記話算啦，老闆係咁喇，你地走啦﹗
我再講唔好意思，話比錢，但佢冇收就叫我地走﹗
之後我一路行一路喊，你估我唔想教到個乖仔出黎咩？佢係多手，係唔O岩，但唔代表我冇教喎~ 果次真係好HURT呀....
作者: chlohong 時間: 12-9-18 21:22
好明白大家的感受, 其他人唔會明我地的辛酸 
我會叫自己睇開D, 把口生係人地到, 佢地要講乜隋便佢地.
雖然我仍未完全做到, 但我盡力叫自己睇開D, 加油 
作者: kaka1128 時間: 12-9-18 22:20
我囝好唔好彩跌斷左手骨, 要開刀+加網線+打石膏, 佢自己一個人入手術室, 出返黎又插左喉, 又打晒石膏咁, 我地大人見到佢都覺得辛苦啦, 可況係一個小朋友....佢超驚, 好痛,佢以為D醫生姑娘經過係要掂佢, 一有姑娘行過就大叫, 當然醫生姑娘真係要幫佢果陣, 就無合作啦. 有一晚, 有個姑娘經過, 我囝好驚又大叫, 個姑娘竟然話: "我都未見過D小朋友咁無禮貌咁大脾氣架.." 之後又話:"你一定係好種佢啦, 有D小朋友跌得再傷過佢都唔會係咁..." 下刪幾百字.... 我心諗, 宜家斷手骨喎, 斷骨叫下都好正常啫, 真係好痛架.
作者: xixi1218 時間: 12-9-22 23:00
其實有些人想幫人教仔，語氣好點，我是不介意的。有次，阿仔問了我好多次同一個問題，去到搭電梯，他又問，我就叫他不要吵到人，出了電梯再講。旁邊的婆婆就很認真回答他的問題，教他。其實我又不介意，我知道那個婆婆是不瞭解他的情況，亦不知道爲什麽我不回答孩子的問題。可能她覺得孩子問問題很正常，要回答，所以她幫我回答了。其實，旁人是一個態度和語氣的問題，如果處理得好，大家都開心，如果態度和語氣傷了人，就如刀槍一樣。有時我想，這也是做人的一些素質，就算一個真的是沒有家教的孩子，那作為旁人也不能說話太難聽，也可以婉轉些。
作者: HopeLJ 時間: 12-9-23 16:58 標題: 引用：+本帖最後由+pinkdoll+於+12-9-16+23:36+編
原帖由 pinkdoll 於 12-09-16 發表
本帖最後由 pinkdoll 於 12-9-16 23:36 編輯
有次去澳門 因為過澳門海關好多人 咁我個仔情緒唔係咁好 咁 ...
作者: chowqv 時間: 12-9-26 03:43 標題: 回覆：請大家分享或訴說一些旁人地眼光及言語的傷害經歷
我唔會怕醜，對於相熟既人，我一早通知佢地阿仔有咁既事，信與不信，體諒與否，我控制唔黎。
但我做左自己可以做既野先。
| 歡迎光臨 教育王國 (/) |
Powered by Discuz! X1.5 |