教育王國
標題: 請自重，確保小朋友有一個公平既interview [打印本頁]
作者: fion_yinyin 時間: 12-8-25 13:47 標題: 請自重，確保小朋友有一個公平既interview
9-12月係小學interview高峰期，各家長家必十分緊張
但請未in既家長唔好上網問interview問左既咩題目，否則同出貓無分別，只要對自己小朋友有信心便可以了。至於想分享既家長，歡迎你地可以分享一下舊年問左既題目，今年仲進行緊既interivew既題目就最好不要公開了，否則對自己同已經in左既小朋友好唔公平
謝謝各位合作﹗
作者: babytomhui 時間: 12-8-25 19:06
Relax
作者: zoesychan 時間: 12-8-25 19:23 標題: 回覆：請自重，確保小朋友有一個公平既interview
作者: vivicicimimi 時間: 12-8-25 20:57
放鬆D啦！香港人！就算俾你知道in D咩！咁又㤐喎！好多時是睇小朋友臨場表現，有D in埋家長睇誠意，有D睇下你讀咩幼稚園，甚至識人係入面學校做！都有唔同的變數！Take it easy! 而家先係剛剛開始interview, 陸續有來，大把人會post interview 時問D 題目！
作者: C9_705 時間: 12-8-25 21:32 標題: 引用：放鬆D啦！香港人！就算俾你知道in+D咩！咁
提示: 作者被禁止或刪除 內容自動屏蔽
作者: Doggieb 時間: 12-8-25 22:25
Cannot agree more!
作者: gigi812 時間: 12-8-25 23:36
我囝囝係英華第一天應考, 考完後, 我囝都講到80%考咩內容比我知, 而我的各方朋友, 都有打比我問有關考試內容, 我亦把張內容分享, 其實學校唔會每組, 都考同樣的問題的, 除了答案, 學校還看小朋友的應對反應和個性. 唔會答岩晒就收, 我諗學校標準不單看答案的. 應對反應和個性係無得操練的, 要考泛圍太多了. 就算內容一樣, 小朋友回答方法, 談吐和禮貌, 有好多野都要睇小朋友當時表現. 好似問有關中文和英文讀句, 就唔係一日半日可以急補到架.
由3個月前開始準備考小一, 日日都有上BK, 睇下有咩大家報料, 但發現越來越少人開POST分享, 記得考幼稚園時, 每當開考當天, 好快就有媽媽上來報料, 而家先係開始咋, 希望大家可以輕鬆d,
作者: chaobi 時間: 12-8-26 00:26
本帖最後由 chaobi 於 12-8-26 00:47 編輯
如果有人認為知道都沒甚作用，主要是看小孩的臨場表現，哪又何須心急提問?
既然每天每組的題目都不同，知道又有何用？
司馬昭之心！
到面試當天，便會知道考甚麼！
要放鬆的，應該是未應試的家長！
要relax的，是想知題目的家長!
並非想惹爭端，只想說，誰家父母不想維護自己子女的公平待遇！
現在不是拿多一蘋果，賺多一元這等閒事，「香港」好學位如此緊張，香港人都不夠分，老實說，我就放鬆不下了！
作者: joeram 時間: 12-8-26 00:38
我十分同意樓主的見解.
早在優才面試的時候已有此情況,我已向板主和當時的樓主提出.
但似乎想知面試內容的人,遠遠比想把試題保密的人多.
唔知點解,而家香港變成咁, 只要對自己有利,洩露試題都冇所謂.
我記得舊年如果有人洩露試題,係會比人圍插的.
但今年,似乎大家都只想知道試題.
既然只看臨場表現, 那大家都不要問吧.
作者: golfer504 時間: 12-8-26 00:43
vivicicimimi 發表於 12-8-25 20:57 
放鬆D啦！香港人！就算俾你知道in D咩！咁又㤐喎！好多時是睇小朋友臨場表現，有D in埋家長睇誠意，有D睇下 ...
非常同意你既講法！但亦都同意樓主的題目(...一個公平既interview ...). 題目及型式可以公開,不過係該學校interview階段之後. 某些學校主張全人教育,呢D正是活生生的例子.
Relax 吧
作者: atirw 時間: 12-8-26 00:51 標題: 回覆：請自重，確保小朋友有一個公平既interview
讚同，優才我都係頭一批in,講了給朋友聽考試內容，結佢個仔得左我個仔唔得。
作者: bigboy129 時間: 12-8-26 01:04 標題: 回覆：atirw 的帖子
今年的家長真頑固，咁想知道，不如去學校門囗問in完嘅小朋友，咁咪仲新鮮熱辣。:;pppp:
作者: bigboy129 時間: 12-8-26 01:08 標題: 回覆：bigboy129 的帖子
唔好以為咁係無私的分享，到人哋小朋友得咗，自己得個吉時，唔好問人點解！
作者: carolmum 時間: 12-8-26 01:41
本帖最後由 carolmum 於 12-8-26 01:47 編輯
回復 vivicicimimi 的帖子
讚同!!!!!!!!
知道題目就入硬咩??!!!有時都講運氣!人生在世,仲有好多考試,測驗!!!
