教育王國
標題: 係咪應該開始報主流K2? [打印本頁]
作者: BKVIP 時間: 12-9-5 14:56 標題: 係咪應該開始報主流K2?
大仔現在3.8歲剛入S位半個月，如下年開學想佢入返主流K2，是否應今年10月開始報定名+INTERVIEW？另學校問K1在邊度讀... 應該點答？
因為我想佢先試無I位的幼稚園，如果得下學年就改主流+E。 定或是等下年開學後12月左右再打俾學校睇有無位插班？
另外細佬又係時候今年10月報N班，係咪唔好安排在讀同一間幼稚園呢？
作者: apple~y 時間: 12-9-5 14:58
N班幼兒園先有
作者: BKVIP 時間: 12-9-5 15:01
本帖最後由 BKVIP 於 12-9-5 15:02 編輯
我指大仔報K2，細仔報N班...
心儀私立幼稚園有N班，唔知幫唔幫大仔報好，怕知道大仔讀過S位，影響收細佬的機會。
作者: pocoyo123 時間: 12-9-5 15:15
剛剛開學, 插班應該無咁早, 可先去學校問定收不收插班, 如果學校學位好爆, 佢可能一早拒絕你, 如果尚有位, 可等明年年頭再決定, 先問左導師小朋友是否準備好出主流, 另外插班也要INTERVIEW, 再過半年執好些去, 信心大些, 預備好一切不需太急
作者: apple~y 時間: 12-9-5 15:15
年年都有好多家長轉校報入K2
k3就小有家長先來轉校
所以你可以選擇唔講番過s位,學校都唔會懷疑
當然你要對小朋友有信心,老師唔容易睇到小朋友問題
我都未諗幫唔幫妹妹報N班...
作者: apple~y 時間: 12-9-5 15:29
回復 pocoyo123 的帖子
我都係出年年頭,再諗諗小朋友去留問題
前排幾日同媽媽傾電話,她同我講"呀女唔好放棄呀!!有咩唔開心搵我傾,"好感動
你小朋友番小學情況點呀?
順利嗎?
作者: BKVIP 時間: 12-9-5 15:43
apple~y 發表於 12-9-5 15:15 
年年都有好多家長轉校報入K2
k3就小有家長先來轉校
所以你可以選擇唔講番過s位,學校都唔會懷疑
岩岩致電几間無I位的幼稚園問過，K2 唔係咁多學位但都有機會，因為要等有人退學先有位，但通常只有下午班，因為上午班就算有位都大把人排緊隊。
學校申請表唔係要填上之前讀邊間學校咩？ 就算唔寫，咁IN 時問係咪可以選擇唔講？
作者: BKVIP 時間: 12-9-5 15:43
pocoyo123 發表於 12-9-5 15:15
剛剛開學, 插班應該無咁早, 可先去學校問定收不收插班, 如果學校學位好爆, 佢可能一早拒絕你, 如果尚有位, ...
你小朋友返小學啦？ 開學適應嗎？
作者: Capricorn2521 時間: 12-9-5 15:55
本帖最後由 Capricorn2521 於 12-9-5 15:59 編輯
N/K1早一年跟大隊報，但K2/K3 插班就吾洗咁早。
阿仔之前有冇讀N班? 如果有，咪同人地講話直上K1。如果冇，真係都幾頭痕....可能要作D故仔！
人地問你點解要轉校，話搬屋得吾得?
作者: BKVIP 時間: 12-9-5 16:20
Capricorn2521 發表於 12-9-5 15:55
N/K1早一年跟大隊報，但K2/K3 插班就吾洗咁早。
阿仔之前有冇讀N班? 如果有，咪同人地講話直上K1。如果冇 ...
其實佢依家呢年應該係讀K1，但岩岩派到S位，打算讀一年S，打好個底先出去讀K2。即使由K1讀起，人地都會問佢咁大個先讀K1？
搬屋佢都可能會問之前個區邊間學校呢，咁可唔可以話間學校無國民教育/有國民教育，學校同家長教學理念不一樣，所以轉校，係邊間就無謂講 
你地覺得點？
作者: 920pp 時間: 12-9-5 16:32 標題: 回覆：係咪應該開始報主流K2?
