教育王國

標題: 中文學習, 繁體? 簡體? [打印本頁]

作者: debbieip 時間: 12-8-30 15:18 標題: 中文學習, 繁體? 簡體?

我正為小兒的中文課傷腦根...
有沒有家長的小朋友學校教簡體, 但在家自己教繁體?
這樣子可行嗎? 請分享!
謝謝!

作者: happyeasy 時間: 12-9-3 16:48

回復 debbieip 的帖子

我個女學校教簡體，不過佢都可以睇得明繁體字（因為有買繁體字書給她看），我唔會要求佢在家從新再寫一次繁體，因為需要時間，好難做到，但喺我有時候會講比佢聽，如：有些字簡化之後我認為出現問題，“后來”的“后”與“皇后”的“后”相同，“头发”的“发”與“发生”的“发”相同，其實失去了字本身的獨特意思，希望她能理解。試過在大陸聽演講，講者將簡體字改成繁體字，出現“髪展”。

我都唔會教佢簡體字，我怕自己寫錯，會叫佢自己查字典。

作者: LEGOLAND 時間: 12-9-3 19:13

繁體比較容易在學校以外搵老師及練習。小朋友大D時，可以看繁體字嘅書。始終，喺香港生活，繁體比較有歸屬感吧。

作者: debbieip 時間: 12-9-4 10:16

HI, HAPPYEASY

那小朋友是否書寫簡體字?
因為我在家是教繁體的, 怕同時教繁簡體, 會造成寫字上的混亂!

作者: happyeasy 時間: 12-9-4 11:56

回復 debbieip 的帖子

我女兒是寫簡體字的，不過可以看得懂繁體字，不會寫。我自己喜歡繁體字，但是覺得下一代能看得懂繁體字就可以，不一定要懂得寫。我在這方面的思想是比較奇怪的，如果女兒一直在國際學校讀書，寫簡體字就沒問題，當然前提是她能夠看得懂繁體字。我覺得寫字是次要，她對中文的興趣才最重要。我發現很多國際學校的學生到中學後就對中文書不再感興趣，我兒子就是。只能算了，退而求其次，兒子能夠用中文拼音打一篇中文就够了

。回想我初中開始就學古文，他們是遠遠不及的。

所以我的煩惱是如何找到女兒喜歡的中文書，看完一套喜歡的中文書，又要尋找下一套。

作者: debbieip 時間: 12-9-4 12:33

謝謝你的回覆。基本上我不介意兒子書寫簡體字, 但學校的中文水平實在太低了, 所以不得不另外教他書寫中文....
另, 謝謝你提出有關培養中文興趣的重要, 因小兒還在初小階段, 現在學中文還算聽話, 沒有想到中學後會抗拒這回事....

作者: debby1328 時間: 12-9-4 12:59 標題: 回覆：中文學習, 繁體? 簡體?

我仔仔學校都係教簡體，他剛升小一。我係屋企有教佢認繁體字，中文字真係好複雜，我開始時多教他象形字，如爪，水，川等，坊間有一些幼兒單字字典，圖文並茂，除了解釋文字，亦有該文字的簡單演變過程，其實亦很容易引起小朋友興趣，加深記憶。

幸好我仔仔並不討厭學中文，在家中會經常寫字（不是練習，只是用白版水筆寫），可以寫好耐，我亦驚訝他喜歡認路牌上的字，有一次他寫灣仔北，九龍西，油麻地。當然我每天都會跟他一起讀中文書，也看報紙。我諗我對仔仔的做法還可以，至少他經常問我＂這是什麼字？繁體嗎？＂我不想給他壓力，令他失去學繁體字的興趣。

作者: co128 時間: 12-9-4 13:53 標題: 回覆：中文學習, 繁體? 簡體?

想問下你的兒子讀那間學校

作者: debbieip 時間: 12-9-4 14:17

問我嗎? 我兒子讀ESF

作者: LEGOLAND 時間: 12-9-4 15:07

學繁體初頭會比較難，但後面就會容易啲。我小朋友五年班。從不間斷補中文，一星期二堂，每日溫習四十五分鐘。中文有本地小四上學期程度。學校教簡體，基本上，如果佢喺學校學到幾多我冇理。總之，屋企就一定繁體。另外，我會買些如小樹苗出嘅書比佢自己睇。有套叫小火龍嘅，插圖好得意，故仔又攪笑。努力吧！中文自己攪冇問題的。

作者: hkparent 時間: 12-9-4 17:25

Legoland,
Glad to see your sharing. Do you employ a private tutor for two days a week? Is your kid taught in Mandarin or Cantonese? Thanks.

作者: LEGOLAND 時間: 12-9-4 17:47

我小朋友幼稚園喺一間全普通話嘅學期讀。讀了兩年，聽同講完全冇問題。P2開始請講普通話嘅老師教，以課文、生字，作句為主。三年級開始至現在，我用本地小學教中文嘅老師，每個禮拜上二至三堂。用廣東話上堂。每月約寫三篇短文。TSA練習、補充練習、抄寫詞語或課文，默書梗係唔少得。
四年級尾開始，要佢自己睇老鼠曰記之類程度嘅書。小樹苗和新雅出版社嘅書都唔錯。
宜家佢問字，我盡量形容比佢聽，唔得先寫比佢睇。
每日我都會睇住佢做功課，一定要了解進度。再睇下點幫佢。

