教育王國

標題: 升K1後日日喊 [打印本頁]

作者: Etbaby88 時間: 12-9-10 21:03 標題: 升K1後日日喊

阿女返咗蘇浙國際部一個星期，日日喊住唔肯返學，點算好？今日第一日坐保姆車更加喊到對眼腫晒，真係心痛

作者: Toffee888 時間: 12-9-10 21:52 標題: 回覆：升K1後日日喊

等！
等佢習慣，我仔喊了一星期！日日都湯雞咁！一星期後，咩事都冇，自己行入學校

作者: Etbaby88 時間: 12-9-10 22:04 標題: 回覆：升K1後日日喊

今日係第二個星期嘅第一日，亦係第一次搭保姆車，喊到個司機call我，叫我揾人接走佢

作者: c-wong 時間: 12-9-10 22:32

my girl also cried in the first week. she yelled and stuck on the floor refused to get change. I was so worried. she only cried for 1 week. I think she is the shiest kid in the world, I have never seen a kid as shy as her.

I sent her to school the first month. when she took school bus the 2nd month, she didn't cry at all and was so happy.

don't worry, some kids may cry as long as 1 month. give her and yourself some more time. you have to ignore her crying and don't take her home from schoolbus. she has to grow up and learn to be independent.

作者: Etbaby88 時間: 12-9-10 22:35 標題: 回覆：升K1後日日喊

咁我應該等佢先適應新學校再搭校車，亦或同步進行，狠心啲？

作者: bopui0607 時間: 12-9-10 22:39 標題: 回覆：升K1後日日喊

她之前有讀兩歲班嗎？

作者: Etbaby88 時間: 12-9-10 22:42 標題: 回覆：升K1後日日喊

有喺屋企附近讀，但都冇喊，就係咁我先頭痛

作者: Nath 時間: 12-9-10 23:27

會唔會因為講英文同普通話所以唔適應? 老師一般建議家長送返學校後立刻走, 咁樣小朋友會喊少D......同埋可能等佢適應左先撘校車會好D

作者: twllc 時間: 12-9-11 11:45

佢本身識唔識聽/講英文或普通話? 唔識可能發覺同同學溝通唔到/上堂聽唔明，所以唔鍾意返學

俾多d時間佢適應，唔好搭校車住，等佢鍾意返學先坐校車啦!

作者: Etbaby88 時間: 12-9-11 12:05 標題: 回覆：升K1後日日喊

佢之前讀兩歲班都係有英文同國語，不過程度應該冇咁深，所以未適應到，宜家唯有自己送返學，校車接放學，睇下會唔會好啲，總之見到阿女係咁喊就好心痛。

作者: Oscar66 時間: 12-9-11 14:57

回復 Etbaby88 的帖子

Tried to discuss with her teacher, they had experience and can give you some idea.

作者: LyNeC 時間: 12-9-11 15:08

I met a baby boy last year when my girl started PN at HUH.

That baby could keep crying from Sep to Feb next year... so I think other parents are not necessary to worry...

Your baby is not the worst!!

