教育王國
標題: 校巴虐兒 [打印本頁]
作者: 莎女 時間: 12-9-6 12:42 標題: 校巴虐兒
校巴公司為了收取最大利益, 節省人力物力, 都唔會開多條線比隔兩區, 山頭地方嘅學生, 原本只要15分鐘巴士車程就可返到幼稚園, 現在要1小時20分鐘先返到, 我已一再向學校反映, 奈何學校又推向校巴公司, 教我作為家長如何是好......可憐阿b呀....
作者: yan8899 時間: 12-9-6 12:52 標題: 引用：校巴公司為了收取最大利益,+節省人力物力,+
原帖由 莎女 於 12-09-06 發表
校巴公司為了收取最大利益, 節省人力物力, 都唔會開多條線比隔兩區, 山頭地方嘅學生, 原本只要15分鐘巴士車 ...
作者: 莎女 時間: 12-9-6 13:00
咩叫家校合作? 校巴方面係咪只由校方代表溝通就得? 打比校巴公司只得一肚氣, 左推又推, 司機仲話我知, 唔搭就取消我個站, 我已建議校巴公司, 為了服務更好, 事先應向家長作出咨詢, 民意調查, 當然啦, 最終都係敷衍我, 老實講, 如果係一線學校, 呢個時間, 當然要接受啦....呢間只係不過不失嘅...如果當初知道車程咁長, 我唔會選擇呢間學校...係我決定錯誤..比阿女做細b.....
作者: 莎女 時間: 12-9-6 13:26
校巴公司沒有向家長徵詢意見, 編好路線之後, 家長只有接受與不接受, 學校方面沒有另一間校巴公司選擇, 家裡又沒有人手可坐車接送, 向學校投訴, 向校巴公司反映意見, 有用咩? 換來只有一肚苦水....莫非要阿b掇學??
作者: mingmingba 時間: 12-9-6 13:42
提示: 作者被禁止或刪除 內容自動屏蔽
作者: judymama 時間: 12-9-6 13:44 標題: 回覆：校巴虐兒
新聞講校巴保險加左好多
作者: 小豬嘜 時間: 12-9-6 14:22
我仔係小學生, 呢幾年番學都係比學校打鐘時間早1個鐘上車, 實際車程約15分鐘。
但我明白:經營校車一D唔容易~燃油,燕梳,牌費,工資乜都要加。咁做生意梗係要賺啦.自然就好好利用D時間, 接完一間又一間.佢地應該係搵了最順既路線唔會兜路才出路線的,唔通佢唔想走多轉賺多D咩?
家長都要體諒下學校既苦處. 學校出標俾校車公司投,都有一定既工作量了.
係唔簡單嫁!
作者: 莎女 時間: 12-9-6 16:07
每個崗位都有苦處, 家家有本難諗的經, 想賺錢又想服務好, 大家可以溝通下, 並不是執意要家長去接受呢d安排, 或者咁講, 當我地嘅小朋友唔係人囉, 你地想賺錢, 就要虐待小朋友....食完早餐, 午餐就馬上去遊車河...如果因為咁影響小朋友健康, 又係要家長自己負責? 校巴公司係自行安排路線, 時間...已經開學了, 教我如何安排人手交通?
作者: dleelm 時間: 12-9-6 16:48
本帖最後由 dleelm 於 12-9-6 16:48 編輯
唔好勞氣, 如果可以就自己接送, 否則都要合作, 講都唔會改變,
我囡上年校車都係6:40am上車, 都係要坐成個幾鍾先返到學校, 今年直程cut了, 你想搭都無, 因為無人手又成本高.
作者: mingmingba 時間: 12-9-6 16:50
提示: 作者被禁止或刪除 內容自動屏蔽
作者: tiffanylmc 時間: 12-9-6 17:02
無惡意的: 如果咁唔開心不如你唔好搭.唔好俾佢賺!
另搵一個自己心裡好過點.行得通的方法.
作者: MariaTsui 時間: 12-9-6 17:40
今年真的很難找校巴,坐校巴預左要早點上車,如果真的不想小朋友坐校車,就真的要到屋企附近的學校讀書,要知道讀得九龍塘的學校有幾多個真的住九龍塘,坐的士車程15分鐘,校巴分分鐘要一個鐘,每個站都要上車,有時還要等人,這些都是時間,唯有大家互相忍讓
作者: 喵媽 時間: 12-9-6 17:49
我都聽聞依家d公司寧願做旅客都唔做學校, 又唔駛請保母, 有d學校都好難搵校巴合作, 所以冇辦法了! 一係就同人夾包的士, 不過咁短程又未必搵到...
