教育王國
標題: 細仔變大仔後，有冇後悔？ [打印本頁]
作者: tszyaumama 時間: 12-9-12 09:53 標題: 細仔變大仔後，有冇後悔？
心大心細，好驚行錯呢一步！有冇jm比意見。
作者: myfamily1807 時間: 12-9-12 09:58
我都好想知呀~
作者: dora88 時間: 12-9-12 10:08
讀緊K1, 若有好的幼稚園, 會repeat K1。
作者: 彈弓狗 時間: 12-9-12 10:37 標題: 回覆：細仔變大仔後，有冇後悔？
Good topic, what to know too
作者: giyim 時間: 12-9-12 10:47
雖然我個仔唔係細仔, 但係如果佢係細仔我一定會俾佢REPEAT一年轉大仔LOR~ 因為好少少既幼稚園而家都擺到明淨係收大仔, 如果唔轉大仔真係冇咩選擇~ 同埋而家好多人都係咁, 加上變大仔後識野多D, 細仔驚跟唔上對佢心理唔知有冇影響~~
作者: AdrianChowB 時間: 12-9-12 11:00 標題: 回覆：細仔變大仔後，有冇後悔？
我兩個小朋友都吾係細仔，但如果係我，而又有學校收做細仔，我吾會repeat !
我地細個讀書，同班都有十一、十二月出世的同學！點解有書讀又repeat 呢？
如果小朋友將來讀吾上，真的要repeat,咁咪前後大人兩年？
作者: cycream 時間: 12-9-12 11:23
我識3個小朋友都係repeat, 不過而加仲係k1. 其中2個女仔, 1個我諗佢係ok叻, 不過n1考唔到心儀kg, 於是再考一年n1, 入到心儀, repeat n1呢一年超叻, 成績表係full excellent,老師校長超鍾意佢, 而加k1, 佢媽一心target佢考dgjs. 另一個女仔,係本身好叻,無讀n1, k1考唔到心儀, k1再考, interview時, 表現好到老師問佢阿媽你個女考k1定k2? 佢媽話想佢repeat k1輕鬆d. 而加k1剛上學, 老師都讚佢好叻. 最後係一個男仔, n1一開學時老師已同佢媽講佢個仔有d跟唔上, 咁佢媽都覺, 就俾佢repeat n1, so far而加好好多.
我3個friends小朋友, 三個都係唔同能力, 都係repeat. 我覺得如果明知小朋友跟唔到就repeat會好好多. 又或者考唔到心儀, 又好想入, repeat都唔係一件壞事. 我仔都係細b, 佢好彩入到心儀又跟到, 我就無俾佢repeat. 阿仔同班都有細b, 佢媽都怕佢跟唔到, 問老師可唔可以repeat, 老師話佢阿仔跟到唔駛repeat. 每個人case都唔同, 真係唔可以一概而論. 其實樓主你係咩case呢?
作者: giyim 時間: 12-9-12 11:34
AdrianChowB 發表於 12-9-12 11:00 
我兩個小朋友都吾係細仔，但如果係我，而又有學校收做細仔，我吾會repeat !
我地細個讀書，同班都有十一、 ...
但係而家又唔可以同我地以前比較~ 以前我地教育制度同而家好唔同~ 有時我地都要因應情況而作出轉變.......
作者: tszyaumama 時間: 12-9-12 11:46 標題: 回覆：細仔變大仔後，有冇後悔？
如果第時小一想入津校，搏大抽奬，有冇需要repeat?
作者: hobby 時間: 12-9-12 12:17 標題: 回覆：tszyaumama 的帖子
如果搏大抽獎，唔會repeat，除非跟唔上
作者: happy.rita 時間: 12-9-12 12:18 標題: 引用：我兩個小朋友都吾係細仔，但如果係我，而又
原帖由 AdrianChowB 於 12-09-12 發表
我兩個小朋友都吾係細仔，但如果係我，而又有學校收做細仔，我吾會repeat !
我地細個讀書，同班都有十一、 ...
作者: babyaabb 時間: 12-9-12 12:51
唔係細 B 的 MUMMY 係唔會明白.
Of course it also depends on the kid himself and what type of school parents are looking for.
In my personal opinion, if parents are not looking for 1st tier KG / Primary sch, defer one year be BIG B.
If parents go for lucky draw or have already got a secured primary allocation, then be Small B la
作者: oscar1101 時間: 12-9-12 13:12
hobby 發表於 12-9-12 12:17
如果搏大抽獎，唔會repeat，除非跟唔上
請問點解搏大抽獎，就唔會repeat呢??? 唔太明白, 請指教~
作者: klm402 時間: 12-9-12 13:24
我女係細B, 老師話女女好MAture, 強烈強議唔洗repeat, 不過礙於有另一個較出名同較受小學歡迎既kindi收左我女, 所以好爭扎既情況下比佢做大b.