學校安排得既,佢地自然會諗點樣去避免啦!
講真,洗咩講到出貓咁跨張呀!
作者: JassChow 時間: 12-8-26 02:14 標題: 回覆：carolmum 的帖子
比妳知都無用。每時段，每組考嘅題目都吾一樣！train 好小朋友坐定同有禮貌好過啦！
作者: Charlotte_mom 時間: 12-8-26 11:44 標題: 回覆：請自重，確保小朋友有一個公平既interview
吾係淨係今年，其實年年都有。出吾出貓，見人見智啦
作者: conniechan125 時間: 12-8-26 11:47 標題: 放鬆D啦！香港人！就算俾你知道in+D咩！咁
原帖由 vivicicimimi 於 12-08-25 發表
放鬆D啦！香港人！就算俾你知道in D咩！咁又㤐喎！好多時是睇小朋友臨場表現，有D in埋家長睇誠意，有D睇下 ...
作者: 四隻貓 時間: 12-8-26 12:25 標題: 回覆：vivicicimimi 的帖子
同意極了！
其實學校自有揀選學生的方法，唔係識答問題就會收。如有認識某些名校的學生便會略見一班，那些孩子都是有一點特質的。那些不是一段短時間可以訓練而來的。
平常心面對吧。
而且每個人都可以在這平台自由交流，沒有什麼權力去阻止別人報料和收料。
作者: virgokaren 時間: 12-8-26 13:15
會考試題是不能公開的，所以全港考生要同一天同一時間考。
P.1 interview 可以分開幾曰，不同時段，咁自然評分標準與會考不同，學校也不怕你公開。
講真，想知係人的本性。但其實知左真係得個「知」字，train 吾切，也控制不了小朋友的臨場表現。
大家都明白，小朋友有時識也未必肯答，怕陌生的小朋友肯定餂底。
所以，分享與否乃個人意願，大家吾駛講到洩漏國家機密咁誇吧！
作者: JadeW 時間: 12-8-26 13:35 標題: 回覆：virgokaren 的帖子
我完全吾明白點解有家會分享題目，就算你個仔考完先，呢間吾係你杯茶你吾會讀，但同你一樣頭一批考既可能好想入，你咁樣係對其他人吾公平！話學校會考慮同吾同題目既人係真傻定假傻呀，咁講就吾使問啦，睇番舊年問左乜未得囉，使乜要今年既題目！不知什麼道理跟標準！
作者: monsterparentss 時間: 12-8-26 15:02
呢排都好多媽咪問我攞上年interview嘅經驗同技巧。但我見到佢小朋友連姨姨都唔肯叫一聲，望又唔望我，連最最最最基本都做唔到，叻到識飛都無用！
作者: DENNISSON_NG 時間: 12-8-26 17:49
我唔係好明白樓主, 呢個世界什麼叫公平(間間名校都考中英數+高閱讀)? 好似考英華幾個細路都唔同版本, 你相信那位? 幼稚園唔同中學文憑試, 人地只係分享, 有人信又有人唔信考呢, 何必咁緊張, 如果看得咁重, 反而添壓力! 其實個小朋友1月出世同12月出世都係差不多的題目(咁都唔公平&好大分別), 參加得就預計自己小朋友是平時的努力& 吸收. 我地都做父母只會大約知道考什麼? 如果好緊張題目果D家長, 一年前已去面試班..TAKE IT EASY! 大家開開心心, 我三次面試都係第一天IN, 好多人問我考咩? 我仔說D唔說D, 個仔考不上我唔介意, 而且考到的人我認為實果完全合理(因為唔係題目問題, 而係他們的小朋友一向在校內都名列前矛(中英都勁), 有個朋友同我講: 各有前因莫羨人....
作者: rogerlam123 時間: 12-8-26 18:17
其實D學校年年INTERVIEW都係差唔多, 形式題目都差唔多, 睇番上年EK已經OK, 大家take it easy la!!!
作者: silvia_ng 時間: 12-8-26 18:54 標題: 回覆：請自重，確保小朋友有一個公平既interview
其實問人攞料既家長有冇唸過收到既可能係流料呢？小心，唔好以為同果個好fd,唔會咁對你。
作者: bear2233 時間: 12-8-26 19:48 標題: 回覆：請自重，確保小朋友有一個公平既interview
其實大家咁緊張做咩呢，就算知咩題目都冇可能係短時間內改變到個仔乜野，好多家長係好心話俾大家知有咩類型嘅題目俾大家有個心理準備，大家放鬆d啦！
作者: dindin123 時間: 12-8-26 20:32
其實誼家大家都係教小朋友分享，但最做唔到嘅係大人自己
我舊年玩完呢個遊戲，個段期間，我不斷同一d熟同唔熟嘅媽媽分享內容
總括係大致形式相同，問題好小會真係一樣.就算比你知黦目，根本無可能training 到個小朋友由唔叻變好叻，加上直資同私校係睇重表現及對答，答案係點根本唔重要，你估d校長唔知有呢d科林咩，樓主又唔駛甘緊張
作者: sissysze 時間: 12-8-26 23:10 標題: 回覆：請自重，確保小朋友有一個公平既interview
樓主小朋友讀緊間甘勁嘅kg使乜擔心呀，interview 呢家嘢，重要睇你同場撞到啲乜嘢小朋友同group，撞著啲曳嘅你都死啦，好心唔好甘緊張
作者: fion_yinyin 時間: 12-8-26 23:11
非常同意有家長指出「如果有人認為知道都沒甚作用，主要是看小孩的臨場表現，哪又何須心急提問?」
問interview問過乜既家長既心理大家都好清楚，始終知道題目後家長可能：同阿仔講定interview有咩項目同佢做定心理準備 or train下阿仔。我唔信d家長問完一d野都唔做law。如果問完乜都唔準備，家長根本都唔會問啦。
所以問親既家長都係有佢既目的，始終一早知道interview會考咩就會對其他in 左既小朋友唔公平。都係0個句：請確保小朋友有一個公平既interview
作者: HappiMom 時間: 12-8-27 00:04
?????!!!!!
