教育王國

標題: 耀能協會住宿位 [打印本頁]

作者: wincycc 時間: 12-8-29 11:23 標題: 耀能協會住宿位

請問有冇媽媽嘅小朋友入住？
入讀住宿位係咪真係令家長輕鬆d？

作者: kc61282 時間: 12-8-29 12:57

要用輕鬆形容, 對個兒女既感覺都好淺
除非有好大原因, 否則點會捨得同骨肉分開

作者: wincycc 時間: 12-8-29 14:18

本帖最後由 wincycc 於 12-8-29 14:20 編輯

回復 kc61282 的帖子

我而家個情況係:
我b女返ing 早教中心, 排ing sccc
但社工姑娘話由於政策有變
sccc要重新開始排過
佢話我b女6歲前冇可能排到

但排住宿位就可以快d

咁... 我可以點?
我b女先19個月
我都唔捨得

作者: HopeLJ 時間: 12-8-29 21:22 標題: 回覆：耀能協會住宿位

點解要排咁耐？排兩年點都應該排到喎。通常住宿的都係家庭問題(如單親) 或嚴重証狀，家庭支持不了。親情對特殊小朋友很重要，請三思。

作者: wincycc 時間: 12-8-29 21:33 標題: 回覆：HopeLJ 的帖子

其實社工之前已問過一次申唔申請住宿位，但我拒絕咗。
前日婆婆帶b女物理治療，社工就講咗話因政策有變佢6歲排到sccc個機會好微，住宿位就快好多，仲落曬藥話曬啲好處比婆婆聽有幾好。
嗰刻我似比人威脅多啲，勁嬲

作者: methy 時間: 12-8-29 23:41 標題: 回覆：wincycc 的帖子

S位排兩年點都有位喎，個社工點sell?快幾多？兩個月後有位呀？

阿女情況需要入宿舍？家人照顧唔到？唔需要入佢迫你唔到，阿女仲細，要了解
清楚點解6歲前都派唔到。

作者: HopeLJ 時間: 12-8-30 00:20 標題: 回覆：耀能協會住宿位

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

你睇下輪候名冊。你唔排學校，排地區，唔會多個兩年呱。btw 你個社工係社署社工定醫務社工？前者可能真係唔清楚情況都未定，我第一個社工係社署，佢話幾年先做我這一類case,佢好好，但佢唔明s/e/I 位運作，只幫我排最快個間，兩個月就有位，但係住宿，佢話陪我參觀，我仔個時讀私人s位，家裡付擔到，就拒絕了。但佢好好人，佢話keep 住我的case，有事可以搵佢幫手，佢隔幾個月就打比我傾下阿仔近况。sorry 離題了。之後經政府兒童評估中心的醫務社工再排s/e 位，今次就揀學校排，中途轉排I 位，一年就排到了。另不明白有什麼政策改變，需要重新再排，除非當初幫你排錯或無排到，現在想快d幫你排到補鑊。你有收到case number 的政府信嗎？希望係我想得太衰。

作者: methy 時間: 12-8-30 00:43 標題: 回覆：HopeLJ 的帖子

你遇到既社工好好呀，我第一個社工係社署，唔識就將Step轉介既信掉哂一邊,好彩我搵哂資料，見佢過左應該聯絡我既時段，打去追先知佢唔識。之後見CAC醫生就將阿仔轉介比CAC社工，呢個一樣唔得，無建議無跟進,我點知？因為一位返S位暫託既小朋友媽媽話我知佢社工會間中打比佢跟進排位，將近派位前問佢要唔要改選擇，比建議佢。分別好大。

樓主要上網搵多d資料。社工識唔識，盡唔盡責好大影響小朋友接唔接受到合適既服務架。

作者: HopeLJ 時間: 12-8-30 01:49 標題: 回覆：耀能協會住宿位

Methy 我都覺得第一個社工係小有咁好的。醫務社工都ok，雖然無建議，但超快手，要求轉排I位 fax 去第二日 call back 我一星期就收到confirm信。到排到I 位，通知我再轉file 比kg 到 kg call 我，又係一兩個星期內。

作者: wincycc 時間: 12-8-30 10:18

本帖最後由 wincycc 於 12-8-30 11:00 編輯

之前就醫院社工跟進, 排到早教中心後就早教中心個社工跟

講起社工, 之前跟開我個醫院社工放左長病假, 換左人
換左 o個個又愛理不理 (可能佢好忙)
問佢野都好似好想快d收我線咁, 搞到我都唔好意思成日打比佢

你地講 o個d信, case no.等等,
我得封排早教中心 o既申請書, 上面都有個號碼
而家排到, 咁個號碼仲有冇效?