作者: yfchoy 時間: 12-9-11 15:41

本帖最後由 yfchoy 於 12-9-11 15:42 編輯

首先要了解囡囡為何喊(pn時冇咁既情況)，有時佢未必講得到俾妳聽點解喊，或者從第二個角度睇，佢仍未太懂得表達自己，還遇到問題只懂喊。所以若是小朋友答問出，便嘗試從假設性問題叫佢答喺唔喺。雖然小朋友總會有適應期，但家長要同佢作出配合、鼓勵。若明知小朋友很害怕新環境，是否應該同佢講多些該校的情況(當然自己亦要做準備功課)。連父母都唔能夠冷靜面對，小朋友更加冇可能冷靜。主樓自己反思一下在小朋友喊的時候做咗啲咩(我唔喺話樓主唔啱)，有時候當時父母的反應亦很影響小朋友的情緒，主樓有否想跟小朋友一齊喊？有否哀傷表現出來？小朋友會感受到父母的感覺(聽落好似好神奇，但不要睇底小朋友能力)，佢哋唔識處理事情便依懶父母幫佢哋解決。要佢哋知道返學不是一件可怕的事，每個小朋友都要返學，既然其他人都得，點解自己唔得？有時候有些學校和老師會比較惡或者說話較大聲，小朋友聽到以為老師罵佢(可能真喺)，唔受得到別人責罵便會喊(有些小朋友從未被人責罵)，這是很正常的反應。父母可以做到的就喺幫佢哋調節小朋友的心態。據我所知，蘇淅的確幾嚴(我所知的是本地班、不是國際班)，老師係惡，我舊同事曾經喺校內(某些原因帶囝囝入校內親身聽到)樓梯聽到有位老師罵小朋友要去廁所，搞到小朋友喊，之後舊同事第二年都轉走咗。
要知道小朋友喺咩性格去選擇學校，當遇到困難便要想盡辦法解決，主樓囡囡事件未必一定因為老師惡，可能有其他事，試吓同佢講故事書(如果佢鍾意聽故事更好)，坊間有些兒童圖書有講小朋友從小所遇到的事，有一本是講幼稚園的(詳細資料可睇番我之前的post)，講小女孩由起床到放學的經歷。若是小朋友不肯透露，亦可透過這些故事書，當中問吓囡囡是否跟小女孩一樣喺學校咁開心，可能佢會答到妳啲嘢。有時以時候等待小朋友好轉唔喺唔得，但想小朋友適應快啲和了解小朋友的心情，盡量想多點辦法，另外亦跟老師談談囡囡做校的情況，繼續努力吧！

作者: jvcfamily 時間: 12-9-11 16:24

回復 Etbaby88 的帖子

我個囝一樣case. PN 時反而無點喊. 我估因為新學校, 老師, 同學, 佢未適應.
重要坐校車, 佢話唔鐘意校車, 要坐MTR. 但唔坐校車學校位置好吊腳, 未上堂行返去已累死加全身濕透.已留言叫校車保母同班主任留意多的鼓勵下佢. 岩岩開學無耐, 只有再觀察同等..

作者: Etbaby88 時間: 12-9-11 22:50 標題: 回覆：升K1後日日喊

多謝大家意見，希望在明天

作者: HappiMom 時間: 12-9-11 23:20

回復 yfchoy 的帖子

你係咪謂莎莎套書呀?
我個女上年K1都係喊到死, 喊左一個星期有多!!

作者: yfchoy 時間: 12-9-12 09:54

HappiMom 發表於 12-9-11 23:20
回復 yfchoy 的帖子

你係咪謂莎莎套書呀?

喺呀，呢套書俾好細個既小朋友讀(當然大人在旁讀俾佢聽)好好o架！有系列關於日常生活，有系列關於德育，亦有關於衛生的。

作者: marie12345 時間: 12-9-12 10:17

我仔都由開學日喊到今日，每朝連刷牙換校服都不肯，又係搭不到校車要送佢學，但放學搭校車返黎又好正常又開心，可能仲需要d時間適應。

作者: zzmom 時間: 12-9-12 10:27

回復 yfchoy 的帖子

莎莎套書?可以給我書的全名嗎？我個仔返PN第一個星期沒有點喊，還好似幾開心添，但第二、三個星期就勁喊，就算在家的時候也常常喊，見他好似好驚、好不安咁。有時見他對什麼也沒興趣，又唔肯自己訓，又唔肯自己行，成日要抱，我又唔知可以點幫他，真擔心！

作者: yfchoy 時間: 12-9-12 10:39

zzmom 發表於 12-9-12 10:27
回復 yfchoy 的帖子

莎莎套書?可以給我書的全名嗎？我個仔返PN第一個星期沒有點喊，還好似幾開心添，但第 ...

佢有很多本書，不過你可去"小樹苗"出版社問要莎莎系列既書，佢哋答到你。

作者: zzmom 時間: 12-9-12 10:40

回復 yfchoy 的帖子

Many Thanks!

作者: Etbaby88 時間: 12-9-12 11:42 標題: 回覆：升K1後日日喊

今日阿女又係咁講唔去呢間學校返學，要轉第二間學校返學，我諗要同老師傾傾先得。

作者: yfchoy 時間: 12-9-12 11:49

Etbaby88 發表於 12-9-12 11:42
今日阿女又係咁講唔去呢間學校返學，要轉第二間學校返學，我諗要同老師傾傾先得。

...

