教育王國

標題: 阿囡成曰話“冇人同我玩“ [打印本頁]

作者: cpcsw 時間: 12-9-13 00:00 標題: 阿囡成曰話“冇人同我玩“

阿囡今年升P.2，有發展遲緩，特別是言語表達方面，有ST跟進，在學校沒有甚麼朋友，已叫她主動的同講‘可不可以一齊玩‘之類，總是常常比同學拒絕,有時聽見她這樣說，心裡很難過，但又幫不到她，不知應該甚樣做才幫到她？真苦惱！

作者: MS.wong 時間: 12-9-13 09:39 標題: 回覆：cpcsw 的帖子

提示: 作者被禁止或刪除內容自動屏蔽

作者: citadel 時間: 12-9-13 12:35

方法很簡單，只要多帶點零食或飲品與同學一起分享...很快就會有很多朋友和她一起玩！孩子都是貪吃的！不要站在道德高地說這樣是「用錢買」，試回想一下日常生活中那個不想「被收買」（不只是老人家喜歡蛇齋餅粽，打工仔都想被老闆"收買"，國民都想被執政者"收買"...！）

作者: cpcsw 時間: 12-9-13 14:08

回復 MS.wong 的帖子

的確阿囡自信心真是越來越低，可能常常被人拒絕，有時見佢同阿妹(5歲半)玩，阿妹都會恰佢，現在男女校讀，有時都有些男同學肯同佢玩，但女同學就很少，如果再上高年班而情況又冇變，恐怕她也會成為排斥對象.

作者: cpcsw 時間: 12-9-13 14:20

回復 citadel 的帖子

我也試過叫她带些零食回校請人食，但阿囡話因衛生問題，老師吾比大家將D食物share,或者我會試下叫她带貼紙，擦膠之類，希望work.

作者: flhw03 時間: 12-9-14 09:01

其實可以引導下她如何問別人，再看下有無一些小朋友住係屋企附近，試下安排一齊玩啦，一來可以識下她的同學仔，二來可以聽下是否她在學校有一些問題而同學怕左她呢??搵到問題會容易些處理，而女女的信心係可以慢慢建立架....

作者: faye525 時間: 12-9-14 23:47

我小朋友係小一至小二時都有樓主小朋友既問題架~~

佢今年小三了~

送貼紙, 送信紙, 送書簽, 呢度方法我有叫佢用過, 但係D同學好現實, 收到講句多謝係咁簡單, 唔會特別同佢玩多D

我唯有同佢講, 人夾人緣, 冇辨法, 朋友冇得迫. 真係悶果時, 做下功課/圖書館睇書啦...佢係好唔開心, 但係佢都知冇辨法, 放學返黎唯有喊下..

今年小三分左第二班, 冇同之前D同學一班, 新呢一班同學好快就有人同佢玩, 變左開左學呢兩個星期佢日日都好開心~

我都終於放下心頭大石~~~~~

作者: LONG1109 時間: 12-9-15 14:55

恭喜恭喜 faye525

大家我信雨後必定有陽光

大家都要加油

作者: bbforever 時間: 12-9-15 15:53

如果學校搵唔到朋友，或試下去公園到識吓啲小朋友

吖，順便睇下佢的社交能力，從而訓練吓佢吖！

作者: lillymarie 時間: 12-9-17 06:36

我囝都成日講呢句，最近我反問佢有無做人地的朋友？

作者: max00mini 時間: 12-9-17 09:23 標題: 回覆：阿囡成曰話“冇人同我玩“

去社區中心，參加活動，例如學整月餅，唱遊ABc之纇，通常好平！跟住比學長期作戰的活動，芭蕾舞，柔道，要小組群體，同佢喜歡！有社交，有學習才有有自信！學習過程會有好失敗，要告訴小朋友失敗係正常，人人如是，最重要是努力+堅持，一定成功！當然要不停講，有機會就講，我會用佢喜歡的卡通人物做例子，通常都buy!
切記勿與別的小朋友比較，認真便輸了，要愉快的學習！
我唔贊成收買，收買得來，是短暫及假！
相反，我小朋友，就好喜歡送野比人！(我冇教佢)我會叫佢適可而止，有來有往！
送得太多，我驚佢以為送唒D野比人係天經地義！

作者: JenniferC 時間: 12-9-17 15:44

可唔可以上吓社交班呢？可能對佢有幫助。

作者: scholar 時間: 12-10-5 16:07

真係人夾人緣, 你可以做的, 就係幫佢課餘時安排多d社交活動, 多d出去見人.
學校成日掉位, 又會升班, 又有興趣班, 佢一定會識到d朋友仔的, 你也不用太擔心.

作者: Mandy625 時間: 12-10-8 08:45 標題: 回覆：阿囡成曰話“冇人同我玩“

提示: 作者被禁止或刪除內容自動屏蔽

作者: sillydad 時間: 12-10-18 08:56

本帖最後由 sillydad 於 12-10-18 08:57 編輯

我個仔都有沒有人同佢玩的問題,但他又不太在乎.我就日日放學問老師佢有無同同學玩呀.每日提佢要同同學玩.因為上小同可能要同同學合作做功課呀.

歡迎光臨教育王國 (/)