就算係，in時人地一定會問你對上一間係學校名。
請問你想入果間係咪名校？如果係普通幼稚園，而小朋友in時表現又好、學校又有位，咁你之前讀S位係冇問題。一係你搵有I位既主流學校，果D學校一定唔介意曾讀S位既小朋友。
作者: BKVIP 時間: 12-9-5 16:48
本帖最後由 BKVIP 於 12-9-5 16:53 編輯
920pp 發表於 12-9-5 16:32
就算係，in時人地一定會問你對上一間係學校名。
請問你想入果間係咪名校？如果係普通幼稚園，而小朋友in時 ...
就係諗緊細佬同唔同哥哥同一間。其實唔係咩名校，只係區內較有名。細佬如果考到私立當然好，只怕哥哥如同一間會否影響細佬… 唉… 好煩！
如係你地會照講嗎？如果佢地唔接受我應該死心，因為小朋友都唔會讀得開心，家長又有壓力…
作者: Chichatmima 時間: 12-9-5 20:05 標題: 回覆：係咪應該開始報主流K2?
我覺得你最好睇下你仔仔嘅能力，連讀 s 位都未讀完，點可以咁早就決定。同s位老師了解你仔仔嘅能力先啦。
作者: pocoyo123 時間: 12-9-5 21:27
bkvip:
正如樓上媽媽所說, 你一定要好清楚小朋友的實力如何, 因佢無讀過主流K1, 所以學校一定會考你小朋友的能力, 要睇收左你有無能力跟上, 因K2課程也不淺, 而且不是I位學校老師又沒經驗教A仔, 如果小朋友尚有情緒問題, 係好難讀下去, 你可在今年買些K1的練習比小朋友試下做, 注意小肌, K2小肌係好需要, 因為會開始有抄寫.
如果你對小朋友有信心, 可考慮我咁樣做, 我同學校講, 我們去年回大陸做野, 在大陸讀國際幼稚園, 所以無香港紀錄, 叫學校同佢做interview, 覺得佢跟到你先收佢,.
apple~y:
開學到現在都好順利, 佢每日也有同我說在學校的趣事, 致今我也未同學校說他是a仔, 希望一切向好
作者: BKVIP 時間: 12-9-6 11:26
Chichatmima & pocoyo123, Thanks.
其實仔仔讀S位係我決定，想佢操FIT D先入主流。認知、情緒佢OK，係小手肌弱D同專注力弱，學校已日日安排畫線练習作為工課，加上家居訓練，通常教2-3次已經識。社交佢開始建立了，主動同其他小朋友一齊玩，仲分享玩具。上次去沙灘，佢指住另一邊問我︰媽咪可唔可以玩個架車呀？ 原來佢想玩人地架沙灘車仔，物主係一個約5歲的小男孩，我叫阿仔自己去問個哥哥，點知個小朋友話唔得，但阿仔都無再扭，所以佢進步左好多。仲主動同我FD 個仔玩沙，叫佢一齊玩啦，反而我FD個仔自己玩。我仔就只好同細佬一齊玩沙。
作者: BKVIP 時間: 12-9-6 11:29
pocoyo123 發表於 12-9-5 21:27
bkvip:
正如樓上媽媽所說, 你一定要好清楚小朋友的實力如何, 因佢無讀過主流K1, 所以學校一定會考你小朋友 ...
pocoyo 請問你仔係咪都係讀一年s位再出去主流非i位呢？
咁你仔in 時你話在大陸讀國際幼稚園，咁學校有無再追問邊間？
你小朋友好叻，小一相信會面對很大轉變，要開始默書/測驗，真係好大考驗。
作者: 01shirley 時間: 12-9-6 13:28
其實你仔能力很好啊！
我建議你同班主任及各治療師講下你既期望同計劃,
睇下佢地對你既期望有咩意見。
我仔當年係做了二月份的評估後才決定轉I 位的,
當時我地都有諗過E 位,
但幾乎所有意見都表示我仔適合I位,
只有OT 認為我仔應該要E位,
而ST 認為我仔應該留係S位，
你可以聽多D 不同的意見再衡量仔仔適合哪種服務。
至於你提到細佬報考幼稚園,
如果不是甚麼很難入的名校,
我認為學校唔會標籤埋細佬吧...
