教育王國
標題: 是不是名校幼稚園入名小學機會大？ [打印本頁]
作者: athea 時間: 12-9-8 04:28 標題: 是不是名校幼稚園入名小學機會大？
我聽說名小學收生時會睇下學生是不是出自名校幼稚園，如是讀一些普通的幼稚園，考到名小學的機會便很低！是不是真的？
有沒有家長仔囡入到名校而幼稚園是一間普通唔出名的。
作者: SCKnight 時間: 12-9-8 06:35
學校始終都係睇小朋友喺面試嘅表演！除非小朋友大家都喺面試表演半斤八兩，咁KG嘅背景就會有影響。
作者: steven819 時間: 12-9-8 21:48
問題是小朋友以前能被名幼稚園取錄，已表示潛質優厚，當然較易被名小學取錄，不過小朋友最終面試表現是最為重要。
作者: 小曳人 時間: 12-9-9 06:48
steven819 發表於 12-9-8 21:48 
問題是小朋友以前能被名幼稚園取錄，已表示潛質優厚，當然較易被名小學取錄，不過小朋友最終面試表現是最為 ...
但我曾經因為如此論調，受到某名幼家長聯手批評！佢地認為入到名幼會改變到個小朋友！
作者: miutang 時間: 12-9-9 07:32 標題: 回覆：是不是名校幼稚園入名小學機會大？
還有名幼一年出產幾百個畢業生，比普通幼稚園得百多人，這樣計成功機會自然大，始終面試表現最重要。
作者: ac917 時間: 12-9-9 08:03 標題: 回覆：是不是名校幼稚園入名小學機會大？
凡事都唔能夠一概而論，知唔知名幼既小朋友，父母喺背後付出幾多努力？名幼並非神話
作者: cherry168 時間: 12-9-9 09:04
視乎小朋友的表現，有少數注重學術的小學可能會多留意多一點吧!
作者: SCKnight 時間: 12-9-9 09:58 標題: 引用：還有名幼一年出產幾百個畢業生，比普通幼稚
原帖由 miutang 於 12-09-09 發表
還有名幼一年出產幾百個畢業生，比普通幼稚園得百多人，這樣計成功機會自然大，始終面試表現最重要。
...
作者: SCKnight 時間: 12-9-9 09:59 標題: 引用：凡事都唔能夠一概而論，知唔知名幼既小朋友
原帖由 ac917 於 12-09-09 發表
凡事都唔能夠一概而論，知唔知名幼既小朋友，父母喺背後付出幾多努力？名幼並非神話
...
作者: 已刪除用戶 時間: 12-9-9 11:31
名幼名小, 做的只係QC, 即由呢D 校學出來的, 平均的學術質素有一定保証, 不過最關鍵一定係小朋友同家長背後的付出。
作者: babybear 時間: 12-9-9 11:46 標題: 引用：凡事都唔能夠一概而論，知唔知名幼既小朋友
原帖由 ac917 於 12-09-09 發表
凡事都唔能夠一概而論，知唔知名幼既小朋友，父母喺背後付出幾多努力？名幼並非神話
...
家長背後的努力比是否名幼學生更重要！
當然如兩個小朋友一個出自普通幼稚園而另一個出自名幼，而大家資質一樣，面試表現也一樣，各方面條件都一樣，咁出自名幼果位可能機會大少少~
但淨得名幼個「朵」，表郤好一般，咁，表現出色而來自普通幼稚園的小朋友便機會大好多了！
作者: 已刪除用戶 時間: 12-9-9 11:52
本帖最後由 yuenkw 於 12-9-9 20:14 編輯
曾經有朋友的兒子入讀某間英小, 開學前家長日英文科老師講校方對學生進度的期望, 要求小一新生在第一段考(大约十一月), 可以掌握 simply present 及 past tense 的運用, 而 9 月開學就開始教 simple past tense。
我朋友問simple present tense 呢？ 對方講校方期望學生入學前已經懂。
講真, 跟得到e間名小的校方要求, 根本讀邊間小學都可以有好成績。
讀名小, 不過要佢個名同出身, 為小朋由小做個靚仔紀錄。
作者: hecabb 時間: 12-9-9 12:01 標題: 引用：凡事都唔能夠一概而論，知唔知名幼既小朋友
原帖由 ac917 於 12-09-09 發表
凡事都唔能夠一概而論，知唔知名幼既小朋友，父母喺背後付出幾多努力？名幼並非神話
...