作者: pakyin1108 時間: 12-8-27 00:09 標題: 回覆：請自重，確保小朋友有一個公平既interview
唉呢個比賽根本就冇公平，我已經睇化晒，好多人因為呢場比賽，朋友變敵人，故意洗你，扮乜都唔識，其實收收埋埋，所以我好欣賞肯分享既家長，就好似以前讀書，有d同學仔明明識又唔教你，驚教左你會威脅佢，我都明白既，佢咁做並冇錯，自己咁辛苦讀書唔通會比貼士你，教既係人情唔教既係道理，但有d同學仔就唔介意，喜歡分享幫助人，既然你問我就好樂意教，前者冇錯，但後者比人覺得氣氛會和諧d
作者: chaobi 時間: 12-8-27 00:14
本帖最後由 chaobi 於 12-8-27 00:28 編輯
一堆歪理！講都哂氣！
作者: meloeskie2 時間: 12-8-27 00:24 標題: 引用：同意極了！
其實學校自有揀選學生的方法，
原帖由 四隻貓 於 12-08-26 發表
同意極了！
其實學校自有揀選學生的方法，唔係識答問題就會收。如有認識某些名校的學生便會略見一班，那些 ...
作者: carriebaby111 時間: 12-8-27 00:28 標題: 回覆：請自重，確保小朋友有一個公平既interview
其實我唔信，如果有人係度分享面試的內容，有人會無興趣睇。有份睇的，又何必在此惺惺作態？
作者: 小曳人 時間: 12-8-27 07:11
我覺得所謂睇小朋友表現，其實唔只答案啱唔啱，仲有小朋友嘅反應，所以無話出唔出貓...我唔係支持大家分享問題，只係分享咗又唔駛覺得自己輸咗係因為呢樣嘢！講到底，學校要見家長，我總唔會覺得錯响小朋友度，一定係學校揾到更適合嘅家庭！
作者: Parisienne 時間: 12-8-27 08:45
無論公開與否對最終結果有無形嚮，原則上在面試未完之前係唔應該公開。
其實主動問人尋日考乜而希望自己個仔今日得嘅人，佢平時都應該係咁，以後教仔都可能係咁。你話公平起見唔答，佢話唓! 學校都未必出一樣題目啦，但佢又要問喎! 仲反話你自私唔分享。相反人地問返佢時又真係未必同你分享囉。
有無影響？無就假啦！多多少少都有d。
但影響好大咩？又唔會囉！
不過原則上，又真係唔應該公開喎。
但最終既然有人公開咯，好多家長亦唔會清高到唔睇囉。睇咗亦無理由唔向個仔教路啫！其實，某程度上，說穿了大家都係想咁啫。
作者: chanwendy 時間: 12-8-27 10:55
上年都有 post 叫大家唔好講考咩, 其實好多學校真係來來去去問嗰幾款, 上年的家長真係會自侓唔講的, 要講都係講形式, 唔會講到咁 detailed. 但係叫人唔好講內容的, 係會得到其他家長的普遍認同的.