如果你真係擔心, 我朋友教我的做法是,
細佬報名時, 當佢係獨子, 唔好填哥哥的資料就免麻煩了,
當然你要衡量細佬Interview 時會否被問到家中有什麼人的問題,
而佢可能會講有哥哥等等的情況。哈哈!
作者: apple~y 時間: 12-9-6 14:23
本帖最後由 apple~y 於 12-9-6 14:25 編輯
回復 BKVIP 的帖子
你小朋友都幾叻,你唔講係a,人0地都唔多覺啦
其實妹妹一拿了出世紙就報了救世軍幼兒園
呢間都有i位(得6個位)
如果哥哥出年轉到i位都會考慮呢間
作者: apple~y 時間: 12-9-6 15:22
本帖最後由 apple~y 於 12-9-6 15:24 編輯
ying yin
轉了校長嗎??我知呢間i位好搶手,唔知哥哥出年有無位
妹妹一拿了出世紙,我就第一次時間報,
作者: Anpanmama 時間: 12-9-6 21:36
BKVIP 發表於 12-9-5 14:56 
大仔現在3.8歲剛入S位半個月，如下年開學想佢入返主流K2，是否應今年10月開始報定名+INTERVIEW？另學校問K1 ...
作者: BKVIP 時間: 12-9-7 11:01
apple~y 發表於 12-9-6 14:23
回復 BKVIP 的帖子
你小朋友都幾叻,你唔講係a,人0地都唔多覺啦
請問救世軍幼兒園係邊區啊？ 有無校車架？ i 位即係全日班？
作者: BKVIP 時間: 12-9-7 11:29
Anpanmama 發表於 12-9-6 21:36
啱啱先入S位, 咁快諗出番嚟入主流K2, 會唔會心急咗啊?
你講得岩，我份人好心急，咩都要預早plan，阿仔既嘢我尤其上心。
當初不同治療c有不同意見，但佢地都話我仔可以讀主流+e，但最理想係打好個底，因為我都排到s，如果放棄真係無得返轉頭。我掙扎左好耐先決定俾仔仔去s，當然我入之前既目標係一年佢一定要出主流。
作者: YingYin 時間: 12-9-7 12:13
救世軍幼兒園是用project approach,好活動教學,例如今期教花,就由小朋友去找花資料,好像做project咁,所以每次內容好不同(因跟小朋友找的資料再伸延出去)由於課程變化太大,我小女經專業人士幫我了解下(由私人S位的心理學家直接同校長傾了半小時),結論是小女不適合讀這間的,所以臨派到I位前轉去E位,但家姐在這間過了開心的4年時間....
作者: YingYin 時間: 12-9-7 12:36
另外,救世軍幼兒園教自理是好好,但課程是較為淺,同有學卷的幼稚園比,都是淺好多,但小朋友就讀得好開心,救世軍幼兒園是全日,由社署監管,救世軍幼稚園,我區個一間是半日的,由教育局監管,課程好不同,這間不是好熱門,我當時有APPLY(因轉了E位),但私人S位講叫我不好選,詳情我無問,但我現有這間她們話第三位,(第一&二位無晒位)
作者: BKVIP 時間: 12-9-7 13:31
YingYin 發表於 12-9-7 12:13
家姐在這間過了開心的4年時間....
