教育王國
標題: e生評估要入s位 [打印本頁]
作者: chaimum 時間: 12-8-24 12:52 標題: e生評估要入s位
我仔現2.5歲，剛在cacc評估有自傾，主要問題係只懂幾個單字，但有好多太空話，自己玩時e生話佢無咩聲音發出，大小肌差半年，比s位我，但我想知我仔既情況係咪真係咁差呢?
作者: methy 時間: 12-8-24 13:18
回復 chaimum 的帖子
你自已觀察你小朋友與同齡既小朋友,覺得佢係點?
cac醫生評估所有小朋友都係同一套評估工具,所以得出黎結果.可以話係客觀既。
我阿仔1.4歲第一次返cac評估時,我心情係跌落谷底，除社交，所有野都得9-10個月能力，同同齡拍埋,,分別好大。
阿仔2.4歲返cac評估時,都唔理想.大肌差一年(未識放手行),未他就差不多，我當時會覺得佢認知表現會再好d,
不過醫生係陌生人,阿仔衫見陌生人無咁快會講野(大人都會喇)，所以醫生比言語方面評份係差d。不過小朋友進步空間好快.1個月後,返playgroup 已經好多詞語，2.7歲發力.講句子,放手慢慢行.再黎原地起身，不過我仍然想要s位.比佢接受密集訓練。
比左s位,就排喇.係要d時間消化&接受，排得黎都年半至2年後既事,,到時再決定需唔需要入讀。醫生有無轉介阿仔接受訓練?
作者: chaimum 時間: 12-8-24 13:49
多謝methy解答
我同c6覺得呀仔主要問題係講果part，有上過2間私人言語治療，第一間我地覺得個治療無責任心所以上左2堂quit左，第二間係耀能暑期班，只安排到4堂比我，上星期已完，呀仔係耀能到係有d進步，不過好慢。
至於大小肌我地唔擔心，因覺得問題不大，但另一個問題係呀仔有時唔太肯跟指示做，如尋日見e生，e生試範佢睇砌3個積木(下面2個上面1個)，佢係企好多時都會咁砌，但尋日佢就唔肯，自己玩自己個套。
請問有無咩見議? 好驚揀錯比個仔
作者: apple~y 時間: 12-8-24 14:34
0甘你小朋友社交,同人互動,眼神接觸如何?
作者: methy 時間: 12-8-24 14:48
回復 chaimum 的帖子
唔好睇小大肌．．影響一連串架．大肌影響小肌，小肌影響認知．言語等等．．
其實阿仔有邊方面要加強．最客觀既做法係由專業人仕評估，做過全面評估．同睇最需要優先處理既項目。
如果ｃａｃ醫生無轉介服務比阿仔．或未輪到．都係自己搵福利機構入面既自負盈虧計劃．叫做排得快ｄ．質素有保證。
你上網search下，協康 青慕計劃有個兒童綜合能力初步測試服務，評估完再排需要既訓練服務。
測試範圍所有測試項目均由本會心理學家及高級治療師製訂，主要針對兒童整體發展的六個範疇：大肌肉發展、小肌肉發展、認知發展、語言發展、自理發展、社交與情緒發展
形式- 由具備特殊幼兒經驗的資深導師為兒童進行綜合能力初步測試
- 完成測試後，導師會向家長講解兒童的發展狀況，幫助家長初步掌握兒童的能力，並按兒童情况向家長建議不同類別的專業評估、訓練及治療
(測試及家長面談共需時約一至一個半小時)
作者: chaimum 時間: 12-8-24 15:03
apple~y 發表於 12-8-24 14:34 
0甘你小朋友社交,同人互動,眼神接觸如何?
佢同人小互動，但眼神接觸應ok
作者: kelvin_hmlau 時間: 12-8-24 15:05
本帖最後由 kelvin_hmlau 於 12-8-30 14:31 編輯
加油! good luck!
作者: chaimum 時間: 12-8-24 15:07
回復 methy 的帖子
我之前已排協康既言語服務，黎緊9月有位比我，咁我係咪應該轉綜合能力測試而非言語測試?
作者: methy 時間: 12-8-24 15:17
回復 chaimum 的帖子
９月有言語評估就要左先囉．再＋個綜合評估睇下仲有邊樣需要執。
作者: chaimum 時間: 12-8-24 15:21
衷心感謝各位意見
而家個心定d同有d方向
作者: Anpanmama 時間: 12-8-24 18:57
chaimum 發表於 12-8-24 12:52 
我仔現2.5歲，剛在cacc評估有自傾，主要問題係只懂幾個單字，但有好多太空話，自己玩時e生話佢無咩聲音發出 ...
難接受都要接受, 父母都拒絕接受, 只會浪費黃金期!