作者: carchu12 時間: 12-8-27 10:58
其實我自己就覺得唔問就最好。
我囡同朋友個囡in同一間，佢早一日，但我一直都無問佢in咩，直到個囡上左去in，先打比朋友問佢個囡in成點、順道報導下當時既情況、大家對學校既感覺。
這樣既感覺會舒服d。
作者: atirw 時間: 12-8-27 11:20 標題: 回覆：pakyin1108 的帖子
平時互教學習，分享讀書心得，tip題目，這些都是良好行為，但要知道考了什麼題目，即係出貓，要分清楚，不幫你出貓是自私？人地問你考了乜，但唔講是不當？是非要分清楚！講下考乜形式，中英數，oral定用筆免強都ok，講畫畫題目要寫名就是出貓or幫人出貓，我以前都覺得無所謂，不過見你咁講就自我返醒，希望我個仔將來都會是非分得清。
作者: CatEgg 時間: 12-8-27 11:54 標題: 回覆：請自重，確保小朋友有一個公平既interview
本帖最後由 CatEgg 於 12-8-28 11:58 編輯
deleted
作者: fion_yinyin 時間: 12-8-27 12:03
好開心大部份家長都是明白事理和講道理的，請那一小部份想佔便宜的家長不要再出貓﹗﹗
作者: Small_Cloud 時間: 12-8-27 12:57
雖然我係數年前既參與者, 但都好明白樓主既心情, 畢竟呢幾年既競爭真係越來越激烈, 擔心一個好小既環節會影響學校揀選小朋友既準則. 我唔反對分享面試模式, 因為萬變不離其中, 但又唔駛講到咁詳細, 因為講得太詳細對未考既小朋友其實都係壓力, 您諗吓, 當個家長話比小朋友知如果老師咁問您, 您要點答, 洗腦式要小朋友記住答咩, 但萬一老師冇問呢條而問其他嘢, 佢真係企咗喺度唔識答嫁, 所以都係放鬆d啦, 信任自己小朋友啦
作者: pakyin1108 時間: 12-8-27 14:25
回復 atirw 的帖子
我都講左就算人地唔講都無錯,我亦無話唔講係自私,只係既然有人問,又有人願意分享,感覺和諧D
作者: pakyin1108 時間: 12-8-27 14:44
atirw 發表於 12-8-27 11:20 
平時互教學習，分享讀書心得，tip題目，這些都是良好行為，但要知道考了什麼題目，即係出貓，要分清楚，不 ...
你講既畫畫題目同寫名係WKF?家長係O係所有INTERVIEW結束先講,唔好誤會,我相信大部份家長好自律
作者: mlleung 時間: 12-8-27 16:03
fion_yinyin 發表於 12-8-25 13:47
9-12月係小學interview高峰期，各家長家必十分緊張
但請未in既家長唔好上網問interview問左既咩題目，否則 ...
同意, 我仔仔都係今年interview, 我都覺得唔應該問面試內容, 因為第一日in果d小朋友真係唔知模式同內容, 唔好話知內容, 如果我知模式我都會即刻話比個仔知大概係點考等等, 等佢入到去有心理準備, 雖然話幾日interview都會有d唔同, 但大致上都會係差唔多啦.
雖然我仔仔in WKF係第二日, 但係我都無打算問面試內容, 因為真係等同出貓, 對首批interview小朋友唔公平. 我只會參考舊年考過小一的家長意見.
作者: bigboy129 時間: 12-8-27 16:44
回復 小曳人 的帖子
你係第一個考,會立刻分享嗎?
作者: MC1128 時間: 12-8-27 17:23
四隻貓 發表於 12-8-26 12:25
同意極了！
其實學校自有揀選學生的方法，唔係識答問題就會收。如有認識某些名校的學生便會略見一班，那些 ...
同意,先申報利益,我的小朋友已讀小學及中學,當年亦經歷這些,但講到出貓,太誇張了,如果等同出貓,學校應該要防範,唔係由家長在自由平台警告?提醒?別人的留言!
作者: kkpower 時間: 12-8-27 17:37
香港教育的錯, 對天真小孩的折騰! 對為人父母心力的消磨!
等大抽獎吧!
作者: 小曳人 時間: 12-8-27 17:49
本帖最後由 小曳人 於 12-8-27 17:53 編輯
bigboy129 發表於 12-8-27 16:44
回復 小曳人 的帖子
你係第一個考,會立刻分享嗎?
我曾經係一個無私嘅人，確信知道題目都未必有太多幫助，不如俾小朋友自然表露真我
但無私分享，最終換嚟嘅~竟然係害咗細仔 (detail不便多說)
你個問題.. 如果唔係公開問，我會答！但我大仔唔係一個能夠講番發生咗咩事嘅人，所以就算我100%講番出嚟，好可能只係所有問題嘅20-30%
不過，我呢個懶媽媽係唔會晨早去排隊交form 嘅，so far 報咗4間，3間面試時間都係中間
作者: gigayan 時間: 12-8-27 17:51 標題: 引用：其實我自己就覺得唔問就最好。我囡同朋友個
原帖由 carchu12 於 12-08-27 發表
其實我自己就覺得唔問就最好。
我囡同朋友個囡in同一間，佢早一日，但我一直都無問佢in咩，直到個囡上左去i ...
作者: chunheimama 時間: 12-8-27 20:26
贊成保密考試內容, 直至最後一日完.
因當年只考兩間, 事後發現兩間都有重覆出題. 假如一早知內容, 真是可以操.
咁對某些早考的小朋友有機會給人後來追上. 請各位JM忍忍口.
作者: lyhv 時間: 12-8-27 22:11
小曳人 發表於 12-8-27 17:49
我曾經係一個無私嘅人，確信知道題目都未必有太多幫助，不如俾小朋友自然表露真我
但無私分享，最終換嚟嘅 ...
