教育王國
標題: 細囝讀小一是否有很大學習問題? [打印本頁]
作者: abiabi 時間: 12-9-11 23:21 標題: 細囝讀小一是否有很大學習問題?
細囝讀小一是否有很大學習問題?
12月出世囝囝, 而家小一, 一向寫字不靚, 小一要寫多D中文字, 真怕他跟不上 , 但一向英文OK, 你地會點做?
1. 下年REPEAT, 但這間小學一向不可以留班的.
2. 下年轉校讀返小一, 但要叩門, 如果無人收, 點做?
3. 而定轉返K3, 下年叩門, 但要比學費.
各位SISTER比D意見, THANK YOU.
作者: cwhtcybb 時間: 12-9-12 08:15 標題: 引用：細囝讀小一是否有很大學習問題?+12月出世囝
原帖由 abiabi 於 12-09-11 發表
細囝讀小一是否有很大學習問題?
12月出世囝囝, 而家小一, 一向寫字不靚, 小一要寫多D中文字, 真怕他跟不 ...
作者: mingmingba 時間: 12-9-12 08:37
提示: 作者被禁止或刪除 內容自動屏蔽
作者: anna59 時間: 12-9-12 08:47
回復 abiabi 的帖子
細仔系比較差,個主因系理解能力冇大仔咁好,同埋唔定性,因為依家小學系著重理解而唔系死背,所以閱讀理解會衰得好慘, 既然上左小一,如果佢記性好,即中英默書每次80或以上,質數唔差既話就唔好repeat,因為已經上左小學個人會唔同左,佢會知乜野叫 repeat,驚影響佢心理
唔得試下搵補習,唔好拖,睇下可唔可以救番佢上去
仲要睇下佢讀間乜野學校,程度深唔深
作者: nakoko 時間: 12-9-12 09:01
我就唔覺喇,其實都因人而異,不能一概而論的,寫字唔靚同跟得上與否又係兩回事,仲細個,慢慢再掌握下就會寫得好d,點可要求初學寫就要靚?我仔都係細仔,在學習上不但冇問題,仲讀得幾好,你覺得你仔除左寫字仲有冇其他困難呢?我個人上唔係咁希望小朋友明明係冇乜大問題但因係細仔原因而留班,亦眼見一d留左班既唔見有太大進步~個人意見,不喜勿插~~
作者: anna59 時間: 12-9-12 13:58
有人花左3年時間,由全級80 (100人),爬到去 3x名 (101人),入左精英班,都系細仔黎假,比d信心自己,比d信心個小朋友
作者: muimui812 時間: 12-9-12 14:54
其實不用太在意是細仔或大仔，我朋友中有大仔跟唔上，亦有細女（同樣是12月出世）一年級就拿優異生，也不一定和男仔或女仔有關，所以應該看個別小朋友的能力。
如果已經升一年級，個人認為不應太快下定論要留班，始終這樣對小朋友的情緒有影響，未必幫到小朋友。
現在才開學不夠兩星期，不如觀察一下，如果成績太差才再考慮。
作者: jojoplanet 時間: 12-9-12 15:02
anna59 發表於 12-9-12 13:58
有人花左3年時間,由全級80 (100人),爬到去 3x名 (101人),入左精英班,都系細仔黎假,比d信心自己,比d信心個小 ...
有D人話到咗小一細仔同大仔分別不大, 有D又話要到小三先無乜分別....都唔知邊樣真..我個仔係細仔呀..真擔心
作者: longandhong 時間: 12-9-12 16:04
回復 abiabi 的帖子
返咗學兩個星期，咁快就諗轉校 / Repeat，會唔會太早呢？同埋會唔會打擊小朋友自尊心呢？不如多觀察一段時間吧。我個小朋友都係細仔，十一月出世，舊年升小一都係唔適應，學習進度超慢，有幾科唔合格，不過下學期已收復失地。
請不要輕言放棄！
作者: Chickee 時間: 12-9-12 16:20
既然你都已經選擇了俾佢今年做細仔讀小一, 何不睇埋佢今年的表現先決定呢? 剛開學你就打定輸數, 既然咁無信心, 咁你為何當初仲俾佢升小一呢?