作者: HopeLJ 時間: 12-8-25 02:29 標題: 回覆：e生評估要入s位
排咗隊先，有進步可以轉隊I 位。
作者: autunmbb 時間: 12-8-27 01:41
排左隊再觀察，要知道乜位都要等，時間以年計咁等架，當小朋友返學就會感受到佢適唔適合。加油。
作者: chaimum 時間: 12-8-27 10:40
真係好多謝各位熱心解答。
其實評估前我已係呢度睇左好多資料，都有d心理準備，當e生話比我地聽呀仔有自傾時，我同c6當時都算冷靜，即時排s位，係而家好似想自我安慰咁諗個情況唔係真係咁差，不過經你地提醒，我都要自己接受，應該搵方法去幫呀仔而唔係逃避。
另請問有無好既私人s位推介?我知好貴，都想搵定d資料，再次感謝各位幫忙!
作者: babycat9001 時間: 12-8-27 22:17
由於私人S位太貴,我只能一邊排S位,一邊返N班等.再加OT,SPT...
我個仔只係唔望人,太卑氣,唔怕人,冇耐性,只講單字,但識A-Z,1-99的中文同英文,所以型狀的英文字,就評估有自徽...主要講我個仔太迷ABC同數字...
不過我沒當仔仔是A仔,同平常心面對,仔仔一日進步千里,只是評估當日表現唔好.
作者: loklok0104 時間: 12-8-29 17:22
chaimum 發表於 12-8-24 13:49
多謝methy解答
我同c6覺得呀仔主要問題係講果part，有上過2間私人言語治療，第一間我地覺得個治療無責任心 ...
我仔2.9YRS係CAC做左評估, 語言方面遲緩, 只有1-2歲之間, 只有小量名詞，無動詞. 認知及理解正常, 眼神接觸不多, 要繼續留意社交發展, 體能正常. 你所講既e生試範佢睇砌積木果PART, 佢全部可跟足做. 當時醫生咩位都無比, 只係話要排期再見言語治療師後再做語言治療. 我仔而家升K2, 言語已有好大進步, 可以完整句子對答, 有時仲會駁咀, 整日不繼講好多野, 雖然語言同本身年齡還差小小, 但我已非常滿足及感恩!
我個人覺得政府醫生如認為小朋友需要S位, 一定要排, 再加埋而家黃金時期訓練, 小朋友係可以好快追得番. 我有個朋友既仔又係自傾, 小朋友上午返特殊幼兒園, 下午返主流幼稚園, 星期六.日有私人訓練,雖然社交都係弱, 但而家小朋友已經讀緊一間頗有名氣主流小學
你要努力呀！
作者: chaimum 時間: 12-8-30 10:20
回復 loklok0104 的帖子
Thanks, loklok0104.
我都諗通了，首要做既係睇下有咩幫到囝囝，私人s位真係好貴，但政府又唔知要等幾耐，我而家係諗緊如上私人s位(上午)，但我剛等到協康私人言語治療係平日上午，咁我就要放棄協康，還是上協康私人言語治療+其他私人治療好呢，而囝囝本身已係一間有兼收位既幼兒園返全日(當然佢唔係番兼收位)，我都唔知點揀好。
作者: loklok0104 時間: 12-8-30 11:51
chaimum 發表於 12-8-30 10:20
回復 loklok0104 的帖子
Thanks, loklok0104.
可否咁樣...照返而家既幼兒園, 起碼呢間有兼收位, 老師們對有自傾有一某程度認識, 對於小朋友有好處, 我大仔以前小時都係返有兼收位既幼兒園(大仔無問題, 返正常位, 細仔有言語問題), 呢d有兼收位既學校老師比我感覺有愛心d, 會包容小朋友, 及對有需要既小朋友認識較多, 好多時會比到家長意見. 9月既協康私人語治療應不是每日, 你可請2-3小時去做語治療後再返學, 等到有政府s位才轉, 私人s位太貴了, 我覺得留番d錢比小朋友上治療好過.
作者: loklok0104 時間: 12-8-30 11:57
我係以前大仔幼兒園見到有特別需要既小朋友, 如有弱聽, 有自傾, 有發展遲緩, 但經過學校/私人訓練, 而家個個已經升晒小學, 當中有d會選擇留多一年重讀, 所有兼收位既小朋友都讀主流小學.
作者: chaimum 時間: 12-8-30 13:23
loklok0104, 謝謝你的提議及分享。
我原諗住報私人s位，cut言語治療，經你一提，真係要再諗下，再次多謝你!
作者: yauman76 時間: 12-8-30 17:05
其實真係要好視乎你小朋友嘅情況同能力, 能力較好的就可以選擇兼收+個別訓練; 能力冇咁好就選擇S位會好d... 不過既然你有幼稚園收, 試下俾佢上吓, 睇下跟唔跟得上, 唔得先再報私人S位都未遲.
我囝囝都就快2歲, 之前做咗一排私人OT/PST訓練, 依家返咗私人S位一個月左右, 整體進度都OK. 理想地當然想佢下年入讀到主流K1, 如果唔得下年就讀番私人/政府S位, 當然最終都要視乎佢呢一年嘅進度而定.... 依家囝囝仲未識講嘢, 黎緊in K1都唔知得唔得? 
Anyway, 大家繼續加油喇!
| 歡迎光臨 教育王國 (/) |
Powered by Discuz! X1.5 |