教育王國

標題: 請指教:上門私人補習/參加補習社/咩都唔駛做??? [打印本頁]

作者: 蒜蓉 時間: 12-8-22 17:18 標題: 請指教:上門私人補習/參加補習社/咩都唔駛做???

Background:小兒升小二，爹地媽咪都係在職，平日工人姐姐看顧，學校功課量不多

問題：小一成績麻麻，全級bottom 20%，佢唔係蠢，我覺得學校教ge野佢係識，但唔夠時間去鞏固學過ge野，所以好快就唔記得，唔夠時間ge原因係(1)做野慢；(2)自律能力弱；(3)心散，做事唔夠專注；(4)學習動力較弱！基於以上原因，再加上我地要番工，無人督促佢做功課，所以由佢放學到我放工o個段時間都無好好坐低做功課，hea下玩下無聊下，結果係每日浪費左好多時間，唔知做左咩！成日都係我放工先開始做功課，每次我一入門口，一係直刻走鬼衝入房做功課，一係就c狗咁攬著我同我講出種種理由點解未做晒功課！

過去一年，坦白講，一放工(7點前）我即刻飛奔番屋企跟佢d功課，為左squeeze多d時間同佢跟功課，有時甚至連晚飯都skip埋，但每晚ge時間全部都只可以足夠完成功課，無時間可以review下番學教過ge野，佢亦無時間做其他野，例如睇課外書，日復一日，然後到每逢測驗同考試，我要連請幾日假同佢溫書，但一年過去，成績都係麻麻，我好唔開心，因為唔知再可以做d乜，大前提係我唔會quit左份工，因為我覺得我唔可以一世陪太子讀書，要佢養成自學態度先幫到佢！但我用過好多方法，獎又好，罰又好，都推動唔到佢自動自覺，真係好沮喪！

暑假期間，我keep著俾一d"功課"佢做，亦用紙仔寫好一個個item,叫佢做完就tick低佢，做晒有獎勵，目的係為左俾佢養成自動自覺ge態度，但成個暑假，可能10次先得一兩次真係做晒!

但係二年級又就黎殺到，我內心其實都好驚，驚又係重蹈覆轍，我覺得再跟番小一時ge模式，係唔會有好大ge improvement. 所以，我想請教大家，為左善用時間，我係咪應該o係佢放學後，安排補習(或者叫功課輔導)俾佢，等有人督促下，可以快快做完功課，等我放工後，可以同佢溫下書，鞏固下佢學過ge野，或者睇下課外書或者玩下?

如果我ge情況，應該搵一個私人上門好，還是去補習班？定還是用其他更有效ge方法（但我唔知咩方法）？我傾向私人上門，可以省卻接送時間同要搵人接送ge麻煩，但私人又唔知好唔好？

可否提供意見指教下，萬分感謝！

p.s. 佢o係屋企，無我批准係唔可以睇電視，更唔可以打機玩電話或電腦等，所以佢hea ge時間，其實真係做埋d"我認為"無聊ge野，例如拿張紙畫下畫，同細佬玩下玩具，其實依d我唔反對佢做，但priority唔應該放o係做功課前面，但佢似乎思想仍很baby，唔識得延遲自己ge欲望，先做完功課再做自己想做ge傻豬野！

作者: mummy0910 時間: 12-8-22 17:32

回復蒜蓉的帖子

我自己本身今年個仔開始讀小一,因為都係兩公婆都要返工,
所以放學後安排佢去補習社做晒功課之後溫習,
如果有時間補習社就會比小小功課佢做
我就放工接佢返屋企食飯同佢溫習一下就比佢玩!!!

作者: maybo224 時間: 12-8-22 17:39

本帖最後由 maybo224 於 12-8-22 17:57 編輯

可試試讓小朋友到家附近的補習社做功課，放工後接他回家。可以自己幫他溫習課本。如遇特別差的科目，可以一星期找二至三天私人上門補習。( 但重點是小朋友一定要在補習社內完成功課。)

作者: Meikin 時間: 12-8-23 00:21

回復蒜蓉的帖子

其實工人姐姐可唔可以督到佢做功課? 只是督, 不是教呢.
我都是下放權力給工人姐姐督佢哋做功課 (即是說見佢未做完功課只顧玩時, 就督佢哋去做, 做完先可以玩), 他們不聽話工人姐姐可以致電我, 讓我在電話中同佢哋講; 另外, 日中定時致電回家跟進進度, 未有批准, 不得開電視/電腦/遊戲機. 我都係放工立刻回家, 7時半開飯, 8時開始同佢哋睇功課, 温默書, 10時正熄燈上床, 自小學都而家大仔初中, 這形式都work喎.

