教育王國
標題: 油天vs培小,大家會點揀? [打印本頁]
作者: Katherineyiu 時間: 12-8-24 13:35 標題: 油天vs培小,大家會點揀?
請問油天vs培小,大家會選哪一間?
作者: maths 時間: 12-8-24 15:39 標題: 回覆：Katherineyiu 的帖子
培小有大啲機會入培中，唔駛煩！油天就要谷成績了。
作者: ajfamily 時間: 12-8-24 21:59
有冇弟妹跟尾？如有，大嗰個揀油天細嗰個就是必收生了，始終好的津校一位難求，而且兩個讀培小，洗費都不少.
作者: dunbinex 時間: 12-8-24 22:03
提示: 作者被禁止或刪除 內容自動屏蔽
作者: Bosco爸爸 時間: 12-8-25 13:40
培正今年出左個狀元
作者: tangotango 時間: 12-8-25 13:43 標題: 回覆：Katherineyiu 的帖子
負擔得到的話一定揀培小!
作者: JuliaCKL 時間: 12-8-25 15:15 標題: 回覆：油天vs培小,大家會點揀?
培正好貴嗎？
作者: winnietingting 時間: 12-8-25 15:26 標題: 回覆：油天vs培小,大家會點揀?
油天。讀油天，很大機會入英中。我唔鍾意中中，之後入U課本轉翻英文很難跟。香港地，英文緊要過中文。
作者: babytomhui 時間: 12-8-25 18:58
The English standard of Pui Ching is not bad as u think!
作者: ajfamily 時間: 12-8-25 21:37
就是因為不想讀中中，我有個朋友仔仔在培小讀完小四，明知小五有呈分也轉校，幸好他一take過轉到。
作者: bol 時間: 12-8-26 09:03 標題: 回覆：油天vs培小,大家會點揀?
聽完尋日主科簡介會，同意培小已同外面英小並齊
作者: CathyChan1126 時間: 12-8-26 10:07
培小,睇下你點睇
作者: BBG1 時間: 12-8-26 18:08
sure pc la!
作者: little_yolky 時間: 12-8-27 14:01
一定揀培小, 入到無有怕。培小與培中掛鈎, 所以小學唔需要勁催谷, 有同一套教學傳統, 小朋友唔需要升中時再適應中學學習模式, 因為中小銜接。培正有崔琦及邱成桐, 油天有邊位? 我個囡如果唔係11月細b, 我都一定一定試考培正。而且, 唔見得油天學生英文會比培小學生好, 但催谷程度, 油天就一定no. 1。
作者: miffy 時間: 12-8-27 14:28
提示: 作者被禁止或刪除 內容自動屏蔽
作者: Kitty1230 時間: 12-8-27 14:41
本帖最後由 Kitty1230 於 12-8-27 14:42 編輯
曾經有6名十優狀元和1名九優狀元是來自油天的, 不知道油天有沒有功勞呢?
年份 學生
2008 吳國輝同學(十優)
2001 鄧佩儀同學(高級程度會考五優)
2000 黃馨慧同學(十優)
1999 鄧佩儀同學(十優)
1999 陳嘉莉同學(十優)
1999 羅婉琪同學(九優)
1996 湯家欣同學(十優)
1995 李天文同學(十優)
http://www.ymtcps.edu.hk/main/news/publicexam/index.php
論派位, 油天一D都吾差, 全級考頭110名都入到英中; 而且, 油天亦有它一套的傳統教學模式, 因為銜接功夫做得真係好好, 所以小朋友升中時, 對適應中學的學習模式一點兒難度都沒有。
油天是一間好學校, 未讀過的人, 請不要抱住一些愚見便胡亂批評, 帶給一個錯誤的訊息給其他家人吧!
Anyway, 清者自清, 喜歡讀油天便讀, 不喜歡的請讓座, 大把人等緊你的位!!!