作者: Jane1983 時間: 12-9-9 13:19
家庭培育係最緊要，呢樣野無一間學校可以代替。
但而家考名小d題目深，已經吳係話小朋友醒目，學校開心教育可以hand。名幼教得深d，加上名幼d家長又跟得好貼，小朋友表現自然好d。
作者: 已刪除用戶 時間: 12-9-9 14:00 標題: 回覆：是不是名校幼稚園入名小學機會大？
認同，名校吾係神話。而父母一早就揀程度深既學校，某程度上亦表明左父母想栽培仔女成材既決心（我無話非名校家長等運到，不過generally都係咁唸）。我仔讀間街坊學校，亦真係吾小家長係根本吾會考慮去考交學費既學校，靠抽獎啦。家庭培養都有關係。
作者: winnietingting 時間: 12-9-9 14:17 標題: 引用：+本帖最後由+yuenkw+於+12-9-9+12:04+編輯+
原帖由 yuenkw 於 12-09-09 發表
本帖最後由 yuenkw 於 12-9-9 12:04 編輯
曾經有朋友的兒子入讀某間英小, 暑期家長日英文科老師講校方對 ...
作者: Joechengck 時間: 12-9-10 11:54
我個人應為名幼對入名小是有小小幫助的，但係如果有家庭用心嘅培育/父母全程嘅付出，我相信子女一樣會有一個美好嘅明天。
以我為例，兩年前，我囝囝是在一個公共屋邨的保良局幼稚園就讀，而我同太太就全程/全情投入去教佢，最後囝囝幸運地得到八間直資/私校嘅取錄 (當中包括聖保羅男女、男拔萃同英華等)，我囝囝現就讀聖保羅男女小二，上一年更能獲得全班頭五名，比一些在寶山或聖公會幼稚園出來的更優勝，所以我個人應為只要有父母默默嘅付出，而囝囝又受教的話，有沒有名的幼稚園都是不重要的！
作者: Silverhawk 時間: 12-9-10 12:14
回復 Joechengck 的帖子
你囝囝及太太都好叻, 你太太有番工嗎? 如何在工作之餘又能應付小朋友的學業? 我好想偷吓師.
作者: vern99 時間: 12-9-10 13:25
回復 Joechengck 的帖子
您仔仔真係叻，亦可以感受到您們對您仔仔的用心，您可唔可以在這裡分享一些你們的育兒心得，其實不純粹為考學校，我只是希望知道其他人士的育兒方法，從而改進自己的不足，麻煩您！如不方便，也可pm 我！
作者: Joechengck 時間: 12-9-10 14:32
我記得當年我囝囝初初讀K1嘅時候，我同太太已經定立頭三年嘅目標，即係每一年我哋想囝囝應該要懂得嘅知識，例如係K1嘅時候，我一定要教他26個字母，簡單嘅英文字(vocab) 同對答，加減嘅運算，一齊看中文報紙學習中文字同明白一D社會上嘅基本常識，德育方面要教他懂得說早晨和晚安等句語 ，教佢從心去關心別人，並且教佢不要怕陌生人，多D和不同嘅人說話(包括陌生人)，這樣可以訓練佢嘅膽量同表達技巧，另一方面，我又會教佢多講/作故事，這樣可以訓練佢嘅創作能力。(Drawback: 我這個訓練事實係對佢考小學有絕對嘅優勢，但係好有可能佢將來會變成一個非常多嘴，同難以收口的小孩，我囝囝現在就是。)
到現在小學嘅時候，我同太太首先會研究學校嘅教學方針同方向，並且要細心估計學校嘅程度同要知道考試考幾多分才算是高分，這樣才可以厘定我哋教佢嘅程度同目標，可以去書局買多D習作同模擬試卷比佢練習。
平時多D同同學嘅家長交流，學習他們教子女的方法同心得，可能會有D適用於囝囝身上。
找多些機會去讚佢同尊重佢，可以提升佢嘅自信心同懂得何謂尊重。
這些都是我同太太對教囝嘅經驗 (算是心得)，未必適用於每個家庭！
作者: copywai 時間: 12-9-10 14:49
會，小學（直資和私立）都會收名幼稚園生，還會睇父母背景及職業。
作者: sissysze 時間: 12-9-10 15:36 標題: 回覆：是不是名校幼稚園入名小學機會大？
有啲私校，你唔係名幼連interview嘅內容都會唔同架，明耍你架
作者: vern99 時間: 12-9-10 15:44
回復 Joechengck 的帖子
thx a lot
作者: Jane1983 時間: 12-9-10 16:05
回復 sissysze 的帖子
邊間咁誇？
作者: hyywmc 時間: 12-9-10 23:37
回復 Joechengck 的帖子
想請問點解選讀聖保羅男女而放棄男拔萃同英華呢, 可否給點參考意見?
