教育王國

標題: 小一第一天坐校車 [打印本頁]

作者: Amy47 時間: 12-9-4 16:05 標題: 小一第一天坐校車

亞女放學冇上到校車，保母打電話黎話找不到，嚇到我死，好在20分鐘後找到。
有冇媽媽有類似經驗分享?重會唔會繼續坐校車，定姐姐帶返學好?

作者: meifan 時間: 12-9-4 16:34

吓, 係校方/ 校車出錯 ? 無上校車?

作者: Amy47 時間: 12-9-4 16:44

唔太了解，只知亞女去錯了上車地方，保母車話周圍搵過，搵唔到，之後我打畀老師，佢幫我搵返亞女，帶返去正理上車地點。但已是30分鐘後的事

作者: karenlyk 時間: 12-9-4 17:31 標題: 回覆：小一第一天坐校車

今晚問下亞女發生咩事先

作者: Kaling 時間: 12-9-4 23:42

我仔今日放學差D比車車死, 佢地見唔到家長就比小朋友自己一個落車, 仲要係一個十字路口旁的行人路,  保母無落車帶佢過馬路, 我仔落左車司機就立刻開車走, 我仔見到我係對面馬路, 佢兜過保母車車頭(如果司機見唔到, 佢就會撞倒我仔), 直衝過十字路口, 我即刻大聲喝住佢叫佢睇車都叫唔切佢就標左過黎, 如果當時有車, 佢一定比車輾過,  車死..

我嬲到爆, 有無攪錯, 我已經等左幾個字架車都未到, 果個都唔係我落車地點, 有咩理由亂咁比佢落, 就算要佢落, 保母都應該跟埋一齊拖住佢直至見到家長,  佢地都唔理有無見到家長就叫小朋友落車, 我仔又唔識睇車過馬路, 有咩事, 佢地點負責得起..

自己個仔又係, 過馬路都唔睇下有無車,  激死...

我今日成個下午都好嬲, 嬲到頭都痛..

作者: chanwendy 時間: 12-9-5 10:26

我姪女話開學日放學時, 佢架車有幾個小朋友上錯車, 架車仲要開咗一段路先發現, 要去返學校比嗰幾個小朋友上返自己架車, 我都好驚訝點可能會咁架. 我問我女, 佢話佢地上車後保姆會對咗名牌, 啱晒先開車的.

作者: MAGGIETAM 時間: 12-9-5 11:21

我女兒第一天上學放學時坐枚車又是發生了事, 就是校車嬸嬸把我埌兒放早了一個下車站都不知, 到了應下的站才知道, 把我女兒的婆婆嚇倒, 好彩我女兒幼稚園時同學的媽媽見到覺得很怪為什麼我女兒會在這站下車, 就帶回我女兒找婆婆, 當時如沒有人帶我女回家找婆婆, 不然又不知道會發生了什麼事, 所以, 校車應留意, 小朋友有沒有人接才好讓落車或叫小朋友名落車

歡迎光臨教育王國 (/)