我b女而家19個月, 但只是3-4個月o既能力,
只識返身, 爬/坐都未得
我仲有個4歲大女, 2個都係婆婆公公睇
可能耀能個社工覺得睇2個婆婆公公好辛苦
所以比左呢個offer我

耀能個社工話只要我肯申請,
會即時有位比我b女
但, 莫講婆婆公公唔捨得, 我自己都過唔到自己
佢得19個月, 咁細個....
我放工返到去想見到冇得見
講到呢度我已經想喊
所以到而家都未打電話比社工傾
費時講講下又喊

仲有多謝你地講左d情況比我知
等我可以多d資料問返個社工
thx thx ^^

作者: nicolelaulau 時間: 12-8-31 01:18 標題: 回覆：耀能協會住宿位

Wincycc~我都係經cac排緊s位，佢地話輪候大約2年左右，如果要去到6歲先有服務未免太離譜！加油呀媽媽！或者再問清楚個社工先啦！

作者: wincycc 時間: 12-8-31 10:17 標題: 回覆：nicolelaulau 的帖子

多謝你 ^.^

尋日又比第二個offer我，
都係要入住宿位，
不過住到我b女2歲就可以轉朝9午3嘅幼兒園
我b女仲有幾個月就2歲
即只係入住宿位幾個月就可轉

似威迫利誘嗎？

作者: BKVIP 時間: 12-8-31 10:37

唔明點解個社工咁HARD SELL 宿位，其實我在S位都見好多行動不便的小朋友，我相信你最清楚小朋友需要咩服務吧。咁細個要離開父母係好殘忍既事

作者: wincycc 時間: 12-8-31 11:30

我都唔明點解社工咁想我b女入寄宿.
仲話即申請即有, 唔洗排咩?

作者: methy 時間: 12-8-31 18:50 標題: 回覆：wincycc 的帖子

問左咩情況之下社工會建議入住宿位，就係小朋友情況嚴重，家中又有另一個小朋友要照顧，而照顧者又係老人家既話，就會建議入住宿位，星期一至五住宿，星期六日返屋企。
樓主先清楚自己小朋友情況，要接受現實，選擇適合既服務比小朋友先係最重要，你問我地，梗係話離開父母好忍心，但實際要考慮好多野，我諗樓主社工真心想幫你小朋友。

作者: wincycc 時間: 12-8-31 23:21

methy, 多謝你幫我搵咁多資料
我諗同屋企人商量下比b女住幾個月
到佢2歲先轉

衷心多謝你哋嘅幫忙~

作者: wincycc 時間: 12-9-3 16:49

打左10幾個電話
得出結果係"冇排s位"
我想喊呀~~~~~~~

瑪麗個社工話我女排完早教中心就close file
咁而家先排咪好有排等?
~~>,<~~

作者: methy 時間: 12-9-3 20:06

回復 wincycc 的帖子

吓!? 當初阿女係排咩? 如果只係排E位,比左個位就close file,如果係排 E+S or S,就係未有 S位前,比住個E位先,
但係會繼續排S位，不過以當時入紙政策為準。

社工同你入紙排位後.你應該收到信confirm排咩服務架。

如果要重新排S位．就好似之前咁講．等2年左右。咁個住宿位呢？

作者: wincycc 時間: 12-9-3 22:39

本帖最後由 wincycc 於 12-9-4 09:59 編輯

今日情況如下：
打電話比早教中心社工請教住宿位詳情
跟住問下s位又咩情況，
我話我乜信都冇收到，
佢就叫我打比瑪麗個社工問下

打去瑪麗個社工
先知跟開我個社工放完長病假返咗黎
la la聲問我女排s位d嘢
佢睇咗好耐文件話原來醫生當日只係take咗e位
冇take s位，所以排完e位就close file

跟住社工話佢問下同事轉頭call 我
我就出咗樓上個post

過咗半個鐘佢call back話：
Close file半年內可開返file
用返一開始排e位個日子
即2011年初

當時真係鬆一口氣，諗返起
如果唔係早教中心問住宿位，
我都未必會打電話問嘢
唔問又唔知原來冇排s位
真係「繑」

至於個宿位，因我太遲覆佢
社工話過咗暑假就冇咗lu, 但可申請定先
咁我話如果s位排2年就有位
我b女都就排到, 就唔排宿位了

是日虛驚一場
第日都係跟緊d好了

作者: methy 時間: 12-9-4 17:43

回復 wincycc 的帖子

好險呀．真係要問清楚，錯過左時間要重新排過唔抵呀。
而家叫做安樂哂～

２０１１年初同我阿仔排既時間差不多，應該好快有位了。

作者: wincycc 時間: 12-9-4 18:07 標題: 回覆：methy 的帖子

係呀~ 真係好好彩
尋日真係對住電話咆哮「咩話！冇排~~~~~」

都多謝你哋比咗咁資料我
等我冇比佢拋質
thank you so much for everyone

作者: HopeLJ 時間: 12-9-4 23:42 標題: 回覆：耀能協會住宿位

作者: ymhmami 時間: 12-9-5 00:37 標題: 回覆：耀能協會住宿位

提示: 作者被禁止或刪除內容自動屏蔽

歡迎光臨教育王國 (/)