作者: Joechengck 時間: 12-9-11 09:53
本帖最後由 Joechengck 於 12-9-11 09:54 編輯
最主要嘅原因係因為我住港島，又唔想搬屋。
而且我個囝係比較多嘴同比較曳 (我覺得) ，所以我希望SPCCPS能夠特別係品德上教好我個囝，再者我亦都知道SPCCPS嘅學生係比較乖，我一直都相信近朱者赤這個道理，其望我個囝能夠受同學影響而變乖。
說真，我嘅教法係比較freestyle，盡量比空間佢發輝創意同發展維思嘅潛能，這樣對佢係思維邏輯同解難方面都有幫助，但係有一點點問題……過份嘅freestyle就會教到個囝好多嘴，唸到就講，冇乜禮貌，這個就是我現在遇到最困難嘅問題！
作者: hyywmc 時間: 12-9-20 22:44
回復 Joechengck 的帖子
多謝你分享, 其實我一直主攻禮貌, 呢樣係我教仔最自豪架啦 
不過讀書溫習就冇谷佢, E+開恆油都趕唔上,INTERVIEW問D野咁深
作者: kamosdad 時間: 12-9-21 16:45
有礼貌是很重要的, 也是基本要求. 當一班學生面試就分不出那些是最有礼貌.
反而中英數都达小一的程度, 被取錄的机会会較大. 而名幼的水平都很高, 所以入名小的機会大很多.
作者: seamama 時間: 12-9-23 10:52 標題: 回覆：小曳人 的帖子
我認為名幼成功率較高（成功率，非人數）原因有：1）本身家長較緊張；2）就算家長非極度緊張，亦會因其他家長變得緊張；3）考到已非完全沒有train嘅小朋友，但又非一定係勁叻嘅小朋友；4）名幼一般都要學費，所以家庭一般都算能負擔；5）名幼要收費，資源自然較多，小朋友便有更多活動以助學習
作者: steven819 時間: 12-9-23 11:32
回復 Joechengck 的帖子
其實SPCCPS教法也很'freestyle', 太過quiet 沒有創意的小朋友會比較吃力，不過就要能放能收。
作者: steven819 時間: 12-9-23 11:39
回復 winnietingting 的帖子
Spending more time reading and learning together with your kids also make happy childhood. 名校 be it kindergarten or DSS/private schools all look for happy kids. 'Happy childhood' and 入名校 is not mutually exclusive. In fact it is 'synergistic'.
作者: ASamSam 時間: 12-9-23 13:43 標題: 回覆：Joechengck 的帖子
我諗很難一概而論那一間學生比較乖。
大家對＂乖＂啲尺度都有點唔同。
作者: Confident 時間: 12-9-23 18:38 標題: 回覆：是不是名校幼稚園入名小學機會大？
我反而認為名幼是著重多些品德教育方面，當然學習環境良好，規舉，行為舉止也有一定的基礎，因以上所講的，所以面試表現比較穩定因而名幼上名小的機會較大
作者: Joechengck 時間: 12-9-24 10:52
Steven819:
其實“Freestyle to learn” 係一個非常好嘅學習環境/文化，但係，好幸地我個囝係”Freestyle to speak” ， 即係例如老師問問題，我個囝會係未舉手就答，同埋有時老師係教書的時候，我個囝係未舉手嘅程況下就問問題，我現在每一日返學前都要再三提醒佢要”尊敬師長” 。
A SamSam:
同意，其實乖係好難定義同量度，我只係用我個人對學校嘅觀感/感覺來决定，或者可以講聖保羅男女係冇男校例如男拔同英華嗰種活潑好動嘅感覺。
| 歡迎光臨 教育王國 (/) |
Powered by Discuz! X1.5 |