首先跟老師傾傾到底喺校內發生咩事(可能所有同學唔同晒，冇安全感)，希望老師可盡量協助改善。

作者: sharonwongg 時間: 12-9-12 14:50

回復 Etbaby88 的帖子

請問怎樣報蘇浙國際班? 學費幾多?

作者: weiweibb 時間: 12-9-13 00:44

回復 Etbaby88 的帖子

我大孖日日返學都喊，接佢放學又好似滿懷心事，問佢鐘唔鐘意返學，佢唔出聲。我問佢係咪有同學仔打佢，佢話係。我知佢唔識同學d 名，便問那個同學係男或女，坐起邊度。翌日返學時，我叫佢指比我知係邊個。我將這件事告訴班主任，希望佢留意下那個同學。放學時，班主任話那個同學平時都好乖，無打我個仔。佢話有些小孩會因為唔想返學而說謊，找藉口，有無媽咪有同樣經驗可分享呢？

作者: yfchoy 時間: 12-9-13 10:31

本帖最後由 yfchoy 於 12-9-13 10:33 編輯

weiweibb 發表於 12-9-13 00:44
回復 Etbaby88 的帖子

我大孖日日返學都喊，接佢放學又好似滿懷心事，問佢鐘唔鐘意返學，佢唔出聲。我問佢 ...

不如咁講，每個人對每件事既準則都不同，未必喺小朋友講大話，有時有些小朋友對某些事物好敏感，輕輕碰撞一下便以為人哋打佢(可能該小朋友是冇心，不能排除有些小朋友本身好乖但很"論盡"，成日會整到身邊小朋友，喺老師眼中那小朋友可能喺好乖，而這些"論盡"行為亦唔覺得有咩大問題。又或者可能想多一事不如小一事，實情真的唔知)。可以問吓大孖小朋友點打佢，然得再同佢分析，若是真的話便同佢講如果小朋友再打佢就要同對方講咁樣喺唔啱，自己沒有錯不需要因此而唔喜歡返學，再唔得就問吓老師可否轉位。
小女初返k1在校巴亦有被蝦事件，佢冇同我講，反而喺當時的工人姐姐和同車站的高年班哥哥話我聽，當時我亦有跟班主任反映(不是要追究小朋友，始終有時小朋友的相處事好難講邊個全對或錯)，最後把佢哋兩個分開些坐便沒事。小女一向以來都唔喺咁肯講學校既事俾我聽，但初時就久不久便會在班上突然飲泣起來，老師問點解喊佢就話掛住媽咪，有次老師同佢扮打電話俾我，然後佢扮我同小女講叫佢乖乖返學，放學回家好快見到媽咪，咁樣又work喎！到現在我久不久問佢學校事佢都淨喺答我食茶點、去廁所和跟住放學，學咗咩永遠都唔講，最初既時候仲亂說一通，仲要整古我話佢隔離個同學叫 "pat pat"，喺男仔，問咗幾次都一樣，跟住家長日問番老師佢都話冇呢個小朋友，我再問番佢時佢就指住自己個"pat pat"和呢個咪喺囉，激死！現在我採取既態度都唔再迫佢講，問佢肯講就聽，有時佢自己都會講番同學仔啲名俾我聽。好彩的是之前的校車事件冇影響佢返學既意慾，現在仍然喜歡返學。

小女的事件未至於因唔想返學而說謊，但有時候都要提醒小朋友說謊喺唔啱 (佢哋唔會為意說謊的嚴重性，只覺得開吓之嘛)，說謊多便冇人再相信佢。要想盡辦法知道是否小朋友刻意說謊還是只是誤會，然後再想辦法解決。千萬別只聽老師小說話(當然亦不能全信小朋友的話)，佢哋咁細喺好難分清真假，唯有盡量多些跟小朋友溝通吧！

作者: yame 時間: 12-9-13 16:48 標題: 回覆：升K1後日日喊

我個仔原校升K1都係日日喊，已經8日了。佢又係著校服已開始喊。佢話好驚返學。

主要的轉變：
由下午班變了返9：00-2：00，要在校吃午飯
老師和同學不同

作者: DorMama 時間: 12-9-13 17:23

大家可否指教一下：
我阿女今年讀K1, 冇讀過PN. 返左幾日學，好似對返學冇乜興趣．
我train左佢9:30pm入房，但通常10:30pm先訓得著，朝早7:30am又唔願起身，起左身又要搞好耐，樣樣唔願郁，搞到成日趕唔徹搭校車．
宜家我好頭痛，唔知點先可以趕得徹出門口．

作者: hohoyy 時間: 12-9-13 17:47

回復 DorMama 的帖子

同無興趣返學好似冇關, 只係眼訓唔願起身, 小朋友有冇訓晏覺, 試下訓少d晏覺.