請問家姐是REPEAT了一年所以期讀了四年嗎？
我見救世軍都有好多間在不同區，你地所講的是？
作者: YingYin 時間: 12-9-7 13:59
本帖最後由 YingYin 於 12-9-7 14:01 編輯
回復 BKVIP 的帖子
DEL
作者: apple~y 時間: 12-9-7 14:13
回復 YingYin 的帖子
(私人S位的心理學家直接同校長傾了半小時),間私人S位0甘好幫你去傾
作者: apple~y 時間: 12-9-7 14:15
回復 BKVIP 的帖子
ying yin個大女由n1讀起到畢業咪番0左4年
我0地講呢間係tko區
作者: apple~y 時間: 12-9-7 14:27
本帖最後由 apple~y 於 12-9-7 14:27 編輯
ying yin
可能因為哥哥問題,我好多0野都睇開0左所以課程深淺都唔重要
以小朋友適唔適合為大前提
我覺得最重要愉快學習,讀起來都個人都吸收0的,
我喜歡呢間有蒙特梭里教學元素
作者: apple~y 時間: 12-9-7 14:34
回復 BKVIP 的帖子
現在慢慢再plan0下
細佬都要報名,就算最後分開兩間番,都唔好太遠
接送辛苦呀
仲有提提你i位個別訓練無e位0甘多,
又唔係間間i位做得好,所以又要做0下功課
不過聽你講仔仔情況,番幼稚園都可以
作者: YingYin 時間: 12-9-7 14:43
回復 apple~y 的帖子
係呀,以前我唔知細女有事,原意是交埋個細比佢地教,而自己就可以舒服成日,但事與願違,這兩年真係好辛苦
作者: Capricorn2521 時間: 12-9-7 14:44
回復 apple~y 的帖子
上年轉排I位時，我都想排將軍澳明德救世軍，可惜今年I位冇人走，冇得排，無緣入讀。
作者: YingYin 時間: 12-9-7 14:49
本帖最後由 YingYin 於 12-9-7 14:52 編輯
上年有5個I位畢業先到我只排了1年,如上年入讀的是N2 (即K1),等佢地畢業都有排等,你問下主任啦,另外茵怡都好的,我只排了兩間
作者: Capricorn2521 時間: 12-9-7 15:11
本帖最後由 Capricorn2521 於 12-9-7 15:12 編輯
回復 YingYin 的帖子
多謝曬，吾洗啦，已經入咗第2間啦‧
作者: yauman76 時間: 12-9-7 15:33
我都係住TKO區的, 我諗住幫囝囝試下報明年K1, 除咗茵怡同明德, 請問仲有邊間幼稚園會比較適合/包容A仔就讀呢? 謝謝!
作者: apple~y 時間: 12-9-7 15:37
原來呢度0甘多tko街坊,我都係其中一個
作者: apple~y 時間: 12-9-7 15:43
本帖最後由 apple~y 於 12-9-7 15:44 編輯
回復 yauman76 的帖子
茵怡花園其中一間幼稚園,係基督教無i位的
唔使interview,抽籤形式,你今年報名,抽中0左都會收
註冊日會見一見小朋友,唔係考小朋友識什麼
主要看看小朋友有無問題,須唔須要做評估
你放心大可開門見山講小朋友問題,知你有做評估和排位他們都會收
作者: YingYin 時間: 12-9-7 15:53
本帖最後由 YingYin 於 12-9-7 16:02 編輯
回復 apple~y 的帖子
茵怡我說的是有I位那間
但明德是否適合你們小朋友,就要問問專家
作者: yauman76 時間: 12-9-7 15:59
Thanks! 我原先仲以為你地講緊有i位果間茵怡添.
apple~y 發表於 12-9-7 15:43
回復 yauman76 的帖子
茵怡花園其中一間幼稚園,係基督教無i位的
作者: BKVIP 時間: 12-9-7 16:04
想問下，如果我排I位，用舊NO. 都要等有人走先入得，咁排到時，假如我想讀K2，但佢K2收生滿晒，係咪小朋友就要由K1讀起？
定係I位那6個位與全校普通位係分開收生，即I 位無論你想讀邊級都可以，不受學位限制。
作者: apple~y 時間: 12-9-7 17:08
本帖最後由 apple~y 於 12-9-7 17:17 編輯
回復 yauman76 的帖子
茵怡花園有兩間,一間係幼兒園有i位,一間無i位普通幼稚園
小心容易攪錯
我頭先講就係呢間無i位普通幼稚園,老師出名有愛心
呢間教學宗旨係有教無類,所以唔會用面試形式選擇學生,用抽籤方法
你打去問幾時開始報名,我記得好似10月尾,11月頭抽籤
作者: kokoalex 時間: 12-9-26 11:43
回復 BKVIP 的帖子
同你煩緊同一問題...好煩
作者: BKVIP 時間: 12-9-26 16:40
回復 kokoalex 的帖子
你仔仔都係讀緊S位嗎？ 想几時轉K2啊？
老師話OK嗎？
作者: kokoalex 時間: 12-9-28 10:12
回復 BKVIP 的帖子
HI~我仔仔未排到,我仔6月排,間學校汝到4月,,下年好大好大機會會有.我煩緊既都係細佬入學問題,今年同細佬報PN填FORM就冇大問題....但下年報K1時問哥哥讀邊間真係唔知點算....
