教育王國

標題: 想問細B考小1既情況 [打印本頁]

作者: careysum 時間: 12-9-4 10:53 標題: 想問細B考小1既情況

會否遇到好多講明不足6歲而唔收既情況? 另外,細B們,你地既考私小既情況如何呢? 我果個係12月超細B,未考小學住,只是想了解下現時既情況,謝謝

作者: ming2 時間: 12-9-4 11:06 標題: 引用：會否遇到好多講明不足6歲而唔收既情況?+另

提示: 作者被禁止或刪除內容自動屏蔽

作者: 迷你大人 時間: 12-9-4 14:08

我個女都系細B

作者: darkbson 時間: 12-9-4 14:14 標題: 回覆：迷你大人的帖子

細b囡都OK，細b囝就大問題D！

作者: Smile3 時間: 12-9-5 09:13

呀囝都係細 B, 都考到心儀的小一. 所以不用擔心 :)

作者: ii323 時間: 12-9-5 09:25

Smile3 發表於 12-9-5 09:13
呀囝都係細 B, 都考到心儀的小一. 所以不用擔心 :)

請問係邊間心儀小學呀?

作者: sotsang 時間: 12-9-5 11:41 標題: 回覆：ii323 的帖子

我囡囡都是12月出世的細B, 叩門成績不错，也讀心儀的学校。interview 時我看到出生日期有用筆標注，但我相信只作參考，如小朋友本身不大问題，我相信不会因為細B而受歧視。

作者: monsuki 時間: 12-9-5 13:41

阿囡都係細細B ，12月的，上年簡直想死呀，一同一些大成年的大B比，真係好可憐架，我報咗十間，只有2間waiting，而且統一派位去叩門仲死，最後都等到7月尾才有一間直資學校收咗，其後8月31日又到一間叩門的官校話收。
13~14年出生率仲高，競爭仲大呀。如果小朋叻我都想信會oK，但要有心理準備囉！

作者: 四隻貓 時間: 12-9-5 15:23

我女係9月女, 今年K3考小學, 暫時有一間私小收左, 一間直資waiting.

其實當年考PN & K1, 已經知道個女要同大佢9個月既小朋友一齊去考學校係好輸蝕, 有d學校直頭唔見細仔. 當年好沮喪, 之後發奮圖強, 盡量係K1-K2 加強女女既能力, 希望把差距拉近, 考小學會理想一點.

不過呢我又覺得做細仔都有一個好處, 就係萬一考小一真係好唔理想, 可以出年用超大仔身份再考過.

我都要出年先可以俾到分享大家, 細仔家長, 大家加油呀.

作者: little_yolky 時間: 12-9-5 15:55

四隻貓發表於 12-9-5 15:23
我女係9月女, 今年K3考小學, 暫時有一間私小收左, 一間直資waiting.

其實當年考PN & K1, 已經知道個女要 ...

只可以參加一次統一派位, 如果今年考唔理想, 想出年再考, 即要放棄今年的統一派位, 咁又無可能, 因為唔知道派位結果, 而且仲有叩門, 所以無理由因為考直資、私小及自行收生唔順利就到第二年再做大B玩過的。

作者: 四隻貓 時間: 12-9-5 16:12

little_yolky 發表於 12-9-5 15:55
只可以參加一次統一派位, 如果今年考唔理想, 想出年再考, 即要放棄今年的統一派位, 咁又無可能, 因為唔知 ...

我指的是細仔在讀P1時可再報考私校/直資. 我識朋友第一年派了津校, 唸P1時再報SPCC P1, 之後SPCC收了. 至於值唔值得repeat 一年P1 , 就要看家長自己點睇了. 但只有細仔可以第二年再報私校/直資p1, 因為很多學校收小一申請表也列明出生日期. e.g. 今年的小一申請表列明只收1/9/2006 - 30/12/2007 的小朋友.

作者: Joechengck 時間: 12-9-5 18:08

我囝囝今年是SPCCPS的小二生，我知道係囝囝小一的同班同學之中，最小有五位是細囝重讀小一的，其中有三位係世襲生，還有，五位重讀生都是來自非常有名的小學，而又能在該小學名列全級前幾名的。

我估計其它四班小一也有同樣的程況，所以我會覺得SPCCPS收了為數少的小一(細囝)重讀生！

作者: cwclsh 時間: 12-9-6 00:05

本帖最後由 cwclsh 於 12-9-6 00:13 編輯

其實好睇個別能力. 我囡囡都係細b, 考到心儀直資, 但亦有好多朋友考唔到, 所以不能單看數字. 況且近2年競爭激烈, 大中細b都好, 都有人考到同考唔到! 最好睇番自已能力. 以我經驗, 囡囡k1跟班中大仔比較唔算好outstanding, 但k2追到哂有餘! 小朋友一年進步可以好大, 細心觀察吧!

歡迎光臨教育王國 (/)