教育王國
標題: 請問大家父母有沒有和子女討論過補習的問題? [打印本頁]
作者: stanleypyk 時間: 12-8-22 16:40 標題: 請問大家父母有沒有和子女討論過補習的問題?
今年小兒由小學升中一,其實在小四之後都有找補習老師教中文和英文,小兒在不願意的情況下進行的,有時補習時間有調動或增多時影響了他的娛樂時間,便會吵架收場。到今年升中時,他又不停問什麼要補習,我說為他成績有進步為理由,我又不認同。我想過要他成績有B或80分以上(我猜想這是入大學的最低標準,遲些我會問中學老師的)，但他說我作為父母也不是每次拿這成績,所以也不能以此為標準,總之是用盡方法不想補習。請問大家的子女有沒有對補習有類似的情況呢?如有如何處理呢?
作者: hw1115 時間: 12-8-22 17:03
我仔由 P.2 - P.6 都是參加青年空間的課余託管,
但9月升S.1 佢就拒絕去啦 ! 我也拿他沒辦法.
作者: stanleypyk 時間: 12-8-22 17:58
hw1115 發表於 12-8-22 17:03 
我仔由 P.2 - P.6 都是參加青年空間的課余託管,
但9月升S.1 佢就拒絕去啦 ! 我也拿他沒辦法. ...
作者: Meikin 時間: 12-8-23 00:27
回復 stanleypyk 的帖子
何不先停補習半個學期, 讓他自己試吓, 但跟他協議, 若成績不達標下學期就要再開始補習.
作者: stanleypyk 時間: 12-8-23 06:19
Meikin 發表於 12-8-23 00:27
回復 stanleypyk 的帖子
何不先停補習半個學期, 讓他自己試吓, 但跟他協議, 若成績不達標下學期就要再開始 ...
我也和他說過這方法,但標準的問題沒有共識,我本要求有80分或B級以上,但他說合格若60分便可以,所以大家的要求不同,通常你們定的標準如何呢?
作者: hw1115 時間: 12-8-23 07:24 標題: 引用：Quote:hw1115+發表於+12-8-22+17:03+我仔由
原帖由 stanleypyk 於 12-08-22 發表
但他拒絕去後,成績有沒有變化呢?
總之我回家前佢要做晒功課,否則要去補習社做。
第一年,我只要求全部合格。
作者: Meikin 時間: 12-8-23 09:36
回復 stanleypyk 的帖子
升中後科目多咗, 英文深咗, 跟小學很有很大分別, 一般要取80分並不容易, 當然要視乎科目.
中一我對阿囝要求最少要科科合格, 及要盡力, 當然如果該科目份卷不是好深, 我會要求分數高D; 但如果份卷真係好深, "炒"咗(=唔合格或好低分), 盡咗力我都唔會怪責佢, 但要事後檢討, 看看下次如何可以做好D.
升中頭半年, 孩子好多方面要適應, 其實成績考得不好, 他們心中也不是味兒, 所以身為父母, 有時都要多多體諒 --取得高分當然替他高興, 分數未如理想就多加鼓勵及找補習協助吧, 每人天份不同, 唯有要求佢盡力而為, 慢慢改善吧!
作者: eling_yeung 時間: 12-8-23 10:47
我囡都是升中一 我有和她傾过 取得共識要補的科目 所以問題不大
作者: kilykilyk 時間: 12-8-23 13:09
本帖最後由 kilykilyk 於 12-8-23 13:11 編輯
stanleypyk 發表於 12-8-22 16:40
今年小兒由小學升中一,其實在小四之後都有找補習老師教中文和英文,小兒在不願意的情況下進行的,有時補習時 ...
剛升上band 1中一時候我都有同呀囝講過補習問題,想他有更好基礎及怕他靠自己追唔上,
但佢就話比佢自己試下,結果西史、is考試分數都試過全級第一名,中史就頭幾名,令我非常意外,
英、數都keep到8字頭,中文6字頭,地理、通識上學期第一次考試就唔合格,當時我又再要求佢補習,
但佢話第一次學這些科目,未能掌握,第二次考一定會合格,到咗第二次考試真係全部科目都合格,
最低有6x分,到了期終試....通識有6x分,其他科目9x-7x分,現在暫時無再叫佢補習,
其實有時比信心小朋友試下未常唔係好事,可以靠佢自己努力得到好成績會有成功感,
會更加有動力學習
作者: kilykilyk 時間: 12-8-23 13:23
stanleypyk 發表於 12-8-23 06:19
我也和他說過這方法,但標準的問題沒有共識,我本要求有80分或B級以上,但他說合格若60分便可以,所以大家的要 ...