作者: chaobi 時間: 12-8-27 22:51
功課不懂，故然必須教；
考試不懂，真的可以教？
有趣！有趣！
分析事情之先，是否先定好位！
作者: silvia_ng 時間: 12-8-27 23:12 標題: 回覆：請自重，確保小朋友有一個公平既interview
我都情願考哂大家先黎分享，萬一先考講左出黎，第二日考唔同既野，咁人地會點睇我？如果該家長之前一日幫小朋友不停練習，攪到小朋友好大壓力，咁點算？呢類套料既情況對雙方都冇好處，何必呢？再者咁樣比你考得入，又唔代表你適合呀！
作者: vnghk0001 時間: 12-8-27 23:17 標題: 回覆：請自重，確保小朋友有一個公平既interview
反對之前，有冇問下自己，以前有冇開post ／上網搵料／問過呢啲野，包括考幼稚園囉。雖然可能係問舊年，但今年都有可能重複架嘛，放鬆啲。
作者: aokiwong 時間: 12-8-27 23:38 標題: 回覆：fion_yinyin 的帖子
其實我覺得好似我地個年代，考會考既oral一樣，自己考前會問人考咩題目，自己考完亦會同返朋友講討論咩題目。知道人地考的題目，我唔覺得自己會攞A,人地會攞E或者F囉. 朋友既小朋考到學校，一定有佢個人之處，或者再加少少彩數？我覺得唔會只係因為單單因為你話左考試模式或者內容俾佢聽所以朋友個小朋友入到小數而自己小朋友入唔到。
作者: aokiwong 時間: 12-8-27 23:39 標題: 回覆：aokiwong 的帖子
講到出貓，小學派位借地址唔係更加貼切嗎？
作者: aokiwong 時間: 12-8-27 23:42 標題: 回覆：aokiwong 的帖子
更正，借地址唔係出貓而係出術
作者: judymama 時間: 12-8-27 23:59 標題: 回覆：請自重，確保小朋友有一個公平既interview
樓主係考官
作者: fion_yinyin 時間: 12-8-28 00:08
其實好簡單再諗下一個問題啦。問人地interview問左咩既家長咩心態先？咪就係套料然後操個仔，希望增加interview答岩題目既機會同埋增加入學既成功率。若非有此心態，問黎做咩先？
大家都好明白，考幼稚園時小朋友只有約2歲，好多野你想操都操唔黎。但考小學，小朋友普遍已經有4-5歲，已經能掌握好基本既知識和概念，父母自然可以和他操練一些題目，似便他interview能答對多些問題。例如家長知道interview曾問小朋友一個紅色三角形係咩顏色，家長都會同佢再溫下d顏色先啦。呢d預先知道題目然後增加分數既行為唔叫出貓叫咩？叫溫習啊？
會考考oral題目一定會日日都唔同。但考小學，有邊個可以肯定題目日日都唔同？
其實大家心知肚明考小學同考幼稚園 / 會考oral無論在小朋友程度 / 形式 / 可以問既範圍同深度 / 評估制度都唔同，邊個唔想自己小朋友有一個公平interview既機會？我知道有好多家長都堅守住呢個大原則，既然係咁，請某d家長唔好再包裝自己拎著數同攞便宜既行為﹗
作者: bigboy129 時間: 12-8-28 01:21 標題: 回覆：fion_yinyin 的帖子
算吧啦，今年啲家長好大方，講嚟講去都話自己無錯，無他嘅，因為佢哋又未考又想知，上年比較自律。
作者: fion_yinyin 時間: 12-8-28 08:41
英華係比較早面試的一間，之後interview會陸續有黎。希望各家長自律，等小朋友可以表現返佢自己應有既水平。
作者: coco209 時間: 12-8-28 08:41 標題: 回覆：請自重，確保小朋友有一個公平既interview
自律d好，唔該
作者: jluiluill 時間: 12-8-28 09:03
明白ga
多個香爐多隻鬼,哈哈！！
作者: pakyin1108 時間: 12-8-28 10:44 標題: 回覆：請自重，確保小朋友有一個公平既interview
我自己冇問過人考咩亦冇講過比人聽考咩，因為我個仔唔會講，不過我唔知大部份家長係咪同我一樣咁諗，我唔會鼓勵人問但又唔會鬧分享既家長，抱平常心，香港咩人都有，借地址犯法都做，何況問下人考咩？我教好自己個仔就算了。呢度係自由平台，除非犯法犯版規，否則我自己唔會叫人唔好講，亦冇權咁做，樓主用意係好，但其他家長話影響不大唔係話鼓勵人問，只係希望大家唔好太過緊張，係出於好意，但某些家長就不斷質問單打，如果覺得問考咩係好嚴重既行為，係出貓，會影響結果，其實樓主同表現激烈既家長有冇考慮同版主商量，表明禁止考試期間問考試內容？否則關帖？咁樣就唔駛傷和氣了
作者: evasoeeyy 時間: 12-8-28 10:55
家長們請RELAX, 我有幾個朋友都係直資教, 年年都係INTERVIEW 畫畫, 積木, LEGCO, 集體遊戲, 問下日常生活問題, 間間都大同小異, 不是主要睇答案對不對, 是睇小朋友有沒有自信, 禮貌, SENSE, MATURE, 專心,以上表現就知家庭教育是如何! 到了2ND INTERVIEW真係主要睇父母, 如果父母表現太緊張, 會令學校好擔心, (如果收左她們的仔女之后....), 大家開心面對, 學校收不收小朋友, 他們自己有一套標準, 不代表小朋友本身表現不好, 不要太介懷...