作者: 潮日屋 時間: 12-9-6 19:19
提示: 作者被禁止或刪除 內容自動屏蔽
作者: hialice 時間: 12-9-6 20:48
我有朋友(係老師)在學校負責處理校車問題, 佢又係被家長鬧到七彩, 話學校淨係幫住校車公司, 加價時間又早等等。我朋友被人鬧好無辜, 間公司都唔係學校開, 鬧老師都無用~ D家長唔明, 好難先搵到公司肯做校巴, 如果無校巴, D家長仲慘~
作者: luilui007 時間: 12-9-6 21:04 標題: 回覆：hialice 的帖子
我以前也對校巴有點意見，但最終也接受了! 希望樓主也早點接受，早點釋懷
作者: MLKN 時間: 12-9-6 21:46 標題: 回覆：校巴虐兒
自從全日制後, 校巴生意就難做, 由以前上下午班, 兩轉返學, 兩轉放學, 變成一轉返, 一𨍭放, 生意小了一半, 而家放學後有活動, 又要攪第二輪放學走多轉車, 有時學生出去表演, 又要拍難擋幫手, 冇錢收, 真係得個做字, 想吾做學校, 做公司接送, 又吾夠大嗰d旅巴公司玩, 我親戚都係因為咁, 將間旅巴公司賣咗!
作者: marcuscyrus 時間: 12-9-6 23:45
既然15分鐘就到的巴士車程，何不就用巴士接送呢?
作者: 莎女 時間: 12-9-7 10:19
人手不足, 翻風落雨極之不便, 總之家家有本難諗的經啦
作者: 莎女 時間: 12-9-7 10:36
其實我想講嘅係...校巴要服務更周都, 應事先向家長作出問卷調查或咨詢, 而唔係單方面編好路線而"局"家長去接受!! 返學返3個鐘, 坐車要個半鐘, 各位身為家長, 都唔願見到自己子女受苦, 會心痛嘛!
作者: tiffanylmc 時間: 12-9-7 11:06
如果車程只有15分鐘. 校車要早一個半鐘.
我會揀自己親自送返學.
作者: lestat 時間: 12-9-7 11:10
莎女 發表於 12-9-7 10:36 
其實我想講嘅係...校巴要服務更周都, 應事先向家長作出問卷調查或咨詢, 而唔係單方面編好路線而"局"家長去 ...
作者: mingmingba 時間: 12-9-7 11:15
提示: 作者被禁止或刪除 內容自動屏蔽
作者: Charlotte_mom 時間: 12-9-7 11:35
我就係家教會負責睇校車果個, 三殺位黎架真係, 家長滿意就唔會出聲, 家長唔滿意(又唔明!)就會嘈
樓主, 如果你條線前前後後係夠開學生一條線, 校巴公司自然會開, 如果開唔成, 即係話你條線人數不足, 咁有咩好抱怨呢, 點樣雙方面編路線呢, 幾百個家長開座談會去傾? 開一條線要成本架, 唔好成日講到校巴公司賺錢學校又唔理, 咁唔通學校要迫校巴蝕本去接學生? 如果一條線得5個人, 照開一架車, 你叫人地蝕本好(唔係話下下講錢, 咁做生意都要收支平衡架), 定係每人收你幾千蚊share返個cost好?
如果覺得時間唔可以接受, 你可以唔搭, 或者搏腳去搭另一條線, 今年校巴服務已經開始爆煲, 男拔無公司入標結果間新公司貴左double, 有校車搭已經偷笑喇(你知唔知有d學生真係校巴公司唔肯兜架), 你仲話揀校巴公司? 所以家教會/學校今年仲有聲出嗎? 而且有時唸野要睇大方向, 唔可以淨係睇自己, 我都明有家長會suffer, 不過sorry, 真係難聽d講句, 站在pta立場, 我會睇大路, 就到會盡量就加到會盡量加, 不過真係唔可以滿足晒幾百個家長lor
另外, 接你小朋友返學之後m要開第2轉", 係因為要接另一間學校, 如果只接一間學校學生, 為唔到本架
我明白你為小朋友心痛, 不過你都要明白市場需求, 同埋究竟成件事係點運作lor
作者: mingmingba 時間: 12-9-7 13:02
提示: 作者被禁止或刪除 內容自動屏蔽
作者: tiffanylmc 時間: 12-9-7 13:37
回復 mingmingba 的帖子
作者: marcuscyrus 時間: 12-9-7 14:13
本帖最後由 marcuscyrus 於 12-9-7 14:17 編輯
你家有本難念的經，人地家又何嘗唔係，安排唔到人手接送，一係就轉校，一係就搬近d，無可能要校巴公司為你一家人而影響到其他家庭掛?呢幾日剛開學，我兩個仔的上落車時間都日日唔同，唔通我又去嘈人地啦bor?咁安排係咁安排..但都要真正行幾轉先真係摸到個時間架，仲有如果之前d站有家長遲落樓，我地尾站呢d咪又要o係度白等?唔通我又嘈?我呢d草根家庭向來都冇車，我d仔自細就要山長水遠搭巴士(哥哥bb時已經要日日個幾鐘巴士去婆婆度比婆婆湊)，可能因為咁，我又唔覺得坐一陣校車有咩問題(呢個純粹我個人意見，不喜勿插)
作者: 莎女 時間: 12-9-7 14:23
mingmingba, 我個B只係要搵間幼稚園讀, 你知有幾難搵呀? 如果我一早知經營校巴好似你講到咁委屈, 寧願唔讀, 載少個, 就晒你D校巴公司, 成全你囉, 只顧做生意, 香港地呀, 樣樣都話民主, 到頭黎咪一樣大石擲死蟹, 你就為你賺錢立場叫做生意, 拎返D良心出黎啦, 啱丫, 蝕本生意冇人做, 但又要做, 即係拎條人命較飛, 唔係叫虐兒即係咩呀??