作者: BKVIP 時間: 12-9-29 11:56 標題: 回覆：kokoalex 的帖子
細佬唔打算在pn原校升k1嗎？如原校升應該問題不大。
作者: BKVIP 時間: 12-9-29 12:00 標題: 回覆：係咪應該開始報主流K2?
人生交叉點時候又到
今日s位班主任問我會唔會讀半年就出主流，佢覺得阿仔讀i位更適合。
作者: wilyun 時間: 12-9-29 12:00
其實S位同I位有乜野分別呢?
作者: BKVIP 時間: 12-9-29 12:04 標題: 回覆：係咪應該開始報主流K2?
只係讀左2個月，無諗過快得咁緊要，好似無停過咁諗阿仔升學問題。i位？e位+主流？好煩。
作者: BKVIP 時間: 12-9-29 12:13 標題: 回覆：wilyun 的帖子
S位係特殊學校，i位係主流學校但有兼收位，主張融合教育。
作者: Capricorn2521 時間: 12-9-29 12:33
回復 BKVIP 的帖子
其實睇你近來嘅post，知道你小朋友近來進步得好快。3-4歲年紀，有這樣的語言同社交，我都覺得可以讀主流。不過，你才剛入學，成日轉來轉去，又好似對小朋友吾太好。而且在空氣中又吾太清楚你小朋友有冇其他問題，如大小肌，行為，情緒，自理，所以，我都同意其他家長說等S位老師看看小朋友情況再作打算。
不過，如今老師建議你讀I位，你可以放心轉。記得我個仔都有一個女同學入S位半年後轉了出I位。但你要小心選擇I位，在EK這裡，有媽咪教過如何選擇。祝你好運！
作者: pinkdoll 時間: 12-9-29 12:56
回復 BKVIP 的帖子
恭喜你 
其實, 我估s位主任唔會咁輕易就同家長咁樣講掛, 應該你個仔真係進步得好快.
我聽人講話可以出去試下讀三個月, 之後再考慮去定留架? 你問下主住啦
作者: Chichatmima 時間: 12-9-29 14:36 標題: 回覆：係咪應該開始報主流K2?
E 位好啲，3T都有。
作者: BKVIP 時間: 12-9-29 16:13 標題: 回覆：Capricorn2521 的帖子
其實仲諗緊2個問題：
(1) 應讀一年定留半年。
（2）讀e+普通主流，定i位。
背景係依家知道s位不會提供到intensive 的3T俾我仔。
另老師訂的是n班書而非k1，其實老師都話佢識晒n要學的東西，只是怕學k1東西會令佢有錯敗感，但我又覺得個仔其實好好學，學得都好快，呢點老師都認同但書就已經訂晒。我諗緊如果讀n班課本到時出主流咪仲難追？
如讀半年我仲有機會搵返比較好的主流，比佢試下，因為阿仔現時最大困難係語言同社交，阿仔好鐘意學人講嘢，但佢學左後係可以應用返適當場合，只係佢係好似讀書咁讀出黎，唔得自然。老師話好多時我仔在課室係lead住d同學仔，做一個主導角色，例如佢會叫人收玩具、唔好嘈等等，所以我覺得最近佢哥哥左。又話佢專注都ok. 我估老師意思係主流可以刺激到佢語言同社交，因為我都發覺學校環境未必俾到佢。只係我無諗過佢專注力係ok? 其實我唔清楚點為之ok.
我都好感恩佢可以有咁進步，令我諗我係咪當初選擇錯誤入左s，如果唔係佢已經入左間唔錯嘅幼稚園。只恨我遲左俾佢試臚底骨，如果唔係就唔駛好似依家咁。
作者: apple~y 時間: 12-9-29 16:42
本帖最後由 apple~y 於 12-9-29 16:47 編輯
唔好諗係咪選擇錯誤入左s，小朋友發展真係好難講,你的選擇都係為小朋友著想,你比小朋友入s位都係想佢進步,
佢有0甘大進步應該開心得。
臚底骨可能對你小朋友係work，但對我仔仔就唔多work
又一次證明入s位,係可以出番主流,唔係人0地講,連一些幼稚園校長都講入得去都有問題,無可能出番去
不如你出去搵主流試下讀三個月,再看小朋友情況
作者: BKVIP 時間: 12-10-10 01:11 標題: 回覆：係咪應該開始報主流K2?
