教育王國

標題: 幼稚園班級問題，龍b剛出世唔係要而家報名呀嘛？ [打印本頁]

作者: CoeyBB 時間: 12-9-13 16:52 標題: 幼稚園班級問題，龍b剛出世唔係要而家報名呀嘛？

今日飲下午茶見到一個兩個月大既龍B、佢媽咪話已經幫仔仔報左名讀幼稚園…仲話已經收左，都叫我快d去報名！我囡囡就黎四個月大！唔會真係要而家報名丫嘛？

另外仲有d問題、我身邊冇乜小朋友，唔係好了解幼稚園班級問題…

playgroup 係幾歲開始？係咪唔一定要讀架？

pn 班又係咩呢？幾歲開始讀？

幼稚園係由k1 - k3？咁計嗎？

thanks

作者: teresa_timothy 時間: 12-9-13 20:44 標題: 回覆：幼稚園班級問題，龍b剛出世唔係要而家報名呀嘛？

龍年雖然多Bb, 但都唔需要太緊張，因為大部份幼稚園係睇表現，而唔係鬥快申請。你個朋友報左名，可能係救世軍既幼稚園，嗰啲要一出世就排，如果話已經收左，應該冇咁快知卦！一般幼稚園，特別係名幼，基本上都係小朋友入讀兩歲班，即PN前一年的大約九至十二月份報名，如果係龍Bb, 2014年九月入學，即2013年年中後開始申請。龍b係多，不過起碼小朋友要大少少識多啲野先可以去面試，所以急唔黎。我都有個七個月大既龍Bb, 宜家同佢玩多啲先啦！至於play group, 係唔一定一要上。我有個大女，我都係一歲後先俾佢上play group. 個人認為play group俾佢學下社交，同其他小朋友玩，聽老師指示，坐定定聽故事，對考幼稚園同番幼稚園都有幫助，不過當然有啲媽媽教得好都可以唔駛上play group!

幼稚園先由PN開始，跟住K1, K2, K3. 不過有個別學校唔係咁叫，好似聖保祿。我唔太清楚。

希望以上可以解答到你既疑難！

作者: CoeyBB 時間: 12-9-13 22:02

回復 teresa_timothy 的帖子

我唔擔心冇學校，只係身邊人不停煩住我，要我報定呢樣報定果樣，搞到我都亂晒，而家明白晒，唔該你呀！

歡迎光臨教育王國 (/)