作者: cmycat 時間: 12-9-12 13:31 標題: 回覆：AdrianChowB 的帖子
我咪係一個例子，我11月出世，以前媽咪比我揀，讀K3定P1，我咁細個實擇K3啦，到左F5都諗左好耐再唔再repeat，係果時媽咪真係好後悔呀!
作者: Ackl1002 時間: 12-9-12 13:32
本帖最後由 Ackl1002 於 12-9-12 13:34 編輯
oscar1101 發表於 12-9-12 13:12
請問點解搏大抽獎，就唔會repeat呢??? 唔太明白, 請指教~
Because you don't care which kinder your kid will study in. Big lucky draw only takes into account the residential area, but not where nor which kinder your kid graduated from.
Those who wish to repeat, are targetting at entering famous kinders, which may help them in securing a good P1 place at private or DSS schools.
作者: hobby 時間: 12-9-12 13:34
回復 oscar1101 的帖子
其實抽獎, 跟大細b冇關, 不過如果跟得到, 咁早一年會好少少 ... 因為出年率年年高 ... 而龍b應該係高峰, 咁要中第一志願, 會越來越難
作者: hobby 時間: 12-9-12 13:40
我嗰囡都係11月細b, 之前都問過pn老師, 老師答佢樣樣都跟到, 不用repeat, 依家升k1, 佢樣樣表現都好好, 講嘢表達能力, 自理能力都得到老師認同, 仲讚佢乖添; 不過, 佢大小肌肉就仲未追到班大仔, 所以 ... 除非之後老師叫repeat, 否則都唔會, 因為囡囡一定會唔開心
作者: siutinging 時間: 12-9-12 13:46
回復 hobby 的帖子
Agreed.
作者: feiji 時間: 12-9-12 14:01 標題: 回覆：hobby 的帖子
My kid repeats K2 now. He is a small boy, but his communication skill is good. That's why I also hesitated letting him be a big boy. However, i can see that his finer motor skill is weak, which means his writing is quite ugly. Also, he is weak at sports (maybe because he is very small in size). Now he is repeating K2. I am so happy that he finds all those writing easy to handle. His writing is much tidier and he can write much faster. He is also happy that he is not one of the youngest kids in the class. I can feel that he is gaining confidence, which is the most important thing in my heart. Also, I myself feels less stressful and I don't need to give him so much pressure like last year. I don't regret at all and I am so happy that I have made such decision.
作者: evacalbee 時間: 12-9-12 14:01
其實小朋友會突然大得好快。今年你覺得佢唔得，出年你又發現佢醒咗咁多。
當年諗過比十月仔repeat k2，因為覺得佢唔醒目，又唔講野。Repeat K2頭幾個月進步好多，測到係資優，拿拿臨又轉返上K3。所以小朋友，都係唔好咁早下判斷佢醒唔醒好。
其實越遲一年競爭又越大，未必化算。
作者: oscar1101 時間: 12-9-12 14:04
Ackl1002 發表於 12-9-12 13:32
Because you don't care which kinder your kid will study in. Big lucky draw only takes into account ...
Thanks!! 完全明晒~
作者: feiji 時間: 12-9-12 14:06 標題: 回覆：feiji 的帖子
One more point. A primary teacher told me that after teaching for some more years, she thinks that it is definitely better for boys to be 'big boys'. She and her teacher friends often find that most of the poor performers in class are small boys. (Of course there are exceptions. She is just talking about the most of the cases.). However, she also said that girls are different, as girls tend to be more mature than boys.
作者: oscar1101 時間: 12-9-12 14:09
回復 feiji 的帖子
thanks for sharing your case. it's very useful~
作者: feiji 時間: 12-9-12 14:19 標題: 引用：One+more+point.++A+primary+teacher+told+
原帖由 feiji 於 12-09-12 發表
One more point. A primary teacher told me that after teaching for some more years, she thinks that ...
作者: Vlone778 時間: 12-9-12 14:20 標題: 回覆：細仔變大仔後，有冇後悔？
如果重讀一年，就會少咗一個升小一抽奬機會
作者: ILOVEBEAN 時間: 12-9-12 14:41
回復 Vlone778 的帖子
大抽奨好似得一次機會.（有錯請更正）
作者: hobby 時間: 12-9-12 14:43
回復 feiji 的帖子
thanks for your opinions. 我會留意多啲囡囡的發展, 因為佢性格好強, 佢話咗唔做就一定唔做, 要說服佢都好用心力; 如果只是寫字差少少, 我未必要佢repeat, 因為佢依家讀voucher的kg, 到k2先要寫, 我就諗住等佢k1完全settle 之後, 叫佢上drawing 或 dancing course, 睇吓有冇幫助; 我囡囡都好細粒, 仲係全校最細粒, 如果佢唔講嘢, 會俾人問佢有冇2歲 ... 我有時又會諗, 依家叫差不多全班最細, 細粒都正常la, 但如果repeat, 就全班最大, 都仲係最細粒嗰幾個, 就好可憐 ... 因為阿囡complaint過老師話佢細細粒, 怕選錯會傷埋佢自專心
作者: hobby 時間: 12-9-12 14:47
回復 feiji 的帖子
又係喎, 阿囡班中的大仔都成日坐唔定, 反而我嗰細囡仲跟到晒要求, 女仔都真係成熟啲嘅
作者: tszyaumama 時間: 12-9-12 14:52
回復 evacalbee 的帖子
係咪同校由K2轉K3?