真係好煩惱，身邊又無人明白。依家已經零辰一點我竟然訓唔著。
再同s班主任傾過，佢話阿仔可以連I都唔駛，普通位都ok,仲叮囑要讀返K1
我真係唔知係咪值得開心。
但以上只係佢個人意見未問3T, 我諗阿仔係最需要ST同社交訓練，問左數間幼稚園學位情況，又要做決擇。。。
1：心儀I位要13年9月先有2個學額，仲要等一年仲要唔肯定會唔會係我仔，不過用舊no機會都大但咪要讀一年s? 因阿仔就四歲，依家係佢學講嘢同社交嘅黃金期，我唔想白白錯過。
2：另一間無I位幼稚園有上午班，但上完堂即刻去s位返下午好趕, 可留飯俾阿仔但我要搵人自己餵，因小朋友已開床午睡，而阿仔食完得返45分鐘訓，仲要即時入睡先有45分鐘。咁樣試3個月，如果阿仔ok就要cut S , 咁未排到I我仔touch wood 有咩要返support 就無晒，要自費找ST.
諗到頭痛都未諗到方案。
作者: Capricorn2521 時間: 12-10-10 11:06
本帖最後由 Capricorn2521 於 12-10-10 11:20 編輯
回復 BKVIP 的帖子
係呀，我都經過呢個階段，真係好頭痛。
你S位個老師是否好有經驗的?還是新入行的? 如果好有經驗，佢嘅意見都係可信。再問3T詳細D，亞仔有什麼要keep住訓練的地方。
你小朋友08定09年出生?
我都贊成2邊走試下3個月，個仔有45分鐘在床上休息吓都ok，(我仔假日在車上小休15分鐘，落車又精神曬)，夜晚早d訓，仲好。
記得我上年都好煩呢個問題，因為上年我仔仲好百厭，有行為問題，我都好擔心佢在主流吾聽老師話，比人投訴。可能s位人手比例高，老師下下都可以留意到佢d百厭野，立即話佢，佢吾中意，就更加多百厭野出黎，引人注意。點之，真係吾試過吾知，佢係i位好乖，好聽話，i位老師日日教佢寫中文字，佢讀k3，開學至今1.5個月，佢可以自發地在家在白紙上寫出約30個中文字，係k3程度嘅中文字，如：同學、落葉、九龍、新界。爸爸同我都好開心。k3日日都有英文堂，佢自小已經對英文好有興趣，依家晚晚回家都要我扮學生，佢扮英文老師，用英文同我對答。(當然係copy學校老師同同學的對話).....日日放學回家後自己完成抄寫嘅功課，要理解果d就等我回家教佢。 而佢係學校嘅弱項係聆聽理解及社交....比同齡同學差。
作者: BKVIP 時間: 12-10-10 11:34
本帖最後由 BKVIP 於 12-10-10 11:35 編輯
回復 Capricorn2521 的帖子
原來你都係過來人.....
試3個月都唔係問題，最多阿仔幸苦D，但要麻煩我媽接送多一程仲要餵埋飯，我諗家變都似 
工人姐姐要睇住個細B，如果叫工人送大仔仲要搭車過馬路，我真係1000個唔放心，因個姐姐真係好大頭蝦...
你仔好叻啊，返左主流係咪講嘢叻左？社交有無進步？我指呢2項最少進步多過S位吧？
作者: Capricorn2521 時間: 12-10-10 12:25
本帖最後由 Capricorn2521 於 12-10-10 17:30 編輯
回復 BKVIP 的帖子
反而講野同社交又吾覺得有進步喎。我相信可能日子尚短，只有1.5個月，新環境，新同學，新老師，要時間摸索。而且在S位...多數有佢講冇人講，依家大部份同學仔講野都叻過佢，反應好過佢，一定有D吾習慣。反而佢在公園及在外嘅社交退步咗，吾會好似以前咁....主動撩人玩。我估佢正在領略”天外有天"嘅道理，而且我相信這是暫時性的。佢情緒好穩定，比之前還要穩定。個人定咗好多，吾似以前...之前我懷疑佢ADHD。
作者: pocoyo123 時間: 12-10-10 12:31
其實, 家長應該有步驟地一步一步來:
1) 先同學校三T, 特殊導師 開一次會, 總結小朋友能力, 那一樣跟到, 那一樣仲要跟進.