作者: Meikin 時間: 12-8-23 00:53

本帖最後由 Meikin 於 12-8-23 00:54 編輯

不過話時話, 訓練小朋友自律做功課是要take time的, 我都自幼稚園堅持咗多年, 到小六才漸見成效, 期間都經歷過無數次未做完功課, 功課做得不好, 甚至要刷晒重做, 我鬧人鬧到聲沙的日子. 教佢哋真係要守, 要有無比的耐性和愛心.

但如果家長試過真係攪唔掂, 外判給補習社或私人補習都不失為一個好方法.

畢竟每個孩子和其家庭狀況都不同, 所以每個方法都要親身試下先知work唔work.

作者: 蒜蓉 時間: 12-8-23 09:25

回復 Meikin 的帖子

Thanks!

工人姐姐其實都好忙, 又要照顧細佬,我都有叫佢幫手, 但好多時佢唔係咁清楚, 個仔做一輪,然後同佢講已做完功課,所以可以去玩,實情我回家時,好多都未做晒, 工人只可以"督"同"trust"佢講ge野,但做唔到"verify"!

作者: 蒜蓉 時間: 12-8-23 09:26

回復 Meikin 的帖子

小六? 你小朋友是否男仔?

作者: 蒜蓉 時間: 12-8-23 09:29

回復 mummy0910 的帖子

我都有諗過,但其實亞仔晨早番學,放學仲要去補習社,夜晚先可以番屋企,其實我覺得都幾慘, 所以我都有好大ge dilemma.

作者: Meikin 時間: 12-8-23 09:47

本帖最後由 Meikin 於 12-8-23 09:48 編輯

回復蒜蓉的帖子

Yes, 我兩個都係仔.
我個工人姐姐當年都係要照顧兩個. 我在公司每天會定時致電給阿仔及工人chat吓順便check住進度, 晚上回家如發覺阿仔做得不好, 會好惡鬧佢哋 (但唔會鬧工人, 因為做功課是他們自己的責任), 試得多佢哋會慢慢改進, 起碼都要幾年時間架.

作者: JJDBB 時間: 12-8-23 09:51

其實，大部份的在職家長，就是比小朋友放學去屋企附近的補習社，如果唔系，留在家，佢地的心態就是hea，佢地的時間觀念很弱。到你回到家，對功課、唔岩又要擦，擦完又做，你勞氣時佢又唔開心，繼續下去，就會影響感情。倒不如，每天去補習(做功課)兩小時，溫下默書、測驗各樣，而你地回來，吃飯傾計，睇下電視，或臨睡前睇下圖書(你陪下佢，增加睇書興趣。)放假就去玩，臨考試、測驗就溫習，這樣，你的壓力會冇咁大，平時又冇咁急(思想上)，你唸下這建議好唔好！

作者: mummy0910 時間: 12-8-23 09:51

蒜蓉發表於 12-8-23 09:29
回復 mummy0910 的帖子

我都有諗過,但其實亞仔晨早番學,放學仲要去補習社,夜晚先可以番屋企,其實我覺得都 ...

我都有諗過你既問題,但係佢留喺屋企又做唔晒功課,到最後我地放工返黎之後先再同佢做,
可能佢會仲辛苦,因為會比我地鬧加上又要好夜先可以溫書,咁佢自然又要夜d訓,第二日起身又係辛苦!!!
放佢去補習社起碼我只係同佢溫習唔駛點再煩佢功課問題,佢又可以食完飯同我地玩!!!

作者: 蒜蓉 時間: 12-8-23 09:56

JJDBB & mummy0910,

你地兩位也真的說得很對,可能最後換來有quality ge親子時間會更好,我會好好諗下, 謝謝!

作者: Meikin 時間: 12-8-23 10:02

回復蒜蓉的帖子

當年我沒有找補習社主要原因也正是如此.

