教育王國
標題: 中學全部留校午餐 [打印本頁]
作者: phoebepanpan 時間: 12-8-21 19:30 標題: 中學全部留校午餐
我仔中學全部留校午餐，但家長可在午餐時送飯入去陪食
作者: ZZdaphne 時間: 12-8-21 19:56
陪食................
...........唔使啦
作者: phoebepanpan 時間: 12-8-21 20:13 標題: 回覆：中學全部留校午餐
我聽個中四學生講咋，可入去陪食，我覺得好好笑，不過，初時陪下都唔錯，又可親身睇下學校情況
作者: 杰杰媽媽 時間: 12-8-21 20:24
我估D細打死都唔肯你陪
我仔返第2日bridging course ,陪佢返學校一路行見到識既同學已經掛住同人吹水走埋一齊(冇理我啦,不過入門口前都有同我BYEBYE既)
佢地食飯更係自己有自己傾啦,點會想你係到呀
作者: phoebepanpan 時間: 12-8-21 20:49 標題: 回覆：杰杰媽媽 的帖子
我想去都唔得啦，我一年得九日annual leave
要好好利用。
我仔六年級已自己坐bus 返放學，有時碰到同學，阿媽姓咩也不知，bye 都冇句
作者: Unclejt 時間: 12-8-21 20:55
幼稚園時已聽個媽咪講，話佢嗰日有事要坐順風校車，比個仔叫佢坐後面唔好阻住佢同其它同學傾謁。
作者: maylmm 時間: 12-8-21 21:17
小一就話比你陪遮, 中一唔怕比同學笑咩
作者: happy2356 時間: 12-8-21 21:45
唔係太好掛
作者: mayc 時間: 12-8-21 21:47
所以越來越多"港孩",原因就是這樣!
作者: k_lego 時間: 12-8-22 02:09 標題: 回覆：中學全部留校午餐
中學陪食
作者: phoebepanpan 時間: 12-8-22 08:23 標題: 回覆：中學全部留校午餐
大家會否睇D估D作D，以為我真係會日日去陪食
我當然知陪食冇可能啦，我也不想阿仔在同學面前冇「飛士」，我相信佢也不想我去（但偶然一次我估佢會好開心）佢碰到同學後當見唔到我，我唔係未試過。
因我問個同學中午可唔可以送飯，佢就話仲可以入去陪，我從未聽過，所以講比大家知遮，你地就當我寵港孩
作者: mayc 時間: 12-8-22 09:32
可能是我們誤會了你的意思!但你的題目是"中學全部留校午餐"就是中一至中六都留校午膳,學生既不能學習運用金錢,又不會理財,還不能學習社交,學校甚至容許"陪食",真是好一間培養"港孩"的中學!
大家真是要好好反省,以免好心做壞事!
作者: phoebepanpan 時間: 12-8-22 10:19
mayc 發表於 12-8-22 09:32 
可能是我們誤會了你的意思!但你的題目是"中學全部留校午餐"就是中一至中六都留校午膳,學生既不能學習運用金錢,又不會理財,還不能學習社交,學校甚至容許"陪食",真是好一間培養"港孩"的中學...
而家好多學校都全校消禁. 有良民証由老師帶才可出街食. 你唔知咩 ??
你個舉例/估計未免太誇張. "不能學習運用金錢,又不會理財,還不能學習社交"
我相信現今社會學童 冇咩人唔會在校外學活動囉. 
作者: 花花花 時間: 12-8-22 10:25
邊間中學？
作者: BallBallMaMa 時間: 12-8-22 10:30
mayc 發表於 12-8-22 09:32 
可能是我們誤會了你的意思!但你的題目是"中學全部留校午餐"就是中一至中六都留校午膳,學生既不能學習運用金 ...
全部學生留校午膳都唔等於「培養港孩」, 有些學校因地理位置關係, 方圓十里都沒有其他店鋪, 食肆, 所以全校學生都要在學校午膳, 一點也不出奇, 例如, 德望 (我不是德望家長), 位於山上, 午膳時間學生(以至老師, 其他Staff)根本沒可能出外, 我又不覺得是「培養港孩」wor
唔係出外午膳才能「學習運用金錢，理財，學習社交」的
作者: 701003 時間: 12-8-22 10:42 標題: 回覆：phoebepanpan 的帖子
我女間中學都係全部唔準出街lunch!
