教育王國

標題: 香港區咁少輕度特殊小學揀既? [打印本頁]

作者: 我係女仔 時間: 12-9-11 18:08 標題: 香港區咁少輕度特殊小學揀既?

同上.........

作者: Chichatmima 時間: 12-9-11 21:30 標題: 回覆：香港區咁少輕度特殊小學揀既?

因為家長唔撿，政府借的意唔開，咪係無咯！

作者: 我係女仔 時間: 12-9-17 16:43

唔撿??????????

作者: 小倩 時間: 12-9-18 18:49 標題: 回覆：我係女仔的帖子

如果有特殊需要，醫院會轉介合適學校
但學習智能無問題的話，搵間輔導工作做得好，包容程度高嘅可能仲有幫助

作者: fongbau 時間: 12-11-20 11:39

有朋友研究過, 政府將香港劃分左唔同區域, 然後非常公平地每區只有一間輕度﹑一間輕中﹑一間中度﹑一間嚴重既特殊學校......朋友研究左之後, 話非常公平, 唔會話有邊一區多d或邊一區少d既情況......不過當然有d人會執假地址入每一d區既特校, 令到有d學校收生較為緊張囉.....
真係唔使旨意政府會開多d特殊學校囉, 佢推左咁多年融合教育, 都係想推d輕度去主流學校, 等特校既需求唔使咁多﹗

作者: sally722 時間: 12-11-20 13:48

回復 fongbau 的帖子

如果我個仔沒有特殊既需求,我都會去主流學校啦,如果唔係為左個仔好,你估我自己個心又好想個仔去特殊學校返學咩!

作者: fongbau 時間: 12-11-20 15:53

回復 sally722 的帖子

所以話政府既政策根本就冇咩資源幫我地d仔. 每區叫做得一間半選擇.

果d所謂融合教育都係唔湯唔水, 我個仔響k3比人折磨左一年, 今年小一選左特殊學校, 佢成個人開心哂﹗

作者: bbqiu 時間: 12-11-20 21:15

甘fong，你仔仔間特殊學校是輕度？師生比例如何？有沒有中學銜接？他們將來的出路是怎樣的？謝！

作者: fongbau 時間: 12-11-21 09:44

回復 bbqiu 的帖子

我個仔讀既係輕度. 因為我之前參觀過輕中混合的, 我覺得資源比較散.

如果學校是純輕度或純中度, 資源比較集中, 設計的訓練比較適切.

特殊學校是一條龍的, 中小學同一間. 即是6年級之後不需要再選中學. (除了你想中學回歸主流吧)

師生比例一般輕度是1：10, 而我所知中度係1：6-8左右. (小一甚至係1：1, 因為適應期)

坦白講, 一般智障人士既出路都係酒店執房呀﹑樓面呀﹑清潔呀﹑麥記呀咁,

都有小數可以做倒文職既 (我有見過d特殊學校請番d畢業生返去做野).

特殊學校差不多在中四開始就會有職前訓練, 等小朋友(到時都唔係小朋友@@)

樣樣工作都試下咁囉. 學校會幫畢業生揾工, 同埋一路跟進佢地既工作情況.

作者: bbqiu 時間: 12-11-21 12:34

甘對我們同小朋友黎講，真係一條出路，因以自己仔的理解力，一定吾可以同普通人比，謝覆。

作者: why-me 時間: 12-11-27 11:30

只要過到心理關口, 特殊小學都唔錯, 小班教學再分組, 可以量力而為, 起碼老師經驗及耐性都好過一D冇質素融合小學, 你知我地D仔唔識保護自己, 欺凌事件亦唔會發生, 好似我個仔, 每逢長小息都有一位大哥哥(中學部)睇住佢, 同佢認識學校各設施, 同佢地玩. 我同屋企人都認為, 個仔開心愉快成長及學習係最重要.

作者: fongbau 時間: 12-11-27 12:22 標題: 回覆：why-me 的帖子

仲有，因為唔使花時間去追功課，仲多左好多時間學其他野~ 我個仔同老師個別堂會做感統運動、學渣筷子、社交遊戲小組。。。仲可以響學校學樂囂、攀石、roller、騎馬、游水~~~好忙架佢~

歡迎光臨教育王國 (/)