定插其他學校K3?
作者: jojoplanet 時間: 12-9-12 15:55
feiji 發表於 12-9-12 14:06
One more point. A primary teacher told me that after teaching for some more years, she thinks that ...
咁佢有無話男仔細B一般幾時班會追番上黎..
作者: ting-ma 時間: 12-9-12 15:57
提示: 作者被禁止或刪除 內容自動屏蔽
作者: evacalbee 時間: 12-9-12 15:58
通常選咗repeat都唔會覺得後悔，直至萬一小朋友中小學跟唔上真係要repeat先會覺得幼稚園repeat果年係嘥咗。因為越高班，學的東西越深，同學間先越見真章。幼稚園因為大過人而叻d，父母係會覺得開心嘅，但理論上應該無乜代表性。
我都係果句，班中做細仔可以跟大仔學習，班中做大仔跟bb玩(教bb)。睇你覺得邊種學習性對你小朋友適合d。
作者: feiji 時間: 12-9-12 17:05 標題: 回覆：jojoplanet 的帖子
Jojoplanet,
佢話雖然大腦去到十幾歳未必差好遠，但由細到大都處於＂catch up" 的心態，對小朋友的信心的影響則不少(家長亦要承受較大壓力)，所以去到p6, 佢發覺成績差的，依然多數係細仔。
趙榮德都講過，佢曾經硏究過當時Form 5 重讀生的資料，發覺很多都是細仔。
做大仔，男孩會自信啲、開心啲，但當然亦要努力讀書。我自己覺得，已經做大仔，有一個輕鬆的開始，只要家長和小朋友一起努力，不要鬆懈，怎會仍諗住將來大個要repeat ?
作者: Jane1983 時間: 12-9-12 17:43
我小朋友都係10月細B，吳贊成repeat，除非小朋友跟吳上。
如果跟得上，但為入名幼而repeat，就吳一定值得。因為名幼吳係龍校，吳係個個考到理想小學，吳少人最後都係大抽獎。反而，之前係EK聽到d家長話小朋友repeat P1，考入聖喇拔，咁就有d價值。
作者: feiji 時間: 12-9-12 17:46 標題: 回覆：feiji 的帖子
Although I do think that it is better for boys to be big boys in most cases, I do remember I have met a little boy, who is extremely smart in every aspect, and is very mature and physically strong too. Although he was born in December, he can really outperform other kids that are older than him. In such case, he has no problem to be a small boy at all!
作者: winnietingting 時間: 12-9-12 18:09 標題: 引用：通常選咗repeat都唔會覺得後悔，直至萬一小
原帖由 evacalbee 於 12-09-12 發表
通常選咗repeat都唔會覺得後悔，直至萬一小朋友中小學跟唔上真係要repeat先會覺得幼稚園repeat果年係嘥咗。 ...
作者: Ksyy1018 時間: 12-9-12 18:21
本帖最後由 Ksyy1018 於 12-9-12 18:26 編輯
睇曬樓上嘅posts,其實我都面對緊同一樣嘅問題, 我覺得真係要好睇小朋友本身嘅能力,當然如果係醒嘅, 就唔駛夾梗要佢 repeat嘅。
我本人不是名校追隨者, 我大女當年考K1 都考到,最后我都留番原區讀 K1. 依家佢亦都响本區透過大抽獎入到心儀小學, 成績都滿意. 
我想講嘅係,如果你諗住小學参加大抽獎都要睇下小朋友嘅能力架,唔係你話抽就實比你抽中, 如果萬一要叩門都要睇小朋友本身嘅實力,當然你又要加d 乜班物班比佢整靚佢個 profile. 如果唔係抽唔中都幾麻煩。我地果區嘅區內名校嘅叩門位,早兩年都差不多要平均80人爭1個位架！
不過呢d 都只係第一步, 到比你抽中左, 你以為如果你能力不夠有得比你 fu look 咩！依家d 津小要維特佢地响區內嘅知名度同支持度都會力谷佢地抽番嚟嘅學生, 每晚平均5-7 樣功課, 如果寫得慢,真係唔駛食同瞓,同埋父母都要一齊跑架.