作者: marcuscyrus 時間: 12-9-7 14:27
唔..其實呢..我選學校一直都諗埋如果冇校車，自己/工人/公公婆婆接唔接送到，如唔得，我就唔考lu，咁樓主下次考小學時，真係要考慮埋呢點，因為到小學，有時要留校課外活動，未必有多轉校車
作者: baronk 時間: 12-9-7 14:29
嘩～～咁陰公。。。
作者: 獅子狗 時間: 12-9-7 22:46
我囝囝去年K3乘保姆車,頭車回校要用個半鐘, 但回程亦是頭車只需20分鐘, 這20分鐘的"優惠" 是我打電話給負責人"商量"回來的。 建議妳不妨平心靜氣的想想有沒其它可行路線或車隊, 將妳的意見給對方提議一下。
剛踏進了小學階段, 我囝囝 轉了學校亦轉了校車公司, 亦是頭車上, 開頭兩天是頭車落我好開心, 但今天開始轉了尾車落, 不開心的感覺當然有,但亦明白到其它的家長跟自己是同一心態,哪個不想自己的小孩"佔盡先機"呢? 車程比原先的多了20分鐘,我明白到假如校車先到我站,到別站時遇上下班必定會塞車, 所以都沒有多言, 大家相就下就好 :)
希望妳可以儘快找到解決方法 ！
作者: rogerlam123 時間: 12-9-7 23:30
唉, 校巴問題已經成為全港性嘅問題. 校巴公司經營困難, 家長安排返放學更困難, 點算好!!!???
作者: Charlotte_mom 時間: 12-9-8 01:40
莎女 發表於 12-9-7 14:23
mingmingba, 我個B只係要搵間幼稚園讀, 你知有幾難搵呀? 如果我一早知經營校巴好似你講到咁委屈, 寧願唔讀, ...
坐多一陣車姐, 又虐兒, 又拎條人命較飛, 樓主你係咪太過呢
樓上都講左, 一間學校幾百人, 總有人站頭有人站尾, 不如你試下編, 睇下有咩辦法人人站頭啦
又, 樓上講得岩, 你唔調節自己心態, 一味鬧, 無理之餘亦幫唔到小朋友架
, 再討論落去都無意思
作者: JoJo 時間: 12-9-8 10:49
莎女 發表於 12-9-6 12:42
校巴公司為了收取最大利益, 節省人力物力, 都唔會開多條線比隔兩區, 山頭地方嘅學生, 原本只要15分鐘巴士車 ...
請樓主查看本人之提醒要求，更改標題文字。
如漠視版主提示，此帖會關閉，敬請注意。
作者: 潮日屋 時間: 12-9-8 12:12
提示: 作者被禁止或刪除 內容自動屏蔽
作者: evacalbee 時間: 12-9-8 18:35
我又覺得唔洗封帖呀？ 樓主呻下啫。又無學校名又無校車公司名。
要我坐車耐我都覺得好虐待。唔好下下都話要封戶、封帖啦。
作者: evacalbee 時間: 12-9-8 18:50
回復 莎女 的帖子
Btw, 樓主，我個女（幼稚園）試過要撘兩個鐘車，我拒絕，然後自己諗計啦。1• 自己的士湊返學
2• 請人湊返學，或者搵自己親戚友情價幫幫手
3• 問校車邊度有站，然後撘多程車(e.g.地鐵站附近)，方便自己返工的地方上車。甚至問下第二條line有無方便自己的站上車。
4• 搵同區的家長一齊夾埋撘的士，總有些媽咪係全職媽媽，自己帶返學的。
最後用了第三個方法，只撘45分鐘車，已經好好多了。
我女女都試過因為校車唔到屋企附近而放棄一間好學校的學位。
其實讀小學，校車甚至唔會來你家附近，要你去佢指定的站。所以我個仔都係撘一程地鐵上校巴的。
希望幫到你！
作者: abinayams 時間: 12-9-8 18:54
所以好多校車公司都唔做, 寧願轉做村巴廠巴屋苑巴, 起碼唔洗請多個保母跟車, 唔會暑假無人工, 唔會成日比D家長投訴, 人地都要搵食, 有人地既難處, 人地無強迫你搭, 唔鐘意未自己想過第二個方法返學, 或者轉校, 唔係成個地球為自己個仔而轉, 為人父母, 為仔女選學校時要有周詳計劃: 需唔需要搭校車?車程可否接受?還是搵保母車?定係要搬屋?無理由係人地既責任
作者: LL222 時間: 12-9-8 21:56
marcuscyrus 發表於 12-9-7 14:27
唔..其實呢..我選學校一直都諗埋如果冇校車，自己/工人/公公婆婆接唔接送到，如唔得，我就唔考lu，咁樓主下 ...