那時覺得慨然屋企有人照顧, 又有細佬相伴, 放學回家歇歇, 做功課又可以break吓輕鬆吓, 而家小學要返全日制, 孩子已經好辛苦, 若還要到補習社 (困在一個大房內)直落補習, 佢哋就真係連玩玩具的時間都冇.

作者: miffy 時間: 12-8-23 11:23

提示: 作者被禁止或刪除內容自動屏蔽

作者: 囝囝mama 時間: 12-8-23 11:52

回復蒜蓉的帖子

如果功課拖都太夜,明天唔夠精神!!專注力不夠!!成績一定不好!!當前要解決功課問題!!!放工後再幫佢溫習!!!比佢睇書!!!你也不用太辛苦!!!不過要小心選擇補習社!!!上門補可節省時間!!!

作者: 蒜蓉 時間: 12-8-23 12:03

回復囝囝mama 的帖子

我都認同依個係惡性循環,要從個根源出手,先真正解決個問題,所以先諗緊搵人幫手跟功課,squeeze番多d時間做其他野!如果唔係日復日,好快又過一年! 我真係唔想咁樣!

作者: 囝囝mama 時間: 12-8-23 14:45

回復蒜蓉的帖子

他是否細囝,理解力不足夠!!!因為我细囝也較差!!!(年尾出世)

作者: kkhon 時間: 12-8-23 16:26 標題: 回覆：請指教:上門私人補習/參加補習社/咩都唔駛做

去年小一開学前我就諗驚有甘情況，我仔性格好bb唔會自動自覺專注力亦弱。補習社1group 上對佢根本冇用只會浪費時間，最後我決定請私人上門督佢做功課。我放工返到已8点幾，9点開始check功課，肉酸果d要佢重做再溫習预備默書測驗甘就一晚。適應了一個学期到下学期有時補習老師唔來，我就叫佢識做果d要喺我返嚟之前做晒，然後打电話check下又叫工人姐姐睇住，依家暑假每日都會自動做練習。其實最緊要比小朋友明白到做功課係学生的責任，放学後先完成功課仲要唔好hea住做快d完成就有多d時間比佢去做佢想做的事例如玩……。

作者: 蒜蓉 時間: 12-8-23 16:42

回復囝囝mama 的帖子

9月尾出世

作者: 蒜蓉 時間: 12-8-23 17:01

回復 kkhon 的帖子

"最緊要比小朋友明白到做功課係学生的責任" ----> 其實我成日都有同佢講,但可能佢都真係思想比較BB,唔係真正好明咩叫責任....

琴晚我再同佢坐低,好好傾依個問題,我問佢成日放學唔做功課(或hea住黎做),係咪因為d功課太深, 定係太悶, 定係有少少唔識kick住就無心機做, etc., 我ge焦點都放在d功課上面, 點知阿仔只係好簡單直接咁答我"因為我覺得玩好開心!", 佢完全係發自內心咁表達, 其實佢係唔識得延遲欲望,控制唔到自己,即係無自律!

我同佢講番上個星期日:你o係屋企睇Toy Story,係咪好開心,睇到唔想停?但突然你想去poopoo,於是佢即刻pause左個DVD,然後極速去poopoo,跟著再出黎睇電視,我問佢Toy Story咁好睇, 點解唔睇埋先poopoo,佢知道如果唔poopoo,就會瀨落褲仔度,所以要即刻去! 於是,我同佢講,做功課其實一樣,如果你有功課時唔即刻做,做到好夜,後果係(1)無得訓覺去完成,搞到自己好眼訓,無精神;(2)做唔晒欠交,第二日老師會責備同寫手冊, 所以我同佢講你唔想有唔好ge後果(e.g. 瀨poopoo, 欠功課), 你就要延遲自己當一刻ge欲望, 就好似pause左DVD一樣,專心快速地做完功課(如同poopoo),然後再玩...

我唔知佢聽完,係咪真係領悟到我講ge野,但我只可以盡力去同佢講,希望有一日佢會明!

作者: 蒜蓉 時間: 12-8-23 17:18

回復蒜蓉的帖子

係呀,佢真係e頭好似明白我講咩,轉過頭又忘記得一乾二淨!激c!