如果成績不理想會被勸退學架。到時乜信心都無晒, 仲大鑊！
所以我細仔係細b,都要諗下比唔比佢做大b, 始終爭幾個月就真係唔同, 佢可能有自信心, 基礎打得好d, 將來大家都唔駛咁辛苦,始終細路都係鐘意人地贊嘅。 
作者: Beriyth 時間: 12-9-12 19:16 標題: 回覆：feiji 的帖子
I think small boy dosen't mean not good at sports. My son is also small boys but he is really good at sports esp in playing basketball
作者: atirw 時間: 12-9-12 23:20 標題: 回覆：細仔變大仔後，有冇後悔？
我呀仔12月細b,學習上真係無問題，上年k2品學兼優，今年k3開學一頁中文一頁英文字功課都無問題，數學k2下減數不用我操心（學校教得到他），他個子高在班內高過佢都係幾個同學，末夠五歲已懂自由泳，朗誦比賽雖未拿過冠軍，但他站在台上對注百幾人都不怕，但我想話，直資一見到佢超細仔就打折扣了，雖然未考完所有學校，現在競爭咁大，3000人挑一百學生，同好叻的大仔掙，很難，至少人地多呀仔一年train入學試。但要做大仔，一開始就做，repeat 一年，有些小朋友會變得自卑，pn repeat, repeat 左佢都唔記得，k2,3先repeat,個個同學都升高班（幼稚園最高級），升小一，小朋友不好受，每個經歷都有痕跡。
作者: Ksyy1018 時間: 12-9-12 23:57
atirw 發表於 12-9-12 23:20
我呀仔12月細b,學習上真係無問題，上年k2品學兼優，今年k3開學一頁中文一頁英文字功課都無問題，數學k2下減 ...
作者: iris5a 時間: 12-9-13 10:19
feiji 發表於 12-9-12 14:06 
One more point. A primary teacher told me that after teaching for some more years, she thinks that ...
作者: littlenstar 時間: 12-9-13 10:27 標題: 回覆：細仔變大仔後，有冇後悔？
9月出世最尷尬，repeat就係超大仔。點睇？
作者: hagupit 時間: 12-9-13 10:41
本帖最後由 hagupit 於 12-9-16 15:32 編輯
我覺得真係睇小朋友能力, 有個舊同事個女repeat k1讀協恩幼稚園, 成家好開心入到, 到小一升唔到協小, 去左另一間小學讀, 小學開始成績差, 而家小五, 同事都後悔repeat一年, 覺得浪費左!
作者: lamlamming 時間: 12-9-13 12:32
回復 evacalbee 的帖子
點樣測到佢係資優??
作者: yuffieyip 時間: 12-9-13 12:35
我覺得對響香港搵學校既做大b係好, 但對小朋友黎講都係正正常常咁升班好啦, 做大b家長可以選自己心儀既學校, 機會大d, 但小朋友如果跟得上又要repeat好似浪費左1年, 仲要做左全班最大, 身邊個個都細1年, 小朋友學野最快就係跟其他小朋友一齊學, 跟哥哥姐姐一齊學點都學野多d既, 對考學校就緊係大d好, 但對小朋友自身能力應該係做細b好啦~
作者: ncls 時間: 12-9-13 14:35
Ksyy1018 發表於 12-9-12 18:21
睇曬樓上嘅posts,其實我都面對緊同一樣嘅問題, 我覺得真係要好睇小朋友本身嘅能力,當然如果係醒嘅, 就唔駛 ...
作者: ncls 時間: 12-9-13 14:55
我囝係2009年12月B,上年in k1時剩係識說簡單字,報左間ok d既kg都無收,只係間麻麻地既kg收左. 我覺得小朋友係聰明的,但我地兩公婆返工,囝比婆婆湊星期5晚才湊回來,無時間train.
所以今年8月至入n1,做大仔,希望他快樂又自信.始終好多野男童比女童慢. 同埋競爭太大,有時連interview既機會都無...寧願做大仔多些選擇
n1都要爭...住西營盤區,都要去到中環堅道返n1,坐校車,死未?
作者: bbforever 時間: 12-9-13 15:05
各安天命，細B唔係個個都差，但係做超大B，我見通常都sharp醒啲，個人見聞
作者: yybee 時間: 12-9-13 22:37 標題: 回覆：細仔變大仔後，有冇後悔？
其實最重要睇小朋友本身，我仔因為兩歲多先説話，所以只可揀做大仔，但細囡一歲開始説話，我會俾佢做細囡，希望有學校收。我朋友個囡十二月岀世，都係做細女，自己考左入聖士提反，另外有朋友個仔8月岀世上年讀緊 k1，今年學校都要求佢重讀，覺得佢程度唔女，所以應視乎孩子能力而選擇
作者: Ksyy1018 時間: 12-9-13 23:28
回復 yybee 的帖子
贊成！
作者: 1511 時間: 12-9-14 00:29
要視乎你考什麼學校，龍校如真光，培正，跟本就不收十一、二月的細b，要讀便要等多年。超大b在這些學校讀，不用後悔啊
作者: luilui007 時間: 12-9-14 00:48 標題: 回覆：1511 的帖子
如果小孩真的跟不上，便repeat k班囉，但而家十個有九個家長，都希望做大仔大女，比人叻，家長暗自歡喜!