作者: karenlyk 時間: 12-9-12 17:35 標題: 回覆：細囝讀小一是否有很大學習問題?
我個女都係細女(10月)，上年小一第一個學期，成績唔太好，到學期尾見佢進步好多，所以俾時間同信心小朋友，佢可以做得好好
作者: anna59 時間: 12-9-12 18:16
回復 jojoplanet 的帖子
小三先至見真功夫,因為小三上小四成績上落好大,特別系英文科,因為有好多捱唔過個作文同reading呢 2 part,唔好比小一小二既成績厄到呀!所以越遲編精英班越好
作者: anna59 時間: 12-9-12 18:19
回復 jojoplanet 的帖子
其實小一學生中大仔,細仔既分別都系好大假,個理解能力相差好遠,有好多中,數,常都ok,但英文一上小三就勁退步
作者: jojoplanet 時間: 12-9-12 18:21
anna59 發表於 12-9-12 18:19
回復 jojoplanet 的帖子
其實小一學生中大仔,細仔既分別都系好大假,個理解能力相差好遠,有好多中,數,常都o ...
好驚呀....
作者: anna59 時間: 12-9-12 18:33
回復 jojoplanet 的帖子
你個幾年級?
咁又唔使咁驚,到下學期測左一次考左一次試先算啦!要睇下間學校深唔深羅!
作者: 花仔媽咪 時間: 12-9-12 20:19 標題: 回覆：anna59 的帖子
我個仔就係細仔仲要讀一間超深學校，一年班不夠三個月便要去補習社睇功課，因為一來唔想再勞氣、二來回家仍有時間溫習，為了追成績，亞仔中、英、數都有專科補習,真的好辛苦，追到依家總算成績穩定下來，最開心上年四年班中文作文考試全級三十幾，總算有些安慰
作者: tws2010 時間: 12-9-12 20:41
回復 muimui812 的帖子
My nephew also got a big jump in P.4 and had big improvement. Don't worry. Give your son some time and he will make it.
作者: abiabi 時間: 12-9-12 20:49
多謝你地D意見, THANKS
其實好後悔比佢做細囝, 今日叫佢串一個生字, 即刻就CRY,
老公叫我唔好返工, 全職湊囝, 仲有個囡, 讀K1, 而家工人姐姐湊.
份工做左半年, 人工普通. 無MUD褔利. 好難棟.
工人下年4月到期,下年滿4年. 如再續約, 第五年要比長期服務金.
你地會點?
作者: jojoplanet 時間: 12-9-12 21:57
anna59 發表於 12-9-12 18:33 
回復 jojoplanet 的帖子
你個幾年級?