TAKE IT EASY
作者: fion_yinyin 時間: 12-8-28 11:00
「自由平台」、「言論自由」大家都好識係「適當」時候拎黎保護自己
版主或者亦因為呢樣野呢幾日都讓大家「自由」討論interview題目吧
問interview題目同犯法根本係兩回事，如果問interview題目係嚴重到等同犯法，咁多位正義既家長都唔洗用咁多時間係到勸大家要俾小朋友一個公平既競爭環境﹗
不過真係都係0個句：請各位家長自律
作者: evasoeeyy 時間: 12-8-28 11:06
年年INTERVIEW 模式都一樣, 搵番上年留言都知架啦, 但如果有些家長真係好堅持, (我知上年有家長, 因為小一INTERVIEW要睇心理醫生), 好執著, 為了 避免罵戰(年年BK 都有這情況), 大家可以儘量配合
作者: ha8mo 時間: 12-8-28 11:19
提示: 作者被禁止或刪除 內容自動屏蔽
作者: evasoeeyy 時間: 12-8-28 11:28
ha8mo 發表於 12-8-28 11:19
我有舊同學的兒子今年升小一
佢就係從舊年考小一時發覺
原來宜家好多家長覺得直資/私立高級D
作者: Parisienne 時間: 12-8-28 11:30
回復 evasoeeyy 的帖子
唔係卦，睇心理醫生？咁做佢個仔都幾難捱！不過的確記得前幾年有個阿媽拋個囡落商場，再跟手跳埋落去！原因係派唔返自己小學，同老公爭執後失控（or something like that),結果自己死咗阿囡救番。
所以千其要EQ高，人生流流長，你都唔想阿囝以後係咁。
希望呢種悲劇唔好再發生。
作者: 喵媽 時間: 12-8-28 11:41
silvia_ng 發表於 12-8-27 23:12
我都情願考哂大家先黎分享，萬一先考講左出黎，第二日考唔同既野，咁人地會點睇我？如果該家長之前一日幫小 ...
我依家發現咗呢個問題, 我係第一日考wkf, 我只同幾個熟既朋友講番亞仔講既野, 不過發現之後考既又有d唔同!! 我都好怕比人誤會有誤導成份...而且小朋友講既野又未必啱!
作者: pakyin1108 時間: 12-8-28 11:45 標題: 回覆：fion_yinyin 的帖子
咁梗係唔等同犯法啦，我都冇話等同，我話既然犯法d人都為仔女去駁，何況唔犯法？
我只係覺得你可以去問下版主，否則再繼續爭抝都冇用，你話唔好講，有d人就係要問，我地唔係用言論自由去保護自己，而係呢個係事實，版主暫時冇話唔比唔講，所以直接問版主才可以解決你既問題
作者: evasoeeyy 時間: 12-8-28 11:45
我明白父母放了很多心機, 時間, 金錢, 在小朋友身上, 會覺得所得回報是成正比, 一旦事實與心想不符, 他們會好難接受, 但人生的路好漫長,...
作者: 四隻貓 時間: 12-8-28 12:18
pakyin1108 發表於 12-8-28 10:44
我自己冇問過人考咩亦冇講過比人聽考咩，因為我個仔唔會講，不過我唔知大部份家長係咪同我一樣咁諗 ...
同你差不多, 我女次次講返面試內部都講到一舊舊, 極不可信. 所以我講唔到俾人知面試內部, 而我亦唔會主動問人考d咩, 不過我唔會反對其他人報料或收料(其實我亦無權力去阻止).
樓主作出勸籲也是一片好心, 但確如pakyin 1108所說, 我們無能力去阻止沒有犯版規的出文, 每個人有自己的一套想法, 無可能要人人認同.
年年面試時期周圍就會有人報料或收料, 再過一排便等放榜報喜報憂, 年年如是......
作者: fion_yinyin 時間: 12-8-28 13:12
本帖最後由 fion_yinyin 於 12-8-28 13:13 編輯
bb kingdom d版主好update 呢到既討論內容的，我知道呢到d版主行動會好迅速，一見到d唔岩既topic就會做野，所以我知道問都係無用。事實係版主「唔郁手」其實係代表做左野
我地無權去阻止某d家長存心套料，但既然有d人咁公開做得出呢d咁不值既行為，一班講道理同明事理既家長就要出聲，而唔係任由呢種情況繼續落去。
一個小朋友可能講唔清楚interview內容，但十個小朋友講有個大概喇嫁，廿個講應該都知考咩喇掛，三十個講都知八成成題目啦，咪d家長洗乜上黎呢個咁hit既blog到問？佢地就係貪呢到人多好收風
最後，正如「守法」一樣，「公平競爭」呢個係大原則，應該人人都會認同，只係有部份人做壞規矩罷了
作者: vnghk0001 時間: 12-8-28 14:18
呢幾日仲多左人問Tim
換一個角度睇，大家都係為左自己仔女著想。
作者: pakyin1108 時間: 12-8-28 15:47 標題: 引用：+本帖最後由+fion_yinyin+於+12-8-28+13:13
原帖由 fion_yinyin 於 12-08-28 發表
本帖最後由 fion_yinyin 於 12-8-28 13:13 編輯
bb kingdom d版主好update 呢到既討論內容的，我知道呢 ...