不幸，小孩他日上到小學跟不上，真不知點好，浪費了一年光陰滿足自己的虛榮心。
也可以似我朋友，在某女校之一條龍名校讀小一，之後轉左去黃竹坑一名男女校讀小一，此重讀比幼稚園重讀有價值得多
作者: feiji 時間: 12-9-14 00:50 標題: 回覆：littlenstar 的帖子
Littlenstar,
九月出世嘅仔仔，做大仔都無問題㗎。做媽媽的，一定是最了解自己的孩子，如果覺得他做大仔會好啲，亦不需要理會太多其他人的意見。基本上年尾出世的孩子入學，不是細過平均年齡約半年，就是大過平均年齡半年。如果他自小語言、體能、小肌肉、數學概念、記憶力及社交各項都上佳，做細仔都可能無問題。我覺得如果只是以上其中一些項目叻，都可以考慮做大仔呀。大人和小孩都可以輕鬆些渡過頭十多年，細胞都死少啲。至於話做咗大仔如果大個都要repeat咁又點，我覺得呢個可能真係每個人資質嘅問題，如果係咁，更加唔需要後悔當初選擇俾佢做大仔啦。
作者: BillyM 時間: 12-9-14 01:20
和幼稚園老師談, 他們大多認為做大做細無一定標準, 視乎小朋友表現. 但如果問小學老師校長, 我得到的答案都是 "讀書幾時都係做大好", 頂多後面補多句 "不過有時都要睇小朋友".
要小朋友由細都處於落後追巴士的狀態, 肯定不是最理想的模式, 其實, 我真係唔明點解咁在意 "無得做細"? 有人話會因大別人幾個月而自卑, 老實說, 我讀書生涯內, 會自卑的就是追不上那一批, 我大你幾個月但乜都叻過你, 何來自卑?
作者: Popo^^ 時間: 12-9-14 05:00 標題: 回覆：細仔變大仔後，有冇後悔？
我呀仔係11月尾，我冇俾佢一到兩歲就插班讀N班，個人不認同早入學一定好，始終2歲我覚得應該仲係父母一對一之教養期。到報名年度我就兩邊報，即N做大，K1做細，諗住視乎邊間學校收咩再選擇，但我都係prefer一開始讀N, 唔repeat! 結果現讀LH, 讀N做大，因他們只收到8月，所以最細個個都唔算差太遠，而我一點都冇後悔俾佢做大，始終各方面都會得心應手d.
作者: evacalbee 時間: 12-9-14 05:29
回復 BillyM 的帖子
我覺得要追上去對小朋友成長好d。好似龜兔賽跑咁，大仔長期以為自己比人叻，就會無咁努力。父母亦然，幼稚園比人叻，就覺得好滿足，到高小大細仔一般就會平衡。
不過當然repeat咗唔洗話後唔後悔嘅，到中學，甚至出尼做野，大細都無人知。
作者: man_0702 時間: 12-9-14 08:38 標題: 回覆：Popo^^ 的帖子
絕對認同，我仔仔11月尾出世，今年兩邊報，N同K都有報，小朋友遲入學無咩問題，反而利多於弊。大家加油。
作者: rabbypiggy 時間: 12-9-14 09:14
有無可能repeat P1? DSS 或
名小會點睇?
作者: jojodic 時間: 12-9-14 09:30 標題: 引用：我兩個小朋友都吾係細仔，但如果係我，而又
原帖由 AdrianChowB 於 12-09-12 發表
我兩個小朋友都吾係細仔，但如果係我，而又有學校收做細仔，我吾會repeat !
我地細個讀書，同班都有十一、 ...
作者: sllau 時間: 12-9-14 09:41
回復 hagupit 的帖子
協恩唔係唔收超大b gei 咩??
作者: myfamily1807 時間: 12-9-14 13:21
最重要係一些好學校唔收細b,搞到要做大b先可以去考！
作者: AdrianChowB 時間: 12-9-14 13:45 標題: 引用：如果小孩真的跟不上，便repeat+k班囉，但而
原帖由 luilui007 於 12-09-14 發表
如果小孩真的跟不上，便repeat k班囉，但而家十個有九個家長，都希望做大仔大女，比人叻，家長暗自歡喜!
不 ...
我個人覺得很多家長係為了做超大仔，跟本冇諗過小朋友能力
作者: awinyee 時間: 12-9-14 13:53
我囡12月頭出世, 從來無諗過要佢做大B.
年尾佢會插班讀PN
作者: luilui007 時間: 12-9-14 14:03 標題: 回覆：rabbypiggy 的帖子
我朋友的例子便repeat p1 st paul co edu
作者: carmenc026 時間: 12-9-14 22:52
真係一個好好嘅分享平台!
我d仔都係細b,而家剛開始k1,
一直都係計劃好repeat k1 變大b,我沒有$$俾亞仔讀直資,
只係覺得讀書真係一條漫漫長路,不是想亞仔比人叻,
而家小學嘅課程功課都好深,只係想亞仔讀書嘅時候無咁辛苦,
自己都希望跟得輕鬆d!
我哋都係為咗小朋友好,不要說後不後悔!