作者: little_yolky 時間: 12-8-29 11:01
回復 Kitty1230 的帖子
當然係人都知道油天是該區其中一間頂尖的學校, 唔係樓主都唔駛問人意見。你認為一定要讀過油天至可以俾意見嗎? 咁你即係同時讀過油天同培小? 10優9優狀元是自己叻+操卷+捉題準幾樣配合, 學校佔兩項, 當然有功勞啦。
如果小孩子可以勁催谷的, 又唔想嘥錢的, 當然揀津校油天, 佢谷得咁勁, 學生升中當然無適應困難。我都有聽聞培小有請走同學, 但只是聽聞, 具體情況如何不便批評。很多培小升中轉回英中, 可能是家長門始終覺得"英文"中學較好, 未能真正體會培小的優點。正如標明油天考前110學生都能升英中, 已等同英中=好學校的意識。
我的"愚見"是：
油天是好學校, 但很催谷, 不過可以慳錢, 留返啲錢以後大學或其他學習用。
培小是好學校, 學習多元全面, 中小教學可以銜接, 學生在校12年對學校有歸屬感。我認識的培正學生在校內只是中游, 但都很smart。
英中可以是好學校, 但不等如是好學校。每級考前110學生可以入英中mean nothing。
崔琦及邱成桐兩位教授是自己叻, 不是操返嚟。
作者: winnietingting 時間: 12-8-29 11:16 標題: 引用：回復+Kitty1230+的帖子當然係人都知道油
本帖最後由 winnietingting 於 12-8-29 11:24 編輯
原帖由 little_yolky 於 12-08-29 發表
回復 Kitty1230 的帖子丿
當然係人都知道油天是該區其中一間頂尖的學校, 唔係樓主都唔駛問人意見。你認為一 ...
作者: little_yolky 時間: 12-8-29 13:50
回復 winnietingting 的帖子
即係話, 大家成日將學校成績建立在學生升英中的比率上, 香港也有很多很好的中中, 唔係所有英中都係好學校, 不論中中或英中都有好/唔好的學校, 所以要視乎學生入邊間, 而唔係有110個學生包入英中, 所以很好。
又係果句, 油天同培小都係爭崩頭至入到學校, 所以好難揀。不過, 前面有位個point好重要, 如有細佬妹跟尾, 可能要考慮油天, 因為培小唔一定會收埋, 但油天就必收。如果兩個唔同學校, 家長跟功課就死得了, 因為不論油天同培小, 父母都不能hea的, 如果兩個都入埋同等級但不同學校, 父母就會辛苦到嘔血了。
作者: Cherrybabybaby 時間: 12-8-29 23:30
本帖最後由 Cherrybabybaby 於 12-8-29 23:55 編輯
培正個別老師
對於不是精英班的學生, 會採取不重視、放棄的態度.
作者: Cherrybabybaby 時間: 12-8-29 23:39
本帖最後由 Cherrybabybaby 於 12-8-30 22:22 編輯
回復 little_yolky 的帖子
我係培正家長, 我個仔9月升小六, 好多人以為培正有中學, 咁小學
就吾洗煩。呢個觀念真係大錯特錯!!!
班主任講今年小六有250人, 根據往績頭100名係Band1生自行會收晒, 101至180名係Band2生, 需參加大抽奬, 睇隨機編號收大約80人, 最尾180至250名係Band3生應該唔會收。因當中包括好top的學生會跳船去Band1英中, 我識有D走左去喇沙、真光女書院、九龍華仁, 咁又走左一ｄ, 所以在一個「汰弱留強」的制度下, 一定要努力搏上頭180名, 甘先有機上培中。
最記得校長話：相信要有一班好質素的家長!
培小每一個月大約要比 : 學費$3800<-今年9月又加會:( + 書簿什費約$1800/一個學期 + 午膳約$380 + 校車$900(TKO) = 約$5,500 一個月
學費1年交10個月, 書簿什費約$1800 一期 1 年交2次, 午膳$17一餐 1 年交2次, 校車每個月交。
你比得起錢, 咁你即係一位「消費者」, 所以學校會給你一個「物超所值」的感覺, 換句說話, 功課多、worksheet多、程度深、教得快… 之前幾年我要打工, 但希望做全職媽媽在監管上和時間運用上有所改善, 所以決定辭職。
從佢讀小一開始, 我就自己跟足佢D考試測驗，每一次都已經同佢溫熟晒所有有得溫嘅嘢... 還記得小四有一次英文測驗, 聽其他家長講今次全級d成績都麻麻，話平均3個人就有一個唔合格, 我個仔果次都考得好差, 只係僅僅合格, 果次班主任根住就會照你肺, 話如果想更上一層樓, 最好係出面搵d英文專科補習
…
直至小五, 次次去家長會, 個班主任成日答埋D 行貨, D態度…, 可能個仔成績唔係叻, 所以唔理咁多!!!講真一直對呢個班主任有好明顯既大細超，但又可以點？？以前人地話, 你吾叻, 培正會暗示放棄, 直到而家我真係深信不疑。
總結係, 一個學生叻吾叻, 係睇學生的質素+家長的栽培+家長比的錢, 學校只係一個平台比你去發揮, 培正收學生有自主權, 實會收d叻的學生, 咁會不會太過本末倒置呢?