作者: dmma 時間: 12-9-13 18:35 標題: 回覆：Etbaby88 的帖子

其實我同你相同遭遇：喺另一間讀PN，之後喺KCS讀K1，但讀咗大半年都唔開心，自信心都無埋。而家已轉校了... 我諗我的小朋友係因為唔習慣太多國語同老師太嚴！

作者: Etbaby88 時間: 12-9-13 18:40 標題: 回覆：sharonwongg 的帖子

有出世紙就可以申請，份form上佢網站下載就得，$51000／10個月

作者: Jane1983 時間: 12-9-13 18:57

蘇浙係大校，比較嚴格和有規矩，可能同以前細校親切PN吳同，所以吳中意。

我小朋友都試過話吳中意返畫班，初時吳明，後來聽明白。原來佢吳中意老師大聲，話佢好大聲鬧d大哥哥wor。

作者: weiweibb 時間: 12-9-13 20:41

回復 yfchoy 的帖子

好多謝您詳細的分析和分享。今日大孖臨返學前見到個書包，叫我收埋佢，又話要去街街，好彩最後氹到佢返學。我送佢返課室，終於無喊了。放學時，老師讚佢乖，話佢今日無喊過。他帶點自豪地對我說：謙謙無喊。我真得很開心，希望佢鐘意返學啦。

作者: yfchoy 時間: 12-9-14 10:09

weiweibb 發表於 12-9-13 20:41
回復 yfchoy 的帖子

好多謝您詳細的分析和分享。今日大孖臨返學前見到個書包，叫我收埋佢，又話要去街街 ...

見到你話囝囝無喊就好啦，多些鼓勵佢！

作者: vio922 時間: 12-9-15 02:14 標題: 回覆：Etbaby88 的帖子

我個女都係咁，PN冇問題。k1 at a new school. She cries everyday when she arrive school. She told me she don't want to go to the new school. She want to go to her pervious school. I ask her why, she said she does not know the classmate at the new school, the children don't want to play with her, only play with the teacher. I think they need time to adapt the new school. So add oil!

作者: marie貓 時間: 12-9-15 08:47

本帖最後由 marie貓於 12-9-15 08:48 編輯

其實我女細B....都冇返過兩歲班....
佢冇乜喊喎....可能我返學之前.我同婆婆.日日同佢講要自己返學..同小朋友玩...我係出面等佢...
之後佢就好根深柢固....返學係玩....我地係出面等佢...
佢返學...就冇喊過......
不過我都冇揀搭校車先...因為想等佢習慣左返學..先再習慣第二個...
兩樣野一齊黎...細膽小朋友會好驚架..冇乜安全感！

作者: Etbaby88 時間: 12-9-15 11:48 標題: 回覆：升K1後日日喊

Yes add oil

作者: ting-ma 時間: 12-9-16 01:30

提示: 作者被禁止或刪除內容自動屏蔽

作者: orange22 時間: 12-9-16 22:41

本帖最後由 orange22 於 12-9-16 22:42 編輯

我個係細女，而且係全班最細。去年讀Ｋ１時喊咗個半月，全校Ｄ老師和家長都識佢。用咗好多方法，但係最後work嘅就係多Ｄ鼓勵，好似洗腦咁話比佢聽番學係好開心嘅，喊少咗就比Ｄ獎品佢，我用哈哈笑和哈哈喊貼紙，之後全年都無喊過。今年Ｋ２開學佢話自己大個女啦，唔使用貼紙做獎品啦，不過都喊左兩日，都算○Ｋ啦！{:1_1:}