作者: cowkingb 時間: 12-8-28 15:57
我路過, 見倒呢個 TOPIC...
我自己個小朋友今年都係考小一. 我同意唔好講考左 D 咩, 有家長自願講無辦法, 0係呢個平台. 點阻都阻唔倒... 我亦唔會第一下去諗, 講考題出來既家長, 佢地講既係真定係假, 佢地講既我只會睇完當參考, 因為我好相信問既唔會係一模一樣. 我亦無可能0係一兩日之間去 TRAIN UP 自己既小朋友, 1+1 = 2 可以, 不過而家既考試又點會咁易?
反而, 有 CONSULT 其他家長考咩既都要諗下, 當知道考咩之後, 會唔會係咁 TRAIN 個小朋友, 而比左個無形既壓力佢地呢? 今時今日考小學, 要過5 關斬6仗, 唔只係個小朋友, 大人都係呀... 我都同我老公打趣講, 可能最後唔收個仔既原因唔係因為阿仔考得唔好, 而係我地表現唔好.... 
再者, 我真係覺得個小朋友考唔考倒, 重要睇埋個考官, 識我小朋友既都話我個小朋友一定無問題, 又主動, 對答又快, 成績又好.... 到今日為止考左既小學, 咪又係得 WAITING... 反而我個仔既同學, ACADEMIC (學校既) 唔係考頭 3 名, 講嘢都 BILIBALA既, 不過真係BILIBALA 果種, 反而收左佢... 所以無得預, 亦無得計... 只可以同自己講, 盡左力啦... 呢句說話我都有同個仔講, 因為我唔想佢怕左考試, 驚左入試場...我都只係叫佢盡力, 盡左力考唔考倒都 OK 啦.... (雖然心都想佢考倒, 但想還想...). 每次考之前都同個仔講, 去玩之 MA... 我知個仔其實知唔係去玩既... 但咁講大家都會開心 D 去面對 LOR.
好似離左題, 講咁多只係想大家都可以放鬆 D. 呢刻只係剛剛開波就比自己同個小朋友咁大壓力, 個人覺得會有反效果, 希望大家最後可以搵倒一間適合你地小朋友既小學... 一起努力吧!
作者: fion_yinyin 時間: 12-8-28 16:32
本帖最後由 fion_yinyin 於 12-8-28 16:32 編輯
我唔想係到糾纏通唔通知版主，總之呢個topic 已經講到有個"hit"字。呢幾日有上下呢到都知發生咩事。唔知既話就係廢柴版主，但我信bb kingdom既版主係盡責嫁law，講完。
多謝你的分享。我同意個個父母都緊張自己既子女，但唔好用左d唔正路既方法去「幫」自己既子女law，請大家都公平一點﹗
作者: bigboy129 時間: 12-8-28 16:42
本帖最後由 bigboy129 於 12-8-28 16:44 編輯
回復 pakyin1108 的帖子
咁鍾意講面試內容,不如幫大家叫版主開一版叫就"全港小學面試問題無私分享"啦,你估佢制唔制?
作者: bigboy129 時間: 12-8-28 16:45
Don't do the right thing in a wrong time.
作者: pakyin1108 時間: 12-8-28 16:51 標題: 回覆：fion_yinyin 的帖子
救命成曰都睇錯我講既野，我叫你問版主意見，同版主商量下，反映下意見，唔係叫你通知版主，駛鬼你通知咩
如果最終係維持不變，我相信家長自己會決定問定唔問，講定唔講
作者: pakyin1108 時間: 12-8-28 17:11 標題: 回覆：bigboy129 的帖子
我幾時有講過鐘意講面試內容？我從來無講過！我一直既立場都係放鬆心情，唔好太緊張，我唔鼓勵人問但又唔會閙講既家長，因為我覺得自己喺呢個平台無權力去叫人唔好問唔准講，我都有提議對討論考試內容關帖，以免爭拗，唔該你睇清楚，唔好淨係單打人，仲有你之前點評我叫我做大哥，我係女仕黎，未清楚前唔好亂叫
作者: carriebaby111 時間: 12-8-28 17:33
本帖最後由 carriebaby111 於 12-8-28 17:41 編輯
其實版主有冇TRAIN你個小朋友呢?