作者: jojoplanet 時間: 12-9-12 22:40
jojoplanet 發表於 12-9-12 21:57
阿仔剛小一呀！
我個仔d字好唔掂以前我會擦左要佢寫過但而家無咁多時間所以公文中英既字我都唔執得咁緊！我有時安慰自己等佢大點過左六歲或者會好點。
今日返到去工人話佢係學校做曬功課點知一睇只做左一半！唉我真係無言日日都好勞氣。比folder 佢放通告佢就咁放曬係包搞到好似魷魚咁，份通告星期一要交佢又無攞出黎！唉！
究竟係因為佢仲細定係佢本身自理能力差！
作者: jojoplanet 時間: 12-9-12 22:45
abiabi 發表於 12-9-12 20:49
多謝你地D意見, THANKS
其實好後悔比佢做細囝, 今日叫佢串一個生字, 即刻就CRY,
作者: 仔仔錫錫你 時間: 12-9-13 00:27
其實入學前你都知升小後寫字一定比kg多好多架喇，唔好念太多，船到橋頭自然直。得，就上小二；唔得米repeat 囉！而家先話返轉頭想repeat k3只會攞來攪。
我個仔都係細B剛升小一，記得以前其他家長好高興佢地d小朋友1歲未夠識行，2歲又話識認幾多字又數到100.......... ;我就一於小理，2歲仍然同阿仔周圍爬，人地認字我就去公園玩,行山，所以小兒在K2時大小肌肉，平衡都可比美小一生。做咁多野唔係我唔注重學術，而係要想攪好學術就必須有良好體柏。朋友d仔女k2-k3 兩年來最少8日,最多20日病假，小兒兩年共零病假，已經唔洗因病假要追回進度。小肌肉因成日爬，所以手指夠力握筆，自然寫字夠力，寫多多都得。
你小朋友仍小，又剛開學較輕鬆，快d幫下佢練返好d小肌肉，唔係讀書幾叻都無用(因寫得唔夠快or手倦取唔到分)。
作者: mansum92 時間: 12-9-13 01:46
其實最重要係有冇心機讀書 大細仔冇咩關係 我個仔都係細仔都OK呀
如果你個仔冇心機讀 比佢repeat多一年都係唔得
講真有阿媽陪讀書就係最開心 成績自然就好 D字寫得唔靚就一個個字教佢點寫先叫靚囉
我反而最注重唔係成績 我比較注意佢有冇心機睇多D不同既書 所以日日捉住佢講故事
作者: anna59 時間: 12-9-13 08:52
回復 jojoplanet 的帖子
其實男仔6歲仲系好細個, 依家上左小一未夠2星期,我個小朋友當年小一頭一個學期都有寫漏家課,到下學期就冇事,通告仍然會漏假,你屋企有冇printer,最好裝番一個,我地將d worksheet每日scan左入電腦 delete左答案等佢第日測考之前print出黎用黎溫習因為學校好遲先會派比家長.公文果d其實可以考慮 cut左佢,因為之後你會發現冇乜時間溫書,要靠星期六,日去溫同埋d野溫左都未必識,好空泛,我地又系返工,識好小好小家長,都系自己去唸點樣去同佢溫書,好彩英文仲追到,我知好多學生成績好不過英文唔好,一上小三reading同writing 即刻死晒,因為系4科拉分,一次測驗失手,就算下學期有好大進步都系追唔番,所以測考要小心.
作者: anna59 時間: 12-9-13 08:57
回復 jojoplanet 的帖子
我發現原來幼稚園學定晒d野系冇用,因為上左小學一樣都用唔番,最重要系睇佢個人既質數同記性好唔好,珠心算,快d cut左佢,再學落去你會後悔同side錢,side時間
作者: anna59 時間: 12-9-13 09:02
回復 jojoplanet 的帖子
我同d ftm家長傾過,有d 只有一個小朋友,但佢地都話冇乜時間,因為要顧佢功課又要做家務,煮飯,冇晒時間,都系sat, sun溫書,變相星期六,日既節目就系向屋企溫書,想去街玩,等過左測考之後未有小小時間羅,就算全級頭10名果10個人都系要補習,都系冇乜好日子過
作者: jojoplanet 時間: 12-9-13 09:17
anna59 發表於 12-9-13 09:02
回復 jojoplanet 的帖子
我同d ftm家長傾過,有d 只有一個小朋友,但佢地都話冇乜時間,因為要顧佢功課又要做 ...
咁我地應該繼續做野, 揾錢黎比佢地補習好過..我而家想堅持下自己教自己睇功課..到一日真係唔夠時間我就唯有要佢放學去補習社做晒功課先我返家只係温習..