培養理財？可以係小食部買嘢
港孩係父母培育，唔係學校
作者: masterpiece 時間: 12-8-22 11:07
BallBallMaMa 發表於 12-8-22 10:30
全部學生留校午膳都唔等於「培養港孩」, 有些學校因地理位置關係, 方圓十里都沒有其他店鋪, 食肆, 所以全 ...
Good explanation, it depends on the school location not just restriction
作者: phoebepanpan 時間: 12-8-22 11:29 標題: 回覆：花花花 的帖子
將軍澳區十間有九間全校不準外出，
作者: ohnono 時間: 12-8-22 12:49
本帖最後由 ohnono 於 12-8-22 13:03 編輯
BallBallMaMa 發表於 12-8-22 10:30
全部學生留校午膳都唔等於「培養港孩」, 有些學校因地理位置關係, 方圓十里都沒有其他店鋪, 食肆, 所以全 ...
同意 x 2！
有些家長只懂得從一個很狹隘的角度去睇一件事就認定人家是這樣是那樣實在是要不得，那比孕育出港孩的港媽港爸還更可怕！
同學在中一的升學階段，去到一個陌生的環境，學校新、同學的面孔新、環境新，讓父母送飯來的時候可以進來一起坐在一起食飯，談談當天學校裡的事情，瞭解一下學校的情況，還可認識一下阿仔阿女的同學，看看他的同學是怎麼樣的。特別是一些band 2、3的學校，家長一路最擔心的就是校風，而家有一個好機會，在許可的情況下，我願意飛身去捧場。況且這種陪食的情況，不會維持好耐，放心，當你的小朋友找到知心好友的時候，或者你已熟識了他的同學的時候，看來連一丁點談話的空間都沒有的時候，那還有空間給你留下來陪食。
作者: NC914 時間: 12-8-22 18:59
我囝學校不設家長送飯，所有中一生只可食學校飯堂煮既4餸1湯，每圍8個人
作者: phoebepanpan 時間: 12-8-22 19:27 標題: 回覆：NC914 的帖子
係咪匯基？
作者: 彩媽 時間: 12-8-23 13:18
提示: 作者被禁止或刪除 內容自動屏蔽
作者: k_lego 時間: 12-8-23 15:30 標題: 引用：我女女學校全校學生都不能出外午飯,可拎飯
原帖由 彩媽 於 12-08-23 發表
我女女學校全校學生都不能出外午飯,可拎飯到學校, 但無陪食啦~!
不過女女都好想我間中陪佢返學~! ...
作者: curryson 時間: 12-8-23 16:18
小朋友剛到一個新地方,因性格內向,可能會因為陌生而無所適從,
如果家長知道自己的小朋友係比較內向的,去陪陪佢,給佢一些鼓勵,支持,
又未嘗不是好事.
適可而止就好.
作者: like_travel 時間: 12-8-23 16:43
本帖最後由 like_travel 於 12-8-23 16:46 編輯
陪食 : 另一個角度的分享
原本以為女會讀SPCC, 間中可叫佢行落中環同我lunch. 但佢竟然說....叫得你陪我就即係無朋友. 您都唔想有咁既一日la
作者: eling_yeung 時間: 12-8-23 16:54
我囡間學校S1就可以出外食飯, 但我情願她學校一律不准外出, 起碼可以慳番唔少呀
! 你估出去外面食飯會便宜嗎?唉.....!