作者: wan_sosin 時間: 12-9-16 23:14

我係我仔間學校做過家長義工!照顧K1新入學小朋友.雖然每間學校都唔同,但小朋友嘅問題都應該差不多!
通常喊嘅原因一般有幾個,最基本當然係掛住家人!
就算返過PN,都會有些小朋友唔適應新環境,新人事!
有些會不喜歡老師,不過這個反而不多!
有些不喜歡同學仔,因為新開學,總有很多同學喊和唔守規矩,有些返開學的小朋友會不喜歡不守規矩的小朋友!
有些因為想有人注意,因為老師通常都要照顧一下喊嘅小朋友,唔喊嗰D就好似被忽略,加上又唔識其他同學,覺得無人理,所以就會喊下!
小朋友喊兩個星期都唔出奇架!有D喊一個月,有聽過有D喊足半年!
其實唔只喊架!有D小朋友仲會大發脾氣!
做媽媽嘅當然會心痛!但係都要比時間個小朋友!

作者: yfchoy 時間: 12-9-17 11:16

ting-ma 發表於 12-9-16 01:30
冇喊番學真係好好, 好叻呀..
我囡係super big b番pn, 其實都成2歲9個月, 但係番左1個月分離那一刻都會喊, ...

之前睇書和資料，一向都話如果小朋友好跟媽咪的話，帶返學時應要由其他人帶，避免分開時小朋友唔願意而喊。以我的經驗，搭校車喺一個令小朋友獨立的經驗，其實小朋友當上到車，有風景看有小朋友同佢玩(過一排熟咗之後)，佢都唔會再要跟媽咪，亦可在校車的時候調節小朋友自己的心情。

作者: rosannalam 時間: 12-9-17 12:45 標題: 回覆：升K1後日日喊

唉！我個仔原校升k1，不過由半日變全日，由上星期開始日日都喊住話唔返學，放好在去到學校門口會收聲，但係放學係屋企同全世界講唔想返學，搞到我變成大衰人，最慘係我隻佬唔支持我！

作者: yfchoy 時間: 12-9-17 14:39

rosannalam 發表於 12-9-17 12:45
唉！我個仔原校升k1，不過由半日變全日，由上星期開始日日都喊住話唔返學，放好在去到學校門口會收聲，但係 ...

首先，要搞清楚為何有當初囝囝轉全日班的決定，另外便是妳和c6是否達到共識。其實除非學校把整班半日班變全日班，否則咁樣一轉小朋友要重新識過所有老師和同學，對佢嚟講是一個極大轉變(不是父母所看的只是時間較長而已)。如果小朋友很認人，較慢熱，這轉變對於佢來講更難適應。另外，小朋友本身喺屋企會做咩？喺學校會有一定規律，有瞓晏覺。如果小朋友係屋企唔瞓，不停玩和睇電視，突然要佢係學校冇電視睇(亦相信唔會俾額外玩具佢玩)，咁既轉變，大人都有點唔開心。相信妳有這決定都係想囝囝早點適應小學的全日生活，現在小朋友抗拒是正常反應(當然亦有小朋友很喜歡返全日班)，就咁就放棄的話，當初便不應轉班。除非c6一直唔同意，否則的話應該都知道這改變的背後原因，唔應該唔支持。可能佢既唔支持喺冇同妳一齊想辦法解決而唔喺叫妳囝囝轉番半日班，咁都情有可願(但我知道妳一定唔服氣，我都會

)，因為好多時啲男人覺得自己要外出揾錢(就算妳都喺，只要揾得小過佢妳就要顧多啲屋企嘢)，小朋友學習方面就推咗俾妳(起碼大部份責任)，所以小朋友一唔開心就覺得妳攪唔掂。俾啲時間和耐性幫助囝囝渡難關，一定解決到。千萬別讓囝囝咁易就放棄。