小學可以有好多9字頭,但上到中學就比較難,而且要睇個別小朋友能力,
唔可以強求佢每科都8字頭,由其係通識/中文,這兩科我不會要求他一定有8字頭,
只要求佢盡咗力就ok,因為唔係想像中咁易,
英文/數學/is/中史對我囝嚟講比較有把握,所以我會要求佢8字頭或以上..
作者: mercurycc 時間: 12-8-23 14:21
佢今年中一,你可以比第一次考試佢試靠自己,
同佢傾好如果唔得就去補啦!
不過中學要科科80 以上唔係易事架.
作者: Chau444 時間: 12-8-23 17:19
小女也是今年升中, 迎接一個新的挑戰! 近日看EK, 很多家長都說中學分數不可與小學相比較, 高分數不容易取得, 所以我覺得家長都要調校心態, 了解學校的狀況及小朋友的能力, 作出合理的要求. 如果難以訂立一個分數標準, 我會先要求小朋友的分數先達到班中的平均分(可能每科的要求也不同), 或是排名的中位數, 這樣是否較容易取得共識?
另外, 我覺得小朋友的心態也要改變, 如果只求合格, 而非盡自己的能力, 就算取得80分, 我也不能接受. 相反盡了自己的能力, 就算不合格, 我也不會責罵, 最重要尋找改善方法.
可能我小朋友是較合作的女兒, 而且她認同我選的補習班對她真的有實際幫助, 所以都肯配合. 最近DSE放榜, 3322的成績根本不足以取得大學學位, 我對女兒說, 要補習並非求3322的成績, 而是求4, 5, 甚至乎是5*, 5**的成績, 但無論如何首要是按自己所能而盡力!!
作者: stanleypyk 時間: 12-8-23 23:43
多謝各位父母所給予的意見,很值得參考,謝謝大家!
作者: mielmiel 時間: 12-8-24 14:58
本帖最後由 mielmiel 於 12-8-24 15:00 編輯
hw1115 發表於 12-8-22 17:03
我仔由 P.2 - P.6 都是參加青年空間的課余託管,
但9月升S.1 佢就拒絕去啦 ! 我也拿他沒辦法. ...
我同你情況一樣，由P2開始去補習社做功課，但9月升中我主動不用上功課班，囡囡非常開心，但我仍要她上英文補習 (因她英文一般，要打好基礎不可鬆懈) 及數學補習 (因為學英數，怕佢攪唔掂)，其他科目就自己溫習，看看成效才再作打算。
我覺得中學生應要自主學習，不可再”飯來張口”，才會長大。其實越遲放手，就越難放手。 細佬比較主動學習，他P3時我已放手。
作者: CPLau129 時間: 12-8-24 15:04
想請教大家....同事對我說, 補習將學校要教的預早教了, 會令同學上課時提不起勁. 會有這情況嗎? 因我都打算比囝囝去補習....
作者: mielmiel 時間: 12-8-24 16:04
我囡囡去的補習社是教你完成當天的功課，預習默書和操卷。 只會在暑假班才預教新學期的課程。
作者: hw1115 時間: 12-8-24 16:36
CPLau129 發表於 12-8-24 15:04
想請教大家....同事對我說, 補習將學校要教的預早教了, 會令同學上課時提不起勁. 會有這情況嗎? 因我都打 ...
咁就要睇個別小朋友,
補習社已教, 到學校教時, 有些學生會覺得悶囉.
作者: hw1115 時間: 12-8-24 16:38
mielmiel 發表於 12-8-24 14:58
我同你情況一樣，由P2開始去補習社做功課，但9月升中我主動不用上功課班，囡囡非常開心，但我仍要她上英文 ...
我主動不用上功課班 >>>>>>>>>> that means you or your son ?
作者: hw1115 時間: 12-8-24 16:44
mielmiel 係我主動對囡囡話9月開始不用到補習社做功課。 發表於 1 分鐘前
OIC.
囡囡始終聽話一點吧 !
作者: mielmiel 時間: 12-8-24 17:26
回復 hw1115 的帖子
只是當時還未到反叛期可以迫下佢，佢超討厭返補習社，因為每天做完學校功課都有卷回家做，做到好夜先有得訓。但補習後名次升咗十名有多，所以唔敢唔補，辛苦都要頂硬上。而家升中我都好想知佢能力去到邊，不竟終有一天只有靠自己。都係個句，越遲放手，越難放手。
作者: hw1115 時間: 12-8-24 17:30
回復 mielmiel 的帖子
越遲放手，越難放手.
哩句我明呀 !
但做唔做到又係另一回事. 嘻嘻!
作者: stanleypyk 時間: 12-8-26 12:43
想知用上學期第一次測驗或第一次考試,看其成績能達致全班的中上成績才不需補習是否較為冒險呢?會不會到時追不上更難追呢?有沒有父母用過這方法及結果如何呢?
| 歡迎光臨 教育王國 (/) |
Powered by Discuz! X1.5 |