作者: mclfbb 時間: 12-9-13 16:23
我囝都係12月細仔,完全無跟唔上,學期尾重可以全級第一(11x人),上年一年班開學頭個月都係folder唔放通告,筆袋唔放文具,咩都放哂係書包搞到個書包亂七八糟,重會遺失八達通,飯墊餐具有食物帶埋返屋企的,但而家小二已經無哂上面的情況出現,所以比多小小時間佢適應先啦,而家開學得果2星期,重係言之過早~~
作者: jojoplanet 時間: 12-9-13 22:14
mclfbb 發表於 12-9-13 16:23
我囝都係12月細仔,完全無跟唔上,學期尾重可以全級第一(11x人),上年一年班開學頭個月都係folder唔放通告,筆 ...
作者: twodaughters 時間: 12-9-15 23:26 標題: 回覆：細囝讀小一是否有很大學習問題?
不用擔心，小一課程很淺，只要平時多看圖書、家長跟足D、去到自己教不到／教不聽的情況才去補習社，以上都絕對可以應付小學。不要因為小朋友小便否定他們的能力，小朋友的學習能力很強，家長需要多鼓勵、多觀察、適當地幫助孩子渡過困難，解決問題。我女兒也是12月生，學習上絕沒有問題。加油！從旁協助和相信你自己的孩子！
作者: mansum92 時間: 12-9-16 01:02
我都係FTM 湊2個 大仔今年2年級了 佢番屋企就開始做功課 佢開始做功課我就會去做自己野 等佢做晒 要佢自己對一次 先至去幫佢對 如果做做下唔識就叫佢跳左佢 最後先一次過問我 (因為最初佢係唔識一條就問一條 結果測驗佢唔識一條就諗好耐唔跳題目) 大約一個鐘之內就可以搞掂晒功課 之後會用半小時溫下果日學過D咩 你就會發現佢有冇聽書 慢慢佢就知道佢要聽書 D野就好快上手
不過小一最深既係閱讀理解 所以我每日都會用半小時同個仔講故事書
作者: yhk329 時間: 12-9-16 11:16
提示: 作者被禁止或刪除 內容自動屏蔽
作者: abiabi 時間: 12-9-23 00:30
除了學習問題, 還有其他問題, 搭校車時, 比高年級同學欺負. 返到屋企唔開心, 仲飲泣, 問他就哭, 佢好驚, 怕老師又怕個D同學. 真煩惱.
可能比較瘦小, 弱質纖纖, 好易比 人蝦.
作者: abiabi 時間: 12-9-23 00:35
回復 mansum92 的帖子
我都想唔做野, 做FTM, 但真的會好辛苦, 好矛盾. 工人下年要續約. 又想唔要佢, 但到時會忙死WOR, 唔知點決擇.
作者: chair 時間: 12-9-23 05:56
我亞仔是06年12月的，今年剛小一，只有105厘米高，好瘦小，但尚算健康。
我還有個讀K1的女兒，我要返工，平時由菲傭照顧起居。
亞仔升小一適應得好好，中英文默書都100分，還做了組長。
所以大仔細仔其實跟學習表現沒有關係，
更與學校無關，
主要視乎小朋友本身的能力和家庭教育
作者: bbchoi 時間: 12-9-23 12:26
我個女啲男同學都係咁，仲要係大仔，比多少少時間佢地適應，我相信佢地只係慢熱啫!
作者: evacalbee 時間: 12-9-23 16:42
先返得一個月都無. 隻隻仔都係求求其其. 舊年小一我仔返學D worksheet都係好似魷魚咁. 慢慢教啦, 我專誠去買個靚靚FOLDER比佢限佢有紙就要入落去. 過一排又買個功課袋入好哂D野. 手冊又係一住菜咁, 咁我又搵D硬卡紙包住佢囉. 又教佢要放大本書入去先放細本...
今年小二"正常"好多了. 我舊年都覺得好驚嚇架. 而家仲係適應期, 過多一排會好D. 唔好擔心到諗住留班啦.
串字佢喊, 係咪你語氣重左D呢? 加油啦! 諗下計仔, 同仔仔一齊努力. 細仔唔係一定要認輸架!
| 歡迎光臨 教育王國 (/) |
Powered by Discuz! X1.5 |