教育王國

標題: 囝囝20個月確診，好擔心！ [打印本頁]

作者: yukiggg 時間: 12-9-9 14:58 標題: 囝囝20個月確診，好擔心！

囝囝20個月，一直都覺得佢好活躍成日行離行去，自轉，唔采人，玩玩具好快就無興趣，未識講野！原以為係專注力不足過度活躍，上星期見到屋企附近有初步評估平平地睇下咩事喇。點知發覺佢係係自閉果邊！好擔心好擔心！
琴日睇埋領思謝醫生確診，未有報告，佢會幫我send紙去社會福利署，等社工電話，再轉介去CAC評估，再等！
我想請問大家我可以做d咩？（現報左第一次初步評估果間既1星期一堂（1hr）既1對1感統訓練及言語治療師（30m）呢兩日係屋企一得閒就練習，覺得佢表現有小小進步，會望多你兩眼玩，好開心！不過我地兩個就成日同佢不停講野、唸點同佢練，好驚是但一個好快頂唔住！
另外，囝囝一直都由姐姐臭都臭得佢幾好，癡佢多過我，家務又唔試我擔心，我應唔應該辭左份文職全力training佢？

作者: ymhmami 時間: 12-9-9 15:06 標題: 回覆：囝囝20個月確診，好擔心！

提示: 作者被禁止或刪除內容自動屏蔽

作者: yukiggg 時間: 12-9-9 15:23 標題: 回覆：囝囝20個月確診，好擔心！

pm左你，亦好多謝你！依幾日都訓得唔好，唔知點同屋企兩老講，驚佢地接受唔到！

作者: babycat9001 時間: 12-9-9 21:49

其實唔需要咁膽心,放鬆自己平常心,就算有乜事都係你最愛。
以我經驗，樓下為左有生意,當然會話你小孩有事。個所謂評估員係乜水,跟本呀豬呀狗既C奶都可以叫自己做評估員。你應該最快去CAC排期做評估,起碼CAC評估係真正醫生或專家做的，而且份報告可以排隊入S，I，E位等等。你現在都唔算叫確診。

作者: yukiggg 時間: 12-9-9 23:44 標題: 回覆：囝囝20個月確診，好擔心！

Thank you. 我會努力去面對！今晚去飲，佢走離走去成2粒鐘！見到小朋友就去打人！個個都用古怪目光望佢，個心真係好唔舒服！
Links謝醫生話幫我send d料去排隊，乜無效架？不過健康院最快下個月中先見醫生，真係心急c我！
果間訓練中心既統籌係好資深既導師，見第一次面感覺到佢係好有料果d我地先俾錢，不過會先試1~2個月睇下效果點。

作者: fandd 時間: 12-9-10 00:47

回復 yukiggg 的帖子

放心!LINKS謝醫生寫既報告一定受政府認可,可以用嚟排訓練位,我囝囝就係例子!

作者: chowqv 時間: 12-9-14 13:42

yukiggg 發表於 12-9-9 14:58
囝囝20個月，一直都覺得佢好活躍成日行離行去，自轉，唔采人，玩玩具好快就無興趣，未識講野！原以為係專注 ...

媽媽你呢個反應好正常，先放松心情，呢個係長期既功夫。

如果姐姐湊佢，而你返工搵到既錢又唔錯既，都係做住先，因為訓練要用唔少錢。家居訓練，你放工，姐姐平日都可以同佢做。重要係佢知你有幾愛佢。

歡迎光臨教育王國 (/)