作者: 方方媽媽 時間: 12-8-27 16:51

蒜蓉發表於 12-8-23 09:29
回復 mummy0910 的帖子

我都有諗過,但其實亞仔晨早番學,放學仲要去補習社,夜晚先可以番屋企,其實我覺得都 ...

自己教:
晚晚比你捉住佢做功課,無得玩,
做到夜夜都無得瞓.
做得唔好,做得慢,溫習溫唔晒,記唔到咁多,又要比媽媽鬧.

去補習:
返到屋企已經做完功課,仲可以名正言順同細佬玩,又可以有時間溫習取得好成續,

邊樣慘D?

作者: qop 時間: 12-8-28 00:37

時間上補習社／上門都係一個十分好的時間操控，16：00－18：00補習社幫我完成哂功課上問題，18：00－19：00係我對小朋友休息同洗澡的時間，19：00－20：00係吃飯時間，20：00－21：00就係我同老公的親子時間，當然包括搵習。

作者: karenlyk 時間: 12-8-29 12:36

有冇試過冇做功課俾老師寫手冊的後果?

有時候要學習承受後果先會長大.

作者: TRINIRY.C 時間: 12-8-30 12:59

回復蒜蓉的帖子

您既個案同我太相似了, 基本上係一樣架, 又係升小二, 考得唔好 ,唔肯做功課, 暑期希望佢背好乘數表,而家仲未完成啊 ,

作者: ANNAFRIEND 時間: 12-8-30 13:53

蒜蓉發表於 12-8-23 16:42
回復囝囝mama 的帖子

9月尾出世

我兩個小朋友同你囝囝一樣大, 又係升小二. 不過我小朋友係女仔. 佢地雖然係女仔, 但係性格一點也不成熟, 好BB. 學業一點也不緊張. 佢地小一成績中上, 但當然我呢個全職媽咪幫了不少. 小一時我日日都勞氣非常, 因為小朋友做功課不專心. 其實佢做野一點都不慢, 只係沒興趣及不專注拖累佢. 我都係咩方法都用盡情況都不太改善. 幸好她有不錯的記憶力及小聰明. 呢個暑假我好遺憾我地唔能夠善用, 明知呢個假期可以好好地利用來溫習來年課程. 只因她們的性格沒多大改變, 都係掛住玩玩玩................黎緊小二我都好驚, 驚住又係日日鬧住黎過日. 不過有一點我是想通了, 就係唔好強求要小朋友一下子會改變. 拿她們和人比較. 人地可以自學自習唔等於自己小朋友可以, 係要比點時間等佢地成長和變成熟開竅. 我犯的毛病就係喜歡拿叻的小朋友和自己的小朋友比較, 其實對佢地好唔公平. 因為人人發展都好唔同. 同埋真係要比點動力小朋友, 例如他們有喜歡愛的卡通影片, 那就要他們完成所有功課和執拾好書包才有得看. 他們為了看電視, 就會比較積極去做事. 所以我明白到要她們積極, 就要有目標. 我以前係好固執, 覺得反學係絕唔可以看電視. 但今個小二我會試下改變方法, 只要她們在卡通影片開始前完成, 都可以看這套卡通. 我巳和她們約法三章, 就試試行不行得通. 所以你也可試試找點目標給你小朋友. 補習老師係其中一個方法, 但係你都識講唔想比佢有倚賴. 試找方法, 如果沒多大改善才請私人補習吧.

作者: TRINIRY.C 時間: 12-8-30 14:02

喜歡拿叻的小朋友和自己的小朋友比較, 其實對佢地好唔公平. 因為人人發展都好唔同 -------- GOOD POINT 同意, 同意 , 但要做到好難 !

作者: vnghk0001 時間: 12-8-30 14:47

哈哈，我個女而家先3歲，我都鍾意成日比較，但我會正面去比較囉，唔會一味話人地叻，見到人地識寫字，阿女連筆、顏色筆都唔玩，我會同佢講，＂你睇，姐姐識寫字好叻呀，你未識喎，但想唔想試下？＂因為我係早教，佢話唔想，我唔會迫佢。

見到人地識自己著衫，我又會同佢講，你重細未識著，但你識拉拉鍊同除衫呀，遲D大個啲你就識啦。

希望我可以盡量維持到啦。離左題，Sorry.

歡迎光臨教育王國 (/)