2) 再決定是否一定要讀I位, 因為I位支援也不多, 如小朋友可上普通幼稚園, 這樣明年有無I位也不太介意.
3) 如讀普通位, 可選一些近屋企的學校下午班, 明年下學期入讀, 同S位試3個月, OK, 即走, 自己出去補私人訓練, 改為讀E位, 儘量請假上堂.
4)如果學校認為佢比較適合讀I位, 如你搵不到你心議I位普通位讀時, 就不要求其讀一間, 到排到又轉一間, 咁轉來轉去對小朋友也不太好, 不如留下讀S位一年, 有3T訓練, 學費又平, 留起的錢, 不如比佢出去補學術, 社交班, PST堂, 咁樣小朋友唔使走來走去, 會唔會好些.
作者: methy 時間: 12-10-10 13:41
回復 BKVIP 的帖子
我”興”幸入到包容幼兒園，及有個好褓姆．．上午接送返學．．再餵飯，下午再上E位訓練，因為兩頭走真係好辛苦。
曾經後悔放棄個ｓ位．．姑終早上湊左佢返學，就全日喇．唔使周圍走。 同埋初初返幼兒園，阿仔無返ｓ位暫託咁開心架，因為一大班小朋友．．照顧上點都唔及ｓ位６－７人一班．對佢都有要求架．睇到阿仔係有ｄ壓力．發惡夢．大小便倒退，，不過小朋友適應力強．．好快無野，日日返黎唱學左既歌我聽．ｎ班既教科書自己讀完又讀．．又提住老師，嬸嬸，同學個名。
我ｒｅｊｅｃｔ左個ｓ位，本應要由頭排過．不過努力爭取下，比用返舊ｎｏ．我．如果有人退出ｓ位．阿仔就隨時可以入返ｓ位．不過應該唔使ｌｕ．．
睇到你既困難＆心理爭”扎”，有時唔係想轉就有位轉．．一係讀多幾個月，同時間密ｄ聯絡有ｉ位既幼稚園．可能有人隨時唔要個位。
作者: BKVIP 時間: 12-10-10 16:29
回復 pocoyo123 的帖子
多謝你的建議，我同中心主任傾左，佢主張留一年S，半年後評估OK再寫紙去社署排I 位，咁下年大派位後的新學年應該可以入到I 位讀K2。
佢SUGGEST 我星期六搵出面社交/興趣班俾阿仔，加強佢既模枋力。
作者: BKVIP 時間: 12-10-10 16:32
回復 methy 的帖子
請問你講既保姆係咩形式架？係咪即係鐘點工人啊？
接送時間咁散都有人肯做？ 我放心唔落工人接送，所以我媽辛苦D都自己送囉。
作者: methy 時間: 12-10-10 23:46 標題: 回覆：BKVIP 的帖子
本帖最後由 methy 於 12-10-11 09:34 編輯
唔係鐘點，係阿仔由細到大湊既EE，日頭我返工前湊過去，放工接返屋企、星期一至五咁湊，當自己仔一樣，治療堂幫手上&講返比我知，又配合一齊訓練，我估鐘點未必會接呢d工作。不過可以一試，最緊要每日定時定候，個鐘點又住係附近。
有一種叫”陪診”服務．都係資助機構攪既，主要係做老人家，一對一接送往來醫院．＄３０－＄３５／小時，我聽過有ｄ係會做埋小朋友。例如下星期一３ｐｍ 要返醫院做物理治療，就打去機構，要求陪診員２：３０ｐｍ去你屋企湊你小朋友．直至做完治療，再送你小朋友回到家。不過長期係咁，都負擔幾重．不過有需要都可能有用。
作者: BKVIP 時間: 12-10-11 09:44
回復 methy 的帖子
THANKS, 都唔知原來有呢樣嘢，可能遲D我都有需要。
| 歡迎光臨 教育王國 (/) |
Powered by Discuz! X1.5 |