就當你好"正直""自覺"冇"參考"其他家長分享的面試型式, 其實我看見其他家長分享的面試內容((我自問冇咁清高唔看
)) 和我平時在家和犬兒做的活動遊戲差不多,面試時答對晒,那又如何?咪又係唔收
何必預設所有人都是你所講的這樣呢? 攪到個罪名咁大, 言論是有自由, 學校亦有選擇學生的自由, 都不是由個人去出發和控制的! 又既然網上的資料真偽值得懷疑, 又何必為一些無法證實的資料而認真挑剔別人? 媽媽們放鬆點,對別人對自己和孩子多一點包容吧, 孩子會走出一條屬於他自己的路
再者:呢個遊戲:根本無公平
作者: chunyatmama 時間: 12-8-28 17:37 標題: 回覆：請自重，確保小朋友有一個公平既interview
或者咁諗，家家有求，唔好太緊張，有人問大可不答，有人答，大可不信。
作者: jigsaw 時間: 12-8-28 18:41
見到呢個 topic 覺得好搞笑, 睇埋內容更 O 咀
上得BK，大部分家長都好緊張小朋友嘅成長、學業.... 當中一定有意見交流分享,當然 亦會包括INTERVIEW 嘅經驗分享....不單睇今年, 都亦會往年...不如叫有關樓主 delete 哂所有関嘅 post
作者: bigboy129 時間: 12-8-28 20:00 標題: 回覆：pakyin1108 的帖子
係亂吠，我講我:;pppp:
作者: bigboy129 時間: 12-8-28 20:02 標題: 回覆：pakyin1108 的帖子
你好女性。
作者: sissysze 時間: 12-8-28 20:20 標題: 引用：見到呢個+topic+覺得好搞笑,+睇埋內容更+O+
原帖由 jigsaw 於 12-08-28 發表
見到呢個 topic 覺得好搞笑, 睇埋內容更 O 咀
上得BK，大部分家長都好緊張小朋友嘅成長、學業.. ...
真係香港乜都有
作者: pakyin1108 時間: 12-8-28 20:39 標題: 回覆：bigboy129 的帖子
小狗乖，下次你吠之前真係要小心，你唔係吠比我聽唔駛按回覆比我（版主：本人只係順應big boy129話自己亂吠，無刻意貶低）
作者: bigboy129 時間: 12-8-28 21:56 標題: 回覆：pakyin1108 的帖子
不知所謂
作者: pakyin1108 時間: 12-8-28 22:00 標題: 回覆：請自重，確保小朋友有一個公平既interview
先撩者X
作者: fion_yinyin 時間: 12-8-28 22:35
大家稍安無燥，我都係想大家以理服人，見到d唔岩既野就要出聲。大家千萬唔好意氣用事，平心靜氣咁為自己子女爭取一個公平既面試環境。無論對方歪理有幾多，我地都要堅持我地既大原則，要以身作則咁話俾子女聽乜野應該做，乜野唔應該做。
真係唔明點解講黎講去都仲係有小部份人覺得問左interviwe內容至去面試係無問題。我真係唔係好信一個小朋友答對題目數目多會對面試無幫助law。
一群正義+明理+守規矩+唔走捷徑既家長正在努力確保「孩子會真正走出一條屬於他自己的路」，而唔係得到家長套料後有範圍既去操練。呢d唔係叫挑剔別人，而係叫撥亂反正。預先得知題目然後拎得較高分數就係唔應該，呢個係大原則，我諗唔會有人對「出貓」有第二個定義law。
作者: cmt1010 時間: 12-8-28 23:12 標題: 回覆：請自重，確保小朋友有一個公平既interview
其實有人想知，又有人肯講，有咩問題呢？分開幾日面試，學校都預左d題目會通晒天，自然會改一改，何況間間學校其實都是考咁上下的東西，只要得閒上bk爬下，大致上都會估到面試內容。個個都可以番屋企train過夠。何需咁緊張呢。
作者: aokiwong 時間: 12-8-28 23:14 標題: 引用：+本帖最後由+carriebaby111+於+12-8-28+17:
原帖由 carriebaby111 於 12-08-28 發表
本帖最後由 carriebaby111 於 12-8-28 17:41 編輯
其實版主有冇TRAIN你個小朋友呢?
只要答啱嗮就收，咁只考筆試就得~
要面試的，就唔係正正單睇答案吧！
作者: cmt1010 時間: 12-8-28 23:17 標題: 回覆：aokiwong 的帖子
作者: fion_yinyin 時間: 12-8-28 23:21
其實如果我係學校入面既老師，可以既話都唔想預備咁多set題目，你估真係好得閒咩。係被迫改定係自然改呢，真係值得商榷。
我想問一個問題：唔通答錯哂就收啊？係就唔會有人上黎套料想操定先啦
作者: fion_yinyin 時間: 12-8-28 23:23
本帖最後由 fion_yinyin 於 12-8-28 23:24 編輯
好多時都唔係你肯賣我肯買就一定係岩的，例子多的是，心水清既家長可以自己諗下。我費時係到舉例搞到離哂題。
作者: cmt1010 時間: 12-8-28 23:34 標題: 回覆：fion_yinyin 的帖子
係校長推薦果本孩子不難教一書中，有一個故事，講校長叫小朋友數下校長室入面有幾多隻snoopy，但最後校長都講返其實佢要的不是答案，而是要看小朋友過程中的表現。小朋友的教養才是最重要，我對自己的小孩有信心，唔介意其他人周圍去攞料，就是這樣簡單。
作者: meloeskie2 時間: 12-8-28 23:40 標題: 回覆：pakyin1108 的帖子
Support
| 歡迎光臨 教育王國 (/) |
Powered by Discuz! X1.5 |