作者: Ksyy1018 時間: 12-9-15 00:04
carmenc026 發表於 12-9-14 22:52
真係一個好好嘅分享平台!
我d仔都係細b,而家剛開始k1,
一直都係計劃好repeat k1 變大b,我沒有$$俾亞仔讀直 ...
贊成！津小課程都唔淺,同多功課!官校仲死, 更無彈性, 逼住跟教育局硬推！
作者: Ksyy1018 時間: 12-9-15 00:10
本帖最後由 Ksyy1018 於 12-9-15 00:11 編輯
BillyM 發表於 12-9-14 01:20
和幼稚園老師談, 他們大多認為做大做細無一定標準, 視乎小朋友表現. 但如果問小學老師校長, 我得到的答案都 ...
對！我女果班嘅大仔, 佢話個同學仔好叻, 大一年咁又点,有咩問題？咁叻点解要自卑呀？
作者: Popo^^ 時間: 12-9-15 03:09 標題: 引用：有無可能repeat+P1?+DSS+或名小會點睇?
原帖由 rabbypiggy 於 12-09-14 發表
有無可能repeat P1? DSS 或
名小會點睇?
作者: stinkyrabbit111 時間: 12-9-15 07:13
我小朋友係12月出世, 而家係做大b, 當時repeat k1, 到而家一d都無後悔, 以我個case為例, 小朋友小肌肉發展未夠, 未得, 就真係未得, 果時做細b時, 夾硬要佢寫字, 大家都痛苦..., 而家起碼佢handle到, 對小朋友的自信都好d, 又唔會成日話"我做唔到"...仲有佢handle得到, 佢得到成功感, 也會有推動力, 去下次做好d, 去試新野...加上而家呢個遊戲rules, 做大b, 入到一間好少少的學校, 機會都大d...
作者: bbforever 時間: 12-9-15 09:04
stinkyrabbit111 發表於 12-9-15 07:13
我小朋友係12月出世, 而家係做大b, 當時repeat k1, 到而家一d都無後悔, 以我個case為例, 小朋友小肌肉發展 ...
作者: karen63 時間: 12-9-15 09:56
我兩個仔都係細B，11月同12月。
哥哥今年小1，冇repeat. 係k1頭半年慢D，之後學習都冇問題。小1時叩門時都有直資同津校收。
而家到細佬報K1，暫時唔打算repeat, 同小學可以跟哥哥不用煩。
另外，有同幼稚園主任傾過，佢覺得細B唔一差，有哥哥家姐的細B會好D添。
有朋友都係兩個細B，但佢兩個都repeat, 家姐好明顯好叻，細佬都ok.
作者: 仔仔錫錫你 時間: 12-9-15 11:10
成日話細b repeat 會浪費左時間, 咁多左果一年你會點用? 做細b 早d 入學有咩得著? 早d 畢業可以出來搵$$? 到小/中學時repeat 著數d? 早d 入學競爭小d? .....
一般情況(係講一殷唔係個別case), 細b 學習能力同大b 係一樣, 只係細b 未到果個歲數所以在學習上會事倍功半
eg. 2個小朋友同年, 大b1.5歲已經識講簡單句子; 細b 只得6-7個月識講咩! 又講下大小肌肉,大b 3歲已經玩到monkey pull, 細b呢?!
當然以上例子可能有點強詞奪理, 但唔係代表細b做唔到, 只係需要到達合適年齡先可以做到. 細b1.5歲時同樣可以講簡單句子, 3歲同樣玩到monkey pull.
其實小朋友日漸成長, 呢d距離亦會日漸縮短. 如果細b 父母努力協助小朋友帶佢去公園玩多d, 講多d 野, 睇多d 書, 縮短時間會更快.
簡單點, 我想講細b 只要到達合適年就可以輕易做到某事情, 如果有人同你講我個細b無問題喎, 只係這父母沒有話你知背後的努力; 細b考第一? 你問清楚佢每星期用多少時間返公文,數硏,oral?
作者: Ksyy1018 時間: 12-9-15 12:56
仔仔錫錫你 發表於 12-9-15 11:10
成日話細b repeat 會浪費左時間, 咁多左果一年你會點用? 做細b 早d 入學有咩得著? 早d 畢業可以出來搵$$? ...
Agree! That why 名校只想收大b, 因為d 大b suppose 已到某過水平, 唔駛咁參差,教得無咁辛苦。
作者: skywalker2007 時間: 12-9-15 13:53 標題: 引用：成日話細b+repeat+會浪費左時間,+咁多左果
原帖由 仔仔錫錫你 於 12-09-15 發表
成日話細b repeat 會浪費左時間, 咁多左果一年你會點用? 做細b 早d 入學有咩得著? 早d 畢業可以出來搵$$? ...