作者: rosannalam 時間: 12-9-17 15:28 標題: 回覆：yfchoy 的帖子

好多謝你嘅分析，先講返小朋友n班先，以前99&62每日搭車帶返學放學「我地唔同住」，老人家太過錫佢，有時午睡會4／5點瞓到我放工6／7點先起身，搞到晚晚成11／12點先瞓，變到我無曬付（又唔話得）好難調返正，我衣十都係慢慢迫佢正常d。但都唔係好掂，之前老師都話佢會上堂成日想恰！
衣十佢返8：15有早餐，茶點（早上同下午）另有飯食，但小朋友又偏食，所以佢好唔想返學食，你都知小朋友會蝦屋企人唔like就死都唔食，學校佢就無計，死死地食，而我c6唔支持我，因為佢兩佬變咗失業（之前幫我揍仔要額外比外份錢），老實講我覺得小朋友返全日班會學多d野，上午雙語下午全英，重可以改善佢飲食習慣，我不知幾like，錢方面係扣返兩老但係都唔夠，全部我上身，用我d積蓄（以前我搵得比佢多，不過衣十失業人士），但佢都無比多我。最唔開心係小朋友唔明，佢重落藥，搞到小朋友唔想同我瞓同沖涼，叫c6做，但c6又唔識沖發老脾（亞仔唔比用花灑洗頭），我係覺得c6自己攞黎衰，但佢沖涼閙仔時，個仔喊個心又好酸。anyway，係到申訴吓先好過d。

作者: sumaggie101 時間: 12-9-17 15:48 標題: 引用：今日係第二個星期嘅第一日，亦係第一次搭保

提示: 作者被禁止或刪除內容自動屏蔽

作者: yfchoy 時間: 12-9-17 17:19

rosannalam 發表於 12-9-17 15:28
好多謝你嘅分析，先講返小朋友n班先，以前99&62每日搭車帶返學放學「我地唔同住」，老人家太過錫佢，有時午 ...

現在嚟講，妳要知道咩對妳最重要，c6方面喺佢自己攞嚟，一定要佢知道教小朋友要有一致的態度小朋友先容易教。如果c6點都唔聽就由得佢對囝囝發火，囝囝喊，然後有機會就擁抱吓囝囝同佢講一些甜蜜話，同佢講媽媽想佢好先會咁之，之類的東西。有些事要做得恨心啲才有成效。囝囝現在才k1，還有很多事要面對，現在妳一定要硬起心腸，幫囝囝把不良習慣改掉。現在佢哋唔明，只識得遷就，遲啲就會明白妳的苦心。妳講得啱，現在唯一的支持會喺嚟呢到申訴吓、等我哋幫妳加油，然後繼續努力！

作者: christy31400 時間: 12-9-17 18:47

過度時期~~~樓主要加油~~~~~

作者: BethMarc 時間: 12-9-18 23:31

回復 Etbaby88 的帖子

Hi Etbaby88,
If possible, can you or other family members bring your child to school for one week and take school bus home? Then your kid will be familiar with school bus. It's not easy for a three year old kids to easily adapt to new environment when everything is new too. Add oil!

作者: ac917 時間: 12-9-19 09:17 標題: 回覆：升K1後日日喊

如果佢都經歷喊既階段，由佢喊下先啦，俾d信心囡囡，一定會適應

作者: hohoyy 時間: 12-9-19 09:30

回復 rosannalam 的帖子

最慘既就其他屋企人唔係有相同既教仔方針, 你嚴格, 但屋企人縱容, 小朋友當然識得搵邊個做靠山. 不過你唔好放棄, 個小朋友係你既, 係好係壞, 都係父母要負責同處理, 唔係其他人.

作者: rosannalam 時間: 12-9-20 09:40

回復 hohoyy 的帖子

同意你講法又多謝你的支持! 我c6全部係好人,哀人我做曬,有時真係好灰心,成頭家由清潔,補習到皮費都落係我身上,有時真係睇唔開,想唔理,有呢個平台申訴吓,有你地支持先唔會想唔開!

作者: annierabbit 時間: 12-9-27 01:28

"莎莎" is good! my daughter loves these books so much. she learnt from 莎莎's experence too.

you can find it easily at big book store like 商務、三聯、天地、大眾

作者: myhappybb 時間: 12-10-3 18:54 標題: 回覆：升K1後日日喊

我個仔反左pn個幾月，系最初吾cry，之後日日一到學校就cry，要老師抱先吾cry，好像反射動作甘，但我覺得他系like反學，放假時都話要反學。。我，工人，老公帶反學都cry，系米應該改搭校車？
同埋呢排好扭抱，一吾開心或出街就扭抱，吾知系米在學校一cry，老師就抱，搞到他現在一吾開心就要人抱，吾知點搞...

歡迎光臨教育王國 (/)