作者: idy926 時間: 12-9-10 10:16
第一年坐校巴？遲d你會慣，嘈都無用，全校又吾係得一個學生，校巴又吾係有10間你揀
作者: catyoyo 時間: 12-9-10 10:25
本帖最後由 catyoyo 於 12-9-11 08:42 編輯
【on.cc 東方互動 專訊】新學年開始，小學校巴荒日益惡化，更險釀學童失蹤！沙田一名小五男生日前遭校巴拒載，校巴負責人竟給男童4元要他轉乘巴士，結果男童「搭錯車」迷路，其母驚聞兒子「失蹤」受驚近3小時，幸獲好心人借電話給男童通知家長接回。男童家長炮轟校巴公司罔顧學童安全，要求部門徹查事件。校方亦表示非常憤怒及震驚，即時派出學校社工安撫男童情緒，會向校董會匯報事件。
Detailed news:-
http://orientaldaily.on.cc/cnt/news/20120910/00176_023.html
作者: tiffanylmc 時間: 12-9-10 11:27
我仔仔幼稚園時都有搭保母車. 都係短車程但要搭好耐時間. 到站時間又唔準. 有時仲要校車轉校車.(那時只有3歲左右) .
因免咁細人仔要咁辛苦.最後只有麻煩我奶奶去學校接阿仔.
如果好似以上既新聞既情況咁差我覺得你點要要另想一個方法去接送.
決定權在家長手上. 唔可以決定了俾佢坐校車後. 就懶晒佢話佢點點點唔好.
如果真係咁唔好 你又俾佢坐. 咁你都有責任的.
作者: hinhei 時間: 12-9-10 17:16
我女之前幼園都係要坐成粒幾鐘..........結果我選擇行多十分鐘去另一個站上落, 因個度只要15-20分鐘車程.
你唔滿意佢時間, 你可選擇不搭, 可憐有D家長, 想搭都無 . 人家開個站比你係人情, 唔開係道理!!
或許樓主可以試吓搵吓有無保母車, 睇時間會否好一些!!
作者: manman0808 時間: 12-9-10 19:38 標題: 回覆：校巴虐兒
其實樓主不如簡屋企附近的學校啦! 奉勸如果無back up plan 就不要出去讀，出去讀又要拍校巴兜路，咁樓主想法同現實有好大出入喎！
作者: yyy8182 時間: 12-9-11 00:10 標題: 回覆：校巴虐兒
我女今年升小一，就係無校車坐囉。
當年我女NK1班，本來10分鐘車程，咪又係坐左一個鐘，我又唔覺有問題。佢仲好開心,話坐校車有朋友仔傾計添依家想搭都無
作者: mingmingba 時間: 12-9-11 09:25
提示: 作者被禁止或刪除 內容自動屏蔽
作者: huba 時間: 12-9-11 11:41 標題: 回覆：莎女 的帖子
對於一個上幼稚園的孩童，每天花差不多三個小時在路上，個人認為是太長了。
既然樓主認為這幼稚園只是不過不失而樓主也有困難安排人手送小孩上學,建議樓主在家附近(步行距離在10分鍾之內)找過另一家普通不太熱門的幼稚園,每天省下來的兩個多小時可以用作小孩的休息、玩耍、運動、閱讀或上興趣班的時間,幾年下來會對小孩的成長及發展有很大的幫助。
最後，也希望樓主可以從不同的角度看眼前遇到的困難，樓主的小孩還只是在幼稚園,以後在學習及升學的路上還要面對很多不同的挑戰，閣下的身教將會發揮很大的影響。
祝好運!
| 歡迎光臨 教育王國 (/) |
Powered by Discuz! X1.5 |