作者: ha8mo 時間: 12-8-23 16:55
提示: 作者被禁止或刪除 內容自動屏蔽
作者: oscarmama 時間: 12-8-23 17:46
我仔間中學，中一都可以出街食，但我想最低限度中一上學期留校食飯，話晒啱啱先上中一，仲傻下儍下，仲會過份興奮，响街發生意外就吾好啦
作者: longlokma 時間: 12-8-23 18:06 標題: 回覆：oscarmama 的帖子
我仔也是全挍可外出午餐，但由於學校行去食肆來回成半小時，他已經說不想出去，𡨴願留校lunch
作者: monmonc 時間: 12-8-24 21:24 標題: 回覆：中學全部留校午餐
大家有冇唸過我哋仔女是升中一，不是升小一。升小一陪食正常不過，但撇除學校地理因素，一個12歲升中一的學生絕對有能力去適應新環境新事物，作為家長應該開始放手讓仔女去體驗人生。唔通升大學又怕他唔適應去陪食，而出嚟上班又怕他唔適應去陪食。想當年我的中學位於山頭，咪一樣自己搞掂。開初未適應咪留校訂飯，到埋堆後咪一齊出去食飯，根本不需要父母操心。現今的孩子太嬌生慣養啦！
作者: phoebepanpan 時間: 12-8-25 13:13 標題: 回覆：monmonc 的帖子
似乎你又係睇D唔睇D
作者: ohnono 時間: 12-8-25 17:51
本帖最後由 ohnono 於 12-8-25 19:31 編輯
phoebepanpan 發表於 12-8-25 13:13
似乎你又係睇D唔睇D
大風吹倒梧桐樹，自有旁人說短長。自己喜歡的就好做喇，陪食未必一定出港孩，況且大家都知道這裡是學校，小孩一大，你想陪食都沒可能。只有唔去教導兒女的才會出港孩，出港孩的父母唔陪食的比陪食更多。
到孩子長大的時候，佢地有自己的世界，只希望佢地有時間能回家跟我們陪食。若今日我地陪食可以做就將來佢地陪食，作為父母，寧願長作港媽港爸算了！
作者: phoebepanpan 時間: 12-8-25 19:36 標題: 回覆：ohnono 的帖子
都岩既，好像而家阿仔學活動，我地也帶出帶入，這幾天仲帶到ocean park 上活動，朝9晩4，同事都話等佢自己去，但我地總認為，如阿仔想我地帶我地一定會帶，總有一天你想帶佢都唔比你帶呀
佢今日活動中途也打比我，分享佢剛玩完浮潛的喜悅
作者: Jackieson 時間: 12-8-26 01:00
本帖最後由 Jackieson 於 12-8-26 01:19 編輯
回想過去由幼稚園到小學, 無論學呢樣學果樣, 行街睇戲食飯, 我地都陪住阿囝... 直到佢前排上F1的Bridging Course時, 我頭兩日去同佢到學校附近不同的餐廳食lunch, 等佢認知一下環境(因阿囝學校可以出街食lunch), 到第三日落堂後, 佢出來同我講 "我今日要同新相識的同學食lunch, 唔同你食la" 我都開心既佢咁快識到新同學, 自然識做la. 佢跟住就"標"咗出去, 頭都唔擰就同兩個同學走咗, 我只好望住佢既背影....
佢真係大個囝la, 好快有自己的世界, 唔再肯比我地陪, 或者陪我地...所以如果阿囝肯比我陪食, 我十萬個願意!! 大家仲記唔記得中學時讀過白居易的"燕詩"呀!?
"梁上有雙燕，翩翩雄與雌，泥銜兩椽間，一巢生四兒，四兒日夜長，索食聲孜孜，青蟲不易捕，黃口無飽期，嘴爪雖欲弊，心力不知疲，須臾十來往，猶恐巢中飢，辛勤三十日，母瘦雛漸肥，喃喃教言語，一一刷毛衣，一旦羽翼成，引上庭樹枝，舉翅不回顧，隨風四散飛，......"
雖然離題, 但係好應景, 中晒, 後面幾句梗係唔想發生啦!
作者: phoebepanpan 時間: 12-8-26 10:03 標題: 回覆：Jackieson 的帖子
我也有此感受，阿仔學活動原來陪佢坐車仲拖晒手，但一撞見同學就叫我返家，佢同同學去，上車頭也不回，事後我話日後跟同學唔緊要，走時做個
手勢我也冇咁hurt
作者: 彩媽 時間: 12-8-26 10:23
提示: 作者被禁止或刪除 內容自動屏蔽
作者: ANChan59 時間: 12-8-26 14:07
阿仔學校只是G7要留校午膳，其他年級自由決定。
阿媽陪食，唔好玩啦!
作者: Yanamami 時間: 12-8-26 14:37
本帖最後由 Yanamami 於 12-8-26 14:38 編輯
我諗家下唔係想點先可以陪仔女食, 而係要掉轉多d陪自己父母食....
作者: kingigi 時間: 12-8-26 15:15 標題: 回覆：中學全部留校午餐
我讀中學時，可能因為係女校，中一至三留校午膳，但中四就可以揀出街食，我感覺學校相信我地有能力處理問題。這都是中學生活體驗之一，上幾多堂讀幾多書都無得學！
另外，其實小朋友升左上中學，亦都係青春期，佢地會較重視同儕關係，我中學時都係唔多理父母，但大左就唔會，唔駛番工都會陪佢地飲茶食飯，我覺得這是成長過程，學校政策當然係保護免學生遇到
作者: kingigi 時間: 12-8-26 15:16 標題: 回覆：中學全部留校午餐
免學生遇到危險啫！
| 歡迎光臨 教育王國 (/) |
Powered by Discuz! X1.5 |