教育王國

標題: 冇續過幼兒園 [打印本頁]

作者: Mrs.Luckycat 時間: 12-9-5 16:32 標題: 冇續過幼兒園

請問有冇媽咪的小朋友冇續過幼兒園，但成功被一些競爭較激烈的幼稚園取錄 ( 如玫瑰崗或培正這類幼稚園 )？可否分享？謝謝！

作者: Mrs.Luckycat 時間: 12-9-6 08:47 標題: 回覆：Mrs.Luckycat 的帖子

各位媽咪，妳們自己或朋友，真的沒有例子嗎? 謝謝。

作者: catchuchu00 時間: 12-9-14 22:03

回復 Mrs.Luckycat 的帖子

唔讀N班, 根本冇可能入名校....

作者: Vlone778 時間: 12-9-14 23:50 標題: 回覆：冇續過幼兒園

點解一定要崇尚入名校呢，咁嘅觀念已經好影響小朋友

作者: marcuscyrus 時間: 12-9-15 01:05

我家哥哥以前只讀某屋村幼稚園辦的playgroup(不是n班)，入了km(算是競爭激烈嗎?)，弟弟亦冇上n班，也入了km(不過可能因為哥哥在)

作者: catchuchu00 時間: 12-9-15 12:23

marcuscyrus 發表於 12-9-15 01:05
我家哥哥以前只讀某屋村幼稚園辦的playgroup(不是n班)，入了km(算是競爭激烈嗎?)，弟弟亦冇上n班，也入了km ...

以前係幾時先? 以前好少BB, 好少單雙非, 易入好多....
呢幾年競爭勁大, KM唔讀N班, 根本入唔K班...

作者: marcuscyrus 時間: 12-9-15 12:55

catchuchu00 發表於 12-9-15 12:23
以前係幾時先? 以前好少BB, 好少單雙非, 易入好多....
呢幾年競爭勁大, KM唔讀N班, 根本入唔K班...

哥哥2006年出生，現在小一弟弟2008年出生，現在K2

作者: kp8808 時間: 12-9-15 13:23 標題: 回覆：冇續過幼兒園

有，我三十年前冇返 n 班，照入九龍塘橋林K1

作者: marcuscyrus 時間: 12-9-22 12:34

其實樓主都係想搵d參考je，如果覺得要入n才可入名校，學費又不成問題就去讀囉，我亦都只是分享返我d仔的經驗，事實係，總有人不讀n班都有學校收，亦會有小朋友讀左n班都冇學校收，呢d野都係人人把尺唔一樣，同我d仔一齊等校車的都有個k1小朋友冇返n班但入左sc

作者: Mrs.Luckycat 時間: 12-9-22 12:51 標題: 回覆：冇續過幼兒園

各位媽咪，謝謝妳們的分享. 我提出此問題, 只是慨嘆現在的小孩像是成為教育机構的商品, 最怕有些学校名過其實. 我考慮了很久, 決定先報名. 呵呵…我隻兔仔咁顽劣, 可能冇学校肯收他呢! 到時便不用煩呢!

:;pppp:

作者: bobo101^*^ 時間: 12-9-22 20:07 標題: 回覆：冇續過幼兒園

我家姐個囡冇讀N班亦係12月既細B, 一樣考到蘇浙，間間幼稚園不同，我覺得係睇小朋友既面試表現！

作者: minirat 時間: 12-9-22 22:08 標題: 回覆：冇續過幼兒園

我都覺得一定有吾讀PN都入到名校得例子。
學校interview的入取的標準吾會只有一個。
講到尾，運氣最重要。

作者: irene_the_pooh 時間: 12-9-22 22:24

其實真係冇必然關係架！
有d幼稚園根本冇pn，咁咪唔駛煩囉！
而有D幼稚園有pn，咁家長驚到時k1仲難考，所以咪報左先算 (我就係呢種)！
同埋有d家長係覺得如果報左pn，到時起碼有間back-up，安全D咁！

作者: marcuscyrus 時間: 12-9-23 00:00

當年我冇幫細佬報返哥哥間幼稚園的pn，朋友都說我太冒險，當然我都真係好想細佬同哥哥一齊返學，但如果佢真係考唔上，我都接受佢讀另一d幼稚園，好好彩佢都可以直接考到，講到底，好多野都唔係自己可以控制哂，隨緣啦

歡迎光臨教育王國 (/)