作者: hkparent 時間: 12-9-4 21:53

要另外幫他溫默書嗎？
請小學老師每星期二至三次貴嗎？
你覺得公文中文怎麼樣？
你的小朋友每天放學後讀一小時中文嗎？
謝！

作者: LEGOLAND 時間: 12-9-4 23:40

如果以平均計，大約都有一小時。有時我會講故仔或者讀D小品、散文比佢聽。節日典故，中國文化就平時滲下滲下。
高小開始，如果冇D中國文化根底( 例如朝代呀、白骨精嘅喻意呀呢D), 很難有大進步。
所以好靠自己（父母）平時準備，父母準備得越多，小朋友就可以慳D時間。
基本上，整個小學也要幫佢默書。自己同佢默，咁上堂老師就可以教其它嘢。
三年級下學期，我開始同佢逐段默。
有時又會叫佢抄好嘅範文。等佢抄抄下，記到一句半句，作文時可以用
據我經驗（唔知啱唔啱），用多D唔同方法比佢哋接觸下中文，咁佢哋就唔會太悶，唔會太抗拒中文。
當小朋友喺學期中文成績好，佢哋就會好有動力去學。老師、同學讚佢兩句，好過我鬧十句。
公文教材我冇睇過，所以唔知道好唔好。
老師約$250-300 堂

作者: hkparent 時間: 12-9-5 08:25

很多謝你詳盡的分享。你的IS要考中文嗎？有好的訂書links嗎？

作者: LEGOLAND 時間: 12-9-5 08:57

不用客氣，大家交流下吧。我是去書局慢慢睇，了解本地小學課程同選故事書的。
通常選好就等減價先買。好似商務宜家買二送一，或85折先買。
我冇喺網上訂書嘅習慣。

作者: LEGOLAND 時間: 12-9-5 09:00

學校有評估，大約係寫兩頁嘅名題作文。有時排段成章，副、助詞填充呢D。

作者: debbieip 時間: 12-9-5 10:46

LEGOLAND,

哇, 你真係好努力呀! 你的經驗好有參考價值。其實我是自己教, 所以同時都煩惱選教材的問題, ....現階段兒子的讀寫能力都不夠, 想引入默書, 但發現每次教完寫完的生詞, 他很快又忘記怎麼寫....這對6歲的小孩是正常的嗎?

作者: LEGOLAND 時間: 12-9-5 17:43

容易忘記生字唔係因為佢六歲，係因為學完沒有機會用。本地小學學生，在中文科學會一些詞彙後，可能喺其它科再見到。又不停測驗、考試，強迫溫習。所以，我小朋友到宜家都會好快忘記生字。
所以一定要多睇書。
其實，識基本字詞就已經可以寫D短文。重要嘅係段落分得合理，有小小比喻或排比，再加小小感受。咁篇文就ok.
你可要求他抄下小段落，用詞語口頭做句，加深印象。
如果學繁體字，初頭係比較慢。先苦後甜，你忍耐多一、兩年吧。
認字時，試下拆開部手同偏傍，盡量解䆁個字點嚟。
去淘寶淘下直映D認字書，有D都ok .
可以用「我自己會讀」呢D圖書，每星期讀一本，每日讀一次。會幫佢記字。
你又可同佢一齊睇黃巴士。我小朋友好鍾意嘅。
笑笑下，玩玩下，中文就入腦。
最好盡量全中文溝通，咁就慳返唔使學gramma .

作者: hkparent 時間: 12-9-5 17:57

如果每星期一本故事書，即每天讀同一本，小朋友會厭嗎？

作者: LEGOLAND 時間: 12-9-5 21:48

我意思係讀出聲。通常頭兩、三曰要你提醒先可以正確完成。第四、五日就流暢地自己讀。第六、七日就可背的了。
目的：培養讀中文書習慣、建立相信自己有能力
睇完一本中文書嘅信心及能分別的、得、地嘅用法等等。

作者: hkparent 時間: 12-9-5 22:01

很好的方法啊！你自己是中文老師嗎？十分有系統！

作者: LEGOLAND 時間: 12-9-6 11:41

不是，我不是中文老師，也不是老師來的。只是，從一開始我便下定決心，希望小朋友中文水
平也保持合理。後來，發現原來要中高水平，才能應付
IB A 卷。所以惟有不繼研究教材，周圍搵老師，
絶不是一開始便順利的。
有決心，你小朋友都一定得，一起努力吧！
個人心得：編排課外活動時，一定要以中文為先，
其它嘢，有時間先學。

作者: hkparent 時間: 12-9-6 13:10

謝謝你。我是剛開始這條漫長的道路呢！

作者: debbieip 時間: 12-9-6 13:40

LEGOLAND,

謝謝你, 我會參考你的做法, 看來真的要增加兒子抄寫/造句等方面的能力!

作者: picture 時間: 12-9-12 22:47

回復 debbieip 的帖子

May i know which school your child goes to?

I have the same struggle except worse as my Chinese literacy is only up to Primary 6. Despite trying to learn more Chinese overseas, my exposure was only limited to simplified characters and I am quite determined to have my child learn Chinese WELL.

As a result I would want to avoid sending my child to school which does not promote Chinese literacy.

作者: hkparent 時間: 12-9-13 08:23

If you are not confident about your Chinese proficiency, you may consider sending your kid to a local school first, or some schools that stress Chinese eg CIS, ISF,RC.

作者: minirat 時間: 12-9-18 11:12

我本身系新加坡人，所以同內地一樣讀簡體字同學漢語拼音
我讀繁體字無難度，不過寫就唔得
我覺得大方向來講，大家現在甘著緊普通話都系為了配合內地市場
如果系甘，我覺得讀簡體字同拼音系合理的
另外，拼音其實好易用同埋好好用，尤其系內地做過野的朋友應該能夠體會

歡迎光臨教育王國 (/)