我只知今年升中叩門時, 一間直資英中, 寧願收天神棄將都不收培小棄將~
如果有得比我揀, 我寧願讀一間交$0學費的一線津貼小學, 然後, 將可以慳番的錢每年去一次歐洲旅行還好呢!!!
作者: dannyyau302 時間: 12-8-30 09:25
回復 Kitty1230 的帖子
妙不可言幸好今年阿囡入到,兩個仔仔跟尾唔駛再煩叩門問題
作者: Kitty1230 時間: 12-8-30 09:55
本帖最後由 Kitty1230 於 12-8-30 11:21 編輯
回復 little_yolky 的帖子
回應 : 你認為一定要讀過油天至可以俾意見嗎?
我作為油天家長, 確是第一用家, 難道我比的意見是假的嗎? 總之我覺得油天好, 學校的方針、學校的理念、教學的模式、老師家長的配合、家校合一、盡心盡力...等等都很做到很好, 比我feel到呢間學校的上上下下都係真真正正有heart 的! 我個女讀左一年, 比我終於真係感受到、明白到、知道, 點解這一所學校是如此的受歡迎了。老師好、派位好又免費。我個女讀得好開心!!!!!!
回應 : 咁你即係同時讀過油天同培小?
我無讀過培小, 所以我無話過培正小的不是, 我亦唔想comment培小, 因為自己個女又未在那裡讀過, 唔想好似d人咁知小小扮代表。
回應 : 英中可以是好學校, 但不等如是好學校
人望高處、水望低流, 吾通有能力吾入英中, 而入中中?(<-當然培正是全港最Top的中中) 個個媽咪都係為入U做準備, 當然讀英中以便銜接大學啦!
回應 : 唔見得油天學生英文會比培小學生好
何以見得? 吾通你個小朋友都讀過培正和油天? 吾通你都係呢兩間小學的第一用家?
作者: Kitty1230 時間: 12-8-30 10:10
本帖最後由 Kitty1230 於 12-8-30 10:10 編輯
回復 Cherrybabybaby 的帖子
2間升中
都係要博多次, 一間免學費, 一間要交學費, 藉唔藉得, 真係要自己衡量下!
多年來眼見好多油天同學仔成績優異, 升上名校, 當然亦有成績差, 讀band 3學校, 所以真係好睇小朋友本身成績!!!
都係果句, 我寧願留番D$$$去學課外活動+出國留學。
作者: winnietingting 時間: 12-8-30 10:12 標題: 引用：+本帖最後由+Kitty1230+於+12-8-30+09:56+
原帖由 Kitty1230 於 12-08-30 發表
本帖最後由 Kitty1230 於 12-8-30 09:56 編輯
回復 little_yolky 的帖子
作者: 棉花糖媽媽 時間: 12-8-30 10:55
或者可以咁講啦, 叻既學生, 當然係讀邊間都派到band 1 中學啦..... 但e+ 5歲幾6歲人仔, 又真係睇到幾多小朋友本身能力呢?
流流長6年小學生涯, 如果一個唔小心, 最後兩年呈分試一個失手, 由band 1 生跌落band 1 尾, band 2 頭, 咁一定係培正學生安心d..... 所以培正先夠guts 收你3千幾學費, 而又大把人擁去讀...... 如果$$ 唔係一個問題, 培正係一個唔錯既選擇 (當比$$買安心), 但如果有細佬妹跟尾, 比我都會揀油天 ^^
作者: Kungfuli 時間: 12-8-30 22:08
新油天有簡介會,快D報名去了解吧
http://www.ycps.edu.hk/
作者: mirage 時間: 12-8-31 00:36
路過的，不喜勿插，講畢業生暫時的成就，培正出到Nobel prize 同field medal 在香港是無其他小學能及。
作者: miffy 時間: 12-8-31 12:56
提示: 作者被禁止或刪除 內容自動屏蔽
作者: tamweng 時間: 12-8-31 23:25
回復 Katherineyiu 的帖子
各位好,只想說出個人感受.小兒將讀舊油天,學校有12天先修課程.近來兒子好像懂一點兒感恩,也學會祈禱.最使我欣喜的.更可以獨立睡覺.使我感受到油天對宗教德育也十分重視.對家長而言.有培正和油天學位.不用叩門.
| 歡迎光臨 教育王國 (/) |
Powered by Discuz! X1.5 |