教育王國

標題: 孩子對讀書不感興趣了 [打印本頁]

作者: ianshum234 時間: 12-9-12 06:33 標題: 孩子對讀書不感興趣了

孩子剛升上三年級，未知是否未適應新的環境，對讀書好像已經完全不感興趣了，每當做功課的時候，只會說「好無聊，吳識做，吳想做」總是說一d消極的說話。已經軟硬兼施了，但孩子還是這樣，完全沒有辦法。

唉...昨天，學校老師和託管中心導師還打黎投訴孩子....

作者: longlokma 時間: 12-9-12 08:22 標題: 回覆：ianshum234 的帖子

你兒子是轉新校嗎？否則何解三年級突然有情緒問題？

作者: HTLT 時間: 12-9-12 09:10

亞仔, 小三, 冇轉校, 昨天有七樣功課 + 溫中默, 昨晚哭 + 發脾氣, 又話累, 又話唔識, 又話好悶, 唔願做, 結果在不快樂氣氛下完成.

睡前傾心事話壓力大, 叫我下次唔好吹, 逐樣慢慢來, 讓他有冷靜期.

作者: LyNeC 時間: 12-9-12 09:32

I think better to handle his emotion first....

作者: Mighty 時間: 12-9-12 10:10

回復 HTLT 的帖子

我不是説風涼話、有時我想本地小朋友毎日做這様多的功課、是否将来大個真係識野多Ｄ？　７様功課真係好多、点做亜？　是即日的嗎？　真係好大圧力BOR. 做完辺到有時間玩？　

作者: alice44 時間: 12-9-12 10:15

Mighty 發表於 12-9-12 10:10
回復 HTLT 的帖子

我不是説風涼話、有時我想本地小朋友毎日做這様多的功課、是否将来大個真係識野多Ｄ？　 ...

其實7樣功課, 如果專心做, 兩小時內應該可以完成, 如放學小休後立即做, 應該可以在晚飯前完成, 飯後就可以自由活動.

作者: Mighty 時間: 12-9-12 10:24

即毎様只有１７分鐘左右？　真是要看做甚麼了。　如果有作文等等、我就自己都做不到啊！

作者: caroline_kan 時間: 12-9-12 10:29

提示: 作者被禁止或刪除內容自動屏蔽

作者: HTLT 時間: 12-9-12 10:36

alice44 發表於 12-9-12 10:15
其實7樣功課, 如果專心做, 兩小時內應該可以完成, 如放學小休後立即做, 應該可以在晚飯前完成, 飯後就可以 ...

Yes, 通常6:00 pm前完成, 剩下唔識 / 要替他預默, 睡前一定有自由活動.

作者: babybear 時間: 12-9-12 10:38 標題: 回覆：孩子對讀書不感興趣了

小朋友一向係咩成績？
有冇了解過佢喺學校嘅人際關係如何？

大人也會因人際問題提唔起勁返工！

作者: Meikin 時間: 12-9-12 12:10

回復 ianshum234 的帖子

孩子可能在某方面(學校生活/功課/科目)遇上困難, handle唔到, 所以想逃避/放棄.

有想孩子們猛話 "好無聊/唔識做/唔想做" 等說話, 其實目的是想你關心佢, 了解佢講這些話背後的心情/原因. 大人應嘗試(首要用高EQ控制你的情緒)平心靜氣地跟他談談, 多從孩子的角度出發看事情, 讓佢哋感受到你的關心, 他們才會說出自己的感受, 才會接受大人的幫助和勸解. 相信只要解開他們的心結, 學習方面就會好起來.

作者: kaman488 時間: 12-9-12 12:32

係咪放左個長假, 個心散左小小咋 !
慢慢同佢調節一下啦...加油呀

作者: longandhong 時間: 12-9-12 12:38

才開學兩個星期，便要應付七樣功課 + 默書，會否壓力太大呢？

作者: ianshum234 時間: 12-9-12 15:04 標題: 回覆：Meikin 的帖子

Thx。
可能我對孩子的關心程度還未足夠，我會努力再嘗試一下從孩子多方面的角度思考一下。

作者: longlokma 時間: 12-9-12 15:11 標題: 回覆：babybear 的帖子

其實小學功課一般比較簡單，就算6／7樣也不難完成。試下叫小朋友在學校抽時間做，例如老師做例題一時他可以做埋第2、3條，總之儘量利用學校的時間。

作者: MariaTsui 時間: 12-9-12 19:33

回復 ianshum234 的帖子

P3是初小最後一年,為了與P4接軌,加上TSA,很多學校都會加多一點功課,好似囡囡學校,原本午飯後有課外活動,現在星期一至四,午飯後都要補課,功課最少都有5樣,下星期都開始默書,其實最好在暑假KEEP住溫習,這樣容易適應學校生活.

不要在打罵聲中溫習,這會減低小朋友的學習情緒,嘗試尋找不感興趣讀書的原因,現在還有時間,問題仍可解決

作者: HMTB11 時間: 12-9-12 22:49 標題: 回覆：MariaTsui 的帖子

小朋友边个會喜歡做功課但如果比到佢地有目標如親子遊戲下棋咁會開心d 見到就叫做功課溫書真係會好大壓力除了讀書真係要比些時間同佢地玩樂一下

純是个人意見

作者: atirw 時間: 12-9-12 23:53 標題: 回覆：孩子對讀書不感興趣了

我呀仔k3,一開學四樣工課，包括十個詞語（每個寫三次），一板英文抄字，我見到都想鬧學校，初初真是一個鐘先做得完（佢專心做20鐘做到。好彩咁啱看到本書，佢話人只要有冀望，更辛苦的野都可捱過。若小朋友好渴望考第一的，他一定會自己讀書，但有幾好小朋友可似你咁？佢話只要他每次完成他很討厭的東西時，都可有或做令他想要或快樂的事，時間耐了，那種覺得很無聊，很辛苦的感覺慢慢就減弱。我前幾日同呀仔講，若在媽媽回家前你做完功課，可獎你玩一樣野，他說是泥膠（一定要他自己揀）並最好是同一日獎的，他真的很快做完功課，我還有daddy面前讚他，第二天又是這樣，大家都輕鬆了。我比佢揀一些只有媽媽在才可玩的：泥膠，水彩，上youtube看卡通，玩evi，什至零食。不要說你唔做就無了那樣野，總要吸引他就完就即有。希望你用得著這條q

作者: yeungyeungma 時間: 12-9-16 08:11 標題: 回覆：ianshum234 的帖子

佢地甘講,可能想玩一陣. 試下, 放學後, 比佢玩 20 mins, 但約定玩完,一定要幾多點前完成功課. 如果早完成, 可以再玩. 比D甜頭先, 再比目標佢.

作者: vincher 時間: 12-9-16 13:31

回復 ianshum234 的帖子

多鼓勵，同佢講：「媽媽明白你多功課，但學生嘅責任係依時完成功課!我知你係一個負責任的學生，一定能做得到的!不如先做兩三樣容易的，休息一會，給你半小時自由活動，才做其餘的••••••」

作者: qop 時間: 12-9-16 17:38

暑假後唯証，大多數小朋友都是這様，不過都已經3年班，做父母的妳應比我地清楚小朋友的心態，過去的一二年級有這種返應嗎？

作者: 小小山 時間: 12-9-16 20:50

先做d容易做嘅功課先, 嘗左甜頭, 再做d難嘅. 唔好比幾多樣功課嚇倒

作者: caroline_kan 時間: 12-9-16 21:24

提示: 作者被禁止或刪除內容自動屏蔽

歡迎光臨教育王國 (/)