有家長認為讀多年嘥時間，但另一位男拔家長個細女同我地小朋友一樣repeat k，我地覺得，成世流流長，返學最開心。而返幼稚園係玩得最開心嘅，所以好想佢享受多D，轉做大仔之後，佢表現係班中數一數二，但最重要係佢覺得老師肯定佢重視佢佢又有表現，所以每日都話要返學。
不過都有一些好叻細仔係例外，親戚的女兒都係細女，但表達能力超班，間間學校都收。自問無法做到。
作者: dolphinmama 時間: 12-9-15 20:12
我大仔係中B(8月),冇得選,硬食,在班中係最細的一個男仔,學習能力唔計,但社交,表達及自理方面真的比同學差,當然,過左一年,大個D,現在K2,各方面都改善了.
細仔,年尾出世,已經一心俾佢做B大了,說到底,所有心儀的KG現在都只收大B,再冇那支"教到好的就唔repeat"的歌仔唱了,但我覺得這是可以接受的!
作者: twodaughters 時間: 12-9-15 23:50 標題: 回覆：細仔變大仔後，有冇後悔？
SC都有收細b，細b都可以是有能力的。
作者: pochacco_ch 時間: 12-9-16 00:00 標題: 回覆：twodaughters 的帖子
SC今年開始都晤收細b喇！其他post有媽媽報咗料
作者: Ryan_baba 時間: 12-9-16 10:24
本帖最後由 Ryan_baba 於 12-9-16 10:30 編輯
我本人絶對支持小朋友做大b，不要說比別人細一年的分別，係小朋友兩、三歲的時候，比別人細三個月就已經可以差好遠。
自信心對於小朋友係非常重要，如果小朋友時常落後於別人，自信心就好易消減，日後對一些事會產生抗拒，不敢嘗試，最後適得其反。做大b定細b真係睇小朋友本身的能力，但做大b對比做細b好，這是不能否定的。
其實細b有能力做到大b的表現，但父母同細b係背後要花上幾多努力、時間同心機呢？細b又真正享受＂受特訓＂的過程嗎？
作者: hagupit 時間: 12-9-16 15:35
sllau 發表於 12-9-14 09:41
回復 hagupit 的帖子
協恩唔係唔收超大b gei 咩??
作者: LyNeC 時間: 12-9-17 00:33
Support! But the process of repeating should be at low grade, say K1, in order not to affect baby's mind set!
作者: littlekkl 時間: 12-9-17 11:20 標題: 回覆：evacalbee 的帖子
好同意，頭幾年大仔細仔真係有分別，到左小學中學，唔會因為咁而讀書成績有分別。
作者: littlekkl 時間: 12-9-17 11:38 標題: 回覆：littlenstar 的帖子
我個係9月，仲好，唔洗諗，唔會做超大仔。留番個quota將來用
作者: Stephen910 時間: 12-9-18 03:43 標題: 回覆：細仔變大仔後，有冇後悔？
我仔仔都係細仔變大仔，repeat K1, 做大仔後表現由以前中間變最頭，老師的comment唔同晒，而且如果考慮小一考直資或私立，大仔係有著數，interview都差好遠，而家仔仔已經開始小一面試，亦收到了一間我心儀的直資小學取錄。本人認為如果係細仔，而表現不差過其他小朋友當然不用考慮repeat，但如果像我仔仔一樣，還是在幼稚園階段讓他repeat比較好。
作者: rabbypiggy 時間: 12-9-18 09:36
回復 Stephen910 的帖子
如果Repeat K, 應該repeat K1? K2? 有啲人有話應該repeat K2, 因為課程較深.
另外,應否在另一間K repeat?
有無特別考慮呢? 請分享, 謝謝!
作者: frentec5 時間: 12-9-18 10:57
提示: 作者被禁止或刪除 內容自動屏蔽
作者: minirat 時間: 12-9-18 15:38
AdrianChowB 發表於 12-9-12 11:00
我兩個小朋友都吾係細仔，但如果係我，而又有學校收做細仔，我吾會repeat !
我地細個讀書，同班都有十一、 ...
我好同意，尤其“有書讀點解要洗一年”這點
人生系一個lifelong的比賽，受教育只不過系其中一部份
對我來講，時間同健康系最重要的
完全唔必要系有選擇的情況之下repeat一年
以上純個人意見，不喜勿入
作者: funghon 時間: 12-9-18 17:40 標題: 引用：Quote:AdrianChowB+發表於+12-9-12+11:00+
原帖由 minirat 於 12-09-18 發表
我好同意，尤其“有書讀點解要洗一年”這點
人生系一個lifelong的比賽，受教育只不過系其中一部份
對我來 ...
repeat 一年，學多一年，就緊係叻過人啦，但係跟住升上去時，就已經吾係咁講! 大大下，超大仔同細仔已經冇分別!
作者: minirat 時間: 12-9-18 17:59
funghon 發表於 12-9-18 17:40
同意!repeat 一年，學多一年，就緊係叻過人啦，但係跟住升上去時，就已經吾係咁講! 大大下，超大 ...
系呀，其實好多家長都驚輸系起跑點上
其實我覺得preschool的表現真系唔可以代表咩
Repeat一年做大B當然會表現好過比較細的BB
這只不過系理所當然，唔代表咩
不過對我來講其實系輸了一年時間
不過講返轉頭，有時都要怪香港教育制度的缺陷
我唔系香港人，所以當我知道好多學校都唔收細B時
真系覺得好唔合理，好驚訝
作者: k1723 時間: 12-9-18 18:15 標題: 回覆：細仔變大仔後，有冇後悔？
我仔讀st. cat 12月中出世都一樣收但現在因小一選校是細仔,我又頭痛喇
作者: Ashleyernest 時間: 12-9-18 18:44 標題: 回覆：細仔變大仔後，有冇後悔？
My friends" two kids were born in Dec. Both of them are just average , not exceptionally smart. But both got into famous K1! Just try, it's a matter of luck!
作者: Stephen910 時間: 12-9-20 02:12 標題: 回覆：rabbypiggy 的帖子
如果學校的老師建議小朋友要repeat才考慮repeat, 而應該repeat K1還是K2呢就因人而異，但我之前去聽講座時某傳統名校的校長表示如果repeat的話，選擇年紀越小越好，因為小朋友不會知道自已repeat, 但對于k1和k2來講差異不大。
作者: rabbypiggy 時間: 12-9-20 14:51
回復 Stephen910 的帖子
thanks for your advice!
作者: Manshiu 時間: 12-9-21 12:31
唔同小朋友大細仔結果係唔同的, 以下係身邊朋友經驗:
我有兩個朋友, 她們的小朋友都係同年10月出世, 她們一個為小朋友選擇repeat k1做大仔(媽媽主動向學校要求, 是同一間學校), 一個選擇讓小朋友做細仔.
結果, 兩個在幼稚園都沒有問題, 而且都分別入到媽咪心儀的小學. 但當升到小學, 一年級時還好, 問題在二年級開始出現, 做大仔o個個愈來愈唔尃心, 而且有很多行為問題, 見過多次家長, 老師話佢好聰明, 絕對唔係唔明白老師所講o既野. 老師話佢理解能力高, 所以好快就明白書本內容, 可能因為咁, 佢就覺得d野無趣, 跟住就出現在學校做d唔好的行為. (佢媽咪幫佢做過test, 但唔係資優兒), 可能只係正常聰明!佢媽咪現在有時都會諗當年係咪錯左, 如果佢做細仔, 學野進度同其他小朋友一樣, 係咪會無現在的問題/無咁嚴重呢? but now god knows!
當然, 我在這裡講唔係想叫你地唔做大仔, 而係想話無一條formula可以計算, 細仔適合你朋友, 未必適合你的小朋友. 大仔亦都係. 所以無論你的決定係點, 都係一個冒險, 我都冒左呢個險 
因為我個仔都係10月出世! 但無辦法啦, 呢個險一定係我地冒, 唯有從小朋友的性格, 能力, 耐性, 平時表現等去評估呢個風險啦!
作者: vyvy 時間: 12-9-21 15:26
唉! 真係好難決定. 若過特別醒或有特別問題, 就可以容易D決定, 但若某D方面發展較快, 某D方面較慢, 就好難決定. 我都會考慮老師的意見.
作者: echanhl 時間: 12-9-21 15:35
做大細仔的問題 , 當然最重要考慮小朋友的能力, 如果為了入心儀學校而要他們REPEAT , 我不能認同呢
我都打算比阿仔做細仔, 其中一個原因是方便照顧上的安排 , 如果阿仔遲一年入學做超大仔, 再生多一個sister / brother 就好難安排了.....我相信家庭是以父母為核心而不是孩子
作者: twllc 時間: 12-9-21 16:49
本帖最後由 twllc 於 12-9-21 16:52 編輯
我孖仔係超細仔，我俾佢地做細仔，依家讀緊k1。不過今年我會幫佢地報只收大仔既學校，如果有人收先再稔轉唔轉。
至於我個女依家9個月，又係細女，不過我唔會俾佢做大女喇。女仔本來學野快d，而且仲有哥哥帶住，應該冇乜問題。同埋唔想為左俾佢做大女，以後成世都要同龍年既人爭學位爭工作機會...
作者: heidys 時間: 12-9-21 17:10
我個仔係0910 細B. 會幫佢報多次心儀學校 K1. 入得到, 想比佢讀. 等佢更READY 去跟到進度. 自信心都大D. 都係入得到先算啦.
作者: JC_mami 時間: 12-9-21 20:06
如果是男仔，我贊成做大仔。其實有研究指出大仔因為從小表現優勝，
這股優勢會持續到成年。
不過女仔作別論，因大多點的女孩比較成熟，尤其是語言發展，
社交發展都比男仔快，跟得上的話，做細女也没防。
作者: YatLongcarcar 時間: 12-9-22 10:46
個人覺得最重要睇自己小朋友的能力, 每個人發展都有唔同, 要了解自己小朋友的優點及暫時發展較慢的地方, 加上環境再去決定入學時間應該就是最好的安排！
| 歡迎光臨 教育王國 (/) |
Powered by Discuz! X1.5 |